三餸一湯

营业中

休息中

第一次係openrice寫評價，因為真係好嬲！想嗌淨兩餸，揀咗魚同陳醋肉，跟住同我講佢唔識計數，問佢係咪要分開一個餸一盒分開買又唔答，就將嗰個飯盒掉埋一邊唔賣，咩服務態度啊？！唔想做生意就唔好出嚟開舖啦

今日經過觀塘物華街嗰邊，見到有間兩餸飯賣$32，所以入去睇睇。最尾揀咗蘿蔔牛腩同埋雜錦豆腐，加埋碗湯。蘿蔔牛腩牛腩幾腍，但係唔新鮮，而且偏鹹。雜錦豆腐，豆腐幾好味，而且加埋又腩肉喺入邊，算係唔錯。

員工同收銀態度非常惡劣，如果唔想做生意就唔好喺度開檔，俾生意你做種咁惡，有咁嘅老闆先有咁嘅員工，所以依家舖頭不值得去非常惡劣，非常惡劣態度非常惡劣，如果唔想做生意就唔好開舖

超正嘅兩餸飯餐廳，菜式算多，揀完就走，就系方便同埋平靚正嘅感覺。有陣時有埋魚嘅話加多10蚊，但係成條嚼入個口查實真係好爽嘅無論點都好啦，都係茶餐廳外另一個選擇來嘅。

天寒地凍嘅日子，一碗白飯，兩個餸菜，一碗熱湯，唔知會唔會係你心水選擇？呢一晚嘅7點半，我從聯合醫院沿協和街走路到觀塘市中心，一路行，一路望下有邊間啲食物吸引我，終於畀呢間賣兩餸飯舖頭放起櫥窗位置嘅一盤口水雞吸引住，因為睇落色澤飽滿，非常新鮮，而我亦被西蘭花蝦仁呢個餸吸引住，雖然佢係暗啞無光，跟口水雞的色澤是判若雲泥，明顯是缺少油份，但由於我對西蘭花是情有獨鍾，所以仍會選它。由於天氣關係，餸菜即使再熱，回家已經變暖，先嚐一口蝦仁，雖則不是爽脆鮮甜，味道可以接受，至少不是發水蝦仁，已經收貨；西蘭花夠腍，但由於無油，味道明顯打了折扣；至於口水雞就……證明我眼光準確，肉質嫩滑，麻辣有致，非常美味；飯底亦粒粒分明，合格之作。附送的湯是清湯，湯中只有一嚿無肉嘅豬骨，並無其他，但飲落口似有薏米，有些少鹹味，勝在夠熱，反正係送嘅，就無必要深究。一盒盛載得滿滿而且味道絕對唔差嘅兩餸飯，加埋碗熱湯，只係收$30，自己煮都可能唔只呢個價啦！我就覺得係超抵，唔知你又點睇？

觀塘的物價非常貴，即使是茶記都要50蚊起跳。我在2餸飯關注組睇吓公司附近有咩2餸飯，於是搵到呢1間。今天打算食肉為主，選了牛仔骨和金沙骨。牛仔骨有一件是生的，好像沒煮過，雖然知道牛肉可以生食，但始終擔心食物安全的問題。芝麻金沙骨肉比想像中少，但味道不錯，值得一試。至於份量方面，牛仔骨約有3件，金沙骨約有4件。雖然有點美中不足，但2餸28，又有湯送，對得起價錢。價錢：2餸 28蚊3餸 33蚊學生包飲品非學生飲品+6蚊送中湯

今日lunch 係觀塘搵下有咩外賣好食，見到呢間兩餸飯都幾多選擇，價錢仲要幾平，兩飯連一個例湯先係$28，真係自己煮都做唔到呢個價！黑醋骨+牛柳粒黑醋骨係用金沙骨去整，應該有走過油，所以食落外層有少少脆脆地，有少少黑醋酸味加甜味，肉質都算唔錯，唔會有雪味同唔會好乾牛柳粒，唔會話好高質素，應該有落梳打粉，但都唔係好重手，食落都會有少少牛味同牛酥味，味道方面有少少黑椒同辣味例湯係排骨菜乾湯，食得出係落左味精，但都係唔重手，起碼我飲完冇口乾情況，而湯都有菜乾味呢餐平民食物，你話係咪好好味？佢又唔算，但以價錢，款式，份量黎講，佢算好高質素，絕對可以回頭幫襯