影片
食家推介
入去座，D筷子又（痴）立立，哗台上D野好似无抹过好立，好恐怖，店员阿姐又求其，食物又一搬，谂住叫罐可乐干净D，点知面头劲立。食完比钱，仲闹我无单，佢自己无写还闹人！！
继续阅读
未食过咁难食的上海粗炒，冇料到连椰菜丝肉丝都冇，够胆给客人食🤬，仲要收原价，同果个店员亚婆沟通，竟然话冇晒椰菜同肉丝，竟然够胆照出，真系好野，另外仲要送漏另外一盒上海排骨粗炒及两盒饺子，唔劣评都对唔住自己，请问食店冇材料系唔系应该如实讲售完停售呢？既然接得单是否应该有足够食材才接单呢？至于味道方面一样冇味，要自己加豉油同埋辣椒油，才勉强食，真系贴钱买难受，总之劣评，10个差
继续阅读
今晚过来屯门, 唔想去连锁店, 想食d热野, 之后㨂左来依度, 其实好耐之前食过一次, 始终食饭时间, 都坐满晒人客, 比安排坐近门口的圆枱, 望下餐牌有d选择困难😆但唔想食好多肉又唔想食炸野, 最后拣左最清的🥬菜胆🥬菜肉云吞配上海面加冻豆浆, d野未到, 有张卡位走左, 姐姐叫我坐过去, 真系感受到乜嘢叫人情味的服务🥰👍, 好有爱🫶 之后送来汤面和冻豆浆, 见到枱上有辣椒🌶️粉同🌶️辣椒酱😀我二样都落左少少, 饮啖汤先, 淡淡地有d味, 再食啖面, 一般上海面的味道, 但唔会食落好硬好多粉的感觉, 而且份量都唔少😁, 再食旧菜肉云吞, 个皮好滑又薄, 食到入面d馅好丰富好香🤩都比左好多旧👍👍菜胆系白菜胆🥬都好多棵😅加少少辣带出更好味, 豆浆够冻唔算太甜好饮😘🥰60元晚餐算系好抵食, 下次过来再食过😆
继续阅读
今日嚟到介绍平靓正之选，呢一间坐落喺屯门华都商场地舖嘅上海面店，相信好多屯门人都系𠮶度食过，佢喺屯门嘅历史超过30年，今日我点嘅就系云吞排骨面，大大粒云吞仲要有四粒再加一份猪扒，基本上一定饱肚如果食量唔多嘅朋友记得唔好叫双拼唔好浪费食物，连埋杯嘢饮都系$60，佢嘅云吞系猪肉里面有冬菇厚厚嘅面粉皮包住，系最传统𠮶只上海云吞，至于排骨喺我小时候成日觉得阿妈蒸𩠌啲排骨有骨㗎㖞，但上海菜嘅排骨其实即系炸猪扒，啖啖肉𠮶只，以前小时候喺度食佢嘅炸猪扒系会另上有个碟仔装住，不过可能要洗多个碟，增加咗营运成本啦，佢而家就放埋落去失咗少少脆卜卜嘅风味，不过都可以理解，小店就系要咁样尽办法降低成本系佢哋唯一嘅生存之道，至于点解要特别推介呢一间，其实食开上海面嘅人都知道，当一啲有返咁上下年纪嘅上海面舖里就系一定有嘅精髓”辣椒干” 。今时今日你出去食已经好难见到有辣椒干摆喺枱面任你添加，而上海嘢㖞梗系要有豆瓣酱啦，豆瓣酱主要嘅材料都系蒜粒同埋辣椒，咁至于其他嘅配料就每一间都会有少少分别点都好，嚟呢度食嘅记得落齐两个调味料，咁样成个面嘅风味即刻唔同晒，至于饮品我都系会点我最爱嘅冻鸳鸯，呢个真系情意结！
继续阅读
这间上海珍珍排骨面已经在屯门华都商场开业很多年。虽是如此，我今天才是第二次吃。记得第一次吃时，觉得出餐有点马虎，面份量少，汤无味，云吞皮是穿的，经历了这次体验后就已完全没有再来的打算。过了十多廿十年再返来2刷，上次的进食体验竟可保留到原汁原味。丁点改变都没有，改的就只有价钱与我的口味。云吞依然是穿皮，汤依然很淡。但现在对这个云吞有点改观，味道觉得很对版，是正常的味道，上海面份量足够，这点可能基于人大了，食量少了。面质是少有点滑身，带点烟韧。招牌炸排骨反而最无存在感，很一般。这个2𩠌上海面+冻饮=$60都不平。经历了这次后又不知几多年后再来了。阿伟食价：很一般的上海面店，就算是招牌炸排骨都说不上招牌。推介指数：5.5/10
继续阅读