影片
然之后红磡区其实仲有好多上海野上海真真豆浆大王就应该系新蒲岗前米芝莲豆浆大王既屋企老店呢间系芜湖街三间入面最迟收就系呢间8月尾就会搬过去勇记果边新舖入面比起上海饱饺店同满堂乐大d但都系唔多位耐唔耐就要等位呢间食物就介乎上海饱饺店同满堂乐之间无咁多点心面食都唔少不过就再多左菜饭粢饭当然系必点名物话晒豆浆大王都净系得粢饭好食呢旧粢饭系劲多料同埋油炸鬼都OK饭都够黏口老婆话佢由细食到大都系呢种味道真系同豆浆大王一样无担担面可以拣所以只可以叫上海排骨面个面同豆浆大王一样都系唔需要提但系排骨就脆好多唔会好干同淋其实真系同豆浆大王有d似就系煎炸类小食都唔错既煎锅贴仲有炸鸡全翼同炸零吞热气到痴线所以叫番杯豆浆都几好饮甜度都够埋单总其139蚊平均每人70蚊价钱比起豆浆大王贵些少咁就真系食情怀比较多旧区环境都系差唔多污糟唔知搬左新舖会唔会好D
继续阅读
一向都喜欢食上海粉面, 但香港啲上海老式粉面店买少见少, 好彩红磡仲有几间, 趁得闲, 走去食碗面先.📍上海真真豆浆大王之前响红磡返工都会嚟食午餐, 但多数响秋天或冬天嚟, 因唔近公司, 一来一回巳身水身汗, 但因啲面好啱胃口, 所以冇响红磡返工都会返嚟食. 🌸上海云吞配雪菜上海云吞完全唔同广东云吞, 外型大只啲, 馅料系素菜或菜肉, 唔同广东云吞, 好少配虾, 饺皮比较厚, 所以个皮的质素好重要. 有时店家会自己搓面粉压皮自己造饺皮. 这店啲饺皮好, 烟轫度够, 啲菜肉馅份量足比例好, 唔会好滞.
继续阅读
十年前系红磡工作时时常帮衬佢买豆浆粢饭～换咗新工作之后就冇帮衬过佢～今日行过见佢刚开门～仲有两三个人排队就买咗个豆浆粢饭食～但收钱个姐姐唔知系咪刚刚开舖嘅原因～啲态度好似唔系咁友善～攞咗嘢食之后就即刻喺架车𥚃面开餐～发现豆浆冇乜豆味～冇以前咁好饮～粢饭简直失望～一打开就好似美式热狗咁打开咗个口～一咬啲料散晒出嚟～搞到我成车都系肉松～油条又唔脆～超级失望～可能又换咗老细～啲质素跌晒～又可以拣少一间～
继续阅读
【九龙城区】【上海真真豆浆大王】去到芜湖街呢边，其实都几有尽头 feel，我所讲嘅尽头系讲紧 1am红馆 系列同红馆十五分钟脚程嘅尽头，我自己亲自测试过，的确系行 15 分钟先到红馆。所以如果系食完饭过去睇 Show 𠮶只，就真系自己谂谂喇。之前同大家介绍过附近嘅满堂乐，印象相当好，大家睇过𠮶篇嘅话，应该都会喺字里行间感受到𠮶份喜悦。所以见到呢边都有上海嘢，诚然都几期待。加上睇咗啲资料话佢都算老字号，更加令我觉得要试吓。去到都几多人，要摄摄吓先揾到个位。主菜就叫个「双拼上海面」C 餐，有两个𩠌，配上海面。我拣咗「上海熏鱼」同埋「五香牛肉」，前者冇汁真系好干，食落亦都非常一般。后者其实系牛腱嚟，食落都唔错，可能食熏鱼先，觉得呢个都算 okay，配埋「雪菜」先 $45，算系咁。嚟食上海嘢唔知点解觉得硬系要配返杯「冻豆浆」先安乐，质素都 okay，不过吹到系「大王」又觉得好似未到呢个 level，$12 嘅价钱唔算平。而我一场嚟到当然唔会就咁走，揾一碗好好食嘅「咸豆浆」一直系我嘅任务，可惜 $16 嘅呢碗唔算系。食完以上嘅嘢之后，其实仲有空间食嘢，我觉得自己未必会再嚟，所以叫多样嘢睇睇佢啦。谂咗阵先决定叫「即煎锅贴」三只，$20 嘅价钱睇吓佢咩料。啲馅都几足，肉感几满，而个皮都算脆，味道上唔差。估唔到，最后都食返样唔错嘅嘢。平时一条友食上海嘢当然唔会食到 $93 咁多，不过我肩负住认真试嘢嘅重任，冇计。虽然我已经说服咗自己去食一次一样嘢都可以出 post，但系而家讲紧系讨好美女嘅 1am红馆 系列，又点可以得过且过、因陋就简咁就得呢，所以个分别就喺度。。。（地址：红磡芜湖街48号地下）#1amfoodie #foodie #hkfoodie #thatfoodiething #hkfood #food #instafood #yummy #1ambackup #1am0520 #foodies #tasty #globaleats #tastyfood #foodpics #followforfollowback #love #eat #1am九龙城区 #红磡 #1am红馆 #上海真真豆浆大王 #上海真真 #豆浆大王 #上海菜 #咸豆浆 #冻豆浆 #即煎锅贴 #上海熏鱼 #五香牛肉
继续阅读
原本想食另一间餐厅, 辗转几间都排大队, 最后系芜湖街见到就不如食吓久违嘅咸豆浆同粢饭, 上次食咸豆浆已经系几年前系上海咸豆浆加鸡蛋 - 咸豆浆呢味野唔系人人接受, 广东人多饮甜豆浆食豆花, 如果当佢系上海版豆乳汤可能会易理解D, 入面有葱花、油炸鬼、虾米、榨菜, 另外有加生鸡蛋系底, 靠豆浆余温变做鸡花, 绵滑中带D咸香, 油炸鬼又有D咬口粢饭 - 即叫即做热腾腾, 少饭但糯米粒粒分明烟韧, 多肉松多榨菜夹住脆卜卜油炸鬼, 满意酸辣云吞面- 酸辣汤足料, 调味偏酸, 上海云吞正宗皮偏厚但够大旧肉够juicy
继续阅读