三星台菜食堂 (The L. Square) (已結業)

💛咁耐仲未有得旅行，又掛住台灣野既你地🤪，可以黎三星試下！我其實黎過好幾次，每次必叫佢地既埔里花雕三星麵 ($88)，除左牛腱之外仲有牛肚同牛筋🍜 三樣都煮得好林好入味仲好足料添🐮 湯底方面係微辣濃郁既牛湯加上淡淡既花雕香味好特別👍🏻 麵就有得揀粗麵、刀削麵或者東粉，麵質適中合格😁 如果唔想食麵，佢地嘅滷肉飯同小食都好出名架🍚！.📍 三星台菜食堂🎗️銅鑼灣9-461號 The L. Square 21樓

傅珮嘉喱個名你可能唔記得 但「甚麼叫絕望 抬起眼望望」嘅音樂就一定喺你腦海入面喇好多人都懷疑歌手轉行做食店得唔得咖？答案係：得！好得！仲要良心爆燈添 即刻交個懲罰報告俾你哋睇啦.🍴埔里花雕三星麵（刀削麵） HKD$ 88一上枱撲鼻而來嘅花雕味 真係口水都流埋出嚟呀🤤先飲一啖湯㡳 哇真係好重酒味🤭完全感覺到佢嘅真材實料但撈佢兩撈 同個牛肉湯溝埋咗又唔會好苦澀喎 香濃好味而三星=牛肚+牛筋+牛腩 各有兩件 大小適中 全部都炆得好林 三樣之中牛筋最高分 保持到膠質 無爛之外仲好入味添🍴台式炸雞扒湯麵（刀削麵） HKD$ 78不得不提刀削麵！又粗又漲卜卜 煙煙韌韌有口感 即使慢慢食浸咗好耐都無變糊變漿 👍🏻👍🏻👍🏻湯㡳一樣有牛肉味 加埋掛湯嘅刀削麵 差啲以為個麵先係主角heehee🙊雞扒以酥炸方式整 大大塊又JUICY又香脆 一啲都唔鞋 配埋秘製醃酸菜 消膩成功 如果唔食牛嘅朋友都不失為一個好選擇🍴炸甜不辣 HKD$ 58炸物即嗌即炸熱辣辣 炸得乾身金黃色上枱 碟邊亦唔會有水氣或者油流番出嚟脆卜卜嘅外邊加埋彈牙嘅魚糕 外脆內軟 口感一流加埋面頭嘅蒜泥 夾住嚟食惹味程度Level Up推介

突然間好想食台灣野，所以就去咗三星，又係一間隔一排就會想食既餐廳。本身一心想食刀削麵，但竟然無咗，所以就轉叫咗台式雞扒魯肉飯。因為想食多啲小食，所以就叫咗一個飯兩份分。台式雞扒魯肉飯 📌$76炸雞扒熱辣辣新鮮炸起，加上半肥瘦既魯肉撈飯食真係好正。魯肉既份量唔孤寒，白飯佈滿咗魯肉汁，仲有流心蛋、菜同配菜，食到想加飯。炸甜不辣📌$58如果鐘意食煙韌既野，叫呢個炸甜不辣就啱晒。食落好有咬口，而且唔係好多台灣餐廳有賣，加上椒鹽令人忍唔住再食一舊。份量唔少，食到最尾個口都有啲攰 椒鹽四季豆 📌$46椒鹽四季豆食落唔會好油，可能因為豆本身較幼，所以比較重口味。如果你鐘意食蒜蓉，仲可以夾埋一齊食，正。整體嚟講，味道偏咸同重口味，不過我鐘意。希望下次嚟會食到刀削麵啦！

上星期同同事出去食飯，見好耐都冇食過魯肉飯，所以決定去呢間台式餐廳食Lunch😋！呢間名人開台式餐廳bookmark左好耐，終於有機會試👏🏻！坦白講，我覺得價錢係少少貴，因為午市套餐都賣成$62-75，都唔係好抵，但因為我係幫襯銅鑼灣分店，同埋午市套餐包前菜和飲品，而份量都唔少，所以都算合理啦！先講下今日主角—魯肉飯。一碟份量都超多，有半棵棠生菜🥬、一大塊炸雞排、醬油漬蛋、，仲有一大堆漬物、酸蘿白。滷肉飯有五花腩、大量普通滷肉同加入少量冬菇，滷肉都醃得幾入味😋，碟飯都落多滷汁，每一匙都有滷汁撈飯，配埋滷肉丁，每一啖都好滿足🥰，不過可能多滷汁，所以我覺得好點鹹，之後都要飲多兩啖水！除左飯外，雞排炸得好香脆，雞肉唔太實，有肉質，大大塊真幾滿足。醬油漬蛋味道唔錯，佢果個流心蛋黃真好吸引😍！食完一啖飯，怕油膩既話可以加埋漬物、醃蘿白一齊食👍🏻！套餐中前菜包有一小碟牛肚絲，蒜香味十足，而茉香綠茶都幾香，以淡茶嚟講都落足料，唔會開到太多水而無味！總體上除左以台式餐廳嚟講，價錢貴左少少外，味道同食物質素都唔錯，可以再幫襯！

呢間分店食飯時段不嬲都好多人排隊因為食物都真係幾高質 😎 今次排咗15分鐘左右終於有得入座了~ .主菜叫咗午市套餐紅燒牛肉刀削麵同滷肉飯 仲有得配小食同嘢飲 小食就叫咗涼拌四季豆同涼拌牛肚 兩款小食蒜頭都比較多🧄 飲品就叫咗兩杯冷泡茶🍵.紅燒牛肉麵湯底好惹味 刀削麵大啲帶少少韌力同湯底好夾 牛肉份量都幾多煮得幾入味.滷肉飯醬汁惹味 米飯分量都適中🍚 滷肉帶少少肥肉入口即溶 配有半隻溏心蛋.但唔知係因為味道偏鹹定落重咗味精🤔個口整日都好似好乾咁🥵 希望下次調味輕手啲啦

上星期同同事去左位於銅鑼灣嘅三星台菜食堂食lunch 呢間台灣餐廳係位於L Square最頂層, 去到嗰日因為兩架𨋢嘅其中一架喺度維修所以等咗好耐先至可以上去因為疫情嘅關係, 去到餐廳之後都要等一陣位...建議大家攞定個menu, 咁入座嘅時候就可以即刻嗌嘢食<炸排骨鹵肉飯餐>大食妹嗌咗一份炸排骨滷肉飯餐排骨炸得好酥脆, 但滷肉飯就一般貨色, 肥肉感比較低跟餐仲可以揀一款配菜大食妹就揀咗牛肚絲呢個配菜好出色, 牛肚彈牙, 蒜辣味出眾, 令人食唔停口餐飲係凍茉莉綠茶, 甜度偏低, 飲落比較健康

疫情影響無得飛好掛住台灣嘅味道！心血來潮想食牛肉麵突然唸起三星牛肉麵等左陣位掙扎咗一陣食紅燒湯底好定試新嘢好最後決定試新嘢！麵一到即飲湯湯嘅温度對一碗麵既印象好重要湯一定要夠熱先好味！呢碗麵一啲都無令我失望！温度岩岩好！熱得嚟又唔會燙！花雕味好濃但唔哽，而且甜甜哋中和返酒烈好有驚喜！麵底我點左力削麵麵夠厚但食落唔會一舊粉糰反而好彈牙！再配上炆燉到好腍既牛筋牛腩成碗麵好好味！最後因為想食魯肉又食唔落個飯所以點咗魯肉青菜不過魯肉未有太大驚喜==========翻兜指數：83.54 (100分滿分)抵食指數：7分 (10分滿分)

近期餐廳要限制距離，令到呢間餐廳要排好耐隊先入到去食。.每次去親食台灣野都一定會試下佢哋嘅牛肉麵。今次都一樣，另外叫咗兩款小菜同唔係度度有得食嘅刈包試下！.🍜麻辣牛肉麵 $76.先講湯底，味道唔會好淡口同幾好飲，亦唔會話好辣。至於牛肉就比較韌咗少少，唔算好鬆化。麵條軟硬適中。我覺得佢個牛肉可以再做好啲。.🥙酸菜牛肉刈包 $38.酸菜唔會好酸食落幾醒胃，加埋調咗味嘅牛肉連埋佢嘅醬汁一齊食都幾好味。.🥒涼伴四季豆 $38.食落幾爽脆，微微辣算係幾開胃，連埋肉碎一齊食落幾有層次同口感。.🍖蒜泥白肉 $48.呢度同其他唔同係無辣油浸住，完全係靠個蒜泥。一黎感覺無咁油淋淋，而且分量都幾多下。可以試下。.至於杯冬瓜茶對我黎講實在太甜，甜到我飲咗一半我放棄咗。😅

疫情下 仲見到好多小💛店 排晒隊 好安慰The L.Square 一上到去 已經有3/4枱客等緊 因為舖面唔大嘅關係 (加埋要 1.5米距離的限制) 而家淨係坐到4枱 + 張bar枱坐1-2個人 等咗大概30分鐘左右先有枱 *其實上得黎 都係想支持小💛店 各位唔好咁自私食完仲坐喺度慢慢傾計 比佢地接多幾枱生意🙂* *同埋唔舒服就留喺屋企休息 前面有2個客人都因為37度以上 要打道回府*講返食物叫咗兩碗面兩個小食加一杯特飲 total $322, 好抵食1️⃣紅燒三星麵 $82我揀咗冬粉 貪佢似粉絲好爽口 都幾似新竹米線三星就包括有牛腩、牛筋、牛肚 每款都有兩至三件 都係好爽口🤤2️⃣炸排骨牛肉湯麵 $78好大嘅一碗牛肉湯麵 湯好香好濃 排骨炸得啱啱好而且都大大塊3️⃣滷大腸 $52超 大 碟！🤩大腸都清晒中間啲肥膏👍🏻滷味可能爭少少 不過勝在唔會太鹹4️⃣炸蝦卷 $52又係好大嘅一份蝦卷同一個價錢出去食應該得1條蝦卷 但係呢度應該有2.5條個甜酸醬好特別 幾惹味😋5️⃣檸檬柚子氣泡特飲$29 📜Overall：樓面得一個幫手但係廚房都好快好彩枱唔多所以上菜速度都好快//唔知係咪因為戴咗口罩嘅關係樓面嗰個s

1. ～三星蕃茄牛肉麵～一上枱已經見到大大舊牛肉😋牛肉份量夠 而且好淋好入味 正👍湯入面有蕃茄蓉但茄味唔算太濃反而似紅燒牛肉麵多d最驚喜係個刀削麵！麵條粗粗地 好煙韌好有咬口😍麵既份量都唔少 但因為真係好好食所以掃清光😋2. ～炸大腸～呢個都好好食🙌切到細細件唔會咬得辛苦皮脆脆地 面頭有蒜頭 好香口😍中間一圈既肥膏已經榨乾左所以一d都唔肥膩😋兩個人都食得晒🤣🤣3.～三星甜湯～黑糖糖水做底入面有芋圓 仙草 紅豆 珍珠黃色地瓜圓有蕃薯味 好味道👍仙草唔太甜配個甜甜既糖水好夾個底仲有一大堆珍珠 如果鍾意食珍珠真係要嗌😆

Another restaurant visit via the Eatigo app and it did not disappoint. The braised beef noodle comes with beef shank, tendon and tripe that were adequately cooked to a point where they were tender; the broth was tasty and not overly intense in flavor. Food was served 5 mins after ordering and good overall dining experience plus i like that it is not a cash-only restaurant.

每次食台灣野，就一定好想試紅燒牛肉麵，諗起濃濃嘅湯底就好想試！所以我哋就叫左以下呢d試試！珍寶三星麵 ($148)第一鹽酥雞($58)台式珍珠奶茶加珍珠($29)珍寶三星麵其實係紅燒牛肉麵嘅升級版，足夠兩個人share。一開始仲覺得麵既份量唔係好多，點知食極都仲有。至於牛既份量就好多，大大舊，好足料呀！ 味道方面，麵質好彈牙，軟硬程度剛剛好，口感非常好，鍾意有口感既朋友一定要黎試試！🐮🐮分別有牛腱，牛筋，牛肚，充滿住濃濃的🐮味，軟淋淋，完全唔會好難咬，高質！最後不得不提就係杯珍珠奶茶，由於係黑糖奶茶，我地都怕太甜，所以叫左少甜。口感好煙韌，勁有咬感！珍珠份量超多，甜度都剛剛好，好飲啊！

呢間台式餐廳嘅裝潢以木色為主，好有台灣嘅樸素感覺😊。·朋友言談間至知道呢間餐廳係由藝人傅珮嘉開設，一聽到佢個名，腦海即刻諗起「什麼都絕望，抬起眼望望」呢句歌詞🎵～原來佢嫁咗台灣人老公，仲開埋呢間台式餐廳，主打地道台灣菜👍🏻。·順帶一提💡～呢度點餐有啲似飲茶畫點心紙咁，入座之後，店員會遞上點菜紙，當畫好點菜紙📝，就可以交俾店員入單。·主食方面，我哋點咗 (HK$148)，真係名副其實，份量非常珍寶，放埋其他菜式一齊做對比 (第二張相)，你就會知道碗麵真係估唔到嘅好！大！碗！打卡一流😆。·第一啖先品嚐湯底，味道香濃。用料亦好足，例如：牛肚、牛腩、牛筋，都好腍好入味😋。麵條偏粗，所以好掛湯，食每一啖麵都食到香濃湯底😌。·另外，我哋亦點咗 (HK$72)，櫻花蝦鋪滿飯面🦐，配上溏心蛋、漬物，賣相吸引😍！魯肉汁香甜，中和櫻花蝦嘅鹹味，整個飯味道不過不失。·呢間餐廳既然主打地道台灣菜，當然唔會錯過試下呢度嘅台式小食啦😄，於是我哋點咗三款小食。·第一樣係 (HK$58)，雖然外邊炸得算乾身，但內裡雞肉一啲都唔乾、唔韌，依然嫩滑多汁👍🏻。呢個小食灑咗炸蒜片，令鹽酥雞更加惹味😋。·第二樣係 (H

午餐時間，香港很少地方可以食到好味的台灣菜。同事介紹下，試吓呢間，款式不多，但餐廳環境不錯，窗外景色很開陽，感覺很舒適。午時套餐選擇也不少，他們的湯底用牛製作的。本人不食牛，但很想食湯麵，服務員給了我一點湯試味，還好沒有牛的”蘇味”。最後我點了炸豬排花雕刀削麵午餐，包括熱桂花茶刀削麵的口感不錯，炸豬排鬆脆，前菜味道很濃，整體食物不錯，可以再試。雖然他們是台灣菜，但是加了很多新的元素，不太一樣，有創新的感覺。

朋友食過覺得ok，所以晚上用eatigo優惠去食。 今次兩個人食，我地叫咗一個麵、一個櫻花蝦飯、炸百頁豆腐（本人好鍾意食百頁豆腐😂）、一碟豬手，同埋一杯黑糖冬瓜茶。個牛麵麵條好味😋，調味都ok，推介大家可以試下櫻花蝦飯不太recommend，感覺好乾，唔夠汁，除非你好鍾意食櫻花蝦啦... 百頁豆腐都偏乾，跟蒜上，我個人覺得可以再重口味d！豬手正常，軟硬適中，ok的黑糖冬瓜茶好甜！但係好味既🕺🏼總括而言，可能因為朋友介紹所以會有expectation，麵同飲品都值得回購，有空會再去！