上海萬家村小館 (已搬遷) 新店位置

路經深水埗肚餓，看到這裏下午茶二十元包飲品，仲送 2 個生煎包添！ 真係非常之抵，便進店來試一試。 下午茶類型非常之多，二十至二十多元，份量也很大碗。這裏格局比較舊式，店面有點陳舊。幸好剛有卡位，便和朋友到卡位坐。 排骨擔擔麵 燻魚擔擔麵 生煎包 (送) 凍檸茶擔擔麵份量很大！一個人吃會非常之飽！湯底味道雖然普通，略嫌未夠花生香，醬汁未夠濃。麵則不過不失。燻魚擔擔麵都是二十多元，有 2 條燻魚，非常超值！外面吃一碟燻魚都要數十元，這裏二十多元有擔擔麵有魚仲有生煎包！生煎包是送的，但不欺場，煎得很香，熱辣辣香口好味！不過這裏的阿姐服務就麻麻地，有機會會再試一試。

《萬家村》亦係我另一間常到既飯堂。尤其係成班朋友，大家就會話去食上海野。呢間《萬家村》水準唔差，但係好抵食！一大班朋友，要個個食飽晒，呢間係首選！有朋友將要離港，為左送別佢，我地一行１６人又去左食萬家。好彩Book左位，好快就有位！ 讚！套餐內的菜色任轉成班朋友叫餸食飯，最難就係揀餸！但係《萬家村》既套餐可以任轉裡面既菜色，如果貴D，就加$10 - $30。但係同佢講下價，佢會肯平D加比你架！ 讚！飲品任飲一坐低都未嗌野食就問晒我地飲咩。因為呢度係無限任飲！我地１６個人，個個都飲差唔多兩杯或以上！（都唔細杯架！） 讚！大量荀野，氹下佢，佢又會比你～　甚至自己拎黎我地叫晒野後，佢就即刻話送多兩碟菜比我地！甜品豆沙鍋餅，見我地唔夠又拎多兩碟比我地！正！（今次同大班朋友一齊，影唔切相）　我地嗌左：一個３３８餐(轉左幾個餸)，一個６３８餐，加左碟鎮江牛肉，加左幾碗飯食左多多款，未能一一盡錄，特別介紹以下： 砂鍋雲吞雞 讚！砂鍋雲吞雞！每次必食！抵食足料(成半隻雞放左落去)，唔重味精(唔敢話無，但係食唔出有)，又香又甜！雲吞又皮薄！次次食完一碗又一碗！ 火腿津白 讚！火腿津白！最鍾意佢將津白煮到

那天在男友家，晚上想在樓下隨便一餐就算，於是在openrice看了這間餐廳不錯，就一試。一試之後覺得不錯，就再試，總共吃了兩次。第一次來點了黑醋骨餐($40)加一個擔擔都($22)。飯餐包括有湯、兩碗飯、水果、飲品，加上開的茶，真的很多水﹗湯是普通的例水，無特別。黑醋骨的賣相不錯，可惜有點炸得過火，而且再酸一點會更合我心意。飯好像加一元轉了菜飯，不過飯比較粘。第二次來就試了回鍋肉飯，這個很惹味，吃得過。經濟的一餐，不過不要要求有好服務就行了。

一踏入此餐廳內就叫我們坐近水吧鈄對面, 即電視機下面那張四位長坐椅。 ***<<千其唔好坐近水吧鈄對面的坐位, 我們吃緊野時間, 個女waiter準備走出水吧時, 而手拿起正在放了幾杯冰凍飲品的盤時, 懷疑滑手整盤連幾杯冰凍飲品一起倒跌落地, 弄到男朋友條褲腳及鞋也潑濕, 個女waiter都唔知點攪架, 服務差。>>到落order時, 我們拿起本menu就看及落單, 完全沒有留意那些過膠宣傳餐單。 落完order後, 上了二碟餸後, 另一個waiter問我們係咪套餐, 我們都疑惑。 細看那些過膠宣傳餐單, 原來"特價套餐"包精美小菜任選三餸一湯, 奉送白飯二碗及生果, 加送豆沙鍋餅及飲品兩杯 總數$178.00。 看來要套餐便宜些, 如果waiter當我們叫套餐也沒損失。 所以我們照叫白飯, 飲品; 到叫麻"豆沙鍋餅"時, 另一個女waiter話你地是"散叫", 而"不是套餐", 但會照俾豆沙鍋餅我們。點解唔幫我地照計番"優惠套餐"的價錢$178.00(未計茶位)呢??? 原本我們叫了(i)蝦仁豆苗 $58.00, (ii)金菇肥牛粉絲煲 $50.0

下午茶有好多人要左燻魚, 我都要!好大條魚尾! 仲起D左肉件四大件, 魚D肉唔以平時食到牛肉乾咁鞋, D魚皮都好香口跟: 擔擔面 - 唔錯, 清碟, 花生味多D就好, 唔辣的我也可以吃到 冇晒豆漿唯有要奶茶, 老又稀 生煎包X2, 聽說以前是煎兩面, 好吃點的. 現在也可以這個餐才$20!!! 份量也給足, 味道也很好! 係環境糟D, 滿枱上手吐出來的骨呀肉呀TISSUE呀,在我與男朋友排排坐中間掃到地板上, 我們坐反正就要踏在那堆東西之上, 好嘔心呀男朋友要怪味雞, 肉很幼, 以為會很辣的, 才不呢, 都好好味!這個餐$35

遠遠去到深水埗...知道深水埗好多美食行下行下, 比一個易拉架上的menu吸引左入黎跟餐送2個生煎包, 凍飲+$2生煎包味道不錯肉餡都幾多汁<燻魚擔擔麵> $20甜甜的燻魚, 味道不錯呀!!<怪味雞擔擔麵> $35因為未食過怪味雞, 好奇想試下味道似甜豉油份量比較少, 呢款價錢偏貴擔擔麵個湯都ok不過d麵就較淋...

琴日同屋企人二個去左呢間上海菜度食野其實平日都有經過...見到門口印左d小菜既樣係度都覺得幾正咁不過小食中菜一直冇機會去試~琴日終於試左一次啦~一入到去...地方唔係好大,,逼逼地咁...好彩有卡座坐..唔係坐圓台都真係幾逼下好啦~咁我地就叫左個178幾抵食套餐(個名我改既)有三個小菜,一個湯,一個豆沙窩貼,一碟生果,二杯野飲,二個飯咁話就話二人餐..不過講真三個女仔都夠食咁小菜我地就簡左 菜心獅子頭 塞螃蟹 回窩肉菜心獅子頭好正,d汁好好味,兩個獅子大大個又好入味,好o岩送飯..下次會再叫!塞螃蟹就係d上湯瑤柱炒蛋白,幾足料(冇蟹架xd) 淡左dd 不過都唔錯,,不過下次會試過第二樣回窩肉都幾野味,,不過有d唔抵食,菜仲多得滯,肉好少,不過d回窩肉咸咸香香咁.都唔錯其實仲有好多選擇既,好似有東坡肉,小籠包,糖醋魚,火腿津白,麻婆豆腐咁...好多...唔記得啦咁個湯就有冬瓜湯,魚肚粟米羹同脆咸肉豆腐湯我地就簡左脆咸肉豆腐湯,清清地,都幾好味~不過太多野食..飲唔晒再泥個甜品...其實已經飽得好犀利...不過個豆沙窩貼真係好好味脆脆地,紅豆剛剛好甜生果就係幾舊西瓜...ok la再叫埋d

住係附近十幾年都冇試過呢間同一班同學做PROJECT食DINNER揀左呢間入到去成班STAFF同客都係上左年紀........不過D STAFF見到我地一樣好好招呼服務態度一流比好多高級地方更好環境當然係一般酒樓式有一種親切感叫左個SET DINNER FOR 6個人個WAITRESS仲好NICE咁話如果邊個菜唔岩食可以轉菜實在來得太快10MINS內6個菜到齊.....食落口絕對有驚喜可能因為入門口之前冇咩要求掛結果係要開多張台先夠放野食同埋我地就成為間舖裡面最嘈個台.....最後仲要有野飲送不過有凍奶茶飲會唔會同上海菜唔係好MATCH呢?

食泰燒, 未會飽的, 慢步行行深水埗, 找到馳名的酸辣粉. 不過門口排著大隊. 都係找別的, 但又唔想企係街邊食喎. 整份小籠包吧. 反正喜歡北方食物. 就諗定快趣方便, 食完走.店子雖是人多, 但大多數是等.......不是等位, 而是等食物. 不少檯只有餐具. 我只好叫壺茶, 叫下一份小籠飽. 慢慢等....但...連開壺茶都要慢慢等..眼中只看見3至4名女侍應, 又要兼顧樓上雅座. 覺得他們根本做唔切. 好久, 我的小籠飽, 由點心師父自己送到, 肉汁夠鮮但皮比較遜色了. 不舍是老闆喜歡請人食野定因為自覺服務慢, 突然向全場宜報, 送飲品. 我連忙點多一杯凍奶茶.味道雖是不錯, 但地方太細, 同慢. 環境真的差了點.

抵食好味, 2個人食晚餐 只係$88~!!!食物如下有例湯一大碗 (唔係強勁味精湯)一個羅定豆"是"雞一個醋排骨2碗菜飯仲有2杯飲品生果(幾片西瓜)2個小菜好好味, 環境/服務/衛生 都可以88蚊真係抵到爆, 好味過"皇x沙"好好多, 上次去"皇x沙食差唔多份量要$3xx... 又難食....

博愛歡樂傳萬家 要食平野來萬家呢度d 野真係好平.....叫左幾個送雞絲粉皮 + 醉雞 + 上海小籠包 + 膳糊 + 醬爆雞丁 + 酸辣湯 + 火腿津白雞絲粉皮....皮爛晒...雞絲太少...麻醬太浠....醉雞 酒味十足~~但係略嫌太強烈....把雞的味道也蓋過了小籠包...差....皮厚肉少....內裡冇汁......失敗之作膳糊冇食到.....不予置評醬爆雞丁....不錯但係雞肉都好似係太少...腰果就多到你食極都唔完酸辣湯....又平又足料...酸酸辣辣...過足口引....火腰津白....得三塊火腿.....拜神咩~~不過味道清清淡淡....算係咁不過呢間野最大的優點係平....叫杯野飲....飲完可以問佢再添飲...那管你是叫奶茶還是檸樂.....都係添飲的食到飽一飽....都係一舊水...你話幾好丫~~野食唔係話好好但係以咁的價錢...仲可以坐咁耐.....超值!!

一碗擔擔麵 + 兩個生煎包 + 一杯奶茶，俾你估要幾錢？都係$15咋（下午茶時段價錢），死未？如果要有料嘅擔擔麵，例如燻魚、五香牛肉、上海水餃……都係$20；再貴D嘅揀口水雞、怪味雞先至$35，係咪好抵食，所以貪佢夠平就走入去試吓。老實講，咁平，都唔好預佢話好食，結果係個麵麻麻哋，麵身好腍，湯底得個辣字，唔香；反而個生煎包唔錯，門口位睇住個師傅密密手係咁包鍋貼同生煎包，都幾新鮮熱辣，包底煎得幾脆口，餡料肥豬肉唔算多，係舊餡細咗D；跟餐杯奶茶好香，不過未夠滑，總之，$15，算係咁啦！順帶一提，下午茶時段平成咁，所以好多人幫襯，茶餐廳格局，排枱好密吓，要搭枱，幾逼架，又可能要等耐少少至有得食，服務都好一般！

3月5日接完女友人放工，諗住係福榮街一帶搵食，最後選擇左呢間，因為女友人話睇到豆沙煱餅好想試；我地叫左水煮牛肉餐(跟菜飯同酸辣湯)、怪味雞同豆沙煱餅；先來評豆沙煱餅，味道一般，仲要好似攤左好耐凍左先攞出黎比人食，面頭陳皮好(銀)；水煮牛肉都OK，之前係朋友屋企食過，所以想再試試，呢度都唔錯,女友人食得辣，所以連芽菜都食埋，咁唔駛點講，好食；最後的怪味雞，感覺好特別，值得一試，唔係D雞特別好味，而係佢D汁整得唔錯，配埋蔥撈飯都覺得好食，飯後果係西瓜，其實可以慳番，蝦肉色的西瓜你食過未?

行過見有上海野食試一試,一入去d阿姐好冇禮貌,悔悔氣氣咁叫我地坐低,開左茶d茶水面有好多油漬浮下浮下...叫左個2人餐+小籠包,$200.d雞絲粉皮出黎已經係碎的,又冇味,最可惡係好多冰水係底.其他野牛仔骨呀,雞呀都好難食,好多味精同好咸,份量仲好細.比出面難食但係比人貴,食屎啦.最離譜係咁大間餐館,已經坐個張台係細嫁啦,我地食完d野佢竟然冇人執台,攤曬係到!!!而且連一張tissue都唔俾人,有冇搞錯呀???以200幾蚊食d咁gei野,仲要受氣,以後都唔會有人去!!!

叫一個客飯,出來的卻有驚喜:1.一碟餸2.兩碗白飯(或菜飯)3.一杯冷/熱飲品(免費)4.一碗例湯(送的)5.一碟西瓜(送的)--> 人人捧著肚子走出來有次十個人叫了個套餐,有砂鍋雲吞雞超大,每人飲了幾碗至飲完,超抵食