三點三冰室

营业中

休息中

本來餐廳食物比一般茶餐廳貴，我女友食了咖喱雞扒飯+凍檸茶，埋單88元。服務員不夠主動及目口目臉，不太有禮貌。餐廳本來有9折給airside商場職員，我女朋友著商場客服晒製服，有埋airside名牌，但無比折，轉頭返舖頭問剛剛有否比折，收銀話：你要出聲先有，無出聲就無，我唔會認得晒所有人。明明我女友經常去食，個個收銀都認得的，仲話你識QR code落單不用餐牌了吧？現在埋單就故意不給折，收銀不主動問，要職員自己提出比折lo~不過我女友不會再去食了！！！

Airside 有間三點三，食過佢嘅分店，幾唔錯！港色餐廳食物款式多，又夠港式，啱晒我口味🤩兩個鐵板餐，大大份，有埋粟米湯，好抵食😳粟米湯好Creamy,又多粟米粒粒🥰雜扒鐵板餐😋有齊豬扒，雞扒，司華力腸同煙肉，份量十足😉極度豐富！啲調味都好好味☺️雞扒外皮超香脆，啲肉又juicy🫡豬扒又係好唔錯！重點係連司華力腸都好高質😏牛仔骨鐵板餐😋有5塊牛仔骨🤭好抵食，啖啖肉！啲肉仲要幾滑❤️薯仔🥔原隻上，有啲煙肉粒粒加酸忌廉，好正！忍唔住叫多份鹽酥花枝丸，勁香口又彈牙🤩拍得上台灣夜市買到嘅花枝丸✌🏻

最近Airside新開嘅餐廳多到眼花撩亂🤣今次想食港式地道茶餐廳3點3冰室好多款選擇🤘🏻有鐵板燒、焗飯、日本太陽蛋飯、西多士等等港式地道之余，加啲Fusion菜式🥢🥢鰻魚蛋包飯成條鰻魚都幾長，滿足哂鐘意食鰻魚嘅朋友～鰻魚肉質嫩滑，微微煙薰味，配上鰻魚汁啖啖蛋包飯都好滿足☺️🍴西冷牛扒鐵板餐西冷扒極巨型，大過成塊手掌啊熱辣辣，淋上黑椒汁香噴噴7成熟剛好，肉質鮮嫩有口感，高質！薯條keep到脆卜卜，沾黑椒汁又幾滋味🤤🐖焗豬扒飯即叫即焗🍴炒飯底拌勻蕃茄醬三件豬扒厚薄適中，肉質爽口配埋半溶芝士同蕃茄醬 ，好正啊🍞一口雪花西多西多預先切好六件方形一切開入邊沾滿香濃牛油上面灑上椰絲，在沾蜜糖食，甜甜地當甜品又幾好味啊🤤冰室梗系要加配特飲紅豆冰超多紅豆，紅豆🫘綿密大大粒，口感十足

Airside唔係淨係得貴野食㗎如果想貼地價啲 呢間三點三冰室係個好選擇好多卡位坐得舒服 冰室嚟講食物質素好高芝心蝦多士炸到金黃色好香脆 蝦肉唔算厚但食落都幾鮮點埋沙律醬好香口開胃 唔會油膩妙齡乳鴿好高質 好食過好多酒樓 皮脆肉嫩又juicy一人一隻先夠喉呀 沙嗲牛肉西多士西多食得多 但係夾沙嗲牛肉真係第一次食勁港式 沙嗲牛好惹味 淋上糖漿鹹鹹甜甜好正鐵板牛仔骨牛仔骨好嫩唔怕韌 加黑椒汁好惹味可惜個鐵板唔夠熱 聽唔到喳喳聲唔夠過癮老干媽怒炒牛河唔係好知咩係怒炒 不過夠晒鑊氣老干媽有少少辣 惹味過平時啲牛河 好正！飲品散叫有啲貴 不過跟價就抵飲好多雪糕紅豆冰啲紅豆勁綿密又唔會太甜 好味呀

佢$75就食到一條勁大條嘅鰻魚，仲長過我嘅手掌，而且仲會有炒蛋同埋炸熱狗。炸過嘅麵包非常之鬆脆好好食，就好似食緊吉列豬扒咁，勁邪惡，令人食完一啖又一啖，非常之推薦大家都要試一下！另外梗係要叫埋佢嘅芝心蝦多士啦，有六件細細地嘅多士，雖然佢睇落細細份，但係由於炸過，所以其實好飽肚，一咬落去，就有爆漿嘅芝士，勁幸福！加上每一個多士上面都會有一隻蝦，好正！同時我哋仲嗌咗咖喱安格斯牛肉飯，佢嘅咖喱係甜咖喱裏便好足料有薯仔，牛肉同埋紅蘿蔔等等各樣嘅配料，用嚟配飯都唔錯！另外呢度居然有懷舊嘅黑牛飲品，可以可樂加雪糕，而且飲落唔會太甜！

今日去啟德商場搵朋友，等區放飯，要搵定食飯地方，見到呢間三點三，響外面睇入去環境都舒服，餐牌價錢平民化，睇落去性價比都幾高，之後就比一個西多吸引左入去，就決定吃呢間，可以掃碼落單，幾方便，於是叫左喇沙湯雞扒油面，茶走，超邪惡西多，瑞士雞翼撈丁，三個餐外加兩個小食，一個係妙齡乳鴿，一個係瑞士雞翼，真係超級豐富。喇沙湯唔係太濃郁，一般，比較平常，最值得食噶就係超級邪惡西多，就係比區吸引入來噶，外脆內軟，外面蛋香加牛油加煉乳，裡面還有花生醬，口感超豐富，真係好邪惡，瑞士雞翼做得好入味，妙齡乳鴿皮脆肉嫩多汁，值得食。

以前成日聽老竇講3.3下午茶，生活都輕鬆啲。朋友鍾意帶寵物去商場行街，最近新寵兒係九龍城啟德的 AIRSIDE ，底下超市買完嘢之後，就去咗抵食三點三冰室。新裝修整潔光猛，店內裝飾簡約時尚，喜歡這裡沒有限時，適合相約三五知己來聚聚。是日選擇充滿香港情懷的鐵板餐、法蘭西多士等等的特色美食。三點三雜扒餐（豬，雞，司華力腸，煙肉）配薯條熱辣辣淋上黑椒汁，必點三點三雜扒餐，勁鍾意佢黑椒汁醬，香辣惹味，配搭香脆可口的薯條食，原來咁正架！鐵板上的豬，雞，司華力腸，煙肉；陣容強大，非常豐富。煙肉鹹香。食肉獸最愛豬扒，厚身大大件，食鐵板腸特別有風味。老虎蟹避風塘炒麵（軟殼蟹，虎蝦大辣）秘制辣軟殼蟹，皮脆肉嫩，虎蝦辣味十足，避風塘炒麵，每一口都充滿了辣椒香味，傳統避風塘的風味，非常開胃。日式粟米湯日式粟米湯濃郁順滑，加埋啲粟米粒粒，好好飲。雪糕紅豆冰跟餐配埋特飲，雪糕紅豆冰清新爽口，質素都唔錯。Jumbo檸檬茶茶香，清新開胃，解油膩。雪糕西多士冰室點都要試吓法蘭西多士，加埋雪糕，口感絕佳，而且價錢合理。迷你炸饅頭當係中式甜品，炸饅頭外皮酥脆，內裡鬆軟，迷你細細粒，非常美味。

得知Airside有見過人地食懷舊食品，老公叫左我好耐，終於陪左佢去食啦！🔸懷舊鴛鴦飯現時香港🇭🇰已經好小會再見到鴛鴦飯嫁啦！更何況係而家新開既餐廳🍴，鴛鴦飯一睇就知一邊係白汁，一邊係茄汁制作，而入面既飯都係炒飯底黎既，而且店舖都整得好好食😋🔸西冷牛扒餐西冷牛扒係以鐵板上，七成熟真係做到岩岩好嫁！🔸瑞士雞翼瑞士雞翼超入味呀！佢仲要係大大隻，隻隻都好飽滿嫁！炆得好夠時間呀！🔸芝心蝦多士蝦多士炸到脆卜卜，非常香口，裏邊有啲熱溶流心芝士嫁🤩🔸雪糕紅豆冰而家好小地方會有雪糕紅豆冰嫁啦！通常見到都係紅豆冰多，有雪糕配紅豆冰係好飲好多嫁！🔸黑牛黑牛係可樂配上朱古力雪糕

難得係Airside食到間性價比唔錢嘅餐廳地方大坐得又舒服用QRcord落單，重點無收加一好耐無食港式鐵板餐，包咗餐湯，配菜可以揀咗薯條/焗薯叫左個牛仔骨，牛味幾濃，肉質幾嫩焗薯夠哂大個，夾住沙律醬同煙肉粒妙齡乳鴿脆卜卜，熱辣辣又多肉汁，肉質細嫩又唔會太肥細細隻，一人一隻唔係好過份姐炸饅頭炸到外脆內軟，除左仲有黑糖可以蘸，必試啊！老虎蟹避風塘炒麵（軟殼蟹，虎蝦)炒麵乾爽，沒有油膩感避風塘好惹味，同時辣度十足仲有原隻炸軟殼蟹同虎蝦炸得香口，唔錯

呢日同屋企人去咗啟德Airside行街，我哋搵咗呢間餐廳食dinner，餐廳嘅環境都幾大同新淨。呢間冰室有好多唔同種類嘅嘢食可以選擇，好吸引。呢度用QR code落單，好方便。今次就揀咗海南雞飯、二世祖撈丁、蜜桃燒汁雞扒飯同埋鹽酥花枝丸，有齊晒東南亞、港式同台式嘅食物。海南雞飯都唔錯，嫩滑嘅雞肉配上傳統嘅海南雞醬料，幾好味。二世祖撈丁呢個菜式好特別特，平民食材既撈丁配上高級嘅食材，入面有大大隻嘅鮑魚、帶子同埋冬菇，別有一番風味。

❣︎ Airside 新開港式冰室 有炒粉麵咖哩焗飯等等☝🏻另外仲有多款港式小食🫧海南雞飯 $83應有的都有 見個飯白白地以為係白飯但食落原來係油飯 真係唔好以貌取人食海南雞飯真係要配油飯先滿足雞件相當嫩滑 仲有老火靚湯 正👍🏻👍🏻🫧鰻魚滑蛋炸熱狗 $75鰻魚好厚肉 鰻魚汁好香濃配埋炸熱狗食就岩岩熱狗炸到外脆內軟🫧秘制辣雞翼（辣）$63瑞士汁加上秘製辣粉 入味又惹味🫧雪糕西多士 $45西多士食得多 雪糕配西多士真係第一次見雲妮拿雪糕🍦入口即溶 咸甜配搭味道好特別🫶🏼🫧龍鳳檸樂 $28 咸檸+ 檸檬 + 可樂成罐可口可樂慢慢飲 真係大滿足呀👍🏻🫧凍檸檬茶 $22

啟德 Airside 開咗一段時間，一直都聽講好多人所以冇去行；近期終於搵到時間去行下，見到有間新派茶記，叫三點三冰室咁過癮，就同朋友入去試下啦。我哋六點鐘入座，一路食一路多人，走嗰時仲滿曬客添！我哋晚餐叫咗佢熱烈推介嘅西冷牛扒鐵板餐 & 焗牛脷芝士意粉，仲加咗兩個小食，分別係瑞士雞翼同埋因為有啲掛住台灣所以叫咗鹽酥花枝丸。首先嚟咗鐵板餐跟餐嘅日式粟米湯，估唔到佢又真係名符其實 好日式喎！同喺日本西餐廳叫嘅粟米湯好似，堅日本 feel 😂 跟住就嚟小食瑞士雞翼，雖然係小食，但係有五大隻，仲要隻隻都十分飽滿唔係瘦嘅雞中翼；味道方面炆得好夠時間，瑞士汁超入味！接住落嚟就送上佢哋嘅招牌西冷牛扒鐵板餐畀我哋，發現佢哋好符合商品說明條例，因為塊西冷牛扒好！大！塊！ 我哋叫七成熟，不過都唔會好韌仲幾有肉味添！另外一道主食係焗牛脷芝士意粉，佢哋都冇吝嗇畀咗好多塊牛脷；而牛脷係用咸牛脷，同平時食開焗飯或者意粉嘅牛脷有啲唔同，有啲特色！去到最後終於上埋鹽酥花枝丸，花枝丸紮實，足料唔會好粉，鹹鹹地幾好食嘅。另外我哋加錢叫咗兩杯特飲，分別係菠蘿冰同埋美祿暴龍 with 忌廉；菠蘿冰好夠菠蘿味，酸酸 may

🥢Airside茶記新貴🥢-茶記開到成行成市 作為土生土長香港人 我一定支持☺️ 今晚去咗「三點三」其中一間分舖-🍚哈哈哈炒飯 $82三個😊😊😊 代表蝦膏/蝦乾/蝦仁 材料經過猛火同飯粒大兜亂 夠鑊氣蝦膏香好出 蝦乾夠chewy 飯粒乾身 推薦‼️ -🍹狂牛 +$19🌱薄荷咖啡 +$14跟主菜追加特飲只係半價😍 「狂牛」用利賓納溝爆炸糖再加雪糕同雜果 口腔同時有多種味道再加爆脆感 都幾得意-🍖香燒羊架餐 $128羊肉味道一般 雖然唔羶但over-cooked-🌭鰻魚滑蛋炸熱狗 $75當晚所見 好多人叫鰻魚飯 如果唔駛晚飯一定要有米落肚嘅話 食呢款炸熱狗仲有特色 賣相勁似潛艇三文治 炒蛋七成熟 有蛋香 蛋汁混和炸包食入口 唔會太乾亦唔油膩 good🥹-🍡鹽酥花枝丸 $42花枝丸唔夠彈牙-📍三點三冰室九龍城啟德協調道2號AIRSIDE B1樓B127號舖

三點三冰室☕️自從啟德airside商場開咗之後，就多咗去嗰邊行街，意外發現咗呢間食物有質素，而且食物嘅款式好創新嘅餐廳！❤️🉐🉐同爸爸媽媽三個人一齊食，每人叫做一個飯麵，分別係咖喱安格斯牛肉飯🐮 $88、焗咖喱雞扒飯 🐔🍛$78、大辣老虎蟹避風塘炒麵（軟殼蟹、虎蝦） $98，三款飯麵都有唔同嘅驚喜！❤️咖喱安格斯牛肉真係唔係得個名，味道比起平時嘅咖喱牛肉飯更加好，真係有牛味㗎！雞扒焗飯當然唔少得炒飯底，令到成個飯更加香更加好食，呢啲小細節呢間餐廳都做得好好！最後大辣避風塘炒麵最有驚喜，足足有一大隻軟殼蟹同埋勁大隻蝦，軟殼蟹入面仲要有膏添！同埋佢係辣嘅炒麵，食落特別惹味！🤤🤤小食方面，我哋就要咗沙嗲牛肉西多士 🐮$52 同埋 瑞士雞翼 🐔$62，估唔到沙嗲牛肉同西多士，睇落好似點都撈唔埋，食落又冇乜違和感幾得意喎！🥰🥰飲品方面，我哋特別推介凍薄荷朱古力 🍫+$14，呢個飲品嘅味道同細個超市買到嗰隻薄荷朱古力一樣味，個人覺得幾有驚喜！🉐🉐

今日時間關係，趕唔切行遠d, 結果就試下三點三。坐低左，望望兩旁客人既食物，已經明顯中伏。硬住頭皮，叫左個蕃茄牛肉通(轉米粉），牛肉貌似好多，又大塊，但‘’拿‘得好緊要，唔好食。米粉d口感質地難食cheap野，蕃茄湯好稀。另外，包，蛋，腸仔正常，冇好食，亦唔難食。點解我話睇兩旁枱客就覺中伏呢，旁邊一位叫左蒸牛扒, 個樣又拿過，又多筋，位女士食淨好多。另一位食公仔麵，睇個麵質就覺得唔方好食。轉出前／辛辣麵加$6。