上海婆婆 (已結業)

上星期見到呢間野午市咁多人排~~咁就一心諗住今個星期去試下啦....見到個menu 小籠包24蚊4隻已經覺得唔平~~所以都有d 期望...所以order 左一客啦...仲有個酸辣面....等左幾耐下先有個面到...份量...一般...但係\"糊椒\"味好鬼重...唔係咁like~~但係個湯都ok 既..跟住食飽個面...等左2個字先有小籠包黎....滿心期待咁試啦...點知....一咬落個頂到已經失望...乾既...再咬...先有汁....我男友個個仲慘....一夾已經串左...~~24蚊4隻呢款小籠包我覺得超唔值...隔離個間上海鋪都仲好d~~又耐又貴...最大問題係要收茶介....飲茶咩....又無一壼係到比我地自己倒....仲有個加一...同你四捨五入....超唔cur

早幾日去左屯門嘅上海婆婆,味道真唔錯,一心諗住老豆鍾意食上海嘢,响我大力提議下,今晚就去左美孚嘅分店幫親, 点知一去到門口就有d唔對勁, 点解無人排隊(上次去屯門等左半個鐘), 心諗可能美孚多嘢食掛? 点知入到去只安排到一張6人枱坐8個人, 我家人個個係份量級, 点坐呀? 準備轉地点之時,隔籬枱走, d waiter 好好,比埋我地!好,叫嘢食, 保持(屯門)水準只有小龍包同醉雞! 其它就.....拉面淋姐姐,叫1碗辣1碗唔辣,結果就2碗都唔辣,啲九黄鱔糊唔得.....結論係同一連鎖店出品可以大大不同,有時間不防去屯門嘅上海婆婆試吓,美孚就一次過算啦.....

成日收多錢幾蚊幾蚊收多左都唔知... 大家食飽要計計數///

剛剛搬到美孚,和婆婆及媽媽食飯,看到很多人排隊,本來好期待食物的質數,但係叫左幾樣野,每樣都好失望,松子魚是腥臭的,婆婆粒粒炒飯太salty,每碟食物都好牆份量,都唔明白點解咁多人排隊...

平均約100元一個人,但味道不好吃,松子魚是腥臭的,婆婆粒粒炒飯太salty,每個食品的分量也很少...真不明白為什麼有那麼多人排隊...

見客人挺多的，环境不错，食物的樣子也還吸引，就進去吃，大失所望。說是上海菜，雞絲粉皮還不如一些廣式酒樓好，兩面黃也不黃也不脆，尤其不能接受小籠包，每個都破，無論我多小心去夾。要知道小籠包就是要吸那個汁才過癮。絕對不算上海菜，可能比較合香港口味，人還不少。

2/23/2007 1:00pm同3位同事從荔枝角黎到呢度lunch,今次都係第一次試.去到人幾多, 要等.食物都等了頗耐.小籠包: 都算熱辣, 湯汁味道可以, 但仍有改善空間.炒蛋白: 都算滑, 用黎送飯不錯黃金炒飯: 可取的是飯粒粒分明, 可惜配料不多.火腿百頁小棠菜:, 百頁份量頗多, 味道則一般. 較淡.餃子: 認真麻麻, 皮厚且不滑, 味不夠鮮.4個人共$200多, 又食得不太飽.(都不是大大碟)食上海野附近會有更好既選擇.

有三個月沒光顧這兒。今晚同事們組團入馬場，我因為作感冒而退下火線，結果跟女伴到這兒吃街坊晚餐。兩個人好難叫野食，點了「雪菜肉絲炒年糕」、「炒桂魚」、「椰菜炒回鍋肉」，埋單$191 。街坊食店而言，唔算便宜，但環境不俗，服務不算太差，久不久來一次還可以。食物味道唔差，賣相漂亮企理，有點味精，但沒辦法，有點油，上海菜嘛！

乜都唔講，只係講杯茶我已經火滾!! $2 蚊一位茶錢，絕對唔係什麼白片菊花，只係俾一杯茶餐廳既茶都要收$2 蚊一位，有冇過份左少少?上海粗炒- 任何一間上海食肆都有的菜式，d 油多到嚇死我，麵質"un" 而無味，d 耶菜仲好似未炒熟咁。上海炒年糕- 又係無味...... 都唔知係我個口有問題定係師傅唔識煮，d 年糕好似擦字膠咁"un"。"亂"雞x麵- d 雞唔錯，不過，我未食過咁稀既"亂"雞x麵，一d 口感都冇。員工態度唔洗講，差到不得了，落左order 4 個字d 野都未到，我叫waiter 幫我跟跟，佢一句就達過黎: 我入去吹會俾人鬧架，你等下啦，好趕咩.... 之後一邊行開一邊仲口up up .....到結帳時，總數$182，我俾$200，佢找番一張十蚊紙同4個$2蚊俾我，我拎走張$10紙，佢就即刻9秒9想"come" 埋果$8蚊走人，我即刻叫停佢，佢仲妙咀望住我，當然，最後我$1蚊都冇留低!!

昨天晩上，我一家大細決定唔煮飯，一齊出街食飯，樓上樓下，所以我哋一向都有去上海婆婆食飯，但今次比我感覺好差，食物水準就冇變，但態度差左，冇笑容態度又唔好，比以前好有分別。記得之前有一次去食飯，有一款食物好鹹，向經理投訢，個經理好有禮貌立即更換，今次雖然食物冇問題，但好似換左個經理，他冇笑容態度唔太好，經理態度唔好，下屬又點會好啦，我相信我下次會去選擇其他新嘗試。

一週後，與爸媽再來這兒食。週日晚上七點鐘，四人枱要等近十五分鐘。埋單二佰頭，經濟實惠。翻抄「酸辣湯」（$18 / 一位），老媽說很酸，我覺得酸和辣都好勁！銀芽鱔糊（$58）：仍然足料，下飯超一流。椰菜回鍋肉（$48）：足三位用，五花肉肥瘦適中，好好味。雪菜炒年糕（$42）：好味！高力香蕉豆沙（$28）：需十多分鐘製作時間，但師傅手勢唔差，質地一流。絕對會翻抄！白飯（$6），略乾和硬。茶（$2 / 位）：但唔見會主動加茶。埋單$22x，無叫魚，所以平好多。

跟老爸媽到這兒吃晚餐。週日晚上七點半，要在門外等十數分錢才有吉枱。點了：「酸辣湯」（$18 / 一位份量）：好酸好辣，好濃味，好足料。但唔係人人受得了。「韮王鱔糊」（$58）：好味，下飯一流。「炒年糕」（$42）：都OK ，老媽說年糕唔乾，濕度剛好，QQ 的。「雞絲粉皮」（$32）係一些簡單菜式，只要醒醒定定，呢樣野其實幾難整得難食！「松子魚」（$88）：差得很！甜酸汁料很造作，吃兩口巳經受不了，嗆喉！魚無肉，炸起得團粉。炸功唔得，咬一口即「咇」油，恐怖。吃一半已經想放棄。八十八蚊，完全唔值。另加一個白飯（$12）。茶（$2 / 位）。埋單$282，略去那條「松子魚」，其他都OK。人手不足。應該會再幫趁。

醉雞- 雞肉幾滑,酒味唔重, 唔怕會醉...小籠包- 皮薄.鍋貼- 煎得幾靚唔.上海炒年糕- 唔夠乾身...年糕幾有口感!不過整體講...味精幾重!裝修幾好呀, 又坐得舒服, 係美孚大多數都係茶餐廳格局, 即係坐得唔舒服.

500幾尺地方裝修設計的唔錯。食物都ok不過不失"四川炒年糕"真係可以叫唔錯。不過服務人員唔足夠，四個人服務唔曬整間店，叫好多次先有應！

昨天（2006年3月28日）特意從荔枝角乘車到美孚的上海婆婆吃午飯。點了set lunch，涼伴粉皮．嫩雞煨麵．熱豆漿，涼伴粉皮夠彈牙．但麻醬太重手，嫩雞煨麵的湯汁很特別，有芡汁的質感，頗滑，但略嫌太淡，引不起食慾。還有，熱豆漿亦是淡茂茂的。嘗過同行同事的麻婆豆腐，反而味道頗佳，甜甜地，沒有辣味，但很惹味。環境頗舒服，人流較少，午巿時間不用等位，但不夠人手，點菜時等了一會，才有服務員serve。結賬大約每人$４0