東方小祇園菜館

营业中

休息中

今日同朋友去大澳一日遊，中午搵咗間可以食齋又可以食肉嘅飯店試吓。整體食物普普通通，冇咩驚喜，但係有兩樣嘢值得一讚：**荔芋酥卷**同**鹽焗雞**！荔芋酥卷外皮脆，入面芋蓉香滑，唔會太甜，好食！鹽焗雞半隻份量OK，雞肉幾嫩，鹹香入味，係全餐最出色嘅菜式。 其他菜式就正常發揮，腐皮卷同豉油王炒麵，都係預期之內嘅味道，冇咩特別。蒜蓉白菜仔夠新鮮，但炒得略嫌油咗少少。粟米豆腐羹就普通，粟米味唔算濃，豆腐都算滑，但整體偏淡。 如果經過大嶼山，想搵間可以同時滿足食齋同食肉嘅朋友，呢間都可以一試，但唔使特登去。環境就一般茶記格局，服務正常，價錢合理。總括來講，合格有餘，但未到令人想回頭嘅程度。

假日即興入大澳，魚蛋大章魚雞蛋仔豆腐花已經試過，想找找其他菜式試下，就往碼頭另一頭走，試試東方小祇園。是一個名居融合的餐廳，還有幾隻狗會走來走去，假日人潮絡繹不絕，如果人多建議留位，而且上菜速度較慢，要預留時間。點了一個椒鹽豆腐，外酥內軟，但非常非常的鹹，感覺鹽巴未散。第二個是生炒排骨，很有鍋氣，蠻好吃的，甜酸甜酸。而所有東西都吃完，再等了10分鐘，才上了豉油炒麵，也是一樣鍋氣十足，很香好吃。如果剛好到大澳，人多可以考慮預定鹽焗雞，或是很多人來食齋。

This unknown restaurant is favoured by locals and hikers but the food is definitely worth sharing. 80% of the menu is vegetarian dishes using tofu or gluten but 10% is of chicken, pork, and beef whilst the remaining 10% is the seafood which requires preordering in advance. Started with their 粟米魚肚羹, this stew is chockfull of bouncy fish stomach and corn with bits of pork and strands of egg. A large pot was enough for 10 bowls. Their 荔茸酥卷 (taro in tofu skin roll) is so addictive. The taro is cream

今日一行7人去大澳行咗一陣,見人多果便啲餐館唔係幾啱食,忽然醒起另外一邊有兩間"素菜館"一間是海韻,另一間是我地今次食的東方小祗園,祗(讀奇音)齋睇個名,以為是食素,原來都有肉食,而且鹽焗雞好出名,今次叫了6人餐,再加半隻鹽焗雞夠哂食。呢個併盆好食呢個香酥芋卷都唔錯,唔會食竽頭魚咁漏。呢個生炒骨都好食,起碼新鮮炸起,再埋酸甜獻,排骨本身還是脆身,推薦。呢半隻鹽焗雞,雖然出名,但我反而覺得呢碟係全餐最差的。,

🔸️東方小祇園菜館 🌍中菜 📍大澳南涌9號地舖呢間齋舖唔只食齋，仲有葷菜添岩曬我要食肉既人。三個女士，點左以下菜式：🗨️ 粟米魚肚羹 $100睇相都知非常足料，絕無渣流攤，分到大約11 小碗，超值啦！🗨️ 鹽焗雞半隻 $180朋友訂位同時預訂雞，我地三個人，半隻就夠。個人覺得有啲咸，反而佢個汁（應該係沙薑汁）我十分喜愛！🗨️ 酥炸雙併（荔茸酥卷+煎腐皮卷）$112見到人人都點荔茸，梗係唔好執輸，想講真係香脆到頂點，中間夾住芋頭蓉，一啲都唔油膩，必叫！個煎腐皮卷就一般，原本以為都係非常脆，不過反而係淋淋地，應該試菠蘿卷。🗨️ 紅燒豆腐 $85豆腐滑，分量多，配搭啲菜，補充纖維本身我地仲想叫蝦醬炒飯，芋頭魚，好在點菜哥哥提醒我地會有啲多，呢4樣野食岩岩好。下次要試下芋頭魚先，朋友之前試過話好食！

雜錦拼盤其實就是齋滷味拼盤，味道好好，可選細或大，因為實在太好味，很後悔只點了一個細的，加多一碟又怕吃不完有點浪費，最後決定下次再光顧。荔茸芋卷是當日所點的餸菜之中好味程度排行第二，炸得夠香夠鬆夠脆，芋頭和腐皮配合得天衣無縫，難怪差不多為每枱必點之選。朋友說來到大澳，何不試一試地道特產呢？所以我們點了粟米魚肚羹和蝦醬炒通菜。粟米魚肚羹的魚肚果然是不同凡響，質地彃牙且有少少啜口，口感不錯。蝦醬炒通菜用的蝦醬其鹹香味道很出眾，果然是當地土產。椒鹽豆腐的豆香味濃，跟外間吃到的很不同，據說是自家出品。最後還點了腰果露作甜品，又香又滑，不過數量有限，最好訂位時順道預訂。

以我所知《東方小祇園》係一間食齋嘅菜館，原來大澳呢間唔只食齋咁簡單，仲有走地雞食👏👏👏首先點咗半隻薑蔥雞，好有雞味，肉質嫩滑，必選菜式。素齋雜錦拼盤+荔茸酥卷+北菇豆腐+羅漢齋炒麵為3人套餐👨🧒👱‍♀️份量十足之外，每碟都熱辣辣上枱，原來鄉郊地方，真係可以品嚐到隱世嘅美味。

終於試晒兩間大澳名店，可以同大家報告一下，因為唔想喺人哋個page寫另一間的餸，所以要睇晒兩間比較嘅朋友就麻煩去晒兩個openrice page睇。呢間要行入少少，古色古香嘅感覺，必食推介包括：1）鹽焗雞：雞味香濃，值得老遠黎試。2）齋拼盤：酸齋、咖哩齋都好食，最出色係個腐皮卷，入面嘅菜絲蘿蔔絲木耳絲好爽好新鮮，8個人只點了個細size有啲到喉唔到肺，下次要叫個大的。3）芋蓉炸卷：都幾好食，略嫌芋蓉唔夠多。4）粟米魚肚羹：去到大澳梗係要食吓有當地出名食材嘅餸啦，呢個魚肚羹真係不得了，魚肚香不在話下，粒粒都好有彈性嗰吓勁，重點係一d都唔貴。5）蝦醬通菜：大澳蝦醬夠正宗，基本上個廚師唔偷工減料就實好食啦。注意事項：1）星期六例休2）夜晚收7:30，好似係6:30 last order。3）唔訂位基本上無得食。

小編相信大家如果去大澳多數可能喺大澳入邊嘅市中心食海鮮啦其實都有幾間係專門食海鮮嘢既餐廳中餐館，而我相信都有唔少人識得搵好嘢食，但係呢好可惜呢個就唔包括我自己喇小編我其實就唔係好識得搵好嘢食嘅，好多時候都係上網睇or朋友推介多，咁好彩比識到一個好朋友既同事，原來呢位同事嘅爹哋媽咪嘅親戚就係喺大澳入邊開餐館嘅，如果唔係因為呢個同事或者係我啲朋友識🉐️去食我應該冇為意有呢間嘢，因為佢為咗幾偏僻，就係喺大澳車站嘅向左手邊向住嗰個水壩方向行過去嘅（左手邊）咁變咗其實佢同本身我哋落車去大澳然後我哋通常轉右入市中心去行嘅位置係完全相反，同埋如果第一次去可能真係唔會為意左手邊嗰邊原來係有兩間嘅素菜館嘅。講到素菜館呢兩個字呢我開頭聽我朋友講呢我都卻步既雖然小編我係唔食豬牛雞嘅，咁但係呢我係食海鮮，而我不嬲都唔鍾意喺出面街食齋or素菜辣，因為覺得出面煮得好油膩又多化學嘢咁，特別係d大x然素食，真係怕怕😱咁當朋友同我講起話我地入大澳可以食東方小祇園我就即刻諗起灣仔嗰間東方小x園，咁我就問係咪食齋，如果係既我就唔去啦但係我朋友話非常之好食，同埋可以唔使食齋喎，佢話嗰度本身間餐館係有雞食嘅，咁另外我哋都可以買海

呢間位於大澳南涌9號地舖，店名東方小祇園菜館，每年都會在清明節前一天回來大嶼山掃墓，每次在深屈掃墓完都會去觀音寺，之後就落大澳食飯加shopping，今次我地去大澳就來呢間菜館食午餐，真係好多年沒有到呢間店舖，早一天訂位已經爆滿訂唔到，幸好我地兵分兩路，有部份人去觀音寺，有部份人先行去大澳菜館取位午餐，所以我地可以順利有位，今次我地叫左鹽焗雞、羅漢齋、生炒排骨、椒鹽炸豆腐、煎腐竹。每個餸都好好味😋。下次再返大澳要再去呢間菜館食飯，碟豆腐做得外脆內滑👍🏻。

每次到大澳必食東方小祇園，甚至會為左食呢間小店而專登入大澳。咁多年之後再次黎到，味道依然咁好，依然咁多人幫襯。今次平日入黎，打電話留枱已經得返室外，生意真係好好！叫左一個素菜三人套餐加招牌生炒骨拼盤👍👍👍呢間舖既豆品質素好好，新鮮、不油膩，酸齋甜酸度出色荔芋卷👍👍👍芋頭味突出，仲食到芋頭粒北菇豆腐👍👍👍豆腐超級嫩滑，豆香十足羅漢齋炒麵👍👍香脆，唔會過鹹生炒骨👍👍 甜酸汁開胃，用新鮮菠蘿每次黎小祇園都絕對唔會失望！

上次係黎食時，係由媽媽的朋友們帶我地黎，果時食過佢個兜腰果露，印象深刻到不得了無book 情況下膽粗粗走黎睇下有無得walk in 食。疫情下二人一枱，我地三人要分兩張枱。好好彩安排左我地坐相連的枱（好彩早到一步，之後既人魚貫入場，但無枱了，都安排唔到）一坐低就急不及待問腰果露店員回應話：好大兜喎，你地三個人，每人要食兩碗，除非唔食其他野啦就因為咁，我地唯有放棄念念不忘的腰果露...打開餐牌，見到樣樣都想食，揭到最後，有套餐選擇，仲要三個三人餐$350 （免茶）fit 哂啦：呢個荔芋酥卷咬左一啖已經覺得好出色喇，又熱又酥脆咕嚕肉就正常味道，都係唔會輸果種紅燒豆腐好明顯一食熱到知道係剛剛炒出黎，好好食蝦醬炒飯一放到枱上，立即聞到果陣咸香味，同埋好大的一碟三隻餓貓，三扒兩撥😺😺😺三個女仔清哂，但食到超飽免茶的意思，真係不需收加一，直接$350埋單走人記得預早留座呢間位置同隔離間韻x 好易混淆有麝自然香的感覺，無廣告牌喺巴士站寫，但客人會自己過去食下次叫多啲人一齊黎食腰果露性價比高的一間（聽屋企人講，上次佢地四個人喺沙翁果條大街食，$4xx，叫三碟野，又細碟仲要唔好食，態度又唔好）

去大澳必試嘅菜館！想要有位坐，就最好去之前打電話去book位！因為之前試過去過好幾次都冇位！今次去開又係必點荔蓉酥卷同埋菠蘿脆卷，呢兩款都真係好好味㗎！今次重打電話時預先訂咗鹽焗雞先有得食，去到都聽到有人想叫鹽焗雞都已經話賣晒啦！我諗好多人都應該會試過呢個荔茸酥卷但係呢個菠蘿脆卷好多人都會忽略咗！其實呢個菠蘿脆卷都好好味！好脆！同埋呢一款好似係出邊都未試過，好特別！值得一試！所以次次嚟到呢間小祈園都一定會叫菠蘿脆卷同埋荔茸酥卷！環境雖然有啲舊但坐得都算乾淨企理

母親節，母親大晒，所以今日食乜嘢嘢母親決定。母親大人話大澳有一間齋菜館可以自帶海鮮去加工。我心諗唔係啊嘛？一間齋鋪煮海鮮？作為一個未能食素嘅佛子，去齋鋪仲要食海鮮呢件事已經令我相當嘅過唔去。不過既然比母親決定咁就照去啦。呢度個羅漢齋唔太油膩，而且好大碟，而羅漢齋用了相對比較多很難自己係屋企整。充滿罪咎感嘅部份係我哋嘅自帶海鮮，做咗蒜蓉粉絲蒸貴妃蚌，火候做得剛剛好。令一款我哋叫嘅齋菜就係菠蘿卷，佢將菠蘿同素菜包喺腐皮入邊再拎去炸，香口得來喺炎炎夏日，夾雜着酸酸甜甜嘅味道其實好開胃。椒鹽賴尿蝦亦都做得好好，比得上外面嘅海鮮餐廳。我睇咗佢哋嘅Menu，客人除咗可以自帶海鮮，佢哋供應齋菜之外亦有少量肉食，其實好適合一般香港人。但係食素嘅朋友佢來一度食嘢之前就真係要認真考慮清楚。呢度位於大澳漁村嘅不遠處，步行大約15分鐘，環境相當優美。雖然佢嘅各樣菜式真係好食，但係去完之後內心竟然有一啲唔舒服，到底點解？

二人聚餐，點左椒鹽魷魚同雜菜煲。魷魚炸粉唔會太多，口感適中。雜菜煲好似間間都有，但佢最特別係加咗素魚腐。如果想食雜嘅朋友，建議可以叫西檸豬扒，口感一流，食雞扒食得多，不妨試試！