不toast不快 (已結業)

今日同朋友去葵廣「掃街」，葵廣岀名多隱世小食店，應有盡有。係三樓TOP世界比我發現一間有得食吐司既黃店「不toast 不快」，更比一句說話吸引了「像極了愛情」，決定要懲罰呢間黃店。我叫左一份「花見丸子 芋泥吐司」，吐司是即叫即整的，約等10分鐘就食得啦。快點趁熱吃，我比三粒丸子吸引左🤣一口氣食左三粒丸子，很煙靭，個人認為有點似泰國三色糕既味道。接著係重頭戲，忍唔住先試吓芋泥忌廉，因為加了糖醬，味道略甜。麵包的外層微脆，品嚐時能嗅到濃濃的牛油味。每一啖麵包都要沾有芋泥忌廉，不會很油膩，味道都幾夾。其實「不toast不快」都有8款鐵板吐司，下一次黎葵廣掃街一定要試下先。小店亦係新假期2021年獲街必食新登場食店。

#不Toast不快 💛今次講嘅係位於葵涌廣場3樓TOP世界嘅不Toast不快🍞呢間係新開嘅吐司店✨✨喺係個轉角位架😽成日經過都嗅到好香 所以小編今次經過終於忍唔住去排隊買嚟食🤩🤩試返個韓式吐司🍞Menu都幾多種類 有得揀單買或者套餐咁買🥰🥰小編大概等佐10分鐘就有得攞啦🤤🤤🤤流心芝蛋拉絲吐司 $34💰（7.5/10）一攞上手已經覺得好香😚😚啲吐司係即叫即製🤩🤩所以都係熱辣辣🔥🔥係真係好香嘅吐司味🍞🧈而且吐司好大份好厚身🍞係厚切嘅😋😋而且每邊嘅吐司都擦滿牛油🧈同蛋漿💛令到食落去好香同幾脆口 ✨再加埋芝士同炒滑蛋 真係好正✨✨芝士仲要係半溶狀態 拉晒絲😈😈超級邪惡‼️再配埋蛋黃醬同茄汁 令到個吐司甜甜地酸酸地咁 仲要好Juicy 好開胃😽😽而蛋都好滑 多到滿瀉仲要好濕潤😍😍 再配埋椰菜絲 健康返晒🤩🤩每一啖啖嘅吐司都食到蛋同芝士😋😋絕對唔會令你失望✨✨配埋面頭香草 真係好好食🔥睇到呢度嘅Babe 快啲約埋朋友一齊去‼️‼️推薦指數🌟 7.5 / 10 🌟💛#巨B食黃店📍#巨B覓食葵芳 #巨B覓食葵興不toast不快 (葵芳)⚜️葵芳葵富路7號葵涌廣場3樓Top世界3069-T3號舖⏱星期一至日 1

葵涌廣場的小食店真係多到數都數唔哂，仲要間間都好有水準，難得來到就想各樣都食，但可惜胃就只得一個，所以每次都會係葵廣出現猶豫不決的時刻。但今次我目標清晰，因為揀好左一直bookmark已久的不toast不快。行近店舖，已經聞到好香的toast味道，真係未買未食已經流哂口水。店員服務態度很好，而且價錢相宜，因為係即叫即製，Order完大約等10分鐘左右。 餐牌內除了Toast之外，仲有一口班戟、墨魚餅、芝士飯波波同小食拼盤等等，都幾多選擇。 流心芝蛋吐司 – 好大份同厚身，個口細d都真係無辦法一啖咬到，要分層咁咬。兩片麵包都外脆內軟，連埋香滑的雞蛋，仲有加配的蕃茄醬同沙律醬，整件toast的配搭真係好match，好好食，下次一定要食埋其他款式。這些小本經營的店舖仔，實在值得大家大大力支持。

知道近年香港興起依類韓式多士今日經過葵廣見到好多人拎住 賣相又幾吸引喎我地決定試一試依間出名韓式多士嘅黃店鐵板吐司有唔同嘅配餸選擇主要組合都係有流心雞蛋同芝士拉絲可以選擇鴨胸泡菜牛肉煙肉等等嘅配搭另外呢度仲有唔同嘅小食我哋第一次嚟食揀咗最Basic嘅流心芝蛋吐司由於係即叫即整嘅關係我哋都大概等咗15分鐘第一感覺吐司好厚實大份 加埋芝士蛋等等嘅餡料成份吐司差唔多要滿瀉🤩 而面頭嘅蛋黃醬同埋茄汁都令到賣相加分咬落第一口感覺非常有驚喜因為我以為依種係偏硬身脆卜卜嘅吐司嚟估唔到佢係表層少少烘焦而咬落都仲係保持到吐司軟熟嘅感覺吐司嘅牛油味好香濃 其實就咁食塊吐司已經好好味再加埋滑溜嘅流心蛋同埋特製醬汁 令到整體感覺非常惹味豐富值得一讚係滑蛋非常大份每一啖都有雞蛋而吐司底部原來仲有啲椰菜食到最後有種清新爽脆嘅感覺

今日同朋友去到左葵涌廣場「掃街」，向來都知葵涌廣場好多隱生小店，點知真係比我搵到呢間「不toast不快」，佢嘅位置係三樓top世界美食區，都好容易搵到，咁啱又可以懲罰下黃店🤩💛今日平日嚟佢地都幾多客下，都好多人嚟食，睇到佢地咁多客就知道有幾好食🤤.咁我叫左個煙鴨胸芝士流心蛋吐司，咁佢係即叫即整，所以都要等下15分鐘，呢段時間都可以試下其他小店先😆.啱啱拎到上手個吐司仲熱辣辣，要快啲趁熱食先好食😋，個吐司好足料，入面都有三件煙鴨胸，外面個層都烘焙到微微脆，同埋突顯到佢好香牛油味❤️入面個蛋好滑，整得啱啱好。另外食到底有少少芝士拉絲同椰菜，所以整體食落去都唔會覺得好膩😆下次有機會再落葵廣會再黎食，一個吐司已經夠曬食~

今日黎葵芳掃小食，一直好想食呢間賣特色鐵板吐司嘅小店。呢間小店既吐司好有韓國吐司既感覺，有好多唔同味道同材料選擇，去過韓國的你一定懂！由於太多選擇，又想食漢堡扒流心吐司，又想食軟殼蟹牛油果流心吐司，另外個韓式玉子泡菜牛肉吐司又好似好吸引！乜都想食之下，最後我地點左個最簡單既流心吐司同埋薯條。-流心芝蛋拉絲吐司$34呢個吐司賣相好吸引，見到個蛋好滑，又有邪惡嘅芝士，材料有芝士、蛋、椰菜絲、糖霜、蛋黃醬、茄汁！所有嘢加埋一齊個味道都好夾，蛋真係好流心同好滑，兩塊吐司都查咗牛油同蛋漿煎過，好入味，好好味！-趣味人生薯條$26個名真係笑左，哈哈，薯條唔錯，好脆口，有mustard +茄汁，唔錯！下次要再黎試下其他味道餡料嘅吐司！

葵廣有好多好嘢食，行過見到呢間有必食推介又好香，一於就試下佢。除左吐司之外，亦都有唔同類型嘅小食選擇。有單買或者套餐，全部睇落都好吸引，見佢咁大份又唔係好肚餓就單叫左個嚟食下試味。流心芝士蛋拉絲吐司 $34第一眼見到已經覺得好有誠意，好香噴噴，忍唔住要打返張卡先！佢嘅包殼塗左牛油嚟烤過有啲香脆但又唔係完全硬身，保留包本身嘅軟糯。而最值得讚嘅就係主角—滑蛋啦！滑蛋炒得非常非常之滑，夠濕潤之餘好綿，勁正！配埋面頭嘅香草同醬汁，真係冇得輸，就咁有得嗌滑蛋嚟食的話我都想叫。至於芝士方面都好香濃，同蛋嘅味道好夾。平時我自己冇特別好芝士，但呢個配搭真係唔錯，有驚喜。吐司夠大份，餡料落足本，醬汁juice。每咬一啖都可以食到芝士同滑蛋，唔會剩得包包。而且有紙盒裝住包身，就唔怕流心芝士漏汁成手到係。另外見到佢有水果花系列都幾得意，可惜賣曬冇得試，下次要早啲再嚟先得。總結：幾十蚊就買到充滿驚喜嘅吐司，抵食！會再翻食。

葵廣一向都好多正野食，今次黎開就試下呢間不toast不快，近期都好興呢類toast，但次似見到都冇試，今次就終於試一試。今次就簡左葵芳既不toast 不快 ，冇令我失望。佢既價錢個人覺得接受到，平時經過其他店都係咁上下價錢。由於自己唔多好肉類，所以簡左呢款流心芝士蛋拉絲吐絲，開頭以為唔夠食所以叫左2份同朋友一人一個，佢出到黎個份量都唔少野，賣相出黎比圖睇更吸引。好新鮮，因為佢係即叫即做比我， 佢個吐司表面好脆口，好香牛油味，包心好鬆軟，建議拎到手一定要即食，佢個蛋唔係全熟，有少少流心感覺，又唔似炒蛋，好香好滑，夾埋d沙律醬好夾，另外佢蛋份面會有d拉絲芝士，不過可能我擺左一陣，拉絲係有不過份量唔多，唔知定凍左以勁同蛋痴埋一齊食左，佢個底係有d蔬菜，令到個油膩感減底，初試呢一類既toast ，真係好好食，如果多d芝士就仲好，其他一個人食一個就會夠飽，如果食完仲想掃下街就其實一個2個人食都夠試味。 佢仲有好多款既toast ,下次有機會試埋其他。

今日同best fd去葵廣掃街,諗住行下睇下冇咩新鋪再決定。點知一入TOP 世界就見有人拿住toast, 賣相好又香,所以諗都冇諗都去左比錢買…..我同fd 揀左漢堡扒流心芝蛋吐司(HKD 38) ,等左大概15mins 終於有得食( staff 好貼心咁話我地聽要等幾耐,我地唔使傻傻地等,仲可以買定茶配toast,抵讚), 果然冇令我地失望!!!!!!!!勁足料既toast 色香味俱全, 大大件多士烘到金黃色, 好香牛油味。香滑細嫩炒滑蛋, 加上濃郁既拉絲芝士,煎到香脆既漢堡扒, 同埋沙律醬同茄汁, 真是十級滿足。食到底仲發現有椰菜絲, 可以中和下甜膩。總括而言 好值得一試, 但始終都係飽肚,最好至少2個人SHARE, 咁就可以食多D 野‧。由於我同FD對呢個漢堡扒流心芝蛋吐司都十分滿意,我地已經決定下次要試下佢最貴果個TOAST: 軟殼蟹配牛油果黃金吐司….

今日同家姐去葵廣掃街，行入去世界入面，見到好多youtuber同k.o.l. 都推介嘅不 toast 不快。 決定買一個share 左揀右揀揀咗一個有肉嘅吐司 煙肉流心芝蛋吐司 係即叫即整嘅要等十分鐘左右，用呢段時間去買定嘢飲到啱曬啦，頭先拎上手熱辣辣 都幾大份，上面有少少茄醬嚟調味，食落口好驚喜呀，個蛋真係好正好嫩滑， 真係可以話有流心嘅感覺 ，入面仲有拉絲芝士芝士味都幾濃郁 加埋煙肉鹹香又有咬口 吐司 烘焙 到微微脆 一啖食曬所有配料真係超級滿足 滑蛋 分量都幾多食到底嘅四分之三都仲有 最底就有啲沙律菜唐生菜絲 所以唔怕食到最後得返包。2人share啱啱好個位仲有位置食其他嘢 如果一個人食嘅話 就見以當正餐食會好啲 因為都幾足料㗎 下次會再嚟試下佢個軟殼蟹吐司 期待下一次 來葵廣 再掃街

葵廣一直都是小吃天堂，沒去一陣子又開了一堆不同類型的小店，這次就直去3樓找一家toast店！這家的吐司種類也挺多的，這一次點的是流心芝蛋拉絲吐司，厚厚的一份toast，有芝士、蛋、椰菜、糖霜、蛋黃醬、茄汁，整個滿得快溢出來！Toast 兩面都用牛油煎得香，外脆內軟，而且芝士味濃郁，真的可以拉絲喔！重點配料炒滑蛋夠香滑，份量也很足，把整份toast撐得滿滿的！整體來說是不錯的，下次會去再試其他toast!

今次到去葵廣覓食啦！🤩梗係要去3樓條巷仔先啦 試咗個吐司 口感唔錯😋漢堡扒流心芝蛋吐司 $38首先佢個麵包有啲焦脆感🍞成個吐司就係一個鹹甜嘅搭配😍 有個歐芹喺上面做裝飾 好靚🤩 吐司上面嘅醬係蛋黃醬 係一啲偏甜嘅日式蛋黃醬🍯 入邊仲有加咗牛奶嘅滑蛋 比較半生熟 幾滑嫩 🍳芝士亦都係少少溶 增加左鹹嘅風味 🧀入面仲有個漢堡扒 🧆有少少黑椒味 食落去總會有啲肉汁彈出嚟 整體都幾juicy😋🥓

去到葵涌廣場就梗係掃街啦！以前最多人去既係三樓，而家就層層都有野飲有野食，琳琅滿目，想食咩想飲咩，講得出既都幾乎有，自從樓下兩層都有好多選擇之後，我都好少上三樓，今日唔趕時間，就上左3樓嘅Top世界行下，行過見到有人拎住件大大份，好似韓國早餐咁既Toast，即刻諗起以前去韓國旅行既日子，結果就梗係叫左一份Toast黎懷緬一下。我叫左流心之蛋拉絲吐司，即叫即整熱辣辣，香噴噴。本身唔肚餓都變肚餓。流心之蛋拉絲吐司-入面有芝士，蛋，椰菜絲，蛋黃醬，糖霜，茄汁，好厚超足料。都幾大份，麵包鬆軟香口，餡料層次豐富。蛋好厚，幾乎每一啖都有蛋，但調味調得剛剛好，有茄汁同糖霜都唔會過甜過咸，仍然食得出椰菜絲甜味同爽脆口感。

掛住係韓國食過韓式多士，見到韓式鐵板吐司，好吸引。惠顧吐司加$22可以配飲品、仲有薯條/脆炸雞胸柳。小食有多款選擇應有盡有。流心芝士蛋拉絲吐司$34爆料吐司，面層見到滿滿的蛋，沙律醬以及一大片芝士。 吐司帶帶少少甜味，鐵板烤得包帶少少脆。每一啖都很滿足，大量材料同醬料。炸三角墨魚餅 $26炸到脆卜卜，外皮有些像炸薯餅的感覺。 入面有粒粒的墨魚粒，令到墨魚餅帶有口感，不會只是吃到粉團的感覺。和女兒二人一起分享，份量都足夠我們二人吃，小朋友吃完得很高興。

睇店名已經知道佢賣吐司🍞✨，韓式鐵板吐司最平$32就有交易🤑，如果想食豪華d可以食軟殼蟹牛油果🦀🥑個款，另外仲有水果三文治🍓🍑🍊：-1️⃣「煙肉流心芝蛋吐司🥪($38)」芝士同蛋融為一體🥰🤤，好滑好香🧀🍳，配埋煙肉🥓，有蕃茄醬同沙律醬調味，包都夠脆🍞～Cheesy toast with bacons, eggs and shredded cabbage: quite affordable and yum! The scrambled eggs with melted cheese are creamy.