上海香港麵家

营业中

休息中

o琴日下午5 點幾去口痕去食，第一次唔洗坐到咁迫，唔洗搭枱。叫o左粢飯($11)，細細個食到而家，以前只係$6 咋。不過好似無以前咁好食，可能因為唔係即整啦。我朋友仔就叫o左個酸辣湯($20)，細細碗，我覺得都幾貴，但係無試過，因為我唔食辣。佢o個到話最低消費係$18，不過可能因為唔忙，佢都無點理(我見隔o黎3個人叫2 樣都無嘈佢o地)，但係忙o既就唔好啦。

呢度最著名嘅食物，莫過於擺响門口嘅即製粢飯...自己對粢飯並不十分愛好。通常去到上海麵舖，都會選擇窩貼、油條或小籠包再加杯豆漿，粢飯從來不是那杯茶...但今日肚子實在有點餓，太座又唔知幾時走得，反正呢度之前又未試過，十二大洋大大份，又夠飽肚...質感包得幾實淨，油條及肉鬆份量亦夠，只是鹹了一點。滲些少白糖上去，鹹鹹甜甜咁樣，滋味可能更勝一籌...

2月23日, 想食粢飯, 哩頭好似冇乜地方有粢飯食, 唯有去呀菲以前成日去既哩一間啦~ 平時黎食都係叫粢飯豆漿豆花鍋貼, 真係完全唔覺佢有飯麵食. 除咗粢飯豆漿, 今次我地仲叫咗其他野, 不過有如快餐咁, 得個快字, 價錢仲要貴過餐廳, 又唔係大碟, 又唔係好食, 下次都係唔好去叫d小食以外既食物……::: 粢飯::: $11粢飯應該唔係即叫即整, 因為裏面d水氣出晒黎, 又唔熱~ 糯米好硬好難趙, 油炸鬼料好短, 食到2頭完全得糯米, 冇味淡茂茂, 唯有食剩d糯米算了…::: 豆漿::: $7都有豆味, 總算唔係落好多糖水, 唔會好甜~ 一般一般……::: 蒸小籠包::: $21超差! 真係快餐, 叫咗唔夠5分鐘就黎到, 擺明係蒸定啦, 仲要廿幾蚊一籠5隻, 好離普……肉都ok, d皮完全唔掂, 擺喺個蒸籠太耐, 皮好濕, 唔夠乾, 好易夾散, 咁既價錢點解唔食王+沙或者南翔?!::: 雞絲粉皮::: $38算係比較ok, 不過都唔係話好好食. 可以用”寡”黎形容, 麻醬+雞絲+粉皮係咁多~ 火腿冇, 連基本既青瓜絲都冇…味道幾好, 粉皮幾鮮幾彈牙. 雞肉都多同夠凍夠乾. 雖然份量多

2008年1月13日食完勁難食的太興, 要安撫下自己, 去呢間試試.聽大家評語, 要粢飯多炸菜, 幾好味喎! 其實呢次係我生平第二次食粢飯, 所以我唔知佢正唔正中, 只係自己覺得味道比我第一次食果條好.大細一樣價錢架!有下次!

4:xx pm 先食完個飯糰lunch, 但唔知係天氣太凍抑或我「生積」, 5:xx pm 已餓得發慌, 0黎呢度醫醫肚. 0黎過呢度無數次, 都係食走榨菜粢飯同小籠包為主, 今次唔想咁寡, 結果又熱(甜)豆漿又嫩雞煨麵又銀絲卷.先0黎熱豆漿, 飲落幾silky, 豆味都幾香, 加上熱辣辣飲得過癮, 果然係冬天0既良伴=D 蒸的銀絲卷軟熟, 都幾難唔好食, 不過可惜同上次九龍城一品香0個d 一樣, 中間唔係起絲的, 唉. 嫩雞煨麵d 麵都煨得幾腍, 加埋爽口的白菜一齊食, 唔錯; 雞粒有少少0鞋, 湯底亦「正宗地鹹」, 幾對口味.埋單約$50, 真係第一次0係呢類上海鋪食超過$30 0野... 不過點都好, 會繼續幫襯的. 下次會試試其他麵食.

很喜歡食呢度嘅餈飯,每次經過都心思思想食!尤其係冬天,揸住佢暖笠笠!如果女仔嫌太飽,可以叫細飯!佢會即刻整!食過佢其他嘢,麻麻地,又唔平,都係餈飯熱豆漿最好!

認為是全港最好食的粢飯, 當然沒有吃遍全港, 但起碼是吃過的最好吧.24小時即叫即包, 而且份量好足.油炸鬼脆, 肉鬆炸菜比例剛好, 百吃不厭.但服務態度一般, 永遠都是外帶好了.

店舖就好簡單, 食完要走那隻, 仲寫住24 小時營業, 真係利害!lunch 食左碗擔擔面, 幾好食, 湯濃度似傳統有花生那種, 可以再visit!

跑季又來，出到銅鑼灣時，天還未亮。走在渣甸街，吃早餐時選擇不多，不想吃老麥，成條街就只有這裡燈火通明，自然走了進來。上次晚上吃秶飯，發覺不新鮮，現在即叫即包的，又如何，就要了一條，另一碗熱豆漿。想不到秶飯的水準還是一般的不濟，糯米飯非常硬，油條也非常韌，有零星的冬菜及肉鬆，也無補於是。吃了一半，為了胃部健康著想，不吃了。熱豆漿不太甜，為身體增強能量，也相當好。見隔離檯的兩個醉娃，也實在醉得一塌胡塗，一個即場表演脫絲襪，一個硬是要在這裡吃肉醬意粉。掌店的阿叔沒好氣，在睇戲，也懶理。應該是見怪不怪了。

每次諗起粢飯，就o黎呢度，前日下晝行完街，肚有少許餓，就入o黎o益o左個粢飯及熱豆漿走甜，我都係對呢個組合情有獨鍾,不過，今次忘記叫加榨菜，如果多蕃少少，味道更佳。

我同媽咪都唔係好肚餓, 想食個份量細ge午餐...兩個人share4樣食物1. 窩貼: 點少少醋好好味, 不過如果個底再煎香少少會仲好, 好似煎得唔夠耐...2. 粢飯: 幾好食, 不過我嫌佢唔夠鹹香, 如果多少少料會好D!3. 咸豆漿: 第一次試... 最初食覺得味道好奇怪, 好似粢飯D料加響水度咁, 飲飲下又覺得幾好味, 不過D油炸鬼浸到超難食>.<4. 豆腐花: 一般味道, 但係貴過出面買

o尋日本來想食同條街o既"大叉樂"但係得自己一條友怕難搵拉都係o黎食麵穩陣d啦但估唔到叫酸辣麵竟然唔酸唔辣到食到最底先食到少少辣其實我真係唔算食得辣....所以都有d失望

幾年前, 朋友帶我呢條街食粢飯, 還提醒我這兒有兩間差不多名字舖頭, 都係賣粢飯, 仲話係得其中一間先至好食, 叫我唔好記錯, 哈, 結果我真係唔記得lu!今日再呢度, 眼見呢間粢飯檔好似係最顯眼咁, 就揀呢間試. $10 一個, 即叫即做, 飯硬少少啦, 油炸鬼又好似唔夠脆(可能人少, 以前人多, 貨去得快, 自然新鮮d), 肉鬆唔夠多, 同埋比較鹹lor. 不過夾埋晒又唔係唔好食, 只可以話一般啦!可能真係我去錯舖頭啦, 下次等我試埋另一間就知啦! 話時話, 我記得以前, 呢度買粢飯要排好長龍ga, 今日人影都唔多隻, 我都係lunch time 去, 同上次時間差唔多ga, 唔通呢條街粢飯已經以前水準!?

3.4 星期日晚餐由於當日shopping已用唔少，我地捨棄左韓食，決定食餐平o既2個人叫左3樣野1)粢飯($10)- 好味，油炸鬼唔會好"林"。不過飯較多2)鍋貼（4隻$）- 都唔錯，但好油！我決定用紙巾吸油（見圖）3)擔擔牛肉麵($3x)- 擔擔麵suppose係辣，但我唔食辣，所以叫佢將牛肉麵同汁分開上，我加左好少好少醬已經食到有花生味，仲幾辣！但朋友加左好多汁，佢話好咸。牛肉好"林"，醃得幾好味！凍豆漿都幾夠味，唔稀阿姐都算serve得好喇，我問左佢幾次擔擔牛肉麵辣o既程度/要分開上…都冇黑面食物算幾好，但一定坐得唔係好舒服，而且好多人/地下不太乾淨…

一個人，見仲有位，去試0下啦！叫0左一碗炸菜肉絲麵。肉絲少都算，但就咸到死！我食到一半，真係頂唔順。叫0左杯熱豆漿，豆漿一般。但味道好似腐竹糖水，無乜豆味。我飲完豆漿都未得，仲要0向街買野飲！其實碗麵要成$21。都唔係Cheap，但又細碗又超咸。好唔抵食！