影片
有班行山老死，行5、6个钟，高难度嘅山都无问题，但今日呢班弟兄，多年都唔行吓山，所以，拣条轻轻松松嘅「青衣自然径」嚟行。唔太辛苦，两个钟内就行完，仲可以落番「长康邨」食个下午茶先散。刚喺巴士总站侧，见到呢间「三悦冰室」，求求其其就入咗去。我记得成年前嚟过一次，当时呢个铺位喺「翠河」，返屋企再摷番篇食评，对比一吓环境、装修都无变，沿用旧铺。格局都喺一般茶记咁，卡位为主，有啲5、6人圆枱，啱我哋一棚人。平常茶记啲餐具、调味料就放晒晌枱侧抽柜内，因为我哋坐咗晌圆枱，所有嘢就放晒晌枱面。下午茶餐餐牌都主要都喺𠮶两版，另外，加多一个以菠萝包作唔同配搭嘅茶餐。菠萝油+热奶茶 $30由于行得晏完，转头返到屋企又话食晚饭，所以，应吓景食个「轻怡」嘅下午茶，当然，轻怡喺指份量，菠萝油绝对唔太健康。片牛油唔算好厚，但俾到两片，够诚意啦，令到每口菠萝包都夹到有牛油，加上个包有烘番热，算做得有心。热奶茶色泽唔错，唔会太淡，都几有茶香，茶奶比例都OK，只喺饮落就未叫好滑好滑，但都收货喇。生炸鸡脾伴薯条 $44本来就只打写自己食嘅菠萝油，其他老友叫嘅多士餐、粉面餐无谂住写，不过，其中位老友叫嘅生炸脾送到嚟，好带有睇头，忍唔住影番张相留记录。佢话只脾好得，炸得香口不油腻，唔似翻炸，啲肉好滑，亦食得出有腌过，无hea做。一班老友，行山喺其次，行完抖抖倾偈食个下午茶先喺重点，哈哈！人生有几多个十年，人生有几多个老死，活在当下。
继续阅读
烧肉汁鸡扒拼帆立贝意粉烧肉汁味道不过不失，帆立贝外面焦脆，里面嫩滑，少许甜甜烟熏味，搭配鸡扒肉味，让整道菜更有层次感。意粉煮得刚好，有少许嚼劲，吸收左烧肉汁风味，鸡扒、帆立贝搭配得恰到好处- 份量刚好，食得饱又唔会觉得油腻
继续阅读