上海新大眾大閘蟹專門店

营业中

休息中

2018年10月17日重陽節放假，8個人訂了7:30 ，點知有一個遲到，老板好好人，先安排我們入座，話等埋朋友來落單才計時(公道)另外又免我們開瓶費(原本$100-/枝)員工服務一流，食物一流，每轉order5分鐘內到，絕對任叫我們9點last order，現場人客已少了，工作人員無趕我們走，飲晒自己帶來的酒後，再同店追加了1.5L中國花雕酒(都只係$150-)，我們最後12點才走老板還笑容滿面歡送我們。過兩日再去食過，不過今之試佢個羊腩煲@.@

見電視介紹 $28/位 60分鐘雞煲放題 另加$10醬油費及加一服務费 飲品另計 便特意坐60分鐘車同朋友來試下 卻開心地來 掃興地走坐底 落單 唔駛10分鐘雞煲已在眼前 眼見買相 份量唔差 有種喜出望外感 開心拍照 5分鐘過後 雞煲滚起 食得 真相來了！雞煲滿滿 原來雞件底下有6舊大而厚的白蘿蔔 白蘿蔔底下有塊大過煲底的不秀剛板 其實呢D唔緊要 因為係放題 份量少 咪叫多幾轉囉！但掃興事嚟喇 我們見個煲被我們夾完兩轉(每轉各4-5件雞)便夾哂 連朋友散叫的烏冬都夾埋 就叫加㖭雞 誰知 就只加添了5件雞比我們(即我們只分得2.5件雞) 叫他加多少少 就話我們食哂先 好 算 跟住我們食完 再叫加㖭 他們卻話我們就夠鐘無得再加㖭 還說這個放題只係加一次 真係火都嚟😠 只係可以加一次嘅 學咩人叫放題呀？仲叫我們食完先？😕 怕人食得多就咪攪放題啦！真係吹喇叭😤 我們本仲打算下次再嚟試食其他的 咁Q樣 即係叫我們以後唔去再嚟啦！Ok 請都唔嚟 滿意？

屋企附近食開嘅雞煲汁左,咁經過就試下呢間啦,見上晒報紙電視講抵食,咁心諗最多都係伏一次姐,點知係一次都嫌多,自問對食已經唔係太多要求。所有咩服務環境都唔講,剩係講食物姐。雞煲一上枱,見到係類似一品鍋咁嘅,浸晒湯,個底係白蘿蔔,豆卜,白菜,芋頭,雞件,色香味全部欠奉,小確幸係雞無雪藏味。講真,預左放題食物質素一定唔會好,但點知係連放落口都唔情願,仲食到我即刻上嚟開acc打左人生第1篇食評好野!抵你上報紙話自己有6位數純利

雖然便但味道吾好服務態度超差，要蔗水 冇 要加菜冇 要咩冇咩，得兩張台都可以送錯野食，我話吾係我既態度超惡劣講“吾要？”想食左我甘款明明佢自己俾錯台，全程吾見侍應笑過黑口黑面真難頂，吾會去第二次

羊腩煲騷味太重，完全入吾到口(╯﹏╰）竹庶馬蹄水溝稀糖加水食羊腩煲放題變左食串燒，完全冇掂過個羊腩煲🤦🏻‍♂️串燒比較正常服務態度還可以，環境都冇問題感覺上好伏

呢間位於黃大仙的放題專門店，除左有大閘蟹、雞煲、串燒放題外，而家仲有埋羊腩煲放題，真係估你唔到。一眾羊癡朋友知道後立即去試下。羊腩煲放題$58/位，75分鐘任添羊腩，另需付$10醬料費和加一服務費。可以選擇升級$88/位，就任食羊腩、生菜和臘味糯米飯。糯米飯驚太滯，所以最後都揀左$58/位，食多D羊。若嫌羊腩煲太寡，散叫其他火鍋配料都不貴。羊腩煲好足料，首輪的羊肉部位肉嫩肥美，燜得幾淋和入味，但味道偏鹹，可能想食客幫襯下飲品。煲內另有少量其他配料如筍片、菜、白蘿蔔和冬菇片。三個人食結果追加左兩輪羊肉，第二三輪的羊肉的部位相對冇咁靚，但都算ok，夠晒飽，好滿足。

大約7:40分到拎左飛等位，唔算多人等，計埋我地大約仲有３張飛，8:00 已經見到有人食完走左，明明有吉枱，但都唔俾人入，8:20先入到。本身我地想叫雞煲x串燒放題，坐低之後話我地張枱唔夠大，放唔到雞煲，無得叫…….　最後只能選擇75分鐘串燒放題。串燒只有4款，豬牛羊雞，醬汁費$10 網上見到話有7款醬汁，但我地今日就只有3款: 包括有沙嗲，黑椒和茄汁。另外有5款小食, 蒜香大雞鎚、黑松露炸薯條、紫薯餅、粟米薯餅及咖哩薯餅等4款炸物。飲品另計錢。加一服務費。先講上菜時間，坐低5分鐘就有小食，我地叫左雞鎚薯條同粟米薯餅，雞鎚夠晒大隻，肉質比相像中好，唔會炸得太燶，合格。👌薯條薯餅無特別，用黎醫肚既。5分鐘後就有串燒，每張單每人每次只可叫3串，如果兩個人就每次可以落6串。我地即刻交第2張單俾伙計。串燒肉質比想像中好，不過太太太油，碟底既油多到不得了。個人比較喜歡雞肉同羊肉串。兩個人食完6串……………距離下一碟等左30分鐘，我地已經係極度不耐煩，同老闆講完先即刻上多一碟，最後食左3碟，18串就走，中間等得太耐，心情不太爽，串燒太油，食完飽飽濟濟。其實我地對面枱仲慘，上完小食，串燒等左超過30

見到$68任食，覺得好吸引姑且去排下隊 四點九去到 條隊已有六十人，到五點時派籌，咁岩得番一張（10:15），黃其餘都係12:15am,之後於是決定俾正價食286位加一後306（職員聲稱 唔會限數量，而68就講明20分鐘上一次蟹）六點入到去，每次每人只可以叫兩隻蟹，第一、二次叫蟹都好快上，職員會時不時巡下有冇食蟹腳，隔離枱就時不時俾人警告要罰錢去到第三次（即是第5&6隻）時就開始慢 ，而第四次（第7&8隻）更係去到7:05先到（6:50入單）但7:15就要交枱 就黎夠鐘既時間，準備剪蟹之際...職員行埋黎收番隻蟹，話「你唔會食得切架喇，俾番我喇」 之後收走左隻蟹... （循環再用？）明明話唔限數量...但見你食到第5隻，都係會慢D上蟹，最後更俾人收左蟹用左foodie影 均真講句 D膏都算OK,不過蟹就細隻D ，蟹蓋細過女仔手食完決定冇下次

9至11月系食大閘蟹嘅大日子，見到有68蚊任食大閘蟹，仲有蟹粥，糯米飯，水餃，時菜，汽水同薑茶，咁平咁正，身為RealFoodie嘅我點可以唔去試下呢！68蚊仲要免加一每日名額100個，星期一至日都有，分唔同時段，5點開始派籌，一人一籌，想三五知己一齊食平野，記得大家一定要5點前到啦。一坐落黎，店員會派每三張點蟹紙，交完紙15-20分鐘會派兩隻蟹，其他野食野飲任點，但記得唔好點太多，費事浪費同埋俾人罰100蚊一兩食剩嘅野。等蟹嘅時間先試左杯薑茶，薑味濃，唔太甜，正。蟹粥，糯米飯，時菜(小唐菜), 水餃都好快就上左黎，味道正正常常，RealFoodie覺得佢個糯米飯最好味。差唔多食曬啲野萬眾期待嘅大閘蟹就到啦，大閘蟹唔系話好大隻，同正價268(加一) 差一圈，但68蚊咁嘅價錢RealFoodie覺得都ok, 因為蟹膏都幾多，肉質都幾鮮甜。RealFoodie食野唔快，最後食左6隻，其中有一隻唔太新鮮，總括黎講，68蚊其實都算抵，不過要嘥啲時間排隊囉，同埋其實食得有啲趕，冇咩時間影相 xp 如果大家想enjoy食大閘蟹，放題就可能唔岩你啦。今次系RealFoodie第一次post, 希望大

75分鐘任食﹐6點55分入座﹐6點55分last order。7點15分離座最多只可以叫到4轉。每次每人兩隻蟹公。我無食過毑唔知他人有無食到。上左蟹之後先可以再落單水餃係可以用難食黎形容糯米飯同粥都幾好食﹐菜還可以薑茶都唔錯~~雖然話有一百個籌﹐但係如果你過左5點鐘去攞籌既話。佢地應該係唔會再比籌你。佢地會話無晒﹐其實只係派左幾十個籌。重有﹐你問入面既職員係咪有68任食﹐佢地話唔知。只係話有正價任食。要打電話去問先話有$68。又問職員幾點開始派籌同派幾多籌都只係會答唔知。只係叫你係出面排隊。以上為黃大仙舖事實。不喜勿插~~

食後評價$68元食6隻大閘蟹一個字平靚正，仲有汽水任飲去邊到揾，仲有蟹粥，再凍d食絕對暖胃，粥幾綿啊，不過無料咸咸地，糯米飯就太黏身，蟹膏方面當然不會爆膏，屬超細蟹size，蟹總結9成新鮮肉質鮮甜，蟹膏香滑，白膏完全唔覺有😆，不過蟹毛係屬啡黑色既（不過提一提係各大廣告播放有繩既蟹68元係唔會見到既，當然合情合理，如有既我諗會日日黎😆）只有原價唔知係咩價錢先係，因為現場有幾台原價既，有d都係水草，（有台係藍白繩👈🏻👈🏻應該係好味的🙊🙊）係今時今日有68元6隻煮好既大閘蟹仲有汽水飲一個字，推薦啦，不過我食開金毛大size既蟹，所以下次還是訂台，舒服d試下哩間原價任食好了，68元試過就留下機會比其他人了😊😊😊😊😊下面係長篇个紹 見咁多網友个紹，m小姐同k先生 都去試一下，貪今日星期一又掛3号風球中，試下排每分店首20位$68元75分鐘任食大閘蟹，4點10分去到排，都排頭10位內！點知排了一陣先知道原來轉哂黃大仙分店做哩個優惠價，所以係每日有100個名額，統一5點派籌，當然今日5點既時間都沒有100位，據我估計呢，做法係5點派完⋯⋯唔夠人數都會cut龍，晚點再到既人唔會繼續派籌比你，要食正價，