三河屋•尾張屋

营业中

休息中

上次食過好食，今次咪又再黎過囉。明太子飯糰已經成左我既必然單點，而主菜就由上次既燒牛肉飯轉左做燒黑豚飯。燒黑豚飯其實就係改左做豬肉，就係咁容易理解，不過醬汁方面好似有小小唔同，醬汁帶有薑味，唔知係咪叫做生薑燒既味呢？呢個汁同樣好好送飯，配埋薄薄豬肉真係令人大啖爬飯！

去得多三河屋，今次試下對面既尾張屋，平時食得最多既係鰻魚飯，今次坐低諗住試下新野，見佢牆上面有張相係燒牛肉飯，咁我就膽粗粗叫左，另外叫左個明太子飯糰。先上枱既係明太子飯糰，咬落去紫菜略嫌唔夠脆，不過飯係暖既，應該係即時包，而明太子餡都算多，每啖都有明太子，搶番唔少分數。最後就係主角燒牛肉飯，有4，5塊塊既燒牛肉係碗飯上面，白飯上亦都有燒汁伴著。味道係夠濃既，不過我期望既燒牛肉可能會厚身啲，呢幾塊比較薄，而整個飯既份量唔錯，一個大男人食完都會飽住走。

今日入黃埔搵朋友食下飯，傾下計，咁岩又想食日本野，佢就帶左我去佢平時食開既日本店食野。佢好快咁就已經決定好食黑豚肉鍋定食，而我就點了個牛肉鍋定食，除此之外我地仲加左個冷豆腐同蒜味螺肉。湯同定食既小菜（粟米同醃矮瓜）好快送到對我黎講醃矮瓜酸酸地，幾開胃蒜味螺肉： 我覺得就不過不失，唔算係太特別，不過$10 有一碟仔算抵食冷豆腐：幾好味，醬汁既配搭令人食完想再食。牛肉鍋定食： 好夠熱，而牛肉方面又唔會太韌，湯底就普普通通，平平淡淡咁，味道唔會好濃或淡，不過整體黎講都可以話好食既。因為至少我連湯底都飲晒。整體黎講，店舖細細的，店員比我既感覺好親民下，因為我朋友成日都會黎，我地一到，店員係會好fd好熟悉咁同我地寒暄一下，好nice。而最後雖然我地係夜晚2200先去，個時都有兩三台客，到最後淨低得我地一台客，店員都無話想趕我地走，都係會係到好親切咁招待我地，比人感覺係十分好。而食物方面我就覺得中規中距，牛肉鍋同螺肉就普普通通，而令我印象最深刻都係個冷豆腐，個種口感我都唔識點形容，呢個真係值得一試丫。

燒鯖魚好多魚油，又超長，問下伙記先知，原來係自己喺舖頭起肉先做到咁嘅效果，其他舖頭都係外面返一啲預先起好嘅鯖魚，值得推介另外，刺身抵食，感覺很新鮮唔太肚餓，叫左個拉麵。。。只可以叫抵食，還未試過鰻魚飯，下次一定要試吓，聽講招牌菜

呢排應該大家都外賣多過堂食，不過下午茶時間真係人少好多，可以安心靜靜地慢慢嘆😌黎到一間小店「尾張屋」Owariya，Order 了🟢天婦羅定食 Tempura Set 和 🟢牛肉窩定食 Sukiyaki 🥩 Beef Set前菜有凍南瓜 🎃、蟹子沙律🥗，仲有海滯湯，夏天夠晒消暑解渴。Starter : stewed pumpkin 🎃 、 Japanese style Crab 🦀 roe salads, seaweed soup.天婦羅🍤和蘿蔔蓉薑蓉一齊食，好食唔熱氣，牛肉窩略為 「韌」左些少，不過齊體ok，菜夠多，夠晒纖維。Tempura served with minced radishes felt light, delicate and not at all oily.Plenty of veggies in pot , the Beef a little bit tough, taste with egg yolk the taste overall is fair.

咦！咁似對面果間三河屋嘅？冇錯，姊妹店是也！話說我地好想食三河屋，一點九左右，行到門口，店員叫我地去對面果間，因為三河屋收2:30，呢間收3:30，好彩有得食咋！食左三次，三次質素都冇變！keep得好好！雖然沒有大裝修，卻不知為何坐很幾舒服！打開餐牌好多野想食，因為價錢合理！上幾次食過雞泡魚乾，天婦羅拉麵，芝士年糕，池魚開邊燒，仲有次次都食嘅三文魚刺身同鰻魚飯。雞泡魚乾好食又易咬，三十多元，咁平的情況下竟然係我食過最好食嘅！天婦羅麻麻，粉漿溝得厚，唔推介。拉麵你唔好講究同拉麵店果d比，以三十多元一碗來計，平食之選好值得食。芝士年糕入面的芝士係較流質，奶味較重，好食。池魚開邊燒，我覺得平平無奇，身邊果個就好歡喜，我覺得冇咩肉食，而且燶左些少，中評！今次叫左一口芝士，其實同年糕入面芝士一樣，一人吃三粒有點悶，除非多人分享，如果唔係建議叫番年糕，多重滋味！講番今日食嘅三文魚，切條狀，但好厚，咬下去好有口感，而且魚油味重，旁邊有鹹香的海帶，好少地方食到這種，棒！至於鰻魚飯，先數份量，好大碗，兩個餓鬼叫左一碗飯兩個小吃極飽！附一碗味噌湯，普通啦有野濕下個口咁囉！睇過有食評話覺得唔夠汁餸飯，我覺得

平時嚟呢度食鰻魚飯都只留意到對面果間鋪，唔講唔知原來仲有間尾張屋。個menu同對面果間幾乎一樣。今日趕時間，我只係叫咗個忌廉薯餅飯一如以往，個汁係超多，忌廉好creamy我最鍾意就係每一啖飯入面有33%嘅飯同67%嘅汁，呢碟飯完全滿足到我嘅需求個薯餅都幾香脆，食得出唔係一早炸起的呢個價錢，梗係嚟呢度食啦

知道呢間出名食鰻魚飯，不過因為今晚有嘢做晏左食飯，唔想食咁飽啊，所以就淨係嚟到叫咗小食，都已經夠晒飽啦！我哋總共叫咗五樣嘢：1/ 章魚小丸子食咗好多間唔同嘅章魚小丸子，點都唔夠日本嗰啲咁真材實料，成粒小丸子得一細粒章魚🐙架咋⋯陰公😔，不過都外脆內軟嘅，係太多粉囉！2/ 雞軟骨有三串咁多，出面食多數都係得兩串。燒得都幾香脆嘅。3/燒廣島蠔比我想像中Juice好多，雖然外表你見到佢好似燒到乾乾地4/ 燒焗松葉蟹蓋蟹膏冇諗住叫呢個食㗎，因為明知男朋友唔鍾意食（佢覺得好腥喎）不過結果我都冇理佢自己叫咗嚟食，一個人獨食😁佢配埋幾塊紫菜俾你將啲蟹膏蟹肉放上去一齊食冇咁鹹，$78抵唔抵呢?5/ 雞骨腸呢樣每次去食串燒都會叫，本身我對腸類唔係特別「好」，但係呢個又接受唔到喎。👍🏻🤣因為佢冇平時早餐香腸嗰種腸味😆燒到個皮脆卜卜埋單二百幾蚊我又覺得好抵喎，基本上淨係個從業蟹蓋都成八十蚊。不過呢間舖都真係幾抵食嘅，上次正常食個飯叫兩個小食都係百幾蚊兩個人分😋 招呼仲好好添

係紅磡翻工，lunch唔知食乜好，行到呢到發現一間好似好有歷史既日式小店，店內都幾多人幫襯，於是入去試下😆呢到地方有小小細，但都算坐得舒服，老闆係日本人，負責埋廚房，真係出心又出力！滑蛋豬扒飯跟餐有麵豉湯，唔太鹹，有小小昆布，正常！至於個飯，豬扒好大塊！厚度適中，炸得香脆，但略嫌肉質有小小硬。蛋就煮得好滑，加埋菇同洋蔥煮到好香，佢仲有好多汁，味醂既甜味令人食到停唔到，飯都唔會dry!咁既質素只係$55 真係好抵食！

1980年代日本百貨公司大舉進攻香港市場，大批日本人員工安排住在九龍、港島一些著名的大型屋苑，在九龍一邊，主要聚居在黃埔。而黃埔一帶也有很多日本菜。三河屋和尾張屋是街頭街尾的姊妹店，全店都是吃的是居酒屋小吃或是日式大路飯麵。這兩家店已在黃埔區有不少年頭，而且是日本人小本經營，這兩點都是沒有刻意標榜，但是令人甚為放心的理由。店裡裝潢十分簡單，像是典型日劇看到的家庭小店，餐牌也沒有找什麼市場公司來重新排版，就是白底黑字，中英日語對照，方便不同客人。這次兩人簡單的小聚，故也只選兩樣小食和一個蓋飯。滑蛋豬扒飯雖然味道稍咸，但是豬扒炸得香口但肉質仍能保留著一定口感，而最有驚喜的是燒三文魚骨，魚骨雖然要有失儀態來品嚐，但是燒得甚香口，讓甚少吃魚的友人，也一起「拆骨起肉」，可見味道的吸引。最後，還點了一個雞骨腸，腸是後來穿過雞骨來燒煮的，雖然骨的味道不太真的融入在腸裡，只是典型的日式燒腸，但是在同類型的日本食店中，似乎香港較少看到這樣的雞骨腸，來吃點有趣的東西，也是值得的。也許店家沒有太大的租金壓力吧，故這餐飯吃得簡單，價值也十分公道，是公餘兩公婆撐枱腳或朋友小聚的好地方。

尾張屋嘅門面雖然唔靚，落場時間都長，所以成日經過都唔察覺佢，不過食過一次之後就成日返轉頭幫襯啦。佢嘅魚生飯$88好好味，帆立貝好新鮮，仲有好多蟹子喺上面，蟹柳同紫菜被帆立貝遮蓋着，好大碗好足料，飯都非常好食，加咗醋，令我一個女仔都食得晒咁大碗飯。仲有油甘魚亦都係非常之新鮮， $98超多片魚生！呢碗豬骨湯拉麵都係$30 ，窮人恩物，而家仲可以去邊度搵倒$30嘅拉麵啊，仲要佢嘅份量都唔算少。對面3河屋好似係佢嘅姊妹分店我就未食過了

尾張屋同三河屋嘅評價好壞參半但我又一路都覺得幾好食喎🥰小店裝修 但都幾多款式嘢食魚生飯 茶漬飯 仲有其他日式丼同小食今次試咗滑蛋豬扒飯賣相都唔錯 都幾多餸滑蛋望落同食落都滑！豬扒炸得幾脆 又唔算好乾好硬但又未至於食落覺得juicy整體都唔錯🥰🥰🥰繼續係我嘅平價食堂

尾張屋同對面既三河屋係姐妹店，但尾張屋就會多啲野食，例如鍋物同茶漬飯。牛肉鍋定食$68 入面好多肥牛，仲有蛋、冬菇，粉絲、娃娃菜、金菇，配飯同麵豉湯，佢啲麵豉湯係自己煮，唔係個啲用麵豉磚沖出嚟個隻！另外仲叫左炸豆腐同章魚小丸子兩個小食炸豆腐皮好薄，同個醬油汁好夾，但味道唔算特別出色小丸子係港式小丸子，皮脆肉實個隻，入面粒章魚都好細粒，但勝在粉漿同沙律醬好味，救返成件事！以日式小店嚟講，佢真係好抵食，味道都唔錯，值得一試！特別推薦牛肉鍋

2018年10月1日一段時間無去呢到食，有家人提議不如放假去食。由於國慶日會放煙花，都會怕紅磡會封路同塞車。所以就坐地鐵去黃埔站大約行10分鐘就到尾張屋。由於餐廳都多人，可以既話記得訂位，或者早D去拎位。座位唔算好坐，舖面細都幾迫，袋要掛係牆上。5個人食左$1064，個個都好飽。Order咗:螢光魷魚🦑冷麵三文魚子飯燒三文魚三款剌身燒茄子燒原條尤魚燒油甘魚鮫啤酒2罐

媽媽是一個鰻魚控，莫講話去日本必定要食鰻魚，就連在香港食快餐店吉x家都要食。這次近近地就帶她來吃我覺得幾正既鰻魚飯。三河屋在紅磡都好多年歷史了，但環境差一點，既然帶長輩同行，自然是想坐得舒服些，就去對面尾張屋。-沒有選擇困難，來這裡就是為了鰻魚飯。就叫了兩碗。上桌時發現剛好是不同部位。前後段拼得成一條，賣相好吸引。-鰻魚飯　$88好大舊鰻魚，烤得好香，極厚肉，咬下去很香軟棉滑，前段更厚肉些；尾段則硬一點但份量多些；雖然沒前菜沒配菜，就只有鰻魚，但不覺得寡不覺得膩，實在好味。媽媽很歡喜，覺得對得起這個價錢。簡單又滿足的一餐。