影片
港铁朗屏站 F 出口, 步行约6分钟
继续阅读
开饭介绍
东北梅花鹿肉专门店--专卖梅花鹿肉菜式。此鹿源于大陆东三省长白山。
继续阅读
营业时间
星期一
全日休息
星期二至日
11:00 - 21:00
以上资料只供参考，请与餐厅确认详情
听人讲，元朗有间卖梅花鹿肉的店舖，都系40几50蚊个餐，一听，系咪假野黎丫。岩岩果日系元朗要食 LUNCH ，仲系旧食街(炮仗坊) 附近。一坐低，同个老世吹吹先，睇下菜牌。成只鹿每个部位都有唔同菜式，因为新开，好多菜式仲研究紧。老世推介新菜，鹿展煲餐。但我试左葱爆鹿肉 ($45) ，少辣，不好过野味，好香口。点左个，鹿丸汤($25) 。鹿丸唔系人手做，不过佢加入左黑胡椒粉同杞子一齐整。仲食到一粒粒杞子添。同鹿尾靶汤 ($50) 12月份会加价至 ($60)。食落唔似牛，亦唔似猪。软熟入口算几滑，无乜噪味。真系鹿肉黎㖞。因为系外国食过。老世话食鹿肉 2 日内不可以饮茶，否则浪费功力，所以，灵芝茶任饮。灵芝茶，好香灵芝味，仲好浓，老世推介左我买包返去煲。每包入面好多材料。佢话佢地D灵芝茶煲左成日㖞。真系好顺口，正丫。味浓过凉茶舖果D。我推介过鹿尾靶汤，好浓好好味，饮完成身暖晒。讲番同老世吹水，问佢点解唔系旺角开，佢话系元朗静街平租试业，仲话卖得多都无货，大陆政府一年有限制千五头出口，买晒就等下年。所以，唔可以大量供应，佢仲话研究汤包，返去叮番热就饮得，好希望快D推出市场。至于鹿肉来源系长白山下，有自家场养的，无鹿角生产能力就会㓥黎比国内领导人食同出口。
继续阅读