影片
港铁太子站 C1 出口, 步行约4分钟
继续阅读
开饭介绍
餐厅主打各式粤式点心，即叫即蒸，更提供不同粤式粥品及蒸饭。
继续阅读
附加资料
网上订座只适用于火锅放题
营业时间
星期一至日
07:00 - 23:00
公众假期
07:00 - 23:00
公众假期前夕
07:00 - 23:00
以上资料只供参考，请与餐厅确认详情
本身同班朋友一早Plan左食点心放题, 跟住朋友R推荐试下东哥. 我虽然未曾去过, 但都会上Openrice睇睇评分先再决定.咁见到唔少网友对爆炸头阿姐有意见, 我原本都扎定只手准备一唔对板就拍枱. 咁但系去到之后我又发现唔系咁差.入到去阿姐态度唔系话卖牙膏果种笑容咁招呼我地, 但系都系正常既安排坐位. 咁佢地都好客气咁问我地要乜汤底, 划点心.上菜速度都几快. 无漏单. 点心我地食左烧卖, 牛肉球, 凤爪, 排骨, 鲜虾菜苗饺, 灌汤饺 (呢个真系值回票价, 彷翅都有成5-6条), 一个醉鸡锅同埋鸡煲.朋友RY JR仲食埋炸馒头(叫左两镬)同擂沙球. D点心睇个卖相都好有诚意. 而且味道几好.火锅配料就一般般, 叫左蚝, 鸡子, 鹅肠, 丸, 肠, 牛. 唯一觉得特别系佢个鹅肠, 渌完之后系甜既. 平时我响出面食系无味既.我初头有懐疑过D点心水准会唔会好一般, 但食落去D肉仲系弹牙既 (烧卖 & 牛肉球). 朋友R都讲解左呢间野都顶得住几年疫情. 而且除左我地呢班食放题既人, 亦有唔少食客系食佢地个笼仔蒸饭套餐. 价钱不过不失. 不过太子区附近D茶记食过晚餐都系70蚊左右. 咁我又觉得佢地食俾70+呢个价钱黎东哥食笼仔蒸饭唔会系因为价钱平啰. 总结黎讲今次既消费系值既, 二百几食佢几笼灌汤饺再队佢几罐啤酒抵啦. 会再返挞
继续阅读
日前经过见到门口个 banner，闲日8:30入座，埋单$185，好抵食㖞，约埋个朋友去试试佢先。先叫几笼点心，出到嚟热辣辣，应该都系即叫即蒸，正常茶楼点心咁，都算唔错。我哋先食鸡煲，再打边炉。啲鸡大大件又厚肉，弹口冇雪味。两个人狂风扫落叶转眼间已经食咗大半，有啲饱饱地添，即刻剔火锅料。选择都唔算少，牛有五种部位，其他大致上都齐，并唔系啲人讲到咁少。食物质素唔错，样样都好新鲜。可惜真系食鸡煲食得太饱，试唔晒啲火锅料。但已试嘅之中有几样值得一提，脆鲩片居然系厚切，口感一流。和牛粒都好食，有咬口而且肉味浓。点心方面就以「流沙擂沙球」最出色，外面洒上芝麻，骤眼睇似煎堆仔，食落完全系两回事。其实佢系类似炸汤丸，入口松化，唔似煎堆硬掘掘，而且唔黐牙。馅料系芝麻捞咸蛋黄营造流沙效果，非常之甘香，真系未食过咁好食嘅甜点。食到饱晒，仲剩番最后一件红枣糕。我哋从来唔嘥嘢，我朋友正想食埋佢之际，有个乡音阿姐走嚟执枱，将个煲同所有碗碟筷子执走晒，问都唔问，搞到我朋友要用牙签笃嚟食。都算，佢仲闹我哋阻住佢，又话我哋挂住倾偈。望吓个表，10:53，都未够11点，未够钟打咭啫。点解呢度啲伙记可以恶到咁，食饭倾偈都要问过你？而且隔篱枱有两个客仲渌紧嘢，成枱碗碟都系咁，又唔见佢去闹𠮶枱客？佢哋熟客就额外开恩，我哋生客就好恰啲？个事头婆模样嘅女人又唔介入，由个伙记系咁闹客都得，嘢食几好都冇用，我哋发誓唔会再帮衬。
继续阅读
$188/一位 =》最后每位$2161. 鸡煲正常2. 如果你唔系食鸡煲，而系叫左火锅汤底，congratulations! 成餐饭唔x驶食！火锅🍲料系劲难食！3. 谂住食点心放题？连虾饺都无埋，阿姐话餐排成日转！选择愈黎愈少！仲要有得嗌嘅都系唔好食～4. OpenRice book 位又唔confirm 出席，想用OpenRice pay 又唔得👎，甘咪x俾人用OpenRice book 位啦！5. 爆炸头阿姐态度有改善，唔系其他post形容到甘衰，可能改善左，但都真系唔系好态度！总结：呢间嘢无论点心、火锅，都好难食！我今晚亲身试伏，真心垃圾～相信呢一间嘢好快执～唔好信广告！我讲到甘你哋都要去，甘你真系好大爱！唔驶多谢！我只系唔想有其他人好似我甘，食完一肚气！
继续阅读
一入去亚姐问我饮乜茶，我话食下午茶，佢话都要收6蚊茶钱，当时心谂其实下午茶应该可以俾人选择唔要茶。叫了个下午茶孖宝烧汁酿茄子和细笼𫠒鱼肉饼饭。首先普利茶意想不到的唔错，浓淡适中，最估唔到下午茶是即叫即整，烧汁茄子应是即炸，十分热，那么厚的茄炸得刚刚好，够熟又不太油，味道很不错。细笼𫠒鱼肉饼饭也不细笼，肉饼又大又厚，有肉饼的肉味和质感。这样也只收$45，即时觉得要收茶钱也应该。迟啲要揾次试下晚饭或打边炉。
继续阅读
今晚去咗太子打边炉。这间火锅店员工服务很好、食物质量又高，而且价钱合理。呢度不但有多款火锅配料，而且点心也是任点的。饮品有汽水、啤酒等。环境干净卫生。下次有机会会再嚟😄
继续阅读