影片
系跑步经过才留意倒有此粉面店.今日又想食牛腩, 所以来一试~牛腩系得既, 带有少少爽脆. 也入味.加少少辣油, 正.辣油唔算特别辣.面也OK, 完全冇碱味. 都算爽口, 几大注, 食到底仍keep 倒爽, 很不错.油菜滚到太淋, 下次同师傅讲声先.地方清洁又光猛, OK 噃.20蚊碗, 今时今日的铜锣湾, 也不错了!
继续阅读
由上年年尾发现了一间粉面店都吾错,食完一之返公司同老板分享时,才发现自己不是第一个同事去品尝的,我本身喜欢食牛筋,故当然第一时间去试啦,食完后觉得真吾错,很软身,虽然份量不大碗,但我都很满足,比起好多食巿算是有水准,接下来差不多我每次经过中央图书馆一定会到这间粉輀餐厅吃牛筋河的.
继续阅读
上两个星期六, 师傅需要喺呢区上堂, 而且由下午至到夜晚, 时间十分紧逼, 于是趁著有下左堂后有少少时间, 就揾个地方医下肚! 为免频扑, 师傅就近近地拣呢间食店作为当天嘅晚餐!入到去坐底后睇左一阵, 都唔知食咩好, 皆因见到有粉面食之余亦有饭可以拣, 搅到师傅个心七上八落, 唔知点好咁, 最后无意间比师傅见到佢个餐牌上大大只字写住牛杂专家, 为免拗颈, 于是就稳稳阵阵柯打一碗牛杂米, 冇理由拣牛杂饭架嘛, 再加多一碟油菜作为当天的晚餐! 等左一阵牛杂米未到, 油菜毫抢闸登场, 油菜师傅拣左菜心配上腩汁, 腩汁份量都算几多, 大胆D讲有半碗, 十足十油菜汤上咁; 菜心灼得够腍, 而且非常嫩绿, 少少渣都食唔到, 油菜水准算得上合格有余, 更令师傅期待牛杂米! 边吃油菜边等杂米, 终于唔使好耐就有得食, 牛杂米份量好似略少咁, 于是师傅忍唔住数下佢先, 牛膀得一件, 牛肺又系一件, 至于牛肚有四件同埋牛肠有三少件, 感觉上好似略少! 师傅都唔理得咁多, 于是先试下个汤底, 汤就是很普通的清汤, 唔香亦唔浓, 淡淡的味道未算吸引; 再试下牛膀, 牛膀入口冇异味, 炆得亦算腍, 师傅一向对牛膀嘅钟爱都系普普通通, 只要冇异味同腍就收货了; 至于牛肺入口爽爽的, 不过未算韧身, 所以口感都几好, 但师傅唔明点解牛肺会得一件? 贵为上杂嘅牛膀得一件系情有可原, 但牛肺又似乎难以解释㖞! 牛肚真的炆左好耐, 所以十分入味同埋非常腍身, 绝对冇韧嘅感觉, 可以啦; 最后系牛肠, 肠本身都几肥, 幸而够腍身, 入口唔韧, 加上劲多肥膏, 所以都几香, 牛肠系几款之中师傅比较欣赏! 米粉就不过不失, 收货啦! 总括黎讲牛杂水准属于中规中举, 环境都算舒服, 服务亦可, 价钱唔算贵, 喺老铜黎讲叫得上相宜, 十八蚊一碗牛杂米, 加多六蚊有油菜, 廿四蚊埋单, 可以啦! 值得一提系呢间食店嘅辣椒油是几香几辣, 师傅落左两匙都有少少吃不消, 啫辣者不防一试! 如果唔系要速食, 相信师傅当日都唔会黎呢间食店, 所以是次笑脸比唔到, 正正常常咁啦, 再黎机会不大, 除非冇咩更好选择啦!
继续阅读
又是放饭吊颈透气的时间，想吃得快一点，来碗简单的粉面好了，见是一所新开的面店，主打是卖牛杂的，还说自己是牛杂专家，就一于要了碗牛杂米。等了一会儿已经有得吃了，一碗牛杂米，米粉的份量都还可以，但牛杂就真的是少了点，始终牛杂也是越来越得贵之物，是日只有一件牛膀、两件牛肺、三件小小的金钱肚及四小段的牛肠，而汤就是很普通的清汤，喝下一口，至少是没有师傅的货色，但味道就不太够，而米粉没甚特别，没有煮得过腍就是了。至于牛杂方面，牛膀粉粉腍腍，个人一向也不爱这个质感，所以同样道理也不爱吃粉肠，但一件半件又真的没大关系，反正我几乎是什么也会放入口的，牛膀没异味也渗出点卤水味，算是不错；牛肚爽中带韧，肚的纤维都挺入味，都属不错；牛肺炆煮得未算太软腍，但一点异味也没有，而且同样也挺入味，还不错的；牛肠乃邪恶之物，但是日的又真的不算太邪恶，牛肠内璧的脂肪不算太多，幸而肠衣就还是有嚼头，味道又够又没异味，吃起来还有少量的油在口中爆发，其实都算不过不失的了。另外也要了碟六元的油菜加腩汁，腩汁是下得非常之慷慨，几近是满泻，深深的啡色，吃得出其卤味也很浓，而且芥籣六元一碟也是爽口嫩绿，一点渣也没有，绝对是交足货。另外值得一提的是店家的辣椒油是挺香的，比起一般粉面店的辣油，如天香牛什大王的是有吃得出的分别，最后当然用了它蘸牛杂吃。说实话，这儿的牛杂不是差，至少是比同区附近的天香牛什要好，但要自夸为专家，就要有顶尖的功夫才行，而自然食客见到也会将其求提高，个人认为也不用跟庙街牛杂及太安楼的牛杂佬比，光是十三座的牛杂也已经是要比这儿的好，所以这个OK脸，相当都是走唔甩的了。
继续阅读