上海真真豆漿大王 (已結業)

每次來紅磡肯定少不了來這邊吃我最喜歡的粢飯。不加糖的豆漿也很好喝，又香又濃又滑。酸酸的湯的味道剛好。五香牛肉麵也是每次來都會選擇的，喜歡清淡一點的朋友可試選擇這款。

是日晚餐自己搞掂見唔太肚餓就去搵麵食下依間鋪路過好多次都冇人去,今日就試下簡簡單單,叫碗麵加豆漿熱豆漿有腐皮係面,真材實料淡淡的,唔知係咪要加糖呢?上海雲吞麵,跟雪菜得喎,雪菜好食,甜甜地麵質小硬,但有口感,唔錯雲吞結實足料,夠味,皮唔厚整體不錯,比個讚以上食評只反映本人立場,如有雷同,實屬不幸

呢間舖真心去飲豆漿很好！佢架豆漿唔錯，特別係我坐月時要飲下豆漿去追奶，係值得去試，有無糖就唔怕肥啦！而其他食物不過不失，唔會有驚喜，但唔好外買真係比平時其他舖慢

粢飯已經好多年無食, 去開黃埔經過呢間野就入左去試.粢飯即叫即整熱辣辣, 糯米舐度岩岩好飯同餡比例都算適中，肉鬆榨菜都算多, 唯獨美中不足係油炸鬼好似炸得太過火定翻炸?另外仲叫左酸辣豬扒湯麵同豆漿. 豆漿唔會太甜, 有豆味, 岩哂宜家健康新世代.酸辣湯亦夠酸味濃但唔夠辣, 不過好足料.下次經過一定會再食!

今日阿媽帶我去紅磡食好西😆佢指定要食粢飯同咸豆漿，食完一定會掛住喎😂粢飯少飯多餡，油炸鬼脆卜卜，多肉鬆多榨菜，超級好食，因為少飯，唔會覺得un胃，仲要熱辣辣，正呀，堅會掛住😍咸豆漿超濃豆味，入面有幾舊脆卜卜油炸鬼、蝦米同榨菜，加埋一齊食原來好夾😋媽咪話當年細個時食嘅咸豆漿好油，以家改良晒非常好😂雪菜肉絲米線都幾好，雪菜唔係平時茶餐廳嗰d即食雪菜，食得出係自家煮嘅，唔會好咸，但肉絲就有d鞋口😅窩貼勝在餡多，但又覺得個皮厚咗少少同埋有d油😅

夜晚10點幾在紅磡上完堂，肚子有點空虛，乍暖還寒的天氣令人有點凍，離遠看到豆漿大王的燈牌亮著，啊！就來吃碗豆漿暖一暖吧！進去鋪頭坐下，原來已經last order，快快手叫個咸豆漿，店員都快快手整好上菜。咸豆漿內有幾舊油炸鬼及少許蔥花，嘗一口，唔？沒咸味既？這才發現原來有一堆東東在碗底未攪勻🤣，那堆東東應該是碎炸菜及蝦米等，攪勻後咸味就出來了！豆漿的texture也變得好厚，幾濃豆味，吃完整個人暖返晒！

走話兒時住既地方-紅磡，好多店鋪都已經面目全非，但有間上海餐館仍然仲存在，就係上海真真。栥飯係佢必食既野，原來仲可以加料上海排骨，當然要試埋，加碗熱騰騰豆漿，豆漿仲可以自己教甜度，份量又大，淨係食兩樣都飽晒啦。

信了openrice的黃埔站B出口步行約5分鐘，明明起碼要行10分鐘以上...說回正題，7點半去到人不多，點了酸辣雲吞湯麵加豆漿，豆漿叫左先知有分大細，但店員唔會問你，直接俾大，爭d飲唔哂..酸辣湯，少辣味濃，麵係比上海粗麵幼一半左右既上海麵，都幾彈牙，雲吞好滑，餡係菜肉餡，好好食如果行經果邊，我會再幫襯（但好難，基本上要特登去）

放工夜左又好攰，所以去左屋企附近的真真快食個晚餐。真真舊年裝修左之後成間舖乾淨同光猛左好多，咁當然坐都坐得舒服左。男友就話最緊要食物質素冇變。我就覺得差別不大，始終整粢飯豆漿既姐姐都係個班。😚每次去到我必叫粢飯因為佢包得真係好食，入面既油炸鬼仲係好脆同熱、肉鬆炸菜份量好好，飯既舐度都好好，食到一粒粒糯米，但又唔會散開。雖然成廿幾蚊一條，但真心足料同大份🥰而且最好就係有人同你一齊share，食半條剛剛好，又可以叫其他野。佢既豆漿都好散同黃豆味重，大部分人都鍾意叫呢度既咸漿，不過我個人都係鍾意飲甜既多D。酸辣湯🥘都係好正，呢個又係必叫! 個味調得剛好，而且料好多好足，比好多其他上海舖都好食! 不過記得叫細既好啦，大碗係成個湯碗咁大，實飲唔哂!男友就鍾意食呢度既上海雲吞，貪佢肉夠多皮厚得黎麵粉香。不過佢成日話裝修完個湯底同之前係唔同左，可能用既鑊同鍋唔同左啦，因為見佢煮野食既姐姐都係同一班黎既。我就覺得個雪菜湯底一樣好食。呢個40蚊餐配埋炸雞翼🍗兩隻，都好夠食。以呢D舖頭黎講，呢間既價錢係偏高既，不過我又覺得難得佢既食物真係做得較為出色，一分錢一分貨啦。我地食左大半個鐘，真係人來人往，大把街

夜晚搵食，搵到呢間野，叫豆漿大王。豆漿好似好正，而且仲有麵食。十蚊熱豆漿，好大碗，非常之有豆味。不過唔好期望好滑，呢度豆漿無隔過渣，完全唔滑，稱得上係豆腐糊。所以我估碗野好有營養，好有益。😂麵食可以揀炸菜或雪菜，不過都係味精湯。而麵質好怪，膠膠地。我就唔鐘意食勒。豬扒賣相好差，炸到好燶。由於扒塊切得較薄，所以炸完都好乾好硬... 😅不過價錢好平... 同區食店都貴幾多。正所謂一分錢一分貨，咁平，係咁🤷🏻‍♀️

For $36 you could probably eat more in the Hung Hom area but this wonton noodle seemed to be worth the price. The wonton skin were smooth and still had a slight toughness in their texture. The fillings were full of chives and pork! Their noodles were alright too with their clear soup in preserved vegetables. Came at lunchtime around 12:05pm. Seating was plentiful and no need to wait but be prepared to share tables with other solo eaters.

上海菜不嬲係我既愛，但每次試新既上海菜館都令我提心吊膽，因為中過幾次伏哩間係紅磡既上海菜小店我bookmark左好耐嫁啦，終於去左試。唔知點解我成日覺得食上海菜小店一係就食糖醋排骨，一係就食擔擔麵。咁啱幾肚餓，就決定叫個糖醋排骨飯佢放到落台面，睇到賣相，我已經冇心機影相啦！所以是但影左就算⋯首先，講左個飯先啦！飯量其實夠多，送到黎仲冒緊煙添，心諗個飯應該好新鮮、好軟熟，點知我錯啦！咁大個人都未食過咁難食既飯！啲飯係一小片一小片咁，好似比膠水痴住咁，但佢唔係飯焦，食落硬既，難食到一個點究竟點樣先煮得出咁難食既飯呢，我真係唔係好明，最詭異既係佢仲冒煙嫁，新鮮煮起都咁，真心不得了然後，糖醋排骨其實份量都多既，但係好油。我將排骨一塊塊夾起用啲難食既白飯吸左陣油先夠膽食。不過，應該糖醋排骨間間都係咁油嫁啦！所以哩樣野我都接受既，食得咸魚要抵得渴。排骨算半肥瘦，食落冇咩甜味，少少酸，完！肉質都軟淋，一咬就變成絲，但有幾舊就韌左。整體黎講，係比油浸過既酸少甜排骨，色香味完全冇既，仲要唔熱。夾硬食左啲係因為唔想餓，不然我會直接走人可能我唔識order野食啦！可能佢其他食物做得唔錯但我偏偏叫中個伏啦！但

裝修前很久已經有幫櫬，不過後來停了一段時間，到裝修後近來有幫櫬幾次，雖然比以前逼了很多，但食物水準都沒有改變過，食物及豆漿都保持水準之內，餈飯比以前更足料，肉鬆多了很多，吃完後真的需要喝一喝水，服務換了年輕人，過住的姐姐應該沒有做了，可能早上太忙比較服務一般，晚上兩種世界，不過裝修後環境整體比以前好，起碼坐得舒服，是日晚上七時左右落來，感覺比早上坐得舒服，可能早上太忙關係太逼太多人，會再繼續幫櫬。

每次經過都看到很多人在光顧這間老上海店，而且即叫即弄的粢飯現在已經買少見少了，因此很想嘗嘗！份量比我想像中大，炸菜偏咸，但脆脆的油炸鬼和甜甜的肉鬆也擠滿整個粢飯， 十分滿足

上海大馄饨是一道经典的上海菜。雲吞有分上海雲吞同廣東雲吞 ；上海雲吞 - 白厚方皮 + 元寶狀 + 通常落(白)菜 豬肉 。廣東雲吞 - 黃薄皮(有加鹼水 蛋) + 散尾 + 通常落蝦 豬肉 。馄饨的形状很多，有元宝状的，圆形，三角形，长方形，圆筒形或者半圆形。大馄饨的馅料有瘦肉、菜心等等，今期路經紅磡來個下午茶，叫了碗雪菜浄餛飩。先來一囗湯：好多雪菜又吾咸，可以。馄饨皮嫩滑、有弹性；餡料比例適中，吾會死死實，做到正宗傳统，冇花冇假。