上海美華菜館 (已結業)

呢個長假期多數都係食西餐或者係日式下午茶，今早起身突然想起佢⋯⋯見時間尚早所以就趁早行動啦 😋家住土瓜灣嘅朋友一定對此店不會陌生，好多朋友可能由細食到大。如果朝早係呢度買粢飯係要排隊㗎，趕時間返工真係多數等唔到㗎⋯⋯咸豆漿 + 厚蔥油餅咸豆漿內有油炸鬼，菜莆粒及少少量蝦皮，上枱嘅時候非常熱辣辣，蔥油餅並不是油淋淋，煎得外皮好香脆。如果食唔慣鹹味豆漿，可以飲佢哋嘅甜豆漿，豆味濃郁，現成嘅豆漿真係冇得比㗎 💪🏼💪🏼。招牌粢飯通常未夠11點已經賣晒，裡面嘅油炸鬼就算留到下晝先食依然係脆，餡料十足，肉鬆多到跌出嚟💪🏼💪🏼 如果可以多啲菜莆一定仲好味 😋既然今日可以坐定定喺度食，梗係要食多一兩樣啦⋯⋯生煎包、煎鍋貼都係新鮮熱辣煎出嚟，生煎包皮薄，咬開個包裏面仲有D熱氣走出嚟 😮👍🏼。

人地四人叫鳳尾魚，我兩人又叫鳳尾魚，一樣價錢，我少一半。只係炸魚仔，無味油炆筍，還可以都係比人地少，味道只係勉強可以酸辣麵，$68，餐牌無的，麵都算大碗，但不酸不辣菜肉雲吞，摺的位，又厚又硬唔怪得我朋友住附近都唔黎食啦最後，找錢是，續張銀紙灑出黎極無禮貌

原來佢單身客不招待嘅，理由就係冇位，幾時有位，答你吾知。不停叫你買外面，眼見有位，就係話冇，山長水遠去到，有被欺騙的感覺，應該裏面一個上海人都冇，外觀可以，食物還冇機會試。不過佢個態度簡直係惡劣。

香港九龍去過好多上海鋪，估唔到最好食嘅早餐係土瓜灣，真係相見恨晚。以前係上海附近就係最出名嘅霍山路大餅豆漿鋪，半夜去都要排半個鐘至一個鐘，多味精但真係好好味，係香港食試左好多間又貴又難食，今日特登一早起身黎試下呢間，居然仲好食過霍山路，可惜兩人都係叫咸漿粢飯，發現好食時已無肚試其他嘢，下次希望仲有蔥油餅和鍋貼，好似好多嘢都一出爐就好快賣哂，勁夸張。另粢飯中間包住油炸鬼係脆卜卜嘅，所以唔會幫手剪，我見隔離枱要求剪被拒絕，剪開應該會碎到周圍係

我幫襯了這間老店已經有廿年，和老闆和老闆娘甚至乎他們的兒子也有點頭之交，算是一個熟客，他們的粢飯，咸豆漿，煎鍋貼，粉絲湯和薰魚都是上佳的地道上海早點。特別是老闆做的粢飯，一直是我在香港最喜愛的粢飯，味道品質皆上盛，晚餐我也時有幫襯，最愛他們的鹹篤鮮，上海炒年糕，薺菜鮮魚片，蘭花豆腐乾，韭黃炒鱔糊道道皆是我喜愛的名菜。可能是太多傳媒的報導，有時會多了外區生客，有時候老闆忙到不得了，便會有點兒小脾氣，可能我已經是熟客仔，所以會揀選他們不太忙碌的時間幫襯，好好享受一頓正宗上海菜。可能因為之前工作緣故，我曾在上海工作了兩年，對上海菜有一定認識，所以這間老店貼緊上海當地菜館的味道！而且價錢大眾化，有股懷舊味道，希望他們能夠繼續經營下去！

早上天氣冬，總想吃些能量高早餐上海熱甜咸豆漿，粢飯是我愛吃的能量早餐，美華飯館是我首選之首選。美華吃的是傳統上海菜，新一代食客末吃過傳統味道則末必適應，這小店家庭式經營，地理位置不方便，環境衛生也不過不失，但這裡傳統味道卻讓我來吃了廿多年。今天來到門前巳有多人排隊買栥飯，外賣。我绝不吃外賣，所以必入內堂點吃咸豆漿，栥飯，鍋貼，葱油餅，可惜我點葱油餅時已剛售完了，真的有點失望。.咸豆槳可吃到的地方已不多，在公司附近那間專吃栥飯的傳說米子蓮食店，只有有栥飯，沒有咸豆䊢，吃栥飯沒豆槳猶如吃雞不知皮，不如唔好食。所以那店我從沒認為它是上海菜，最多也只是接受台式飯團。這的飯團是即點即做，一口咬著燙熱的飯團內裡的油炸鬼仍是脆口，夾着肉鬆和炸菜，絕對是冷早上為我增加能量的早餐。還有這裡的飯團是一顆一顆吃，若你命他将飯團剪開，他們只會叫你自已拿較剪剪開，因為這裡的栥飯只可散在口裡，不能散在碟上。散了入口味道大打折扣不好吃。這個我絕對認同。油豆腐粉絲湯绝對是下價食物，但每樣食材配合得好，就是平民恩物，再伴以I剛煎出來的鍋貼，一口鍋貼一口粉絲湯，是冷天的絕佳配搭，這裡的鍋貼不是坊間皮簿的，也不是用餃子煎

公司叔叔早 2 日幫老闆買粢飯，抽起我哋條根，噚日打定去鋪頭問午餐時段有無粢飯，點知話平日到 11 點，假日到 12 點，今日趁老闆唔返我哋作反， 10：30 走咗出去買外賣 🤣🤣🤣今日去到，竟然門口有人龍 😱😱 門口有貼紙外賣堂食都要排隊，咁就一路排一路睇再買啲咩返公司，點知到我嗰時就話窩貼要等 15至 20分鐘，生煎飽賣晒，咁始終偷走出嚟就無謂等，所以買咗 3 個粢飯就速回公司。10分鐘內路程返到公司，趁粢飯仲熱即刻品嚐，饀料好多，油炸鬼仲脆卜卜，係炸菜喊咗啲，整體都好味。見前面有人話鋪頭啲人好惡好無禮貌，噚日打去問都戰戰兢兢架，但接電話嗰個又好好人喎，另外頭先買窩貼要等，咁我就講句話下次再嚟過買，個亞姐仲話：係囉下次先啦，來日方長，都唔係咁差啫!

員工服務態度極其惡劣，工作流程全無系统導致混亂不堪。食物更好食都無用，食咗都背脊骨落，更何況味道只是一般。我都係第一次食唔熱嘅咸豆漿，連最基本嘅温度都未達標，其他嘢都唔洗講。 幾十年老字號，可以說是保存其傳統風味，但如果跟唔上時代嘅節奏而作出改變，好快就會被淘汰。現代人食嘢除了味道，服務態度都是不可缺的。食了一肚氣，不吐不快，以後决不回頭。

如果有得比零分，我一定比零。以前食過呢度啲粢飯，覺得不過不失，見餓餓地就諗住番兜。今次拎住重嘢，所以唔外賣，堂食一舊，拿拿聲食完就走。問過門口阿叔先入去堂食，坐低左都比個大山婆趕走，話剩食粢飯唔比堂食，一定要跟豆漿，咁我係唔飲豆漿呢類飲品，我可以點🌚本身諗住外賣算，但疫情關係外賣去得邊度食，咁都唔彈性處理下，谷鬼氣唔買直接走，浪費我時間🤡terribly services and rude staff

星期日11點左右入到去，我話想攞個餐單睇下，個女侍應話今日冇客飯，咁我就問清楚係咩日子先會冇客飯供應。咁個位侍應已經好不耐煩咁答我閒日至會提供客飯。咁唯有叫早餐啦 幸好去到既時候都係11點左右，咁我就打算嗌小籠包啦，咁我搵佢落單啦，佢話賣晒。咁我就再諗緊應該嗌咩好既時候，佢就話：「唉 你慢慢諗啦 你諗好先搵我啦 我好唔得閒。」態度極其惡劣  然後我就走左 P.S. 就算味道再好 咁樣為客人帶來不愉快既用餐體驗 都唔會係一間好既食店。

疫情威脅下，很久已沒有出外吃早餐了。今天突然想回味一下上海美華的豆漿粢飯，於是老公便揸車送我去買外賣了。抵達後，便發覺未見以前的人龍。我進入店內，見到客人寥寥可數。落了單，付過錢後，我便回到門外等候食物。不消一會兒，外賣已到手，比較以往真是快捷了很多。～咸豆漿久違了的咸豆漿份外好味，豆腐花入口滑溜，餡料豐富，蝦皮、油炸鬼粒和炸菜非常惹味。此店頗為貼心，炸油條粒是另外包開，吃的時候才自己加入，避免浸發過時便變得不脆口。～咸粢飯粢飯依然好味，糯米煙韌，餡料豐富，肉鬆味美，炸菜粒帶出咸味，包在粢飯中間的脆油條極有口感。粢飯份量不少，但很快一口接一口便吃掉整個了。吃完這個豐富早餐，真教人滿足。

粢飯細個成日食 大個之後好小食🥢粢飯20HKD + 豆漿 10HKD飯同餸既比例岩岩好 油炸鬼係脆架比滿滿肉鬆包住手握飯團鬆緊度恰到好處👍🏻豆漿對於我黎講太甜啦 蓋過左豆漿既甜味✖️

好耐無黎過土瓜灣，今日知道夜晚會喺土瓜灣收工，於是就已經諗定食乜嘢好，諗咗一陣，就決定呢間上海舖，以前間中都會黎呢度幫襯下。疫情之下，一個人坐一張大圓枱，不過唔知點解老闆娘係都要屈我坐單凳，明明隔離嗰張有有背椅，冇人坐都唔俾我坐😭😭。講返正題，今晚叫咗小籠包、上海粗炒同埋豆漿。小籠包一籠4個，即叫即蒸，舊式上海舖嘅味道，好食，豆漿就一如既往嘅好飲，我鍾意佢唔太甜。不過好可惜個上海粗炒除咗算係少油之外，完全唔得。首先，雖然佢係熱辣辣上枱，但係一啲香味都冇，其次就係佢嘅用了，啲肉是偏肥，無肉味，最奇怪嘅係啲肥肉點都應該會有啲油香，但係佢就完全無，所以估計佢係用咗啲品質比較差嘅雪藏肉絲。總體黎講真係令我失望，浪費了quota。

聽聞這小菜館已久，今午終於有緣一試。平日中午這小店並沒有太多客人，店內典型老式裝修，還可以的。我和友人卡位坐下已經有侍應送上茶和開水給我們沖洗食具。店內客人和伙記以上海話溝通，感覺親切。幫我們落單是一年青小伙子，會給我們建議，值得一纘 !最後點了油炆筍，百頁豆腐，沙鍋獅子頭和黑醋金沙骨。油炆筍偏甜，百頁豆腐咸淡適中帶淡淡鹵水清香，獅子頭相當正宗，金沙骨醋香又酸又甜肉鮮嫩。非常滿足。下次一定要試沙鍋醃篤鮮和小黃魚。

自從今次的疫情持續之下，周圍的食肆都變得十分冷清，放工後一人又去找尋地方食晚飯，在這個食肆步入栆冬的時候，我應該開始支持下一些小店，同事介紹之下，在土瓜灣試下食平民價的上海菜，行到內街美善同里的「上海美華菜館」，眼見餐廳的裝修都比較簡陋，不過對我來說最緊要是食物水準好，環境都是次要。入到餐廳內，都得到店員姐姐熱誠的招待，卡位都已經坐滿，店員安排我坐大圓枱，她也好有效率地奉上餐牌及用熱水浸著餐具給我，可以用熱水消毒殺菌，真是貼心的服務。打開餐牌選擇真是多，分別有冷盤、熱炒、豬肉類、雞肉類、乾絲類、鍋巴類、湯類、煲仔類、牛肉類、豆腐類、魚類、蝦仁類、砂鍋類、海味類、蛋類、菜飯、蔬菜、炒飯、經濟客飯、湯糕類、鹹點甜點包類及甜品等......真是多元化，一間小店都可以有那麼多種類，聽聞早上都有不少街坊客過來排隊買早餐。可見人氣都不少。店中都有供應二人、四人、六人及合家歡套餐，都好大眾化。還可以自選套餐有二餸一湯之類的選擇......一個人都不可以點太多的選擇，那麼我嘗試下店中的大熱菜式，我選擇了一客四粒的鮮肉小籠包($28)及一碗上海擔擔麵($40)，小籠包都是即叫即蒸，所以等侯的時間都會較長