影片
陪男朋友 🙎🏻♂️ 晨早入去大西北探亲威，🙎🏻♂️ 借家人嘅车，练返久疏战阵嘅揸车技术。练完车同一大班亲威喺古洞熟食中心揾间茶记，坐下来食啲嘢先～ 由于疫情关系只可二人同枱，我地包起咗大半间餐厅 😂 其他古洞嘅街坊食客好好人，主动搬去另一张细枱等我地可以聚埋一齐坐。伙记姐姐亦好友善，见我拣到心大心细，亲切推介餐厅嘅食物～喺我细阅餐牌之际，「唔洗睇餐牌㗎，钟意叫咩就叫咩啦！」呢个时候舅父对我讲。呢啲就系街坊老派茶餐厅嘅好处，带有满满嘅人情味 😌 基本上佢有材料嘅，想点煮点mix and match好flexible，唔似得而家大商场嘅茶记，煎蛋想转个炒蛋都随时呢样唔得，果样唔得！😕 说时迟那时快，我地已经拣好野食～========================= 奶酱多 $27咬第一啖，咦块多士散开嘅 😮 原来我一手攞起咗两块超薄多士！「薄多士」系餐厅招牌，看似普通，其实已喺中间片开，涂上炼奶、花生酱。刀工利落准确，每边多士只有2-3mm 厚，比5蚊银仲要薄。内层面包仲有少少松软，外层香脆，略嫌烘得唔够火候。个人比较钟意食厚多士，有厚度会更突显外脆内软 🤨鸡翼薯条 $39鸡翼有三只，过咗火㶶咗啲，好彩肉质冇干哂。薯条系急冻𠮶种，新鲜炸，热辣辣，估唔到炸得岩岩好，唔会过火又不失香脆，点住茄汁食多两条都冇咁觉热气 😆🙎🏻♂️ 嘅亲戚住喺古洞嘅旧式牌照屋，就著呢区已规划嘅发展，政府随时可以收地，将原有嘅牌照屋清拆重建为新型大厦。眼见街坊之间嘅相处，食客碰面时嘘寒问暖，邻居彼此亦会常开大门，安心请邻居大哥哥为子女温习功课，甚至到街坊家借蔬菜，彷佛见到父母口中，昔日六、七十年代香港嘅邻里情谊。希望古洞熟食中心，抑或旧区嘅老派茶记，都唔会因为社会发展伴随嘅清拆计划，而被时代淘汰，可以保留到每个小区独有嘅色彩，而非去到任何一区都一式一样。=========================东华记粉面📍 上水古洞道古洞街市1楼S1及S5舖
继续阅读
虽然呢度出名蒸鱼饭，但今日试食西多，即叫即整。味道不错 ，个皮煎得几脆，入面的花生酱份量刚刚好，唔会太多搞到遮住蜜糖同蛋味。连大樽装可乐要$26。仲有奶油多都好好食！佢系将平时既一片方饱中间打横切开，然系在里面加入奶油。咁样就唔使烘到㶶哂先有脆既感觉，食落口感不错!
继续阅读
我叫的, 是猪润煎蛋公仔面, 早晨套餐, 包奶茶, 再多一片多士. $22一个早餐, 咁既配搭, 觉得非常之丰富.奶茶同多士, 只是配角中的配角. 不过都做得不错. 是值得一赞的说. 加上, 猪润做早餐面, 而且是配上即食面, 真的是比较少吃. 而正因是用了猪润, 汤底也把灼猪润的汤汁一并倒埋一齐. 连汤底都有猪润的香. 味道不错. 而且面是福字面底, 令味道更加之香, 更加之有味道.
继续阅读
第一次帮衬都好好，份量超多！但依家每况愈下，配料多过主角，例如葱段、芽菜、洋葱.....今次最令人火爆，就系送外卖时间，由落单到送到公司，需时要90分钟，无错系90分钟，超离谱！(正常路程只需15分钟)由于落左单已经有成个钟，所以打去问下送到去边，接电话亚姐，竟然玩Cut线唔会有下次~
继续阅读
继续去古洞试菜. 今次既target, 是一间叫做安和冰室的茶餐厅. 泊好车上到楼上, 就直指这一间小小的街市冰室坐下. 坐底, 只见到一个女工在厨房洗菜, 旁边有食客一个....服务的人呢? 之后, 奇奇怪怪的, 有一个阿姐从东华记走过来为我写单. 叫了一个猪润面早餐后, 再拿隔离台的菜牌看看, 有少少恍然大悟了, 原来安和只是一家已结业的小店, 其门牌什么都没拆, 该店就直接被东华记用了. 结账时, 我也要行过去东华记找数, 姐仔正式的对我说, 安和就是东华记.是日我叫的, 是猪润煎蛋公仔面, 早晨套餐, 包奶茶, 再多一片多士. $22一个早餐, 咁既配搭, 觉得非常之丰富.猪润做早餐面, 而且是配上公仔面, 真的是比较少吃. 而正因是用了猪润, 汤底也把灼猪润的汤汁一并倒埋一齐. 连汤底都有猪润的香. 味道不错. 而且面是福面底, 令味道更加之香, 更加之有味道.奶茶同多士, 只是配角中的配角. 不过都做得不错. 是值得一赞的说. 古洞街市既报导应该系咁多, 下一集...回到货柜场, 一间系古洞路...我一直漏眼的饭堂仔...
继续阅读