三點三冰室

营业中

休息中

平時叫外賣嘅時候都會叫呢間冰室今次第一次過嚟堂食～ Airside嚟講算幾抵食同屋企人行完街嚟食大概等咗10分鐘先有位，餐廳都算乾淨企理，新裝修光光猛猛嘢食選擇都多，又有唔同嘅款式鰻魚滑蛋炸熱狗鐵板牛仔骨餐海南雞飯鰻魚大大份，加埋滑蛋同埋炸過嘅熱狗一齊食，口感豐富，估唔到炸過嘅熱狗包，脆口得來，又唔會太油膩。三樣嘢嘅配搭夾。港式鐵板餐，牛仔骨淋身，汁就揀咁咗黑椒汁，配菜有大番茄粗身炸薯條～海南雞嫩滑，應該係泰式海南雞，所以有甜辣醬呢個選項，有湯有嘢飲，龍鳳檸樂，咸檸個味幾過癮

今日同老公去咗朋友啟德新居打牌🀄️打完佢哋要同屋企人食飯，我同老公就食埋野先返屋企～因為都幾肚餓就隨意揀咗間茶記😅⭐️西冷牛扒餐一嚟到喳喳聲好正🤓西冷偏瘦但肉味濃郁叫咗七成熟但鐵板愈整愈熟似九成😂 好彩食落都唔韌👍❤️黑椒牛柳絲炒意粉呢排唔知點解好鍾意喺茶餐廳食炒意粉😅黑椒味夠重，牛柳絲都嫩滑，意粉彈牙不過偏碎，整體都唔錯

鐵板雜扒個燒汁，不知所謂！咖哩、茄汁、蒜蓉撈埋一齊，雞扒雪味超勁😖個鐵板仲要生晒銹😡個避風塘海鮮炒麵，一樣垃圾，所謂避風塘用咗啲知名、死辣嘅粒粒放面，2隻蝦，魷魚….完全冇味😖唔會再食

呢間三點三, 每次黎食都係咁有水準, 晚飯時間7點左右, 已經坐滿左人👍🏻基本上港式茶餐廳既野食, 呢度都可以食到, 地方環境仲坐得好舒服添 🥰我地叫左:三點三雜扒餐：雜扒餐真係好豐富，有雞扒、豬扒、司華力腸同煙肉，每樣都煎得啱啱好，熱辣辣既鐵板加埋黑椒汁, 保持到食物既熱度。配埋日式粟米湯，粟米湯香甜好飲，仲有香脆嘅薯條，正 😋XO醬虎蝦炒公仔麵：公仔麵味道濃郁，虎蝦炸到連殼都香脆，食落去口感豐富。公仔麵炒得乾身，仲食到有XO醬嘅香味，非常惹味😝鹽酥花枝丸：有椒鹽既外皮炸得好香口，鹽味適中，食落去非常滿足☺️

今次去咗間好美味港式茶餐廳，一入到去，環境都幾舒服～好新式的裝修～ 我哋好多經典小食～ 叫咗鹽酥花枝丸～ 有六粒，外脆內嫩，咬落去有啲驚喜，外脆內淋，真係香口好食～我哋仲叫左妙齡乳鴿，肉質鮮嫩，味道好入味，口感非常好，真係一個唔可以錯過嘅美食！再來係瑞士雞亦，雞肉嘅口感滑嫩，配搭啲特製醬汁，非常美味。飲品方面，我哋叫咗一杯凍龍鳳檸樂，檸檬味清新，飲落去特別解渴，啱啱好配合我哋嘅餐點。仲有一杯熱檸水解油膩～甜品方面，我哋選擇咗雪糕西多士，外面脆脆，裡面有雪糕，食落去真係好過癮。最後，我哋仲有蜂蛋紅豆西多，甜度適中，紅豆粒粒分明，口感豐富，真係為呢頓飯畫上完美句號！另外，芝心蝦多士都係一大亮點，蝦仁鮮美，芝士溶得剛剛好，食落去有一種滿足感。

一個人都可以食大餐啓德Airside 內，靚裝港式茶餐廳竟然提供懷舊蝦多士、脆皮妙齡乳鴿、避風塘海鮮炒麵等巧手菜式先來超邪惡的懷舊蝦多士，炸至金黃色，外層酥脆無比，裡面仲有熱溶芝士避風塘海鮮炒麵有鑊氣，辣辣地勁惹味，麵底炒得乾身香口，海鮮份量多，有魚、魷魚、蝦球等。焗大大件牛舌👅意大利粉，即叫即焗，熱騰騰上枱，牛舌厚身大件，肉質軟腍，醬汁酸酸地好開胃。 還有妙齡乳鴿，皮薄脆口，肉嫩多汁。 五餸兩杯飲品都不用$400，豐富好味！

三點三冰室嘅氛圍輕鬆愉快，設計簡約，適合家庭聚餐或者同朋友小聚。X0醬虎蝦炒公仔麵虎蝦鮮嫩又多汁，搭配特製嘅X0醬，風味獨特，辣中又帶香，炒公仔麵就吸收晒醬汁嘅精華，口感滑順。鹽酥花枝丸花枝丸外脆內嫩，鹽酥嘅味道好正，搭配特製醬料，令人一口接一口食，好過癮。妙齡乳鴿乳鴿肉質細膩，皮脆肉嫩，煮得恰到好處，搭配簡單嘅調味，感受到食材本身嘅鮮味。瑞士雞翼口感一流，入面雞肉鮮嫩多汁，配上特製醬汁，滋味豐富，非常適合做開胃小食。鮮油多士多士外脆內軟，鮮油嘅香氣濃郁，搭配奶油口感仲正，簡單又滿足嘅味道。超邪惡西多士口感香甜，奶油和餅底嘅組合完美，適合喜愛甜食嘅朋友。老火湯湯底濃郁，味道深厚，湯好豐富，暖胃又舒心。招牌沙嗲牛肉麵牛肉鮮嫩，沙嗲醬味道濃烈，麵條彈牙，整體口感十分滿足，係不可錯過嘅招牌菜。丹麥多士外表金黃酥脆，內裡綿軟，搭配果醬甜食好味。蔥花火腿炒蛋炒蛋鬆軟，火腿香氣四溢，蔥花d點綴令整體口感層次分明，簡單但好味。三點三冰室用多樣化嘅菜單同用心嘅料理，提供左一個美味用餐體驗俾我。

d野食就一般，係高級商場就唔會預性價比高，算貴dd，但服務態度就超差。 食完就先出去俾錢，再返去拎野走人。點知個侍應就一路追出黎一路叫未埋單呀, 未埋單呀，然後就捉住我話未埋單。我話咩未埋單呀? 埋左單喇喎，呢一刻已經一班等位既人望住我，勁尷尬。之後個收銀根本認得我係俾左錢，都唔出聲，係咁叫我等陣，我話等咩呀?咪俾左錢囉。之後先話張單轉左位呀，係咁催我叫我對張單岩唔岩。之後我就講左句真係搞笑，個侍應就回左句" 係搞笑嫁喇" 。 成件事一句唔好意思，一句對唔住都冇，都唔知咩態度。

啟德Airside雖然有好多食肆 講到價廉物美 座位唔迫夾又等位快嘅 我都係鍾意去茶記😁-🍛懷舊鴛鴦飯🥤美祿暴龍茄汁洋蔥雞絲飯配白汁西芹蝦仁飯 彈牙蝦仁🍤幾足料 炒底上 再加一杯美祿 童年回憶返晒嚟☺️-🐧紅燒乳鴿乳鴿唔算肥美大隻 勝在外皮香脆 肉質結實 軟骨連肉一齊食 咬落索索聲👍-🥩黑椒牛仔骨焗飯面頭黑漆漆黑椒汁 又香又濃 配炒飯濕濕地辣辣地 味道相當唔錯 半肥瘦牛仔骨 肉質鬆軟又有油脂甘香😍-🍡迷你炸饅頭今次冇揀香蕉船雪糕紅豆冰之類做甜食 改為以炸饅頭蘸黑糖 清甜滋潤

呢間位於airside嘅冰室，座位寬敞，環境舒服企理，最重要嘅係價錢貼地，絕對係我同同事嘅飯堂！佢哋嘅是日午餐，星期一至五都有唔同選擇，每日食都唔怕悶啦～我哋今日星期一過到嚟，就試咗佢哋嘅櫻花蝦海鮮炒飯，只係$69就有交易，已經配咗一杯熱飲，加個老火湯只係加$3就有，而且都幾足料好清甜！呢啲天氣飲返碗湯即刻暖笠笠！🥰🥰除咗是日午餐之外，佢哋都有好多唔同選擇，例如係做gym嘅人必備嘅三眼仔豬扒飯$72、超惹味嘅咖喱安格斯牛肉飯$88、非常signature嘅焗豬扒飯$75，呢度通通有齊，而且仲好好食！尤其是係咖喱安格斯牛肉飯，咖喱做到非常惹味，而且佢哋咖喱份量好多，牛肉亦都整得好腍好入味！另外，一定要講吓三眼仔豬扒飯，真係蛋白質嘅來源，竟然除咗有三隻蛋之外，仲有兩塊大大塊嘅豬扒，非常非常抵食，當然仲要係好食㗎啦！另外佢哋嘅下午茶都好抵食，我就試咗生炸雞髀配薯條 🍗🍟$48，雞髀勁大隻，雞皮非常香脆好味，係非常邪惡，但係真係好好食嘅選擇！🤩🤩另外，佢哋嘅下午茶餐已經免費送咗熱飲，啱晒而家凍冰冰嘅天氣！

以為Airside食野都會係偏貴點知原來都有間經濟實惠既冰室架wo😳入到去地方都好大 大部份都係卡位坐得都幾舒服 眼見都好多人黎食 一陣就坐滿晒人 出面仲要排隊添好彩早黎 唔洗等🤩野食方面都好多選擇 睇左一陣先決定到食咩🤣🐷焗豬扒飯豬扒好淋 一D都唔硬 炒飯底好惹味 而且個汁調得剛剛好加埋芝士面 好滿足🥰🦐芝心蝦多士即叫即炸 烤到金黃色 好香口但又唔會好油入面既芝士係流心的😍 非常好食🐂西冷牛扒餐份量都好大份 我地叫左5成熟 肉質唔錯 而且幾有咬口唔會太柴仲有埋粟米湯同野飲跟餐 幾抵食

喺啟德行左成日街，不如食埋晚飯先返去☺️喺地鐵站嗰層搵左間價錢相宜，快靚正嘅冰室😋餐廳裝潢亮麗，當晚都幾多人食，我哋點左兩款主食、小食、甜品、飲品，埋單都係唔使$300✌️香燒羊架餐份量好大份😱羊架經過香燒的烹調方式，外皮焦香，肉質鮮嫩多汁，搭配香料和黑椒汁，食落唔會有羊臊味👍跟餐仲配有薯條🍟日式粟米湯口感滑順，帶有自然的甜味二世祖撈丁二世祖撈丁有巨型帶子、鮑魚和冬菇等高級食材，麵條彈牙，口感豐富，令人享受到海鮮的鮮美與冬菇的香氣，撈埋一齊又真係幾有奢侈嘅感覺🥰妙齡乳鴿妙齡乳鴿選用年輕的乳鴿，肉質鮮嫩，經過精心烹調，外皮酥脆，內裡肉質滑嫩，令人越食越滋味😋一口雪花西多擺盤非常吸引，一磚磚嘅西多士上層鋪咗一層糖霜，搭配糖漿，喺用餐後享用，讓人感受到甜蜜的滋味🥰🥰狂牛呢杯係一款創意飲品，是將七喜汽水與士多啤梨雪糕結合，形成一種獨特的口感，汽水的氣泡與雪糕的滑順相互融合，帶來清涼的享受😎檸檬百香果茶呢個係一款清爽的飲品，檸檬和百香果的酸甜味道非常夾，十分解渴同解膩☺️📍三點三冰室 (九龍城)九龍城啟德協調道2號AIRSIDE B1樓B127號舖

係Airside想食嘢，通常都會過黎呢間鐘意佢坐得舒服，每次黎都好多人。見仲有下午茶餐迷你焗豬扒飯雖然話迷你，但份量都唔少熱辣辣芝士味濃，炒飯底夠惹味。超邪惡西多幾乎每次黎都會食，即叫即炸，大大份外脆內軟，中間仲有大量花生醬勁邪惡。妙齡乳鴿 朋友都好鍾意食乳鴿，熱辣辣，肉質嫩滑又多汁，必叫！鐵板燒羊架跟餐仲有日式粟米湯三大件羊架都係厚切，肉質剛剛好淋上黑椒汁食味道啱啱好。食鐵板餐飲返杯龍鳳檸樂，爽。

隨著啟德發展日趨完善, 吃喝玩樂設施一應俱全, 冰室是港人嘅飲食文化這間位於AIRSIDE嘅冰室位置好開揚, 卡位設計相當足夠。下午茶款式多, 還有餐飲。X0醬叉燒炒腸粉腸粉炒得香口滑溜, 帶有X0醬香辣味, 叉燒腍滑有嚼口。美極乾炒牛河 炒得有鑊氣, 河粉沾滿醬油甜香, 不會有油膩感。雙拼三文治點咗餐蛋治, 餐肉好厚身, 滑蛋有蛋香。鐵板餐下午六時後供應, 即叫即做, 需等候20-25分鐘。西冷牛扒餐日式粟米湯好稠厚焗薯好有份量, 熱辣辣配以忌廉更顯幼滑。牛扒肉質厚滑, 點配黑椒汁就更加惹味。 三點三雜扒餐份量十足, 大大條香腸好香脆, 雞扒和豬扒油香肉嫩, 還有脆口嘅煙肉, 配以蒜蓉汁, 好有滿足感。

啟徳 airside 開咗好多新食肆，行完街攰攰底想搵間餐廳坐低食個晚飯，見到呢間冰室價錢都幾抵，嘢食又大份，就入咗去啦！♥ 西冷牛扒餐 $134牛扒揀咗七成熟，唔會太老肉質啱啱好有咬口，淋上黑椒汁食味道啱啱好，份量都好大份配菜仲有紅蘿蔔、西蘭花同埋薯條跟餐仲有 日式粟米湯♥ 海南雞飯 $89食海南雞飯梗係要配返個黃油飯㗎啦，個飯夠香送雞先好食！雞雞肉質好嫩滑，三色醬裏面，我就最鍾意點黑醬油。♥ 妙齡乳鴿 $62同屋企人都好鍾意食乳鴿，特登嗌返一隻，熱辣辣上枱燒得香噴噴，肉質嫩滑又多汁♥ 秘製辣雞翼 $62雞翼色澤好深色做得好入味，味道係滷水雞翼底，沈上辣椒粉辣辣地好過癮！愛辣人士一定啱，一份雞翼有5隻，每隻都好大隻多肉！