上海姥姥 (已結業)

下午時間，去到攞飛,一定要齊人，差一個都唔得，無餐叫，叫左麵同小籠包，小籠包都可以，個麵好淡，質地好䭃，好似溶哂咁，仲食緊，開始問你d野到齊未，幫你收野，但係無問你食完未，咁我唯有話俾佢知仲有，隔兩分鐘又嚟過，今次仲要無問，收左就走，其實我都係食左半個鐘，佢就好似想迫走我，好似我坐左好耐咁，服務一般

新開上海小館，平日晚上7,8點總是很多人排隊，這天都要等4-5張2人枱，店子內其實得十幾張枱，多過4 人都好難等到拼枱。這天8:30左右，侍應已說賣哂上海粗炒。2人選了小籠包，排骨麵和上海3小拼盆。拼盆自選3款，我們選了了醉雞、海蜇和雞絲粉皮，醉雞夠酒香，雞絲粉皮醬料不錯，只有海蜇就無咩味，沒有芝麻和麻油，有點失望。 小籠包見師傅未停手地做，睇住新鮮包好，即叫即蒸，皮夠薄肉餡份量適中，小籠包能存很多湯汁，師傳功力很好。 排骨麵就一般味道，排骨肉味不夠，通常上海製法，應該有一套醃味配方，外皮炸漿不脆，比起連鎖快餐店質數還要差；幸好麵質爽口，但湯沒有味道，對這道基本上海普遍的麵食，非常失望，希望廚師好好留意。 埋單唔使200元，都幾抵食，街坊價錢，下次會再去試下其他菜式，特別是一早售罄的上海粗炒。

今日去完黃大仙廟，就順便去黃大仙中心醫肚，行下行下就去左上海姥姥，我同女朋友點左個走辣擔擔麵，麵好爽滑彈牙，花生醬湯底好正濃而不腻;另外叫左碟炒年糕，好彈牙，配埋青菜，肉絲，雖然鹹左少少，但都好好食，值得一試

黃大仙中心同龍翔中心早期一直裝修到依家終於都開番大部份(亦即係話..終於有得揀)我今次同阿爹兩個人撐枱腳，佢又鍾意食小籠包..所以揀左黃大仙南館嘅上海姥姥到達時已經接近晚上9點，但現場依然多人排隊等位，等緊嗰陣D號碼係會成日跳番轉頭，門口接待姐姐又要顧收銀又要顧門口排位，見佢新開希望呢樣野可以改善一下最後等左接近30分鐘終於入到去入面地方好細，加埋唔知有無30張枱但全部坐滿，相信呢個都係搞到因為得兩個人，只係點左3樣野上海粗炒上枱嗰陣出哂煙，但係食落去係唔會熱到辣口，D麵心都係唔熱，但味道唔錯，如果可以炒番熱食就好小籠包一籠4隻，呢個真係超讚!皮薄有大量湯汁，呢個就真係會辣口喇，要小心食但記得快D食哂擔擔麵個樣唔係十分精緻，可以話係其貌不揚，D湯一D都唔杰好似清湯咁，好難想像會有幾多味道但食落麵軟硬岩岩好，湯都好好味總結:Staff上茶好快，基本上見到你個杯飲左一半已經即刻番黎Fill番比你，可能係店面唔大佢地可以容易D睇到客人情況所以呢個我都覺得一讚價錢兩個人最後食左$132 呢個價錢係飽肚，目前餐廳都仲係免收加一茶芥但個商場話哂都係領展，半年或一年後會加價機會都好大不過對於附近居民