三多

营业中

休息中

I've not written a review for awhile and this place has brought me back. I rarely go to Tai Po but last night I decided to venture out and meet a friend at his local for a drink. And as usual after drinks I had cravings for some fried / unhealthy food. Having walked around the block my friend says why don't we go for this 三多. So we go in and get a table immediately since it was quite late. I order one of the signature chicken legs which was the crispy coating fried chicken leg. I left the leg to

同朋友來到大埔一嚐美食，之前已經喺大埔食左2站，胃納餘下少少空間，就黎試下出名嘅三多本來下午5點幾黎到，原來開夜晚6點食左第2樣野先慢慢行過黎，黎到差不多6點半，都無乜人。其實黎之前已經揀定食乜。本來應該喺店面點左食物然後俾錢先，但我地入左去店內坐底左先，有位大叔好好人地走黎幫我地落單，我問：乜唔係要喺出面點嗎？大叔話：得啦收齊數（$）就得仲溫馨提示每位客人最低消費$30我地點左招牌炸雞肶（$30）、香辣肉碎炒腸粉（$32）同埋碗仔翅（$20）。其實間餐店都幾多野食揀，眼花撩亂首先炸雞肶到，原來係沾炸粉炸的，其實我prefer唔好沾炸粉就咁生炸。雞肶新鮮炸所以夠熱夠脆，不過雞肶肉唔多夠嫩滑同埋唔多似醃過。個人覺得$30隻唔太抵食香辣肉碎炒腸粉，食落幾特別，味道亦唔錯，略嫌腸粉林左少少同唔夠滑。$32大大碟都算抵食碗仔翅反而一般，漿粉水，比較多粉絲，其他配料唔多。順便讚下嗰位大叔好好人，我同朋友食飽飽走人嗰時慢慢著褸揹袋，大叔話慢慢啦，最緊要食得開心食肆服務態度好，絕對會令客人食得開心舒服

大埔的三多小食店，店比較小，賣的其實是一般茶餐廳油炸小食，沙律，簡餐那些，味道也只是普普通通，候價錢便宜，所以很受附近街坊食家歡迎的，不過個人覺得真的太油太上火了，隨便吃一兩次就可以，不而吃太多。

三多炸雞脾雞脾大到好似豪大大雞排咁😱每隻都係金黃色炸得啱啱好😎老練既竹籤叉法 可以固定隻雞脾唔洗一邊食一邊轉黎轉去一咬落去脆口無比😍炸漿啱啱好唔會太厚😬撕開雞肉既時候肉汁會流岀黎😍伙計仲專登攞支辣粉比我地🤓話落啲辣粉好食啲喎哈哈😂👍🏻

3點3下午茶，大埔地膽朋友帶我去這間位於大埔既三多。呢度最出名當然三多係炸肶！雖然炸肶就好似一隻邪惡既魔鬼，但唔食真係對唔住自己！我地叫左炸肶配沙律。炸脾/油脾是可以配薯條或沙律的，但感覺配沙律好似無咁熱氣，哈！沙律係果d蘋果薯仔沙律，唔係普普通通果d雜果沙律，味道都ok好食。至於個炸脾真係不得了，有我成塊面咁大！！食落又香又脆！佢地係即叫即炸，雖然要等5-10分鐘，但食落香脆仲有d肉汁真係無得彈！炎炎夏日，我仲叫左杯黑牛（可樂加雪糕）真係好爽！

雖然三多開了很多分店，但始終都覺得大埔總店最好味。一向都食開雞脾配沙律，炸脾既好味不用多說，配沙律感覺無咁滯；今次比較驚喜係個意粉，第一次食，估唔到出奇地好味，面質彈牙夠味，意粉唔會太濕，質素可以比媲出面西餐廳

一間經常會落嚟食消夜嘅地方，好鍾意喺度食糖水，價錢10分合理而且又夠好味又夠足料，要推介下啲雞翼整得好好食好入味,,只係嫌地方太細有時好多人要坐到出邊好多張枱，所以夏天就少咗嚟食只係嫌地方太細有時好多人要坐到出邊好多張枱，所以夏天就少咗嚟食`

今晚又去食返隻炸雞脾，以為同以往一樣手掌般大；結果實在太失望了！價錢一路貴個脾就越來越細，可惜冇影返同之前嘅做個對比，大家街坊鄰居成日幫襯，你叫我以後食淨係唔食呢⋯⋯

已經唔係第一次食呀，講真雞脾喔， 唔會冇人唔鐘意呀？ 但我唔會貼錢買難受！ 收銀姐姐我都係想食個脾， 做咩黑我面呢。 唉！ 我想知道係唔係我太樣衰？ 俾隻最差既我呢？ 超多肥膏，我食既好似係油多個肉， 我想食黎之前有既脾， 唔係呢個呀！ 其實都大隻既，但太多肥膏呀， 一路食一路滴！ 希望下次會好d呀！ 同姐姐， 真係要笑多點， 如果唔係， 黑曬面俾人， 個心食完都唔開心， 係唔係出左名之後既小店都係甘呢？ 我成日去買， 見到越來越貴，越來越多人 都服務就。。。 希望你地改善下呀！

馬鞍山踩單車至大埔，係大埔還完車，就專程黎試試出名既三多雞脾！果然名不虛傳！好好味呀！下午茶時間黎，都等左差唔多15mins,先有位入。可能我地一行六人，人數比較多啦....炸脾幾大舊...怕熱氣既朋友可以試下鹵水...而呢舊炸脾好好味，一啲都唔粉...炸粉岩岩好。再加埋啲辣粉，好正呀！ 仲叫左個辣汁肉碎炒腸粉，好好味！炒得好夠火喉！雖然咁多汁，但唔會太咸！好好味呀！ 環境黎講都算乾淨，坐得唔算好逼！ 茶餐廳黎講，算係咁啦

成日都話想食三多雞髀，結都係得個講字，終於都有機會啦。個人平時口味，炸雞同滷水雞髀會更鐘意食滷水雞髀。滷水雞髀好失望，食開滷水，完全唔覺得佢係滷水，似豉油味多啲。但豉油雞髀都比佢好食，呢個真係唔掂，鞋口加唔好味，炸脾起碼都唔會鞋口，甘既價位一d都唔值！炸雞髀好食係真既！外脆內嫩，味道剛好，值得一試。辣汁肉碎炒腸粉牙菜幾好味，但真係好油！係超級油！食到成個嘴都油林林。桂花柚子茶桂花太多，每飲一啖都痴哂落嘴，唔舒服，偏甜。露天關係，最後食左唔夠半個鐘快快走人，因為已經被蚊咬死了。

凌晨1點係男朋友屋企肚餓扭計要食炸雞脾一唸就唸到大埔馳名既三多係大埔墟行去近「紅橋」既三多大約10-15分鐘星期日晚既凌晨仲有3、4枱食緊夜宵我地叫左兩隻炸雞脾外賣（$60）三多附近有間叫「好好」有賣鹵水炸雞脾可惜三多無賣只有鹵水脾/炸雞脾選擇大約等五分鐘就炸好 應該係一早整好翻炸皮好脆 無特別味道 只係食到輕輕用鹽醃過既味道但雪藏味太重 敗筆唯一要讚既係雞脾剪開左用竹簽穿住 更容易係街食試過聞名既三多炸脾先發覺不外如是 有點失望

平時去三多都係食雞髀，依家開始食雞翼，因為食雞髀會好飽。一向都係總店最好食，所以我哋點都會去到大埔墟呢一間三多雞髀食，而且出面又可以俾你自由泊車，附近仲要有個公廁，所以好方便，不過而家多咗室內坐低食，平時就要喺出面嘅巷仔坐低食，出面就比較熱啲。今次嚟到反而佢有好多新產品推出，仲有好多唔同種類嘅糖水，不過我覺得最好飲嘅係佢新出嘅飲品，今次叫咗個蜂蜜綠茶試吓，上面有一層泡泡，而且飲落去下面仲有啲蒟蒻，切開咗一條條，不過我覺得可以切得再細粒啲，因為用飲筒飲唔到，但味道好有綠茶濃味道，好好飲啊，消暑由解渴！三多雞翼我哋就叫咗一份係炸，一份係滷水，每一盒都有兩隻，於是我哋一人食一隻，總覺得滷水雞翼比炸雞翼好食啲，可能炸雞翼太熱氣了，不過整體來講佢哋都keep到水準好食！

琴晚21:30同老公去大埔攞野比朋友後，突然想食三多雞脾，所以去買黎食，叫左一隻炸脾同一隻鹵水雞脾外賣，等左5-8分鐘就有，依然保持到水準，炸脾非常juicy~外脆內嫩，鹵水雞脾夠入味～～

三多係出名雞脾、雞翼，非常馳名，開到成個香港周圍都有，今次嚟到大埔總店，當然唔少得叫滷水雞翼同炸雞翼，因為佢冇晒雞全翼，本身我哋叫滷水全翼同炸全翼一份，點知賣晒。每一次我都會黎叫呢個XO醬腸粉，因為佢不單止有少少辣味道，而且有啲肉碎粒，再加埋我至愛嘅芽菜，味道一流！反而覺得炸雞翼好食過滷水雞翼，滷水雞翼塊皮好入味。所以我比較鍾意三多嘅滷水系列。不過我就是覺得價錢同食物唔成正比，而且地方比較污糟，又唔值呢個價錢。