東楓嘗

营业中

休息中

今日第一次食呢間店 餐品幾驚艷下第一：真材實料第二：新鮮即整第三：服務態度超級好就呢三樣 我已經覺得滿足黃金魚皮（$68）量大管飽•新鮮到不得了 真材實料 每一塊魚皮都有好多鹹蛋黃包裹住曬 而且食到鹹蛋黃芯 比我想像中大份 一食就知道真系十分之真材實料 真系好Jeng炸蝦餅（$98）自家製•呢個真系貴 但貴有貴Ge道理 蝦餅爽口又有粒粒蝦仁 店員哥哥話係自家製 新鮮打 食完之後係完全相信 唔係宣傳詞酥炸台山蠔（$128）超滿足•6粒大大隻 蒜蓉都炸到好香 個外皮酥脆到。但入面D蠔又唔會好乾 反而好多汁 肥美又大隻 咖哩薯仔牛柳粒（$108）最抵食•我同我老媽子一齊食 真系好食到讚不絕口 當時都飽飽地 我地食唔曬 要打包 廚師哥哥過左黎話：個咖哩好滯呢？（準確的 無可否認的 ）之後廚師哥哥同我地講 咖哩係用椰子水整 *真系食得出咖哩甜辣味道十分濃郁 好食到撈飯 牛柳粒鮮嫩 已經用唔到詞語黎形容有幾好食 都係要自己試過先知道唔係講笑 真系好好食 火鍋未試 但就目前黎講 我覺得超級無敵好食 絕對會再食多好多次 太鍾意了 廚師哥哥同樓面哥哥都好好人又熱情 店內都乾淨衛生 好值得 好好食

尋日打風，但又約咗朋友食飯，去到新蒲崗睇吓有咩食肆開啦，就見到一間新開冇幾耐嘅「東楓嘗」，佢哋面口佈置比較暗，但好在有入去食，真係十分好味，值回票價👍🏻👍🏻入到去，店員好有禮貌問我哋想食乜，我哋揀咗打邊爐，叫咗個佛跳牆湯底，個窩嚟到，見到用料十分豐富，有鮑魚、花膠、螺片、竹笙、雞件⋯等，個湯先至係精粹，拎出嚟嘅時間已經聞到有陣陣嘅香味，加熱左舀嚟飲，一飲就知係淆咗好耐嘅湯底，非常鮮甜，香味濃郁，我同朋友都飲咗好多碗，最貼心嘅係，店員見我哋就嚟將啲湯飲晒，加返俾我哋嘅竟然係同一樣嘅湯底，平時啲餐廳通常只係加水😅，真係好貼心🥰。我哋叫咗碟騸牯牛、手打蝦丸、手打墨魚丸⋯，牛肉非常新鮮，肉質嫩滑，本人就最鍾意手打蝦丸，入口彈牙，仲食到粒粒嘅蝦肉，鮮甜可口，手打墨魚丸，亦十分出色，值得推介。見佢餐牌仲有炒小菜同餐前小食，下次一定會再嚟試吓😋😋😋

今日叫左個刺身，D三文魚好厚切，超大塊，入口即溶，而且好新鮮，全部海鮮都係冰住上嘅。咸蛋黃金蝦好足味，大大隻，損蝦損到停唔到口，鹹香味慢慢喺舌頭到散發出嚟，味道一流。馬拉盞通菜大大碟，好有鑊氣，食落好爽口。炸山蠔大大隻，外脆內軟，脆皮同蠔中間有一層小小嘅油，食落好滑，值得試吓。樓面服務態度一流，超貼心。係到過生日，免費放蛋糕，0切餅費，樓面哥哥超好人，仲會同我講生日快樂！一定要試試大大支啤酒，每人一罐大快人心。^

這間火鍋店正！一入到去就感受到熱鬧的氛圍，地方裝修得幾舒服，適合同朋友或者家人聚餐。菜單選擇超多，無論係新鮮肉類定係海鮮，應有盡有。我特別推介佢哋的牛肉，切得啱啱好，食落去又嫩又滑，真係好好味！湯底方面，麻辣鍋嘅香辣味道令人忍唔住想再添，而清湯又清淡，啱啱好搭配各種食材。另外，佢哋的配菜都好講究，特別係手工丸子同埋新鮮蔬菜，食落去真係更加好味。服務員都好熱情，隨時都可以提供建議，令你感受到賓至如歸。總之，這間火鍋店唔單止食材新鮮好味，服務都一流，真係值得一試！

椰子雞煲好好食😋有成個椰子即開即倒🥥最緊要係食到椰仔肉好甜😍手切牛肉好食好正有牛味！仲可以一次滿足打邊爐又可以食到小炒，好多可以選擇，性價平都好高👍🏻下次會再去！

最近去咗間新開嘅後生仔打邊爐+小菜，真係好驚喜！（個哥哥都幾靚仔😍）門口雖然細小，望落唔起眼但入邊望落係明亮既裝潢同舒適既氛圍。**手拍青瓜**：口感清脆，清爽又入味，蒜香味濃得嚟又唔辣，開胃小食一流。**特級手切牛肉（吊龍）**：每一片都嫩滑多汁，讓人一試成主顧，食過就唔想停**串燒**：沙嗲味既串燒，搭配啤酒直頭完美！特別嘅係佢哋嘅招牌菜「滾鵝」，哥哥非常老實講其實係鴨，但味道一樣出色，醬汁濃郁，肉質鮮又唔會紫，令人回味無窮！我地今次揀左椰子雞湯底，湯底以椰青為主，椰香濃郁，搭配嫩滑的雞肉，令成個湯頭充滿了自然的甜味。每一啖都帶有椰子的清新，讓人感覺像置身熱帶海島。（我地飲曬啲湯🙈）