上海美味齋飯店

而家真系好难揾到一档好食嘅上海菜馆 细个住喺油麻地文明里附近有一档上海菜叫丽施饭店 到而家50几年都未揾到一间拍得住嘅上海店 某日喺呢间上海美味斋菜馆 叫咗回锅肉但啲猪肉干到猪肉干咁 醉鸡麻麻哋 酸辣汤麻麻哋 最奇怪系担担面一上枱有阵味 对唔住 又系我写的第一篇负评！…查看更多

这间我经常去，今日无私推介大家试试这个糖醋鱼块，酸maymay的汁，炸到好脆的原条鱼，系我老豆最爱！虽然百几蚊有点贵，但你可试一次，应该会爱上师傅手工，是系非常非常传统上海手工菜！当然另一样一定系高力豆沙，人太多的话师傅会唔整的~酸斋、担担面（加辣）、韭黄炒鳝糊、小笼包、酸辣汤𠮶啲我就唔多讲啦必点吧！…查看更多

到黄大仙凤凰村𠮶头揾食，都实会谂起「美味斋」，虽然店名有个「斋」字，但并唔系食斋。饭店系以上海菜为主，京沪菜为辅，六十几年老字号，老街坊一定认识。上海菜呢种浓油赤酱嘅味道，耐唔耐就会想食吓，几年前曾经装修过，比起老店更光猛干净舒适，可能系老店员充满人情味嘅关系，喺度食嘢总会感觉好豪迈又好放松。无茶芥、无加一，十分经济。✢ 酸辣汤锅粑 $98酸辣汤够晒酸，我哋叫咗少辣，我觉得可以再辣多少少。啖啖笋丝，黑木耳、鸭血、豆腐、冬菇劲足料。热辣辣淋落锅粑上发出卜卜声，锅粑脆口又有少少烟靭，带有饭焦嘅焦香味道，同酸辣汤好夹。✢ 花雕醉鸡 $85冷盘冰冻够清爽，最钟意鸡皮爽弹，鸡肉嫩滑够入味，劲浓花雕酒香，食多两件都觉得有酒意，有揸车嘅朋友食一件就够。✢ 四川担担面 $45叫咗少辣，芝麻酱汤底浓郁，粒粒碎花生脆口，面条爽滑挂汤，食到传统嘅味道。✢ 姜葱鱼头煲 $120瓦煲滚住上枱仲「治治」声，鱼头份量十足，走油劲够镬气，姜葱爆到好香，食埋啲葱都好正。✢ 沙茶牛肉 $90沙茶酱汁浓郁带甜味，酱汁多兜匀整碟牛肉，牛肉大片软嫩，加入洋葱、青椒、红椒爽口配菜，增加口感。#上海美味斋饭店地址：黄大仙环凤街19号地舖…查看更多

呢间上海菜好耐以前屋企人带过去食疫情前执咗 隔咗个疫情之后重开请返晒同一批伙记💗入去食饭系有种时光倒退嘅感觉啲伙记好多嘴 好钟意同啲客吹水个感觉好有旧香港feel 😂😂野食方面大部分水准都唔错 🥳🥳咖哩鱿鱼 凤尾鱼 酸辣汤 炸银丝卷 年糕 炒面都几好食田螺 醉鸡 小笼包比较麻麻不过食物份量比较少个鱿鱼已经加钱由例牌转做中size 话比8个人食 份量真系偏少一人夹两旧都无晒lur酸辣汤就大份啲一家人嚟食 食埋甜品就好满足…查看更多

二人食饭永远都唔比枱，一定要你搭枱，尽算有细枱比你入都会要求你食紧时要调枱，事情是咁的：平日夜晚7点左右两公婆去食饭，食饭时间预咗要等位。拎左飞系walkin 第一张筹，前面有1张6人订枱。等了10分钟有半张枱埋单，要搭枱，问我坐唔坐，虽然现在开始放寛，但疫情仍然每日2万单，我见他们细枱都没有胶板间隔，于是我决定等下一张细枱不搭枱。再等了10-15分钟，门口一张细枱两位女士埋单，于是我上前问是否可入座。但职员竟然话你现在可入，但如果突然有3-4人来walkin, 你需要调座去隔离大枱搭枱，让座他们。宏观全间店都无乜只有2人座位的方枱，多数是可坐3-4人的细圆枱，以他的安排座位方法，如果我唔想搭枱即系永远都唔使入座，除非你接受食食下有3-4人来walkin 比佢调枱。呢间上海野未装修前食过都唔系咁。等左半个钟都食唔到，嘥气。…查看更多