上善素餐廳

营业中

休息中

近呢幾年素食越嚟越流行，北角都多咗好幾間素食餐廳。朋友打算約星期日夜晚食飯，於是打咗電話去book 18:30七位。一去到餐廳座無虛席，好彩book咗位先至去，咁就唔使等位等咁耐。朋友其實已經食過呢間餐廳好幾次，佢哋因為芋頭南瓜煲係必食，所以我哋都嗌咗一個，然後再叫菠蘿生炒素骨、金針木耳猴頭菇、三杯鮮竹粒豆腐煲、川香素回鍋肉、星州炒米同 素魚翅海羹炒飯（二人分）。有一啲菜屬於晚市套餐，所以就會有一碗例湯附送，例湯係老黃瓜紅蘿蔔粟米湯，入面仲有啲眉豆，個湯飲落好清甜，好似冇落過任何味精。首先係個魚翅海羹炒飯嚟先，雖然話係二人份，但係足夠三個人食，炒飯炒得好乾身，冇乜油膩感，粒粒分明而且仲有蛋香味，撈埋佢側邊嘅魚翅海鮮羹更好味，有翠肉瓜、木耳、素魚翅等等。芋頭南瓜煲用咗椰汁煮，更突顯芋頭、南瓜原有嘅甜味，香濃而不膩，送飯一流。菠蘿生炒素骨都好好味，素骨炸得脆口，咬落去口感亦好似排骨味道，醬汁嘅酸甜度適中，令人一件接一件放入口。金針木耳猴頭菇放埋紅棗一齊蒸，金針唔會有酸味，猴頭菇亦都吸收左金針淡淡的香氣同埋紅棗嘅味道，十分juicy。三杯鮮竹粒豆腐煲亦十分惹味，餐廳應該係先微炸豆腐粒，然後再

正月初十一，突然素心素食，來到北角的上善素餐廳，未踏入門口，已見餐廳內滿是人，可見信心保證菜單的款式不多，主要分粉飯、煲仔菜、小菜等。後兩者可自選湯、咖啡或茶，再加10元可加飯一碗。當晚點了素鳗魚、什菌紅燒豆腐，再配老火湯。老火湯當天為佛手瓜，味道濃厚，富老媽感覺，憑色澤可見非馬虎之作，細看之下發現除佛手瓜外，更有眉豆，菜湯令人一飲再飲。鰻魚單是賣相也吸引，燒汁味厚而不俗，底層以紫菜作魚皮，心思細膩！燒豆腐沒有太大驚喜，但仍屬上乘之作。

晚時間有小菜或炒粉麵同碟頭飯，雖然炒粉麵同碟頭平少少，我個人會推介小菜，因為更加抵。好多小菜選擇，而且足料好味。晚飯時間送湯，好夠果味，因為夠多料去煲，飲過幾次都係不同口味，全部都好正。😋😋家鄉豆豉炒椰菜花煲 $63 👍😋 超級推介‼️之前有次在此餐廳食飯，我行開後返位時聞到香到不得了，原來香味來自隔離枱，於是問隔離枱是什麼菜，今次去一定要叫，結果非常滿意，好香好惹味，而且全煲都是菜，對那些想食菜而想避開那些麵根或其他肉的代替品的朋友，這味餸就非常合適。芋頭南瓜煲 $66 👍😋 推介天氣凍食煲仔菜就最好，食這煲係會好飽，不用叫飯，這味餸有齊芋頭和南瓜兩種我都好喜歡的食物，個汁好香椰汁味，南瓜好甜好好味，我覺得比芋頭更好味。

今晚係北角收工。行嚟行去都唔知食乜好。諗下諗下不如今晚食餐齋。就去咗呢間上善素食餐廳。入到去裏邊嘅位置都幾寬敞舒適。但最吸引我嘅就係佢哋嘅價錢。相當超值。餐廳裏面嘅菜色都好似幾多選擇。一般嚟講都會覺得食齋好貴。動輒兩個人都要食幾百元一餐。但係呢間嘅價錢真係相當便宜。當然要睇埋佢嘅質素啦。去一間餐廳最緊要試下佢哋嘅例湯。因為可以睇到一間餐廳質素嘅水準呢個湯飲落去冇味精。而且好足料。我就叫咗呢個咖喱素羊腩飯。分量勁十足唔講都唔知呢個係素食呢個素牛腩真係好逼真。食落去超級有質感而且佢哋嘅薯仔都好腍。最緊要推介佢哋個咖喱汁。少少微辣而且相當入味。下次嚟北角值得再試一試

唔駛茶芥加一呢樣野最正，唔駛無啦啦食100變百五茶餐廳格局，三五朋友黎最適合，一圍人咁多就免啦菜式味道大道份會偏淡少少但絕對可接受，懷疑無味精？會再去的，仲有幾個焗飯想試叫左五樣野先280蚊，仲有湯同飲品，去邊道搵*老火湯超正

素福建炒飯好好味啲味道同正常個啲福建炒飯係一樣架多汁好味！再叫左個炸豆腐 好香豆味 唔揸流攤！有個類似七味粉既野可以一嘗份量都算多 3-4個人 當小食 食都夠既素乾炒牛河都好正！好香鍋氣味！ 男朋友就叫左黑醋骨酸酸甜甜幾好 送飯係正既飲品可以跟番 做半價 合理既茶走好味價錢都算貼地40-50 蚊飽肚又可以做功德香港素食一係就平而hea一係貴到傻北角區素食得一兩間 呢間係試過不錯大推！！大推！！ 大推！！重要既事情要講三次！

剛巧經過這裏，就想吃一些齋，清清腸胃，最近都是大魚大肉的，嘻嘻！點了一鍋粉絲雜菜煲，加十蚊有白飯，例湯是免費的。例湯先上，給我驚喜，因為是真材實料的，味道剛剛好，好像不怎樣加鹽和味精。今天的例湯是蓮藕紅蘿蔔湯，裏面還有花生，栗子，魚豆腐。我覺得很好味，只是偶爾吃了一片刺味蕾的薑片，嚇了我一跳。後來上的粉絲雜菜煲，份量來說算是良心的了。可是，上面的雜菇都是用油爆過的，不太合我的口味。然後，湯頭也是油油的，但味道清淡，應該不是上湯，就是用清水把菜白烚，加了一點鹽的味道。吃菜的話還可以，但是，粉絲就真是完全沒有味道。喜歡清淡口味的，應該會覺得不錯。雜菜煲裏有 西蘭花，椰菜花，菜心，白菜，芹菜，紅蘿蔔，… 竟然還有我討厭的薑片。這次的薑片比在例湯裡的，切得更細小，我一不小心就又吃了一兩片！整體來說，這間餐廳給我的感覺很好，店員也很友善，而且附上的水是檸檬水。不過，我應該不會再來。

一直想搵一間同一般茶餐廳差唔多價錢既素食鋪，農曆年前不久先開既呢間就岩晒，午餐40幾蚊，晚飯一個餸大約50幾至70幾，完全老茶價格，打破左食素要好有錢同好離地既感覺，亦令食素大眾化好多！至於味道，我本人覺得仲好食過好多茶餐廳，尤其係佢既炒飯麵，夠味又唔太鹹，而且爽而不油膩，我老公百吃不厭！另外為配合新年，有蘿蔔糕，紅豆糕同芝麻糕賣，老闆仲請食客試食，我就覺得紅豆糕最好食，仲買左底返屋企食添！因為家住北角，老公又係素食者，相比同區另一間，佢真係冇咁油同平d, 所以已經食左好多次，次次食得太開心都唔記得影相，下次影返相做個記錄再介紹有乜好食。