上官御品 (已結業)

這一碗外賣三餸車仔麵，味道平凡，雖叫了腩沖湯底，但也太淡，不像粉麵店般香濃入味，唯一是米線是新鮮較滑比較可取，其餘可真是沒甚麼特別之處。不過，這一切也不是重點，重點是不太尊重客人，午膳時段，我明白客人較多，我也有預先詢問外賣等候的時間（5-10分鐘），然而旁邊一位阿姨趕時間催促店內的阿姐時，她比我遲下單也竟然先做她的外賣，這個才是最不合理，因為我還要一直等等等，等到所有要堂食的客人都進入店鋪後，我忍不住問收銀那位疑似老闆的大叔，如果未做我的訂單請給我退款算了，比我遲下單的人先拿外賣，門外等待堂食的人全都入店鋪了⋯大叔只輕描淡寫對店內姐姐說未做話要退錢，一聲不好意思/著緊或是認真對待一下也沒有，店內那位姐姐立刻對牛說做緊架喇，唔好意思你可能點咗餃會耐啲，我根本沒點過這餸款，所有都是一早煮熟的食物，我沒回應姐姐她亂說一通，只對她說人家催你你就先做別人訂單，這樣不合理⋯最後不到兩分鐘就把我的外賣拿出來，我只可以說，再好味的話，也不會光顧不懂尊重客人的店舖，況且味道上真的很普通，比不上附近的食肆，所以我大底可以說不會有下次。…查看更多

下午茶時段經過享和街，見到這店門前女職員在招客，推介車仔麵，肚子有點餓，就進去吃個車仔麵吧。進店一看裝修西化，像吃西餐或飲咖啡的店舖，向店員查詢，原來上手是做泰菜，轉做車仔麵只兩個月左右。選了卡座，旁邊紅磚牆上有菜牌，檯上有落單紙，吃什麼自已在單內打勾交給店員便可。車仔麵的種類不算多，但常見的食品都有。有三餸麵和四餸麵可選，我選三餸麵魚腐、韭菜餃、酸菜跟米線，配一杯咖啡。咖啡先來，用錫杯上，冬天保溫一流，咖啡味道一般。三餸麵上檯，大碗內有兩片魚腐，兩隻韭菜餃，一堆酸菜，兩條生菜，因為見到有秘製辣汁供應，要了小辣，於是有一小撮辣醬在湯面。要的是清湯底，配合辣醬混和湯內，吃上口嚐到那辣的風味，吃時要小心，容易嗆喉。米線爽口，份量多，魚腐正正方方，口感漲實，韭菜餃內肉碎與韭菜分配平均，餃皮軟滑，酸菜酸甜合適，增進食慾。店內人少，自在吃車仔麵，飲咖啡，一派悠然。…查看更多

openrice見到泰國菜差評，原來剛轉餐單，現在已是車仔麵，呢間車仔麵真係不得了，做左四十年人最好食的車仔麵！ 做完瑜伽後行經此地，對面是經營多年、荃灣區無人不知的米線店裝修，意外行入呢家車仔麵，作為酮人，當然同店員力爭走麵轉餸，店員伯伯已被我教育得妥妥當當，以後大家去可以好方便啦！ 請我食了2只手工制餃子皮的手工餃，見師傅盛意拳拳，我照食啊，不過無破酮哈哈 飲晒啲湯，無口渴，把湯乾了。師傅出黎吹水，我問佢點解呢樣咁好食，嗰樣咁好食，佢言無不盡我叫腩汁、少辣 車仔麵的湯原來可以好好飲的啊，師傅說是用雞骨豬骨熬的呢豬腩肉是真正又軟又淋的五花腩，現在好少見咖啦，油脂的藝術啊，有益健康，各位酮人必定gogogo…查看更多

晚市剛剛重開，但每日從📹新聞聽到的確診數字仍反反覆覆。可能因為咁，即使是星期六晚上，街上等位食晚飯的人都比以前少咗好多。一向喜歡食泰國菜的小妹，同朋友路經呢邊時發現原來附近好多小餐廳🏘️，心血來潮決定試吓這間小小泰菜餐廳啦！😫可惜現實和期望總有落差，而今次都真的非常失望。🍍原個菠蘿炒飯 (2/10)：這碟飯一上枱，即刻見到個菠蘿邊黑晒，估計是重用？疫情未穩定喎！好啦，當個菠蘿本身就是咁，味道如何？飯粒炒得不均勻，一匙好鹹一匙無味，零鑊氣，配料同飯炒埋一齊不香，蝦仁無味。早知叫其他碟頭飯可能仲好😓......🦐手打炸蝦餅 (2/10)：不脆，蝦肉無味。🙁不好食又不抵食！🍗泰式雞中翼 (3/10)：店員姨姨引以為傲地推介，😥點知我們一咬落口「吓？咁咋？」好普通咋喎！屋企自家製的氣炸雞翼仲好食好多！🍨芒果糯米飯 (3/10)：可能芒果不當造，所以不甜。糯米飯外身偏硬，內裡又太軟。🥃龍眼冰 (5/10)：甜度剛好，冰量足夠，單點不便宜。環境設施 (6/10)：溫暖家居風，乾淨整潔。服務質素 (6/10)：店員態度一般，等候時間長。回頭率 (2/10)：整體食物質素差但不算平，沒有下次。…查看更多

一個卤水豬脾飯，$58，無野飲，加野飲要半價，完全系無卤水味，卤蛋好綿，無味。似放左幾日。最緊要個飯，有生米，完全無煮熟。貴價難食，冇賣相。個飯盒仲系用最差的材料，大陸feel。  出面寫住外賣自取9折，外賣自取前面貼上有張細細張紙仔，寫住6點後，好細吾清，完全系混淆。絕冇下次 ! 圖片為食到一半，已忍吾住要寫評論! …查看更多

店面裝修簡約亦見有格調，雖然我只有一人亦安排我坐卡位，座位舒適。店員非常有禮， 又不會過分熱情令人客不自在。雜綿船麵來說，配料不算多，有炸豬皮、豬肉丸和豆卜。但以這個價錢來講配料份量非常合理。河粉口感軟滑剛剛好，湯底濃而不膩， 平日少飲麵湯既我亦忍唔住飲多兩啖。晚市人客不多，食飽亦可以坐低hea一陣休息。荃灣區內， 這價位能夠坐得舒服，食物又有質素既小店實在不多。…查看更多

星期日晚經過荃灣廣場，就去附近睇下有咩食，因為商場對出既舖頭都多人等位，我地就行後一條街。.之前經過見到佢新開已經想試下，不過都係等佢run順啲先幫襯。我地去果陣冇新開張優惠，不過都照試試佢。我地嗌左招牌海南雞、金邊粉加生菜包，野飲就嗌左菜蜜同柑桔蜜。.落完單，海南雞好快上到黎，因為唔洗煮，但個炒金邊粉等左成粒鐘先上。好彩個飯我地share，咁就可以開餐先😁。雞味濃，夠嫩滑，要讚下個油飯，鹹香岩岩好！.我地食得好慢，差唔多半個鐘之後，上埋生菜包。生菜包都好正，肉碎都好夠味，熱辣辣，包住生菜好juicy好好味～.生菜有4塊，我諗我地都食左20分鐘，終於上埋個金邊粉。金邊粉炒得唔錯，有茄汁味，條條粉都有味！.好彩我地係share食，如果同朋友黎一人一碟，嗌左金邊粉果個要等成粒鐘先有得食😹好彩我地都唔趕時間，好多人等唔切都cancel左單。.本身諗住嗌埋蝦餅黎試下，點知夜晚7點佢話蝦餅已經賣哂。如果下次好得閒既都會再黎試😹…查看更多