上海小南國1987 (已結業)

小南國我就一直都好想食架 終於黎到吃一定要食個個小龍包 o very nice 幾好食 因為小龍包個皮都好溥 仲有d汁真係好juice 另外當然要叫擔擔麵 麵都幾彈牙 又好食 湯黎講都啊唔錯架 下次再黎食都好

因為都有一段時間無同屋企人吃上海菜喇，今日就試新餐廳黎到上海小南國1987。小南國就吃過，但呢間加左1987唔知有乜分別呢？！🤔我地7:30黎到，無人帶位我地唯有自己行入去。睇完餐牌我地點了以下食物首先黎個小食，醉雞好少肉全部都係骨，其他還可以炒勝瓜可能係成餐飯比較好的一味。小龍包不過不失，好彩食落都juicy。上海粗炒好差劣，賣相已經比唔到好感你，食落好鹹好重味精生煎包煎得唔靚，無其他地方煎到金黃脆脆的，一咬落去都好juicy但好重味精，食完發現自己隻碗成啖油黑松露蝦仁炒飯portion細，食落都好麻麻明蝦球不過不失，啲醬汁可以撈飯，不過都真係好重味精所以撈唔到 素鵝一般啦，沒有甚麼特別，鹹！因為我都喜歡吃片皮鴨，比較起我吃過的呢間我諗係最差麵包皮都做得唔好，而成隻鴨好重鴨味，好蘇食左兩份已經食唔到總結: 整體食物好重味精，完全唔岩我食上海菜尖沙咀有兩間一定好過佢多多聲，呢間價錢亦相對較貴。除左食物唔掂，服務亦差，尢其果位啊叔經理令人O咀雖然我地坐近電腦，佢叫我地大聲點菜，食大排擋咩根本服務員唔夠，叫極都無人彩我地，打包又唔比膠袋，叫我捧返屋企? 等勁耐先有人拎個袋比我地一點都不值二

之前上海小南國1987可以儲ASIA MILES, 可以食飯之餘仲可以儲分, 不過自從餐廳沒有了這個優惠後, 已經少左去食。今晚連同上司有個小慶功, 地點就係上海小南國1987。上司喜歡飲中國茶, 喜歡小南國較多特別茶類, 當然要另加收費。$25茶錢有六款比你揀, 我地最後揀了兩款 :人蔘烏龍及武夷山大紅袍我鍾愛人蔘烏龍, 人蔘味濃, 飲完整個口腔都有甘香的味道。前茶有一碟:內有花紅雲耳豆腐粒, 少少辣好香口今晚同幾位上司食飯, 所以唔影得太多相, 有些小菜的名未必記得好清楚 !松子魚記得價錢要2百幾蚊, 好多枱都有ORDER, 魚炸得好鬆脆, 魚肉好滑, 沾上甜酸醬, 味道好夾, 難怪咁多人捧場上湯娃娃菜娃娃菜好嫩,表面放上了蝦籽,上湯亦做得出色,味道得宜老豆腐煲每人都有一碗飲用, 湯夠清甜, 豆腐唔係用平時滑身, 而係用上硬豆腐, 味道較清淡。上海粗炒熱辣辣好入味, 相對地都比較油, 唯有飲多杯人蔘烏龍調和一下每次惠顧此間分店, 會發現好多遊客都光顧, 很喜歡此店環境舒服, 職員全部都係上年紀, 服務熱誠。

久違了的上海小南國, 名稱多了1987, 但食物反而無以前好食。同友人相约共同前往, 但這裡指示不太清晰, 找了ㄧ段小時間。入到小南國, 發現客人不算多, 我哋ㄧ坐下即時點菜, 點番以往食開既野, 但上菜後, 食物質素只屬ㄧ般, 没有特別惊喜。慶幸同友人以傾計為主, 小南國員工没有催促埋單, 由6:30坐到10:00。

3 people dinner, tried other restaurants in the chain before, this one is by far the worst in terms of service. The staff were rude and had loads of attitude. Drags the baby chair across the floor like it's nobody's business. Wouldn't recommend it.

難得成功約齊班好耐無見既舊同事飯敍，由於大家都來自港九新界，所以揀左間位於尖沙咀既餐廳。可能因為平日，呢度成晚都無咩人。由於商場指示牌好唔清晰，唔熟路既人可能會去錯上一層，其實係outback 同層。呢間小南國多左個1987, 原因就唔太清楚。但以往食小南國都唔太差，所以應該無伏。香酥鴨 - 好味，好香口上海粗炒 - 鹹到爆，每人食一兩條就停晒手津白 - 偏淡，夾埋個粗炒食就岩岩好。。😓生煎包 - 細細粒，幾多餡，但煎得唔脆小籠包 - 多汁，味道ok松子魚 - 味道無得頂！ 本身好鍾意d 酸酸甜甜既，呢個味道調得好，條魚好脆

從來都未寫過食評，但今次第一次寫係因為從來未遇過咁差的服務，實在需要警惕各位食客。呢間上海小南國1987，我地一家人由佢嘅前身開始幫襯，轉名之後服務漸差。最差的是一名阿叔經理。昨晚，我地四人點了不少菜式，其中一樣係黑松露蝦仁，女侍應落單時，已經很醒目地問係要貴的河蝦仁（三百幾蚊），還是要平的$198普通蝦仁。我們清楚講了要$198的。之後上菜，呢個蝦仁最後才上，上菜後我地各人都食咗一啲，過咗一段時間之後，突然有個著制服的女人走嚟，一句話都冇講就拎走我地碟蝦仁。我地完全O嘴，即刻問發生咩事。之後，有個女侍應就話上錯咗。我地就話吓？但我地食咗喇喎。無論咩都好，我地食過，基於衛生問題，我地梗係要講返。呢個時候，個巴支閉阿叔經理就拿返碟餸出嚟，非常差的態度話「而家上錯咗河蝦仁俾你，三百幾蚊嘅，你係咪要食，要食我要收你三百幾！」我地火都嚟，第一，你粒聲唔出就拎走碟嘢，係非常無禮貌；第二，而家係你上錯，唔係我嗌錯，你仲要隔咗咁耐先至知，我地食咗你要收我三百幾？！你冇嘢呀？但個阿叔係有佢講冇你講，我地拒絕俾三百幾，佢就話一定要收返碟嘢，走去炒過碟$198俾你。咁咪炒過碟囉，但真係未見過有飲食業會咁做

一開始個阿姐問有咩茶…………未問清楚就幫我揀埋…………好貼心嘅服務…………茶記都唔係咁啦老細…………現場食客唔多…………坐低一陣就聽到有幾個客都有漏單……好差唔會再食！

北京烤鴨一食等左成大半個鐘先黎, 已經食飽飽, 不過來到見到都好開心, 肉不會好肥, 肥瘦適中,皮好咁香鬆化. 連同麵皮一齊食, 麵皮好柔軟, 加埋蔥及醬, 人間美食, 食飽左都忍五住食左幾件當紅桂花魚酸酸甜甜, 外面炸得好香脆, 又可以食到魚既鮮味, 甜酸味剛好寶塔肉配荷葉餅及上海梅菜乾刀工一流, 切薄了五花肉可以圍到一座寶塔, 完全係藝術之一. 味道偏甜,濃, 夠正宗, 肉蒸到入口鬆化, 連埋帶甜的上海梅菜真係一絕, 可以食幾碗飯. 另外,配荷葉餅一齊食, 餅非常軟滑, 夾埋D肉同梅菜乾一齊食, 非常絕配, 只可惜只得4件餅, 要另外加碼才夠食…..灌湯生煎包皮薄外脆, 肉多汁鮮嫩小籠包皮薄, 肉多汁鮮嫩酸辣湯太酸及太辣, 味道過濃, 不大喜歡酒釀丸子酒味適中,丸子不夠Q, 但味道是不錯的豆沙窩餅皮脆, 紅豆沙不會太甜, 不錯上海粗炒汁濃, 夠鑊氣金網生煎窩貼不會似生煎包咁多湯汁, 但皮都係好脆, 肉都係好鮮嫩豆苗配油燜筍筍爽口, 豆苗夠鑊氣咸豬手來到不是原隻豬手, 已經拆開了, 這樣不夠開心, 原隻上柗會開心些. 看落去肉好乾, 但食落瘦肉幾鬆化, 但皮就不夠琳, 有點Q, 個人

這天晚上跟友人三人行來到小南國,尖沙咀的裝潢較黑,不像上海菜的氣氛.第一道上的是麻婆豆付,酸酸地帶小辣,豆付質地吾太滑,蟹粉小籠包都幾油膩,汁吾算多,炸子雞加左飯係入面幾特別,不過炸得over左,最後糖醋魚覺得欠缺了甜甜酸酸的口感,只食到濃烈既醋味.

尖東麼地道小南國，有時會到此餐廳午饍，因為食物和環境不錯，可惜因為服務員態度差，所以有一段時間沒有到此。昨天我想帯朋友試一些特別的菜，於是到此餐廳午饍。本期望服務員態度會有些改善，但點菜後，我朋友提出以後不要再到此，因為他也感到服務員態度差。本想向在場的女經理提出此問題，但發現女經理就是其中一位服務態度差的服務員。如果要到麼地道小南國用饍，應該要再三考慮。

幾年前曾和大學同學在北京道1號吃過小南國，適逢今天也是和同一伙人吃。這裡的小南國加了「1987」，想必是開業年號。除了標榜「老字號」外，新的裝修還格外有氣派，舒適度加分。筆者一行8人，六男兩女，於是選了個8人餐，由於朋友陸續來臨，不好意思相機先吃，所以只拍了兩道冷盤。小排、醉雞、烤麩其實跟以前分別不大，唯獨蔬菜沙律顯得有點「洋」氣，整體來說，除了份量較少外，味道算是不錯。冷盤之後是一道名為「全家福」的沙鍋雜菜湯，侍應殷勤分湯，味道比想像中香濃，湯料應該十分足稱，每人剛好一碗，好味！主菜有兩道海鮮、北京烤鴨片皮、炒粒兩食及時令蔬菜。先是清炒蝦仁，應該有用梳打粉解凍醃蝦，入口是預期中的爽爽口，味道帶點油香，缺少了蝦肉的原汁原味，不算十分吸引；松鼠魚卻有驚喜，魚肉雖然炸開，但有口感來亦不失魚味，加上甜酸汁贊面，格外開胃。片皮鴨跟以往吃的質素不相上下，牛油紙間隔的麵粉皮較薄、夾青瓜絲入口爽口得來又有點煙韌感，算是皮薄餡靚；剩肉不像別家炒鴨絲的吃法，改為炒鴨鬆，夾生菜吃，比想像中嫩口，有新鮮感。時菜是加了蛋花獻的菠菜，增加了滑口感。小籠包因為吃慣「鼎」字頭，這裡的皮相對不夠薄，肉餡味香、大大舊搭