上海一品香菜館

营业中

休息中

我與大食友人開餐,二人唔太肚餓只點三鮮湯年糕整體味道較為清淡,年糕軟滑,配料豐富,有紹菜,蝦仁,雞件冬菇等小籠包即叩即蒸,一籠有10隻,餡多而肉汁豐富,皮薄帶點點煙韌口感,有水準呀!

因為响觀塘番工~ 周不時都會幫襯呢間舖頭.平均每次35蚊~ 麻婆豆腐,獅子頭,紅燒牛肉等等..都好好味~ 其實都好抵食~ 佢又會送一大碗例湯~ D湯好足料,勁正~ 我覺得呢個價錢食到一餸一飯一湯己經差唔多~ 觀塘周圍的茶餐廳都要呢D價錢,有D仲唔止.

十二月下旬‧晴 在以前，街坊上海菜舖不是三六九、老上海就是一品香，到了今天，剩下就只有一品香最多，其中一間就是這裡。 是日要跟文化界朋友傾談，來吃個late lunch。二時半來到，午市人潮已去，侍應立時拿來例湯，這個也是港式做法。老兼瓜煲唐排，清潤鮮美，叫做有啖湯水下肚。 回窩肉汁醬掛得不錯，不多不少，是下飯的好菜。也要了個雞絲冷麵，冷麵不冷，吃起來就口感就一般。還好切上的麵碼都算幼細，都算好吃。有例湯，但也想喝酸辣湯，喝起來是港式的不酸不辣。也不能不試一下這裡的小籠包吧，刴得好的肉餡，蒸起來也不自然有肉汁流出嗎？一客九只，吃到飽。 所以食物的相片及更詳細的食評，在這裡：http://gourmetkc.blogspot.com/2010/05/blog-post_2626.html

14/07/2010 晴天天氣真是好熱,所以我家人都不是好想在家煮飯, 爸爸的即興又來了, 我爸爸提議去食上海菜, 之後我也答應請他們食糖水, 時間也是不早了, 我們接了媽媽下班後去了觀塘的一品香食上海菜了因為下午已經食了pizza ,仍然尚是消化中, 所以今晚叫的食物都不是好多, 一坐下來, 我爸爸開始撥扇, 因為空調開得細,駛唔駛咁慳?? 之後老板娘好迅速地給我們一壺香片,茶錢是免費的, 香片茶都好清新的味道, 也真是非常解渴的, 不會是苦澀之後也是我們常order的食物, 我們叫了三碗擔擔麵, 其中一碗走辣, 之後叫了一碟上海粗炒, 一籠小龍包和一碟鍋貼, 飯後要去食糖水, 要留下肚了擔擔麵$24x3---花生味淡,花生碎欠奉又冇肉碎, 湯底好鹹而且味精多,又冇配菜只提供了一條白菜, 太吝嗇了, 麵條不是好爽口,份量適中, 入口感覺太油膩,而辣味的擔擔麵不是好香辣, 廿幾元食個這樣子的麵不如炒碟飯看來好一點小籠包$31-- 一籠有10粒都好抵食,即叩即蒸, 熱辣辣的小籠包的皮唔算薄, 肉味欠奉,豬肉太大舊, 湯汁又少, 味道一般,而且加了價上海粗炒$35--- 看來好有鑊氣,

呢間野都係同屋企人既閞飯之選...因為一路食開都覺得唔錯...又就腳.....不過呢排食過幾次.....水準好似冇以前咁好啦////份量超"迷你"鍋貼....個底黑晒.....食落苦苦地.....-.-青椒雞丁.....2樣野都好細粒////份量好少.....個碟底d 油多到呢........爐魚....這個可以la....略咸........都知呢間野係成日趕客走咁既款.....好似食到走鬼咁....真係唔鐘意黎呢度食.......200幾蚊食3個人...仲要唔多飽....堅係唔抵.....同區有更好既選擇囉

上次同朋友去吃晚餐，叫了小菜之後先發現冇叫到小籠包，故再次幫襯睇下與素如何結果一試，失望，d小籠包肉太多，汁好少！而且好多都穿左！真係好失望果晚仲叫左個擔擔麵係幾好味的｝不過太多花生醬，令我覺得好膩

減肥行動繼續，最緊要就係唔食宵夜同埋戒啤酒，早食飯亦是重要因素，所以6:15pm就來左呢間一品香試下﹗知佢在官塘廣場已有一定日子，鋪仔細細六點幾也有好幾枱客，要了炸銀絲卷及鍋貼一客﹗兩樣都係即叫即整，上枱時仲係熱呼呼的，銀絲卷外皮炸得脆口，中間軟熟重麵粉香，好吃。上海菜來說我最鍾意就係食鍋貼，坊間不少自命不凡的上海鋪所做的鍋貼皮厚到成舊粉咁，似食粉果多過似鍋貼。一品香做得令我很滿意，皮不薄不厚包得穩妥不散帶點點煙韌口感，鍋貼底煎得金黃香脆，餡多而肉汁豐富味道出眾，正﹗一客五隻不嫌多，我通通全收食個碟底朝天﹗下次一於再來試試佢地既小籠包先，好似好多網友都激讚﹗

上星期五去了觀塘上課, 中午時分突然下大雨, 於是求其去了食上海客飯. 去到時其實不算很多人, 不過侍應仍然問你幾到位之後, 便指著空位"對號入坐", 不容許自己"揀位坐", 所以坐得很迫. 坐下來後, 點了百頁肉絲客飯.先來例湯,一大碗, 應該是粟米煲紅蘿蔔湯, 味道很淡, 湯渣又很少, 只有一小件紅蘿蔔和粟米 (本人愛多湯渣的例湯!), 很不滿足! 之後等了很久很久, 連隔鄰那位比我遲來很多的大叔都差不多吃完, 我的百頁肉絲客飯仍然未有! 後來終於送上, 附帶白飯一小碗! 甚麼不是兩碗白飯的嗎? 幹麼那自作聰明的侍應私自把其中一碗白飯扣起?? 雖然自問胃口不大, 也未必吃得下兩碗飯, 但這個選擇權應該是在我手上, 而不是這樣的!!!!!!! 說回百頁肉絲的味道, 只有一個"鹹"字!!! 百頁雖然多, 但本身沒甚肉絲, 而且蠔油太多, 把食材本身的味道都蓋過了.這樣水準的小店, 加上俄應不太禮貌的服務, 實在不明為何那麼多好評!!!!

6月29日, 我今日黎到觀塘接呀菲放工~ 佢帶我去食上海菜, 咁我跟住佢… 如果唔係喺度生活開, 一定唔會識黎! 因為呢度都好隱蔽, 個商場幾up dup, 有d似信和, 喺左穿右插一大輪之後, 終於黎到~::: 改良擔擔麵 ::: $26名字十分搞笑, 叫咩做改良… 原來主要係加咗肉碎~ 呢度嘅普通擔擔麵係無肉碎嘅! 一食之下, 味道其實同普通擔擔麵差唔多, 湯底有濃濃嘅花生醬味, 唔太辣… 不過就非常杰! 飲晒d湯一定超飽… 蔥粒同花生幾香口, 配以彈牙擔擔麵十分不錯. 不過真係R爆頭都唔知點解加咗肉碎都會叫改良… 出面d擔擔麵正常都會加肉碎啦!::: 小籠包 ::: $30以一籠有10粒黎講, 係幾抵食嘅~ 唔知係漏單定係即叫即蒸, 等咗差唔多20分鐘先有… 黎到熱辣辣, 香氣撲面~ 食落肉地算唔錯, 豬肉十分香, 可惜皮過厚了點, d湯太少令到豬肉有d乾~ 只可以俾個合格…唔可以話唔好食, 不過我地食嗰2樣只可以說合格, 而小籠包要等20分鐘才有就不太值… 侍應勤力, 但有點失魂落魄咁, 不知所措. 都有好多人排隊食, 可能只係我嘅食物失準吧…

跟男友吃晚飯, 他提議此小館, 初聽到地點, 便有點猶豫, 因較抗拒在那個位置吃飯~ anyway, 為了吃, 豁出去吧~到達觀塘廣場, 很多商店均關店了, 唯獨此小店仍蠻興旺, 很多人都坐到店外用餐~ 對此地的抗拒感一掃而空呢~ 快快做了一個RESEARCH, 四周看一下, 很多枱均點了酸辣湯~ (YEAH, 最愛酸辣湯)坐下來, 餓到發瘋的我倆急忙點菜:雞絲粉皮($38) – 初看到此餸, 男友便大叫”揾苯”, 因份量頗少… 然而, 放進口中便大讚物超所值~ 粉皮軟硬度適中, 不會疊著一塊一塊的~ 醬汁味道亦調配得很好, 不會像出面般重而杰的花生醬味~ 酸辣湯($45) – 同樣出色! 不會過酸過辣~ 且足料! 完全理解到為何近乎每枱也有order 這個. 但建議4人享用這個最為理想~ 因我們二人均每人吃了4,5碗呢…. 哈…….. anyway, 難不到我倆的~! (看到別桌都吃不下要打包呢~)三鮮炒年糕($40) – 初看賣相, 以為此為失敗之作~ 但一吃, 便bling~~ 味道清新,年糕不像平時吃的那款. 這個年糕份外軟身且滑! 而且每塊形狀不一~ 見識少的我, 初猜測年糕

昨晚dinner出觀塘吃,試了隱蔽在觀塘廣場裏的上海一品香,仲要係走廊盡頭角落位,唔熟識個度都幾難找,這裡舖頭細細,放了不夠10張枱,7:00pm去到,無乜人,不過食到7:30pm已經見坐滿及要等位,證明都幾多人知道我們要了擔擔麵,湯底唔錯,有香濃花生酱杰杰地,不過唔記得走辣,所以好辣,要片走D辣油至得,$24好大碗,食唔哂!不過食食下D麵裏面有條魚骨,嘩!扣分!!!小籠包唯一可取之處是價平$30有10大粒,不過大粒到一口食唔哂,皮略厚無乜湯汁,裏面豬肉餡好大舊同埋好似蒸唔熟咁(粉紅色),oh no!!!鍋貼都係一般,端上來不夠熱及煎得不夠香口,$25碟加埋2杯豆漿埋單113,ok la!感覺比較是粗糙的上海菜館,有更多做得好過佢!這裏還有上海菜、客飯供應,不過未試過,不便評論

尋日9點左右一行5人近近地去左觀廣, 雖然10點收, 但5個人應該好快食完開頭問靚仔伙計有咩好介紹, 佢話佢唔識答之後再問佢有冇咩上海野呀, 佢指去set 話有, 點止上海野, 四川野, 北京...都有真係...................咁你都應該知邊d 係上海菜呀嘛朋友聽到阿靚仔又話酸辣湯正野, 因為係佢煮叫左2餸一湯set+賽螃蟹+小籠包+炸銀絲卷2餸一湯 $114, lunch 既話有白飯送, 餸唔算大碟, 但算幾多選擇酸辣湯, 整得唔錯, 酸辣比例配合, 不過更酸更辣仲好. 同埋佢都幾足料雞絲粉皮, 凍得有少少硬, 同埋碎, 味道尚可咕嚕雞球, 炸得幾香脆, 聞到有朕麻油咁既香味, 又幾正喎, 不過就大舊同少賽螃蟹, 哩度既整得比較碎, 唔係一舊舊, 味道都係冇乜突出小籠包好正, $29 10隻, 已經夠晒抵. 皮唔算薄, 入面既豬肉好鬆, 唔係一舊好硬咁入面多肉汁, 唔錯, 不過豬肉有d 碎骨炸銀絲卷$10, 唔會食到好油, 可能擺左一陣先食, 唔係太脆仲有叫左4個去到櫃面埋單又係阿靚仔坐o係度... 樓面廚房收銀都係佢

昨晚看了灣仔展覽後, 便跟友人一同到觀塘吃飯, 在他的帶領下, 我們到了這裡吃.八時多, 已經多人到暈, 但因為我們只係二人, 所以不用等太久由於我不太肚餓, 故我們都點餸不多, 但都吃得飽. 我們點了小籠包、改良擔擔面、回鍋肉和白飯四個餸, 個面雖有點辣, 但很香口, 很香花生味, 正!但回鍋肉略油及稍多肥膏. 不過, 都係辣辣地, 幾開胃. 我們之後帶著飽肚的感覺, 去apm看晚場的《一百萬零一夜》,好充實的一天!

3/3,我同我的男友去了APM睇完戲(一百萬零一夜)後,到了一品香食上海菜,之前我常常同我家人到一品香食餃子食小籠包,因為真是好抵食, 水準都過得去啦!!一品香坐落在觀塘廣場二樓,都幾隱蔽,但dinner 時段總是好多人, 都是做街坊和熟客生意...我平時都好少order套飯, 而且我們都不是太肚餓, 所以都只是order少少food作dinner, 我們order了一份小籠包, 一個擔擔麵&一份豆沙鍋餅小籠包是必選的食物, $29有十粒, 肉汁雖然不是話好多, 但即叫即蒸, 蒸氣騰騰小籠包,肉味鮮美,汁量一般,皮都是薄, 好好食....好多新式的上海菜的餐館都只是一籠廿幾元得4粒, 不是太經濟囉雖然水準不差...擔擔麵其實同四川的不同, 不會是麻辣,冇肉碎, 我個人的口味都比較不是食得太濃,可以走辣, 我喜歡食他們的擔擔麵因為花生醬味, 足一個麵同有點虾米和少量的菜, 個麵條是剪開左, 容易入口, 雖然不是太大驚喜, 但不會精緻細碗, 價錢合理!豆沙鍋餅即叫即煮, 熱騰騰的豆沙鍋餅放入口時真是小心, 好熱呀!不過真是好好味, 豆沙不會太甜,個皮食落好脆好香口,飯後來一客豆沙鍋餅,

對我來說，觀塘廣場是一個充滿著學生時代回憶的地方，在中學時代此處雖離校有一段頗遠的路程，但午膳時候很多時也會來這裡一逛。當年區內不像現在有一幢大型商場，地方細細的觀塘廣場對我來說，已經是一個集合潮流玩物、科技資訊以及提供廉價與美味食物的勝地。當年在同一商場內，除了「上海一品香菜館」外，也有另一間上海菜館，不過名字已忘記了。由於習慣地去這間現已結業的店子，所以便一直沒有光顧前者。而現在已經搬離觀塘區的我，今天反而有機會一試。店內的擺設與記憶中的印象差不多，當年雖然沒有光顧，但有時候也會在其門前經過。製作飽點的廚房仍然是靠近大門，水蒸氣不時從店內吹出來。正店大約有六張桌子，而則舖就放有數張大餐桌，有些可供十二人使用。舊式商場另一特色，就是可以在走廊位置擺放桌子，小小的地方，也足夠容納兩三張小桌子。老實說，已經很久沒有吃客飯了，其實有點一心為吃客飯而來，所以坐下後便二話不說地看客飯的餐牌。怎知在二十多款的客飯中，也未能找出「鱔糊客飯」。心想以為是看漏眼，所以再看一遍，最後當然沒有發現。起初以為只在「客飯類」沒有供應，轉看其他餐牌，怎知道仍然沒有發現任何有關「鱔糊」的蹤影。最後只好改變策略，點