東京麵包餅食 (慈雲山中心)

营业中

休息中

懷舊麵包店-東京麵包餅食原來呢間麵包舖係好多小商場都有，咁啱行過見到門口有懷舊蛋糕🍰而家唔係間間麵包舖都有呢啲懷舊蛋糕，經過見到呢間，就買咗黃梅花籃同三角朱古力，好耐冇食過🥹自從九龍城嗰間執咗之後🥲佢用個盒載住架，唔會令到蛋糕變形，黃梅花籃都唔細件架，酸酸地唔會太膩。三個朱古力蛋糕，蛋糕係乾身d, 好似正宗啲🤣表面朱古力都好厚身，滿足嘅懷舊感😌

收銀個呀婆黑口黑面，唔想做就番屋企啦！埋單時將銀放落佢隻手，佢就將找番俾我既錢揼落放面包個盤，面包盤係用黎放面包，將對錢揼落去，咁污糟都做得出，恐怖得黎仲要冇常識！！！管理層真係要正視下請左啲咩人，咁既行為簡直趕客！！！仲要個呀婆其實唔係第一次，初時諗住佢唔係有心，但今次真係見佢冇得救！！其他員工既態度唔算好，呢個呀婆就真係極品，極品差。。。

喺慈雲山屹立不倒啲麵包舖❤️無論返學放工想食一個甜品，又或者想快食一個麵包，都可以喺呢間麵包舖搵到。疫情之下，要出去餐廳食一件蛋糕🍰大概都要至少$40-$50但呢間麵包舖只要10幾蚊，就可以食到切件嘅黑森林蛋糕🍰黑森林蛋糕🍰2.5/5基本嘅忌廉，啫喱，同埋佢覺得做得非常好👍🏻蛋撻 3/5凍咗嘅牛油皮都仲係香脆嘅但酥皮就唔建議了🥶見到都淋曬舊式包鋪整體環境就唔會好靚啲蛋糕櫃邊係有啲日久失修嘅感覺但姐姐都好好人👍🏻

嚇親，蛋糕望落勁唔新鮮，雪櫃應該老化，不夠凍，蛋糕上的生果變曬色，見到都唔開胃，浪費了師傳心機，希望管理層睇到，換下D野，開左十幾年，都係呢個雪櫃，又無裝修過。仲唔執下，遲早俾領展趕走。

哩一間麵包店啲包真系由細細個食到大有時到左6點幾哩啲時間就會有折，啲麵包平左今日一大班人黎屋企開party. 就去左樓下間麵包鋪睇下有冇特别嘅蛋糕，因為記得以前啲蛋糕系比較普通，冇甘多花款公仔，但系時代嘅變化，啲蛋糕都慢慢迎合“打卡吸睛”嘅需要，而花左心思今次選左個朱古力口味的，上面同外圍有啲餅餅做裝飾（雖然可能雪左陣，啲餅嘅口感冇甘脆但系整體感覺都可以嘅），而裡面就系黑森林蛋糕甘，中間果層有啲黑加倫子味嘅啫喱感受到師傅嘅用心

今日去買左$10.5麵包，埋單時收銀同我講唔收毫子，咁我反問佢「咁你又找返毫子俾我？」佢個面口即刻黑哂，找返個5毫子就咁擺係檯，仲要係佢面前既位置，你唔想掂到人客隻手，你至少都將個5毫子擺係近人客既位置掛？以後唔會幫襯！服務態度差到一個點！

happy anniversary to my beloved mum and dad!bought a half-pound- mango birthday cake to them~$52 is very very reasonalbe and its quality is good indeed!!!mango is sweet and covered the whole cake, the filling inside is cream+mango cubes, they are fresh and the weighting are just ft~ cakes is spongy and full of egg taste~well $52 is really worth and i just think its quality is just the same with other chain cakeshop!highly recommend!!!!!

學校經常係呢度買用黎開會既小食~曲奇餅好鬆化, 又重牛油味, 但食落又唔肥膩wo, 留返幾日先食都未淋~生果tart, 朱古力tart個tart底幾脆口, cream既份量適中, d生果ok新鮮, 有士多啤梨, 奇異果, 菠蘿, 朱古力mousse唔太甜, creamy, 上面亦灑上朱古力粉作裝飾~芒果mousse蛋糕, 頂層係芒果jelly, 下面有層芒果mousse, 再下層係海綿蛋糕, 成件甜品都唔過甜, 好fresh佢仲有好多懷舊餅食賣, eg光酥餅, 雞仔餅, 合桃酥..........下次可以試試

這個包是我最喜愛的包之一.今次見這間都有,立刻買一個來吃,首先紫菜吃時還是脆的,有點驚喜,紫菜入面是一麵包.可惜有點硬.入面的豬肉鬆好明顯平價貨式沒有甚麼味道.吞拿魚醬幾多,再加上撈了一點蛋白,幾有咬口.這個包雖然唔係話好好食.不過,5元一個來說也合格

見到好多麵包都比三井貴, 不過有一款寫住"大蛋糕"的紙包蛋糕仔賣相幾吸引, $3.5幾抵 實淨的蛋糕, 幾香蛋味, 不過嫌甜了些少但都覺得好食過榮華, 且東京麵包店勁多慈雲山街坊幫襯, 故麵包清得好快, 唔怕食到隔夜麵包

平,靚,不過唔係好正= =圖中e個蛋糕d cream太多太硬了--並唔係預其中有塊蛋糕片係中間咁....很怪的口感.....不過最近食左個黑森林蛋糕,e個幾好還有果撻@.@ 都可以的

$3.5半磅四片麥包,好軟身,有麥香,且好快賣清,故不會留過夜每次上慈雲山中心食完下午茶都會順手買半磅返屋企

睇到其他的食家說起酥皮蛋糕,令我諗起呢個咁美味0既酥皮芝士蛋糕. 呢個蛋糕0既酥皮好鬆化,不過就燶左少少.芝士多糕好鬆軟,有淡淡0既芝士味.好正.返到屋企用焗爐焗一陣,非常之好味.可惜我再去已經冇左啦...