影片
7月1日, 人地七一去游行, 我地七一就忙到晕! 所以要喺干活前食个好d嘅早餐准备定足够嘅体力先! 冒住同七一游行者斗迫嘅风险去到维园附近街市旁边嘅茶餐厅揾野食~ 见到呢间茶记环境几大几四正, 早餐款式好似都几多~ 所以就入去试下喇!::: 罗宋汤 + 螺丝粉 + 猪柳汉堡扒 + 炒蛋 + 高麦多士 + 冻奶茶 ::: $25 + 2好长的早餐配搭~ 啱晒贪心又多心嘅呀菲! 罗宋汤呈浓杰嘅橙色, 相信都落咗唔少人工野… 不过胜在蔬菜料都好多~ 螺丝粉亦唔会煮得太淋~ 很不错~ 至于猪柳汉堡扒同炒蛋, 都系一贯茶记风格, 味道ok, 不过油油地~ 蛋系炒成有d胶咁嘅质地, 唔够松唔够滑~ 反而个多士烘得唔错~ 够脆身! 冻奶茶ok, 胜在大杯!::: 猪扒炒公仔面 + 热柠茶 ::: $33可能太耐冇食过炒公仔面, 觉得呢个好好食~ 炒出黎系油油地, 不过豉油味够浓, 公仔面唔会一旧旧~ 猪扒少少肥, 不过好香, 一次半次都ok啦~ 份量都好够, 食完好饱~ 热柠茶既柠檬ok新鲜, 唔会一笃就散, ok~同街都仲有几间茶餐厅~ 不过呢度就算系最大间最四正嘅~ 食物水准唔系特别高, 但胜在选择够多元化, 可以慢慢拣!
继续阅读
寻日做到十点几，老细请食饭简左呢间叫左3个菜，三碗白饭，连野饭共$180几包括蒜茸蒸扇贝、脆皮鸡同埋滑蛋虾仁d扇贝都ok多蒜茸我系好钟意食蒜茸既人所以觉得好正粉丝不会太硬同太淋味道刚好连蒜茸同饭一齐吃系perfect match滑蛋虾仁都几好味不过多d葱会更好味鸡就同平时系酒楼食既冇分别都ok餐厅唔多人(因为好夜)环境几好，卫生不错其实上菜都几快下唔过15mins比预期中好好多下次会试下去呢间食lunch应该都唔错既
继续阅读
去开天后，夜晚就同爹哋妈咪系呢度食晚饭，叫左两个套餐，金菇瑶柱扒时菜（白菜仔）（$45）同红烧班腩煲（$52），每个套餐包例汤白饭同饮品。例汤系合掌瓜红萝卜煲瘦肉，饮得出有味精，同埋有D怪怪地。金菇瑶柱扒白菜仔腥腥地，可能系D瑶柱唔靓，红烧班腩煲都可以，有火腩同豆腐。埋单$97。同一条街有五六间餐厅，竞争都好激烈，可能系咁，夜晚七点几得半满。
继续阅读
今日同几个同事一齐去食lunch, 咁啱对面餐厅冇位.,咁冇办法,,唯有拣一间唔驶等..去已经冇人招呼, 千呼万唤...先可以叫野食....真巴闭.....咁既时间.....当然都系叫快餐...几个同事都系拣星洲米....咁个个都饮罗宋汤...一黎到.....个碗汤...都唔知系咩汤....仲衰个饮水..淡而冇味...如无意外...碟星洲米都唔方好...正如我所料...除左有少少辣味....都唔知自己食紧咩....最后想叫杯餐茶, 个收银阿姐....仲要好串咀....你地食埋先帮你写..你地冇位摆...下.....杯野饮有几大杯呀....摆唔落....冇野下麻.....咁既服务态度..简直一流......
继续阅读
09年9月18日 星期五今日下午茶时段点了1客下午茶, 猪软骨出前一丁及热奶茶, 盛惠$27. 这间茶餐厅座位非常寛阔, 仲有几部大电视, 我一边食野, 一边就睇住无线下午时段的烹饪节目, 一乐也. 1. 猪软骨出前一丁 这个餐本身$24包饮品, 可选择米粉, 河粉, 意粉, 通粉及螺丝粉, 配搭够丰富. 另可加$3改配出前一丁或乌冬, 一见到 "出前一丁" 哩4个字, 彷佛即时闻到公仔面的浓香麻油味, 于是马上点了出前一丁了. 上枱时, 成碗公仔面热腾腾, 麻油的浓香阵阵送来, 禁不住夹起一小摄丁面, 热蒸气马上急剧涌上来, 好香啊. 丁面烹调的时间刚刚好, 不会过淋过硬, 喝一口汤底, 味浓够惹味. 猪软骨炆得火候够, 软淋无比, 肉质肥美滑溜, 圆筒型的软骨跟猪肉的份量各占一半, 肉味更是非常香浓, 肥美的猪软骨跟香浓的丁面简直配合得天衣无缝, 很久也未尝这样味美的丁面了. 2. 热奶茶热奶茶香浓幼滑, 略嫌淡奶的份量较多, 有点儿浆喉. 而且热奶茶份量太少了, 即使喝完一整杯也有点不够喉的感觉. 下次再想食丁面, 我也必会再来帮衬, 而且仲一定会指明奶茶少奶.
继续阅读