上壽司 (已結業)

今日無食lunch，去左上壽司食左一餐好豐富既下午茶.....全店半價！！兩個人，勁食都係＄146，一定會再去，我個人強烈推薦以下三樣食物：１．三文魚壽司，折左之後唔洗五蚊一碟，三文魚很新鮮，味道很好，沒有將貨就價，好抵食。２．牛肉烏冬，我覺得係最好味既一樣，牛肉係半生熟（平時我都唔食生牛肉），浸係d湯度岩岩好，好淋，真係好好味。湯底係麵豉湯，烏冬都好正。折左之後十蚊，雖然細妯碗，不過咁好味都抵。３．天婦羅炸蝦壽司，d蝦好大隻，脆卜卜，好正，折左之後十三蚊，有兩件，有咁既質素，都幾抵！飲左蜜桃疏打，折左之後九蚊，真係透心涼。服務態度亦都好好，侍應都好勤力，不停加茶執野，抵讚！

很久沒來上壽司平日我跟bf只會吃3:00-5:30的半價時段但今天唉不住....85折照殺我地唔叫lunch set....單點壽司雜菜沙津: 份量少得人驚...得幾塊菜.....比半價的份量少...奇怪= ="""蟹子軍艦: 蟹子份量ok....蟹棒壽司: 我的最愛...蟹棒+日式沙津好鮮味=]蛋壽司?: 這種蛋是100%的蛋...好甜加洲卷: 如果大舊d就好...依家似一口壽司炸雞軟骨: 份量ok=] 唔會好燶...舊檸檬夠大牛肉鳥冬: 鳥冬keep到好彈牙 湯底好味服務幾好呀=]會成日加茶同埋留意到我地既needs=]

lunch o黎過幾次~個lunch set..食o西都好full...有日式蒸蛋..salad...糯米chi味道都唔錯啦..lunch仲唔駛加1tim

知道佢每日1500-1730會有半價所以plan o左好耐黎試下佢結果...日期: 18th Jul, 2008時間: 1500-1600兩個人食不過其實大家都唔係好肚餓但係勝在小弟又夠大食......由於以前響其他地方有過唔太愉快o既意外經歷所以日後 (包括今次) 一黎就旨在先order少量試其質素作定斷後再決定是否重鎚出擊先黎油甘、鱆紅、立、三文魚子同海膽鱆紅唔太新鮮油甘同立都唔錯海膽同三文魚子軍艦o既紫菜係軟o既但係鑑於海膽同三文魚子本身都好唔錯所以encore詭異o既事情就發生喇!第二批海膽壽司上面o既海膽數量少o左一半我即時心諗:「點解會咁!?」anyway, 我都食o左先發現紫菜又脆番於是我就懷疑其實第一批係佢地響迴轉帶度拎俾我第二批先係新鮮造........之後仲有帶子、金目鯛同埋野菜天婦羅最後甜品有黑糖唔知咩糕同埋南瓜雪糕都有應有o既水準總結係以呢個價錢呢個食物質素係超值就好似海膽軍艦咁折實加埋一都只係$15喂, 仲想點先?

因為下午茶半價既關係, 原先都唔會抱太大寄望 因為星期日去, 都有好多人等緊...準時三點開始~ 原本見到個menu有個"秘密"好似幾特別咁...但係就無得試 問落都係果0的special既都無但係其他既壽司都唔錯三文魚, 芥辣八爪魚,海膽又夠多~~都係意料之外意式三文魚刺身當沙律食超正!! 豆腐炸得算唔錯...外脆內滑...合格本人最愛三文魚刺身...個人鯨吞三客!!正!唯一驚嚇在迴轉位0的壽司乾到離譜...見到有人夠膽攞0黎食都幾驚嚇天婦羅軟殼蟹雖然得手掌心咁大...但係夠蟹膏, 有鮮味$12.5一隻抵到爛計佢sunday 既下午茶, 咁多人0黎都可以控制好場面...的確唔錯...兩個人食都係$256(當lunch咁食)一定會再去XDDDDDD

同兩位朋友慶祝生日, 有人話試試呢間壽司, 點知又一失望之作佢都係同一般壽司店一様, Tick壽司紙order, 魚生唔係好新鮮, size一般串燒太"un",軟殼蟹真係好軟, 一d都唔脆鰻魚有骨, 都有d驚係假雞軟骨又過火天婦籮有些唔熱唔脆, 客唔多, 唔應該係咁, 我們同佢講, 佢話係要凍先可以放上飯到, 咁都無得講嫁啦但生日位朋友就唔高興啦環境幾清雅, 但食物唔得之餘又貴, 無下次

非常失望 見openrice咁多好評就去試試點知乃野!!!!!!!!!先說環境我不坐壽司枱 其他枱排得超埋 我們好像跟隔壁的情侶搭枱一樣就算細聲說話都比人聽哂背景音樂超out 很annoying 好似去了clubbing咁想死魚生跟吞拿魚 最基本的都不好食唔新鮮之餘 飯底係夾兩夾就散 蟹子壽司食落口得紫菜味和飯味 只有池魚, 海膽和軟殼蟹牛油果卷 比較合乎期望好彩軍艦的紫菜皮還是脆的 否則我會喊!!!跟板前的價錢差唔多我寧願等耐點去板前食 超失望以後都唔會再去去同類型的地方食壽司 我會去板前/ 峰壽司.............

海膽軍艦 ($25) x 5: 軍艦最值一讚就是紫菜很夠香脆! 海膽不錯﹐帶點海水咸味亦夠甘甜...幾surprised. 黑飛魚子軍艦: 其實味道不算差但飯太多了。親子軍艦: 是三文魚和三文魚籽﹐這個合格喇~ 質素正常。龍蝦王: 這個真的麻麻..蝦有點兒瘦弱和乾! 蝦糕味道不夠鮮也不夠濃。龍蝦沙律: 這個味道不錯啊﹐我又覺得和板前的不會有太大差別。油甘魚腩 ($25) x 2: 魚鮮味還夠﹐不夠肥。如果可以厚切多2mm就更好!炸北海道芝士($28): 芝士味道略嫌偏淡﹐勝在還算香口。炸雞軟骨 ($18): 比較起其他同類食肆這個份量不小﹐ 伴一大塊檸角可以用它的汁來中和油膩感。甜蝦頭麵豉湯: 稍咸了一點但味道不過不失帶淡淡蝦香味。蔥吞拿魚卷: 味道差...差...差...但份量真如相片一樣牛油果軟殼蟹圈: 蟹炸得很香脆﹐配上的生菜絲所以有生菜清新的味道。唯一決缺點是牛油果太少太薄片。帆粒貝壽司: 瘦弱的小帆粒貝~~ 外表怪可憐的啊!! 味道還可不算差﹐但飯可以小一丁點兒。其實這裡不是一間差的食肆﹐只是staff不算勤力...不會第一時間清理場地! 怕甚麼啊~ 反正多的是空桌子所以不

其實都預左下午茶會冇3文魚腩架喇我話咁轉3文魚啦.. 到最後好似漏左單-炸蝦卷幾好食 但我自己唔太中意食沙律醬-牛肉烏冬算係最好食,牛肉好足 唔呃秤-牛舌壽司 un到咬唔爛 -火灸和牛 好大陣石油氣味! 不過都隱約食到牛味-巨峰提子soda 好好飲!!埋單$11x 食得唔多+半價左都要百幾, 唔合理! 冇下次

黎過兩次．　一次係宵夜（即2+1), 另一次係tea(即半價). 好明顯係因為好食,價錢又相宜, 我先會一星期入去兩次.講真, 壽司食黎食去都係一片魚同一舊飯. 花巧唔一定好. 最緊要都係材料新鮮.呢間用0既材料又新鮮, 唔會將貨就價(如果真係有,咁正價時一定係上等野!).同埋唔會細細塊魚一大舊飯咁(軍艦除外).誠意十足.我去到會食劍魚壽司, 因為只係食塊魚都值晒. 同埋佢有一種叫左口魚邊壽司, 食落夾夾咁, 好得意. 呢兩樣我都係必點. 男朋友就一定會叫海膽軍艦. 都好味呢, 而且份量唔會少. 都係必點之一. 其他都好架!另外, 都試過佢0既'料理',包括牛肉烏冬同軟骨肉串. 牛肉烏冬好好味! 唔會因為$10碗(tea時段先有discount)而求祈俾d垃圾你. 食得出係用乾0既烏冬煮, 唔係用即食烏冬.牛肉都有三大片, 仲好新鮮.其他0既好似焗蠔,螺壽司都好同樣新鮮!兩次都係兩個人食.宵夜食左200左右, tea就食左唔洗190. (兩個人夾埋!!)個人認為tea抵食d, 因為係全個menu都50% off, 多d選擇. 宵夜就只限壽司,軍艦同卷物 三類.不過質素同樣好!!!希

以半價招徠的壽司始終有一定的吸引力正如今日落大雨我們都去了美麗華商場內的上壽司食下午茶3:00 開始半價優惠 原來2點九度已開始派定籌未夠3點都安排入座 唔使等咁耐幾好幾好 可能係星期日的關係.. 幫襯的多數都是family 不過無論2位定九位都好快有得入去坐啦! 好啦..餓左咁耐即刻點野食!!2個人叫左2客三文魚 1 客火焰三文魚 1客三文魚腩 1客蟹棒 1客油甘魚 1客帆立貝 1客吉列炸蝦卷 1客龍蝦黃 1客珍珠蠔 其他小食叫左1客炸雞軟骨 1客明太子雞翼 落單無耐侍應就話今日無1客珍珠蠔同三文魚腩 但都禮貌地問會唔會擇其他食物!三文魚 -- 三文魚比較薄 沒有之前食友所講的厚切 有點失望 不過半價後只要$4.5 也是吃得過火焰三文魚 -- 一般! 不太特別蟹棒 -- 小小的沙津醬點綴己很好味!油甘魚 --厚切的油甘魚 很肥美 (以前曾在元x吃過油甘魚很腥 從此有點抗拒 但聽到隔離檯的父女大讚 所以叫了 haha 果然沒有介紹錯)帆立貝 -- 大大塊帆立貝 不過略嫌沒甚麼味道吉列炸蝦卷 -- 好味!! 有些脆脆包住壽司飯..再加上吉烈蝦 還有下得足的沙津醬yummy龍蝦黃 -- 外

上星期因為想食壽司, 而"上壽司"的地點就腳, 所以成九點鐘上0左去食晚飯.可能時間比較夜, 所以我0地一行六人都有位. 我0地揀選order枱, 坐得都舒服.之後我0地點三文魚壽司, 軟殼蟹紙米卷, 帶子壽司, 甜蛋壽司, 燒長腳蟹壽司, 蟹子沙律, 一板海膽同埋幾款烏冬, 我覺得食物水準一般, 沒特色. 三文魚新鮮, 但帶子壽司就好普通, size唔大, 價錢又唔係平, 食落又冇鮮甜味道. 軟殼蟹紙米卷味道一般, 海膽好似唔係太新鮮, 烏冬亦好普通.除服務幾好之外, $150一個人的消費似乎貴0左0的囉!

因為將Coupon就快到期, 上次食過之後又唔錯, 所以決定今日再來品嚐今次食左:三文魚腩壽司, 口感幾好, 入口都係即溶果隻...而家好口尖, 食三文魚都只可以食腩油甘魚腩壽司, 好味既油甘魚入口會散發一種好甘香既味道, 呢碟壽司就係一個好例子...正!北寄貝壽司, 唔佑點解呢輪係幾間壽司店食既北寄貝都比以前差左...係咪都有分季節性? 不過呢度尚算合格, 都幾爽口芥末八爪魚軍艦, 都唔錯, Wasabi既份量控制得唔錯, 唔太辣...藍旗吞拿魚壽司, 當然無 O Toro 咁好味la, 不過一分錢一分貨, 都算唔錯gala, 只少入到口龍蝦沙律軍艦, 呢個就比下去la, 都係板長好味d炸軟"腳"蟹和雞軟骨, 軟"腳"蟹真係唔錯, 好新鮮, 價錢又相對便宜, 不過雞軟骨就永遠都係一壽司既"海膽雞軟骨"最好...

未嚟過諾士佛台、諾士佛階哩邊食飯，成日覺得好貴，唔抵，不過，聽朋友講依間嘢D午市定食又幾好食，所以，趁星期六收工走過嚟試吓！午市定食確實有幾多選擇，魚生飯、海膽飯、壽司加烏冬、刺身定食、蒲燒鰻魚、天婦羅定食、滑蛋雞肉、雜菜定食、燒汁牛肉、吉列豬扒……等等成廿幾款，價錢都係五、六十左右！依家趁佢午市做緊85折，都真係幾抵有得諗。結果揀咗2個定食，一個網燒牛扒定食，不過牛扒未返貨，少少失望咁啦，唯有改食咖喱豬扒定食（$58），咖喱當然係傳統日式咖喱，唔辣，帶少少甜，中規中矩，但件豬扒炸得幾鬆脆，又唔油；而另一個西京醬燒鰈魚定食（$68），就真係幾得，雖然要額外等20分鐘，都覺得值，因為件鰈魚燒得皮脆帶有少少焦香，肉質依然軟滑生熟程度啱啱好，又足甘香嘅魚油，好得吓！大部分定食都包沙律、前菜（茶碗蒸）、味噌汁（麵豉湯）、甜品（只係一粒蘆薈蒟蒻，較為失色）。整體都叫做幾豐富，不妨一試！

原本今日要返學，但最終不敵走堂引誘。最搞笑係既然我地想唔返學，又做乜坐地龍去到尖咀站呢？搞笑。既然都錯左，咁就決定留係尖咀食飯。係諗唔到食乜野既情況下，我地去左諾士佛階。好日都唔去尖咀，真係諗唔到食乜好。咁醒起上次經過有間食日本野都好似幾ok，就決定去試下。原來係食迴轉壽司既。服務員態度好，坐order枱，汲取上次去板長既錯誤經歷 (唔好意思，我地係anti-板系)，決定點少少試下。開首叫左三文魚腩、油甘魚腩、劍魚、立魚同2件松葉蟹腳。當然唔可以講得上係超級好味，但以係比元氣板系既價格，可以食到咁既質素既壽司，已經算好唔錯, 起碼食松葉蟹腳個感覺唔係變左食蟹聊，而且d壽司飯無散，仲想點? 覺得ok後我地再點海葡萄、牛油果軟腳蟹、藍鯨吞拿魚等。仲點左個炸一口北海道芝士。特別要講係呢個炸一口北海道芝士。超級推介。$28有三粒，好似少左d貴左d，但真係超好味。未食只係擺埋少少已經聞到好濃既芝士味，食入口又香又軟，完全無油膩感。絕對值5個讚。最後埋單食左$260。個壽司飯比香港一般既迴轉壽司細，但其實呢個size先o岩。而且咪睇咁細，其實都ok飽，我地無食盡係因為要留番個肚今晚食甜品。服務員態