影片
自助餐愈来愈似经济指标，经济好就自然多人，远至东涌酒店可以连爆几个月场，10月预订要过埋年先有位，莫非东涌D人唔兴返屋企煮饭？近近地君悦酒店个泳池烧烤自助餐亦要早一个月订位，如果撞啱落雨仲要取消，喂！两条友连加一要千五蚊落楼个㖞？香港真系咁好景？咁不如试下个即日仲订到位既世纪酒店，餐厅地方宽敞舒适，侍应服务亦系酒店级水准，问侍应乜野咭会有优惠，侍应答不论现金或信用咭付款一律八折，两条友都有八折咁好？头盘冇生蚝，有刺身，八爪鱼，三文鱼，吞拿鱼等几款，款式少，但非常新鲜味美，其余蟹脚，大虾同翡翠螺，你唔好祈望会有任何味道，中汤，西汤都唔掂，尤以中汤鸡丝生翅最难食，当然，冇人白痴到以为会用真鱼翅，但系都有啖鸡汤饮下挂？结果同饮水一样，我非常怀疑厨师有冇试过味架？热盘以鹅肝汁牛柳最惹味，羊架亦香口嫩滑，烧火鸡当然又鞋又冇味，其余陪跑有咖哩鸡同抄几碟菜，蒸条大大条又韧又难食既鱼等等，烧味档D 乳猪皮脆肉嫩，几有惊喜，烧牛肉够甘香仲有多少脆皮，属于水准以上之作，即制pizza 睇见都唔想食，仲有三个即叫即整档口，一个粉面档冇乜兴趣，一个叫亚洲小抄，有中等size 嘅虎虾，先烚熟再用咖哩汁炒一炒，虾肉又霉又冇味，失败到极点，第三档系即制梳乎厘，三档中以呢档最好味。最后到甜品同生果，甜品款式少又唔好食，唯一可以赞嘅系每款都好细件，每件一啖，唔好食都食晒咯，唔驶浪费咁多食物，生果类，西瓜同蜜瓜都冇咁味，反而哈密瓜非常清甜同菠萝酸得黎好鲜甜，好适合食肉类时减低口腔内肥腻感觉。其实一直都冇问过价钱，到埋单先知两条友先至合共五百大元，虽然以自助餐黎讲并非高水准之作，但系以咁既价钱，你仲可以要求D 乜？
继续阅读
相关文章
上星期去吃自助餐﹐两位己经有平﹐不过一分钱﹐一分货，食物种类不多，但都好污秽﹐Ｄ柸有污秽物，附近ＤTable都有同一情形出现。
继续阅读
百零蚊o既buffet,其实一开始已经无要求d乜...食物款式都几少下...刺身好少款,好似得3款...都ok新鲜gei...但有部份有根...胜在refill得快...冷盘只系试左个青口,都ok...本身想试埋个螺,但同行o既试过之后千叮万属我地一定唔好试...所以都系无试到...热盘方面,个人比较钟意个咖哩...用黎点个薄饼都唔错...其他热盘都叫ok咁la...佢个鹅肝多士,食第一啖都仲ok...再食埋落去就真系唔得...好油好油...><个南瓜汤系完全无南瓜味gei...好似普通忌廉汤咁...到我向来最爱果part---dessert...呢度d款少都唔到讲...少得黎仲要有部份系好难食...向来乜甜品都唔放过o既我,就算个野唔好食我都会食埋佢...但今次真系食唔落口...除左个cheesecake可以食晒之外,其余都只系试左一两啖就放弃左...总括黎讲,其实唔系话好差好差...但比百零蚊又食唔到自己钟意o既野,我会选择佢食放题...一来钟意食日本野,2来点讲都好,choices都会多d...以同等o既价钱,我会拣去一生食law...p.s:基本上佢大部份credit card都有15% off...所以折完每人为起都系around $160...
继续阅读
寻晚去食BUFFET, 依家推广紧'蟹' 晏, 菜色多数蟹为主, 都食得满意, 咁既价钱, 都数抵食!!鱼生: GOOD! 好味, 好新鲜! 净食鱼生都抵!青口: 鲜甜!冻蟹: 一般, 但通常冻蟹都系咁!!!沙律: 好味! GOOD!热荤: 条鱼~~好滑! 炸蟹球: 好味道! 南瓜汤: 好浓! GOOD GOOD!焗长脚蟹: 啖啖肉, 但好快冇晒, 不过都好快加!其余有蟹肉烩意粉/焗蟹肉时菜/烧鸡/炒饭/咖哩/印度烧饼/烧牛肉......都OK!粉面档: 冇食到, 因冇咩特别!甜品: 麻麻地, 但都有成七/八款, 有个赛傍蟹批, 听落个名好怪, 都几好食! 雪糕: 一般服务唔错, 成日都TIM水, 同埋好有礼貌!星期五每人大约都系$160(HSBC/渣打-8折), 算抵食, 咁既价钱, 食同咁多野, 同埋大部份食物都OK, 仲想点, 好过一D贵又唔好食的BUFFET!
继续阅读
星期三晚,大约6:30pm左右来到,当时都不是太多人,但系去到7:00左右,已经约有八成满!刺身~选择虽少!但很新鲜!生蚝~好新鲜!龙虾~本人敏感不吃!所以不知道!天妇罗~外脆内热!热盘~选择不多!味道一般!尚算及格!甜品~味道ok!特别系芝士蛋糕! 整体感觉:$168蚊可吃到生蚝、龙虾,真系几抵食!
继续阅读