更多
2025-02-26
1873 浏览
今天是我和朋友第二次到訪,還記得第一次到訪的時候正正是餐廳剛開張第一天,我們早上11點多去吃午飯,正正是餐廳開張的第一台客人,我還記得最後拿到的收據是00001號,我兩次到訪都是食同一個炸豬扒,炸蝦,炸蠔定食,明顯感覺到食物質素下滑嚴重,第一次去食的時候豬扒鬆軟多汁外脆內軟,今日豬扒又硬又乾,唔好食,好辛苦先迫自己食咗佢唔好浪費食物。第一次去食的時候已經覺得碗飯麻麻哋,但今日碗白飯直程係非常難食,我好難形容點樣難食,但感覺就係可能落多咗水,一pat pat,或者係已經煮好左幾個鐘,而且用嘅米本身質量比較低,廉價貨源,總之就勁難食,就算我好肚餓都係食咗半碗就唔再食。至於個湯,兩次我都係覺得淡而無味,其實我寧願佢整返個普普通通嘅麵豉湯仲好。如果我仲有下次再嚟的話,我必定唔會再叫這個炸豬扒定食,我亦強烈建議如果對白飯有要求嘅客人千祈唔好叫飯嘅定食,因為個飯真係好難食,我下次會試吓佢哋嘅意粉,如果都係唔好食嘅話,我就以後都唔會再去。今次同行嘅朋友叫咗漢堡扒焗飯,算是中規中矩吧,沒有什麼驚喜,但也不難食。埋單時候我亦向經理反映了食物質素下降,但他好像也沒什麼感覺。
376 浏览
1 赞好
0 留言
302 浏览
0 赞好
0 留言
425 浏览
0 赞好
0 留言
867 浏览
3 赞好
0 留言
张贴