三陂小廚 (已結業)

第一次寫食評因為真係太谷氣之前食過幾次覺得食物ok，但態度真係愈來愈差。今次過後永不錄用打左電話book 左八點半，我地一家大細六位，八點十分已經到齊。佢話未夠鐘，咁我地就耐心等。到八點二十分左右，有一班似係熟客嘅人話七位，轉頭八點半左右有枱佢就二話不說比左佢地。我地等到八點十都未有枱問下佢，佢就用好串嘅語氣話“冇人走我都冇辦法，你等就等唔等就去第二度食" 我地問佢點解人地遲過我地到你比左張枱人地先，佢擾攘左一陣就辯稱話人地 book左8點所以比佢先(但我上次試過book 左枱但早半個鐘前打去講會遲十分鐘叫佢留住張枱佢話Ok, 結果去到佢話張枱比左人，點解今次嗰班人(我當佢真係book 左)遲廿分鐘你仲會補枱比佢先？)。我屋企人同佢理論，佢就好大聲好惡咁講"你宜家想點”兇我地。跟住我同屋企人講話算啦我地去第二度食唔好勞氣，佢竟然好串咁話"你地唔食就唔食我冇所謂” 如果咁我都仲幫襯佢嘅話我都覺得自己冇骨氣幫襯幾次後嘅總結:1) 呢間嘢只偏幫熟客，有枱先比熟客有菜又先上比熟客2) book 左枱冇枱比你會理直氣壯話“冇人走我都冇辦法唔通我叫人走呀"？(如果我Walk-in 你咁講我接受但我

一行6人其中2位推荐嘅大排檔～生意好好等咗10幾分鐘先有位麻醬凉拌海蜇手撕鷄賣相吸引～麻醬香～海蜇同鷄絲份量合理一齊食好夾沙薑鷄腳兩隻色仲要好多瘀血～好彩有沙薑汁唔係真係唔想食薑葱𧐢煲味道可以～爆得好香～不過成啖沙水煮魚片又麻又辣好野味～有肉片、薯粉、芽菜、木耳～全部都吸晒D湯味好正彩蛋肉碎浸白菜仔湯底濃～有蒜頭、皮蛋、鹹蛋、肉碎、白菜仔～白菜仔夠淋椒鹽九肚魚即叫即炸又新鮮又嫩～炸粉唔厚魚又唔會散～配醋一齊食大排檔的風味加火喉都有齊

差不多大半年無黎呢度食，因為曾經當係飯堂甘每星期食2-3日，真係食到怕怕。今日再食，水準依然！推薦菜色：瑤柱蒸勝瓜麻辣雞煲魚香茄子煲呢度唔算特別平，但肯定快、靚、正！食物偏向重口味、鑊氣夠。侍應態度唔差兼做野爽手，讚👍🏼

之前食開大排檔都會去荃灣都會食依間 ，今日放咗工之後想食宵夜，但係又唔知食咩，朋友就話不如再嚟呢間食 。我哋兩個人嗌咗三個餸最後主食唔曬打包一盒返屋企添，價錢都唔算好貴，十分之抵食 ，嗌咗一個黃金蝦 ，鹹蛋一份量都幾多，但係未夠香，蝦都好大隻但有少少唔係咁新鮮，但係都可以接受。小炒王， 好多配料而且炒得好香，但係反而韭菜就偏少 ，如果多一啲就更加好 。海鮮菜煲， 菜都有好多而且 海鮮分量都好足，但係就味道偏淡冇乜味， 整體嚟講其實都唔錯，而且坐得都算做舒服 ，因為始終都有啲冷氣。

差不多放工又同同事即興約會揾野食突然好想食大排檔，最後同事推介決定去三陂小廚 最後三個女仔嗌咗四個餸，全部清哂，一次半次放縱自己真的好滿足只是飽到第二朝便開始有點罪惡感魚香肉碎茄子煲 ($65)第一道菜，飯都未黎已經忍唔住不停食好夠味，送飯一流彩蛋肉碎浸白菜仔 ($68)碟碟餸都是較濃味，叫咗個浸白菜仔清清地都ok㗎 湯撈飯食又真係好好味，半碗飯確實唔太夠豉椒炒蜆 ($98)炒蜆還可以，賣相ok的但就好似殼多過肉呢，不會encore了🙈沙泣京都骨 ($78)我最愛嘅京都骨，大排檔必點小菜最後一舊京都骨同事都留埋俾我真的無得輸，必點如果可以多點沙拉醬就更加perfect

9人飛餓山行山團，行完直入荃灣晚饍，三陂小廚冇令我失望啊。嗌左8個餸，全部清晒😋必推冰鎮咕嚕肉，睇得又食得，咪見佢比啲冰圍住，入口果下都仲係脆嘅，冇得頂，肉又唔鞋，不錯，係份量少啲！ 燒汁野菌牛仔粒，夠煱氣又香口，佢個汁都好正，中意食牛嘅朋友，必叫！ 大排檔小炒，由銀魚仔 魷魚 腰果 9菜花 炒埋一碟，好好味，腰果又脆卜卜唔淋，銀魚仔炒到乾身唔油膩，而且送飯一流，諗起又想食啦。其他嘅 魚香茄子煲 海鮮豆腐鍋 梅子蒸排骨 蒜茸炒油麥菜都唔錯，冇乜特色就唔特別介紹。最後想講下個 銀魚蝦乾蒸茄子，我個人認為麻麻地。茄子冇乜味，銀魚仔都乾身嘅，不過我唔會再食佢。

朋友住荃灣, 帶我 o地一行幾人去食小菜我 o地掛住食, 都無乜影到相 tim呢度 d o野都大件夾抵食, 唔錯 ar 侍應哥哥都有介紹下我 o地食 mud 好淨係影 o左最後 o個碟飯 賣相好吸引, 兩隻蟹好搶眼~飯炒得好香好入味

三陂坊呢邊大排擋都有好幾間、其實間間都好多人，但感覺三陂小廚環境較為乾淨 企理🤗所以就秒速坐低 二個人叫左三個小菜椒鹽鮮魷 中上水準 豉油皇中蝦size偏大 味道偏鹹 不過本人覺得可以接受啫啫芥蘭煲內有大大隻蝦仁

今日一行8人終於較岩時間可以去到食餐飯，今次朋友選擇左去荃灣食小炒，當然咁多人就去訂位啦，我地準時到達，但又話朋友黎到上到去又吾係我地果桌，周圍找都吾知，去另一間舖又上一層又落返黎，最後原來係另一間舖樓上，搞左好耐終於坐得。碗碟勁污糟，一粒粒一抹就有，但預左小炒都係咁，都冇理到，最後叫左小炒和小食，每人$160都抵食但勁迫。凍食咕嚕肉口感都脆但份量吾多，豬手好大隻但入味一般，四季豆勁咸食一半放棄左，羊腩煲好味又入味之後仲叫多左個支竹添……乳鴿夠熱皮夠脆一定要食…豬潤菜豬潤滑身吾硬好味道。炸魷魚就偏份量少和炸粉一般。四個小食併盤四款都吾錯，唯獨鴨舌冇咩味。

第一次寫食評 皆因呢啖氣真係吞唔落等咗45分鐘都未上菜大除夕多人忙我明 所以我地開頭都冇催佢到後面遲過我地坐低嗰枱有餸到就問問啦 個伙記即刻話：我知你諗咩 你地嗌嗰啲煲仔係要耐啲架啦 落咗單架啦 等等啦點知話口未完 後面嗰枱就上個煲仔條友又話：欸⋯呀 呢個煲係早過你地落架 你地嗰啲落咗架啦 呃你做乜姐但明明嗰枱就遲過我地坐低 遲過我地落單等又等 等咗45分鐘 嬲嬲地走人去第二度搵食落到樓下 原本未開嘅枱都上哂菜唉你咪忽悠我啦 唔想做我地生意咪出聲囉 唔好嘥大家時間我地總結咗三個原因：一：佢漏咗單 唉你漏單咪講囉 話你的話咪講句sorry囉二：間野揀熟客做咗先 因為後面嗰枱聽得出係熟客三：條友仔玩野 串串貢可能你間野真係好食 可惜我冇機會試你 因為我以後都唔會幫襯 呢啲咁嘅服務態度我食唔落新年真係唔想傷和氣 所以我地都冇同佢嘈忘記唔愉快嘅事 開開心心迎接新一年

話哂係除夕晚餐，稍有質素既餐廳食肆唔係好貴就full booking... 最後還是去番老地方吧今日假期，三陂坊一帶已經人頭湧湧。一行八人都唔係第一次尼，大家都係叫番自己最鐘意既菜式海底棷燉粟米蘿蔔雞腳湯: Lee度每日都有精選燉湯，留意番，係燉湯！同一般煲既湯不同，味道更濃郁。而且真係大煲兼足料，只係$138! 所以每次尼係必叫！椒鹽鮮魷: 真係太肚餓既關係，其實仲有個椒鹽白飯魚。但係已經....Lee 度既椒鹽系列係即叫即炸，一食就知，熱辣辣之餘仲要好鬆脆，真係送啤酒首選蠔餅：味道不錯，但粉較多，蠔仔如果再多d就好la!蝦乾瑤柱蒸勝瓜:一個幾特別既菜式，蝦乾同勝瓜好match ! 加碗白飯已經飽左！個豉油就好似蒸魚豉油咁令人想食多兩啖飯沙拉骨：都係個句，夠脆夠熱，不過有一兩件肥肉略多，未必個個鐘意。沙律醬就咁擺係上面好似同就咁點無乜分別。黃金蝦：lee個應該都算係招牌菜！味道絕對唔會比外面酒樓差甚至更出色。蛋黃完全包哂成隻蝦，唔會太多又唔會太少。外殼好脆口唔會太油膩！正！豉油雞：入味，隻雞幾滑，不過友人話底部既雞件可能浸既豉油汁較多，略咸籠仔蒸糯米飯：好明顯lee個菜式既精華係係糯

冰鎮咕嚕肉第三次食，都係咁好食！其他菜式都煮得好好味！乳甲熱騰騰上湯浸蜆，D蜆好滑，粒粒都係個殻裡面，證明無煮過火，啱啱熟！呢樣野好多大排檔，大酒樓都未必做到！雜菌煮白菜，一個好普通既菜式，都好用心去煮！簡單，好味蒸魚頭唔係度度有得食，都幾好，不過我怕辣，如果下次少辣會好D

第一次和朋友吃，冰鎮咕嚕肉~而月用一D蕉糖做食得嘅公仔同生果，必強食😉😉😉豉油雞入味，芥末牛仔骨，個黃金蝦炸得剛剛，重點推介甜點……焦糖菠蘿，食咗好多串

This is my 3rd time here and I left this place everytime with a satisfied stomach. The fried squid smelled fabulous and tastes even better. The owner of the restuarant was super sweet, he overheard me struggling between the wasabi fried beef and the fried squid, I was tempted by the cashews with the beef but in the end we went with the squid. When the dish arrived, i disovered that the boss added in cashews with the fried squid. Together with the crispy garlic bits, this dish became my all time

去完大帽生到荃灣找食，找了一間以為有人等位會好味，又被騙了五個大人叫咗五個餸:腰果芥未牛仔粒-牛肉太諗，可能落了鬆肉粉，一D牛肉味都無菠蘿山楂骨-骨，番炸好硬砵酒生蠔-不新鮮，沒有蠔味八珍豆腐㷛- 味尚可，但無八珍料野菌菜苗魚-一般家常小菜，若都不味就還有上菜非常慢