東興小食

营业中

休息中

星期六去開大角咀，知道佢有一間好出名嘅小食店，同埋佢係即叫即炸，一定好新鮮同埋好好食。今次就試咗佢$30/9件煎釀三寶，有魚蛋、豆腐、青椒、芝士腸，魚蛋最特別，出邊食唔到口感。另外，試咗佢嘅$10/8粒炸燒賣，平時係蒸燒賣多，今次炸燒賣口感好脆，外脆內軟，都幾好食。再試左佢嘅炸雞翼$25/4隻，雞翼有啲辣，但係非常好食。最後試咗佢嘅炸墨魚丸$15/4粒，呢個都好好食。不過下午嚟買嘢食，等候期間有啲熱，好彩冇乜人排隊。經開大角咀，真心可以嚟試一試

位於大角咀賣即叫即炸的煎釀三寶，相信大家未食過都可能聽過東興小食既大名。今次我叫左紅腸、魚蛋、豆腐和雲吞皮，每一款都炸得金黃香脆，味道極具層次。魚蛋口感彈牙有嚼勁，外層炸得酥脆，魚味鮮明，保留了傳統港式小吃的風味。豆腐部分外皮微焦而不過火，內裡軟滑細膩，入口即化。紅腸的鹹香味道剛好，不會過膩，魚肉餡充足且紮實。雲吞皮炸得酥香，帶來不同的口感，相互配合恰到好處。整體炸物不會過於油膩，保持了輕盈感，讓人吃得舒適。由於全部都是現點現炸，即使需要等待一段時間，仍然有不少食客願意排隊等候，這足見其美味的吸引力。每份煎釀三寶份量十足，價格合理，是物超所值的街邊小吃代表。

今日去咗食鯪魚球，weekday唔多人。叫咗鯪魚球同埋煎釀三寶，鯪魚球質感非常奇怪好似未熟咁。我同老闆講咗佢，佢再炸俾我，一樣係好似未熟。服務態度好好，但係真係太難食啦😅希望食物質素可以有所改善。

傍晚經過大角咀，記得之前見過有間食煎釀三寶嘅小店，晚飯前當小吃就啱哂。去到小店前，已經有幾位人客等緊，即刻走去剔紙仔落單。呢間小店嘅煎釀三寶係落單後，即釀魚肉，即炸，所以都需時，好在排咗10分鐘就有得食。煎釀三寶（$30/9件）魚蛋，純魚肉，唔算好大粒，咬落彈性不錯，口感膠膠哋，食得到魚肉夠足料；豆腐、茄子、冬菇，都釀咗合適份量嘅魚肉，味道亦可以；雲吞皮雖然好鬆脆，但得極少魚肉，唔抵食。炸燒賣（$10/8粒）炸得不錯，外面微脆，中間仍然軟糯，加咗椒鹽，更加惹味。整體還可以，如果咁啱經過大角咀+唔使等好耐，可以一試。

今次我哋慕名而來因為電視介紹的⋯⋯哇勁長龍勁期待，但係排了1个多小时隊终于到我点食物。哇😱完全明白為乜咁耐原来佢地方法就是慢吞吞地“數"、再慢吞吞地"炸"、再慢吞吞地"pack"，所以令大家呆呆地等待🤔你地經營手法好有問題⋯⋯已經不停數但居然点餐后10分鐘後就突然話乜乜售罄 😓唔明个佢地逐件數嚟做乜？食物方面：魚蛋及魷魚鬚的確不錯，但其他就不及元朗某間好味喎⋯所以如果問我值唔值得再去，sorry 我唔會浪費時間😌

一直想試呢間煎釀三寶好耐 呢晚咁岩去食英記油渣麵 咁就諗住順便去買嚟試一去到 嘩 條隊長到乜咁 唔知點解咁多人排 （排隊期間先知原來前一日有YouTuber 介紹) 但諗住一場嚟到 就排吓 。條隊郁得好慢 應該係因為即叫即炸嘅關係排左45鐘左右 眼見轉彎就到終點 店員拎住個牌話上面打左X 果啲無晒 。我見到豆腐 芝士腸 之類無晒 。有人問咁其他三寶係咪仲有 店員答係 咁我都排左咁耐 梗係繼續排 。再排多大想半個鐘左右 終於到我 。跟住講全部三寶無晒 Excuse me ? 咁請問店員響大半個鐘前 出嚟講邊啲無晒 邊啲仲有嘅作用係咩 ？ 佢地睇到條隊 。其實應該會預到啲魚肉仲可以整幾多出嚟 ？ 無可能出嚟講仲有 到排到講話無呀 ？ 極懷疑間店想啲人排晒隊去製造宣傳排到我講得番燒賣 。我有必要排左一粒幾鐘去食屋企樓下都有嘅燒賣嗎不過唔關人地事 一開波嘥時間去排煎釀三寶都係我自己傻仔在先無試到好冇食呀 。斷估將來我都唔會試 直頭對呢啲鋪頭唔會再有興趣

大角咀的東興小食真係超級好味，我哋本身唔係住喺大角咀區都特登揸車去買。佢哋嗰啲炸嘢食煎釀三寶全部都即叫即做。炸魚蛋大大粒，外脆內煙靭，仲有好香嘅魚肉味，真係好好味。炸茄子都超級好味，當你落order嘅時候先至新鮮即刻切茄子再加埋魚肉落去炸，啲茄子又淋啲魚肉又煙靭真係好好味。炸紅腸都好好味，又唔係好鹹，最緊要係啲魚肉都唔少。老闆仲要好好人，如果買夠$100可以打電話落定order先咁就可以唔使等咁耐。

不得了，出入大角嘴六七年，聽聞有間斗零鋪，唔知邊日開、唔知幾點開又知叫乜名，總之經過便一定要買它的即叫即炸煎釀三寶，雖然說是神級，但始終沒缘份撞過….適逢今日復活節長假期，香港走了百多萬人，市面冷清得不必多講，百無聊賴途經大全街見一小店，一個人在炸….，莫非就是這店？落了order後看著他在雪櫃拿出我點的食材，抹上鯪魚蓉才下鑊炸，我在等候期間走出馬路打個卡，才見到鋪號叫「東興」，他莫非也有一段鮮為人知的過去🤣🤣🤣五分鐘過去，我的青椒、矮瓜、魚肉三寶已ready，加了豉油紅醬，馬上食一口，青椒爽魚肉表面脆肉嫩滑煙靭，中學年代的回憶由味蕾中帶回來了。你可能說我有點誇張，但今時今日還有人執着地炸好他的三寶，做好他本份的真的不多。以後5pm-9pm，再想食三寶的我，再別無他選！

想食煎釀三寶，朋友介紹話依間好好食，膽粗粗走去試吓嘩真係食到細個嗰陣嘅煎釀三寶味道魚肉新鮮，唔覺有落胡椒粉或者味精，紅腸指天椒茄子豆腐都好好食，仲要係$10/4件，平靚正。特別推介指天椒🌶️，冇得輸！另外一定要試生炸雞🍗，$25/隻魷魚同燒賣都好好食點埋佢哋自家製沙嗲醬更嘢未😋試晒所有嘢都係$100內，真係冇嘢好講不過因為即叫即炸所以要等成15分鐘先有得食😅食完就要去搵涼茶飲，唯有落旺角啦！

我同我老公都好鍾意食煎釀三寶嘅，上網見網友推薦呢間舖頭就去試一試，一試愛上，個個星期都會幫襯，但最近三個月有啲忙冇去幫襯，咁琴晚心郁郁走去幫襯一去到好奇怪，平時好多人排隊買㗎，點解今日冇人排隊嘅，心諗可能係我好彩啫，去到門口唔同咗人又裝修咗，冇理佢喇照叫，攞到返上車食，一食就知中伏，魚蛋外皮唔脆入面啲魚肉超粉，啲豆腐呀紅腸呀細件咗，魚肉好薄，魷魚同之前老闆整嘅完全兩回事，我上網睇原來舊老闆頂咗手慘喇，我以後去邊食煎釀三寶

Must said this is one of the best street food left in HK!  Sure the BEST in Tai Kok Tsui area!  Clean & only cook it for you when you order so the food taste very fresh still!  Can't stop from going back for some years!!

最近迷上左食煎釀三寶，覺得又唔會太飽，又可以填肚，所以好正！雖然就熱氣左少少，但係如果遇到一間好嘅煎釀三寶，真係興奮爆~大角咀大全街街尾呢間東興小吃，我由佢上一手就已經開始幫襯，好食到不得了！雖然佢轉左手，但係質素冇下降~ 仲要好抵食！前排同屋企人去附近食飯，食飯之前早到咗，等爸爸媽媽之際，就過咗黎食個煎釀三寶先~ 我叫咗炸雲吞皮，呢個係必點，因為佢即叫即整，拎上手熱辣辣，超級好味！佢食落脆卜卜，好好味~ 仲有最好味嘅就有魚蛋同豆腐~ 佢係大大粒魚蛋同豆腐~ 要兩啖先食得晒~ 呢度唔會翻熱，但係佢一整起，就會有人買咗，所以擺喺度嘅 “現貨” 並唔多，我覺得好好，因為每次幫襯都係熱嘅，唔會擺咗喺度凍左唔好食👍🏻👏🏻整體來講，超級推介必定要去試吓👏🏻👏🏻 支持下小本經營小店🤣🙈

因為要等朋友，所以就喺大角咀附近行住食住等～ 係大全街未見到呢間煎釀三寶，行埋去覺得幾香，見佢格局唔係好大，但係幾平，所以就幫襯咗～我見前面嘅人都叫炸雲吞皮，所以我就叫埋一份，另外叫咗我最愛嘅茄子同豆腐！佢真係即刻整炸雲吞皮，但係其他就唔會幫你翻譯，因為可能覺得質素會下降🙈 我哋等左一陣，就有得食啦！炸雲吞皮真係超級好食，食落口仲係熱身嘅，差啲熱親但係真係炸到卜卜脆，超級好食 至於茄子同豆腐，豆腐既肉好大塊，加埋豉油就更加好味！佢唔似普通煎釀三寶嘅豆腐，肉得好少，佢嘅豉油真係特製，所以夾埋好好食～😍

之前聽朋友講話大全街果邊有間小食D炸魷魚好得, 尋日行開果頭即管搵下喺邊處啦.點知原來搵都唔駛搵, 一行去轉角位就已經見到大大招牌寫住東興小吃, 間舖頭主要賣煎釀三寶, 見到離跴譜囉竟然賣5蚊3件!! 點解會抵食到咁架?!!!唔理咁多, 嗌串炸魷魚試下先!!見到老細即刻拎D魷魚放落炸鑊度, 等左一陣, 話咁快俾左串熱辣辣既炸魷魚俾我, 一串有三片, 仲醒埋張紙巾我拎住食添! 一入口, 堅喎!!!熱辣辣咬落仲有D脆添, 不過太心急, 食完先醒起唔記得影相! 不過唔緊要啦, 唔俾相機食先都已經好好食, 今次朋友真係無介紹錯喎!

前幾天，我因為有點事辦，所以回了小時候上學的地方一趟，除了從前與一眾同學同樂的商場已經被橙化，以致裡面滿載童年回憶的商鋪變成了「八X雲集」與「大X活」之類的鬼東西之外，其實大多數的景物也沒什麼大改變。我記得當時有個同學，老豆在這一帶開麵包鋪，是我從前經常幫襯的，雖然味道和價錢都與其他麵包鋪差不多，不過既然是同學老豆開的，就本著捧下場的心態，一吃就吃到畢業。我以前覺得，這個同學是幸福的，每日都有免費麵包吃，又不用煩惱將來要幹什麼工作，做麵包也是不錯的工作啊，至少不用餓死。但人大了，睇法也不同了。其實那個同學每日見到老豆一日到黑很辛苦地整麵包，心裡面一定總會有點不安，然後自問：難道自己的將來就是這副樣子？每日都很早起床整麵包，過著這種機械式的無聊工作？這樣的人生有什麼樂趣可言？慢慢開始，他會厭惡這個充滿麵包的未來，始終佔大多數的年青人都不喜歡走一條注定好的路。你可以說這是反叛，但人類就是因此而進步，因為不安於現狀而進步。所以當我經過那麵包鋪舊址的時候，那裡已經變成了一間髮廊，我那個留著一個非常時尚髮型的同學，正為一個阿叔飛髮。我不肯定他會不會成功，相信他本人也不肯定，不過既然他老豆願意將經