上海姥姥 (德福廣場2期)

营业中

休息中

德福行街，行到攰再搵野食。九龍灣真係可以行成日，好多野睇好多野買。。。咁岩見到上海佬佬轉下午茶餐，又未有人等位，唔好諗坐低先啦。。餐廳環境唔算好大，啲座位都幾密同埋要坐有擋版嘅搭枱。。下午茶餐牌選擇唔會好多，反正就係招牌嘅上海菜啦，可以再加小食，每個set加一款再包一杯飲品。。。上海擔擔麵嗯，個拉麵好食，夠q彈唔會煮到糊狀一pat咁，見到師傅係店內即拉即製。不過我就覺得花生麻醬味唔夠濃，個湯底亦都較為淡味嘅，加左小小肉碎係面。小籠包加錢嘅小食，小籠包個皮都算薄，入面有肉汁，鮮味好食！葱油開洋拌麵配雲吞2粒簡單嘅拌麵，唔會過咸亦唔會太油膩。2粒雲吞都係正常size，肉餡都多又有肉汁，皮偏厚但食入口好滑厚切排骨我覺得可以必點！真係即點即炸好酥脆。店舖唔係用好硬果啲炸粉，應該係用蛋漿開嘅炸粉，咬入口唔會𠝹口。豬扒亦淋滑唔會過柴，咬到小小肉汁㗎！呢個好好食，厚切夠哂大塊以下午茶嚟講，一啲都唔差，食物質素幾好！

鮮蝦韮菜煎餅 (3件)  $42🍽小食~爆多汁韮菜煎餅!!!!!🤩餅皮不厚，煎得非常香脆，韮菜味十分香濃，肉汁豐富，身為一個韮菜控是十分滿足🤤腿蓉奶油津白  $76🍽晚餐~雖然小妹是食肉獸🍖，但奶油津白永遠讓我愛不釋手😋 牛奶的奶味香濃，但吃起來卻不膩，如果覺得味道很淡的朋友，可以配合金華火腿蓉一起吃~~碧綠帶子小籠包  $58🍽晚餐~小籠包皮薄多汁，而且真是有包裹着原隻帶子，挺好吃的 👍 乾扁四季豆  $76🍽晚餐~這道菜式微辣，比較適合伴酒吃🤪🍻 炸銀絲卷  $26🍽小食~銀絲卷則不過不失~~ 總結: 好像是第一次吃上海姥姥，比想像中好吃🙈

嚟緊團年飯同新年應該都要係屋企食㗎喇🥲呢排睇定有咩外賣可以嗌好過🙈🙈🙈上海菜既選擇有好多 適合同屋企人一齊食仲有幾款好有意頭既菜式添😉七星涼菜拼盤 $238➡️四喜烤麩、雞絲粉皮、糖心燻蛋、香辣貢菜、花雕醉雞、花雕醉蝦、蘿蔔絲拌海蜇好豐富既拼盤 可以一次過試哂上海小食😍麻辣脆炸招財手 $198個麻辣汁幾出色 豬手皮都仲脆架豬手肉好厚 點埋個汁食就好惹味香煎素鵝 $62 外脆肉軟 仲有啲菇絲係入面添豆沙窩餅 $50上海菜必食甜品😉

今日同屋企人去左行街 咁啱行夜左諗住咁耐無食過上海嘢就入左去了餐廳環境吾算好大 但都算干淨。而且係用手機點餐嘅亦可以叫職員幫忙我地叫左一個黃金蝦仁炒飯以前食過覺得好好食所以準備再叫多一次但今次嘅炒飯略嫌淡味而且唔夠乾身 扣左小小分。千貝鮮魚魚肚豆腐羹（$50）味道唔錯 料亦都幾足 值得再試！但以每位50來說略嫌小貴四川老壇酸菜魚魚係用左盧魚 所以啲魚特別滑味道帶小小辣但可以接受 味道非常之不錯除左魚外 入面都用左小小粗粉絲 面皮等嘅小配菜做配搭墊底 總括而言酸菜魚係超級推介嘅菜式 好好味！

今日Lunch揀左去「上海姥姥」，依家要掃QR Code落單，兩個人一人點左一客午市套餐:水煮魚$89魚好滑，大大舊 啖啖肉，配白飯、酸辣湯及豆槳幾抵食酸辣湯拉麵$79跟餐揀配雞絲粉皮小吃，粉皮薄、連埋香滑花生醬淋響面，勁正；豆槳(好香豆味)酸辣湯拉麵湯底吾太辣，湯酸度夠稠，材料亦足，有木耳、肉絲、冬菇..，少辣，麵質彈牙，條條麵都掛湯汁，吾想食飯，一定揀呢款。Lunch Time at Shanghai Lao Lao :~Noddles in hot & sour Soup with pork**The texture of the noodles were good for capturing the soup and it was a great combination.~Shredded Chicken with Mung Bean Noodles in sesame Dressing~Sichuan pickled fish~Sweet Soya Milk 地址：九龍灣偉業街33號德福廣場二期5樓528-529號舖

呢間嘢食由我小學開始就已經開始喺度，而佢哋都改咗幾次名，但就越嚟越少人食。------------------------------我通常食呢間都會嗌小籠包同埋酸辣湯麵。------------------------------佢哋嘅小籠包入面有好多湯，啲皮又唔會好厚，所以我都幾鍾意食佢哋嘅小籠包。😋😋同埋佢哋嘅酸辣湯麵我都覺得好好食。個酸辣湯麵有木耳、肉絲、冬菇等等，而且調味都好好食，有夠酸有夠辣！😋😋而且份量夠多，每次食都好飽！😙😙

今日要去九龍灣朋友話上食姥姥就黎左呀都有D人等位好彩唔駛等好耐呀點左~SET LUNCH擔擔麵+素鵝+豆漿(再加配小籠包2個)擔擔麵湯都香濃既麵質還好唔會好硬身又唔會過份淋素鵝正常既個皮都KEEP到脆呀料都算幾多大量菇菇呀小籠包就一般般呀都熱既亦有湯汁皮就唔薄可以再好DD呀~散點九菜鮮肉鍋貼呢個幾特別既鍋貼本身係厚皮D既係熱辣辣整黎既個涵料都多

我呢隻蝸牛又積了很多食記未與大家分享 ...這頓上海姥姥的下午茶是六月底的 ...下午茶餐價錢由 HK$32 + HK$46有四川擔擔麵、炒飯、粗炒、嫩雞煨麵、牛肉拉麵等餐飲可以擇冷熱豆漿或凍酸梅湯，轉配其它飲品就要加錢儍媽點了客 ... 開洋蔥油拌麵配菜肉雲吞湯 + 豆漿 (HK$34)比多 +HK$16 加配了份 ... 招牌小籠包兩隻菜肉雲吞有兩粒，湯頭清徹鮮味開洋蔥油拌麵的『開洋』是蝦米麵條上面除了蔥油仲有幾隻蝦米1將麵條拌勻先食，麵條沾著蔥油和醬油的香味，鹹潤又有咬口如果多點蝦米就更好喇 !!!** 以上分享是以我的口味、體質和情況作出分享及感受，一試 / 合用與否請自行決定

出開黎九龍灣睇戲揀左黎姥姥午餐一向都覺得OK的點左~菜肉云吞麵+雞絲粉皮+小籠包(午餐)菜肉云吞好厚皮如果可以薄番少少就好喇反而小籠包幾好皮好薄咬落又有湯汁流出黎雞絲粉皮正常粉皮都幾爽下個汁較得幾香~九菜鍋貼呢個就有少少似係菜肉云吞既煎版同埋覺得煎既時間唔係好夠望落好似無點煎過咁唔夠香口

今次叫左外賣 用deliveroo service見到堂食同d相好似唔錯但係外賣就真係好似差好遠咁喇首先個醉雞好苦 酒味太重 重到好苦唔太想再食🙈🙈小籠包黎到都凍哂 味道上都ok既其他食物都不過不失啦黃金魚塊就有少少驚喜 都幾特別既但係再揀就未必再食依間喇

難得今晚全家齊人食飯, 媽咪建議去上海姥姥食晚飯, 話之前經過見到推出春日限定「尋味江南」菜式, 正好今日齊人可以食多幾款。估唔到平日晚都咁多人幫襯, 等位等左半個鐘, 「尋味江南」一共四款, 價錢又唔貴, 於是一次過order哂四款。上海姥姥招牌菜小籠包加入左新食材【鮮肉小龍蝦小籠包】HK$48新款小籠包同樣皮薄餡靚多汁, 豬肉餡料再多加一隻小龍蝦, 味道更鮮。 【爆汁鮮蝦韭菜餡餅】HK$42表面烘至香脆, 一咬果然爆汁, D汁多到bi出黎, 鮮味餡料混入大量韭菜, 整體韭菜味偏重, 香口味爆燈。【家傳老上海粗湯麵】HK$66上海傳統湯麵, 湯底濃郁, 粗麵份量多, 對比肉絲、冬菇絲、椰菜絲份量少左d。【滬上兩黃麵】HK$88江蘇等地傳統麵食, 油麵底炸過, 質地較鞋, 較易索左個汁, d料都幾多, 包括有蝦、魚、豬、雞同埋冬菇等...配搭豐富。另外又order左幾款"十大經典菜式"食過小龍蝦小籠包後, 都要再order傳統【招牌小籠包】HK$40小籠包中包住豬肉餡料, 仲有唔少湯汁湧出, 食得滋味!【水煮魚片】HK$108很有驚喜, 上檯時已聞到濃烈辛辣味, 魚片超滑, 而且冇骨,

好耐之前都已食過尼間上海菜今日見好耐冇食過 就入左黎食比起之前 d野食係好食左雞絲粉皮叫左個輕量版 真係好細碟 幾啖食得晒但個味道就幾好 份量大d就好四川擔擔麵個湯底好濃 有花生香味 好正麵質煮到岩岩好 酸菜魚見到menu寫住係招牌菜 就order左招牌菜果然好食同埋份量都多 除左有魚塊同大量酸菜 仲有千頁豆皮 蓮藕同粉絲湯底夠麻酸魚好滑粉絲索晒味 好正 好好食 唯一不足就係偏咸左少少小籠包食親上海野必食皮夠簿又多汁同埋個肉都好食再點埋醋一齊食 正

朋友補食返生日晚飯，可能係星期五嘅關係，間間食肆出面都塞晒人，最後上海姥姥最快有位，就試吓佢。🐤醉雞： 雞好滑，完全唔鞋，又好夠酒味🐄水煮牛：牛肉都幾多吓，個底仲有啲薯粉，索晒湯汁，好入味🐠水煮魚：魚好滑，大大舊 啖啖肉，可惜唔係用新鮮魚片🍜擔擔麵： 湯底好香好惹味🍛炒飯： 鍾意佢唔會炒到好油好干四個人叫咗6個餸，全部清晒碟，唔浪費😌

成日食盆菜打邊爐有啲悶，團年飯想食得有新意又有意頭，今次就叫咗上海姥姥嘅新春限定菜式同拼盤，淨係睇賣相已經冇得輸，份量十足仲好好味，價錢仲夠親民！「七星報喜涼菜拼盤」及「吉星高照點心拼盤」份量都好大個，裡面仲有好多唔同款式，一啲都唔馬虎，每個$200唔使真心唔錯。點心拼盤以炸嘢為主，返到屋企食依然夠脆。仲叫左幾個新春限定菜式，包括：一家團圓-姥姥金湯全家福財源廣進-金絲紅燒元寶笑口常開-古法蟹殼黃步步高升-苔條粢飯糕全部啲名都好有意頭！仲另外點左個雞煲，可以揀辣或者唔辣，我仲加錢選擇至尊套餐，會有埋牛𦟌丶菜肉雲吞丶蓮藕片等配料，可以加湯底做埋火鍋都得，夠晒特別。分量真係超多，我哋四大兩小都食唔晒，係團年飯另一好選擇！

朋友介紹呢間餃子好得，今天去開附近，值管試試....環境唔錯,好有上海feel...坐低立即有職員放底餐牌...三點幾嚟到當然叫下午茶套餐會底D...要了擔擔麵...麵條做得幼滑彈牙配料加咗D肉碎花生碎有少少辣...咁嘅配搭效果好好,花生醬夠香味...湯底亦夠香濃..越吃越滋味.唔錯喎...雞絲粉皮的麻醬不但多，軟軟的雞絲配爽口的青瓜絲，味道真不錯...飲品飲凍豆漿,甜香順喉易入口豆味香濃餘香...環境同服務唔錯,價錢又唔貴下次有機會再來...