上海真美豆漿大王

营业中

休息中

食完景霖再搞完一輪私事等車再去下站時天時暑熱口渴非常下巴士站o係正舖頭門口貪方便買杯凍豆漿飲甜味係唔多幾好但至重要係豆味不足又唔夠凍同朋友仔一致認為溝左水枉佢仲自稱豆漿大王景霖d豆漿好過佢十倍呀!!!

之前好鍾意食這裡的鴨舌，不過上次食到的鴨舌肉質的霉的，仲有好大陣雪味，可能已經雪了很久，下次不會再吃。

2月26日16:15在寶康公看小魔怪的手球賽，散場後到這裡來個下午茶。要了酸辣湯配銀絲卷酸辣湯：料算多，有大大件豆腐、大片雲耳、酸筍絲等。酸和辣都不夠，顏色呈橙紅，整體粗枝大葉，有點浪費了那些材料的感覺。蒸銀絲卷：香、軟、滑，幾掂。店不算整潔，店員禮貌一般。題外話：我竟然在不到30分鐘後，再吃另一碗有水準的酸辣湯。

上海舖中雲吞都算最差的,唔新鮮,肉"鞋",豆漿有燶味

唔係老公返工返呢頭，真係唔知有間咁既舖頭，裝修普普通通，有o的街坊feel，但居然佔兩個大舖位，如此貴租仲頂得住，必然有個人之處。栥飯即叫即做，可加錢多加其他配料，如砂糖，多d炸菜，多條油炸鬼，肉鬆，有坊間少有既足料咸豆漿，最驚訝係居然有湯丸加豆漿，本人從來未係出面見過有，o的湯丸拍得住松記，仲有個上海雲吞o的皮薄到呀....雖然索價十七大洋，但非常好食，唯一美中不足係標價十九大洋既鹵水鴨舌/腎，祇得幾條，有點到喉唔到肺，可能鴨舌來貨貴掛。

d餈飯係特別好味，尤其是條油炸鬼係脆0既，真係好難得。都只不過8蚊食飽。下午茶18蚊麵加豆漿，午餐就22元。都好抵。d麵有甜雪菜同冬菜，好好食。一碗上海雲吞麵，飽到嘔。不過環境就唔太乾淨，d椅椅油淋淋咁。

餈飯大大個，即叫即做，味道十分好，因為榨菜和肉鬆都好惹味。煎餃好正，很濃的菜味，加上辣椒醬和醋吃，但有時煎得不夠香，這是小小的缺點。鴨舌好正，豉油味濃，鴨舌夠爽脆夠入味，正！但分量略少。