不二家餃子小店 (已結業)

第二次嚟呢間小店,相比八方云集越開越多但水準不斷下降我寧願行遠啲搵啖好食...是日order如下:1)甜粟水餃上海面-新鮮粟米粒?!過份爽脆有點格格不入...呢个普通...2)紫菜水餃(跟醬汁)-咬開時有點不便但餡足味清新~i like it3)咖哩-即叫即煎超香脆!!可能加了雜菜粒咖哩味不是很濃,整體味道不錯~客人不多但水準其實不俗!!起碼佢有誠意丫!水餃款式不時轉下冇咁悶~無奈地點不太就腳... 希望佢維持到啦如果唔係我又少間好嘢食喇...

餃子店....淨係食餃子...頂多俾個上海面過你…但係又有好多品種ge餃，唔係過江龍而係本地個體戶小店，咁夠薑緊係入去試試。唔好食都係蝕15蚊啫！特登揾大坂王將同佢比較，於是叫咖喱煎餃，個廚房開放式，見到師傅好有心機咁做，勁在油煙味唔係幾埋身。等左七至十分鐘上枱 ---- 六隻、大件過大坂王將、皮厚過大坂王將，但緊唔係實激激ge面粉feel，至緊要係好香，仲唔算油膩，一咬落仲係脆添！入面個饀仲奇，雖則叫咖喱，之但係佢唔係好黃，唔係叫辣，但係好有咖喱香。入面係加左粟米、蘿蔔粒等等ge雜菜肉碎，加埋適量肉汁，大件得黎一d都唔滯口。係咁就好快食哂，夠哂飽。店內坐得十個客左右，佈置簡潔明朗。空氣都幾清爽流通。夜晩9點幾入坐，客得兩三個。坐左半粒鐘多d，見到1. 食鹽多過我食米ge伯伯（似老街坊）自己叫左個餃子加面，20蚊。2. 一個女客入黎叫外賣。3. 一個女客入黎，都未坐低就已經柯打左個餐。唔洗多分析，呢種現象，假如佢品質無價錢無大改變，會係佢係牛市ge先兆。

我們發現「不二家」是用心烹調，地道住家風味，地方小而雅潔，遠在港島及新界之餃子迷也慕名而來吃幾碗，真係名不虛傳！我們兩人叫了兩客餃子加一碗上海麵，找數四十元有找，已經夠飽。抵食，衛生，好味 ---可能不含未精，所以稍為清淡，最合講求健康飲食之現代人。今天發現有食家網在網上推薦。

一個好家庭式食飯既地方,老闆娘包d餃子好好味同埋好抵食!!20蚊有5粒餃子同個上海面,我o個日試左栗米豬肉水餃同煎韮菜豬肉,真係唔錯!!