三多炸肶 (已結業)

熱氣騰騰的即炸雞髀($30)呈金黃色，撕下雞皮來吃，甘香可口，加上辣粉更惹味😋大口咬下雞髀，肉汁充盈，雞肉嫩滑好吃， 加上炸得香脆的雞皮和皮下薄薄的油脂，好好食呀☺️難怪三多分店越開越多！即炸雞全翼($30)同樣美味，只是欠了雞髀啖啖肉的口感香辣肉碎炒腸粉($35)腸粉即叫即炒，香氣撲鼻，香口惹味的肉碎使人食欲大增，而且豉油味道香濃，腸粉亦軟滑，好食！三層西多士($35)入面有火腿，又咸又甜，但味道出奇地不錯😝 但試過便算「爆檸」($28)其實是加了蜜糖爆珠的凍檸茶。蜜糖爆珠的甜味，與檸茶混和，酸甜適中，既解渴又好飲食物 ⭐️⭐️⭐️⭐️環境 ⭐️⭐️服務 ⭐️⭐️⭐️1/2價錢 ⭐️⭐️⭐️⭐️#HkgoodeatsShatin…查看更多

三多雞脾終於一試，一去到就叫左一隻炸同一隻滷水試下，見到隻大雞脾心情都靚d。滷水好juicy一d都唔老d雞肉好嫩，但我覺得個滷水偏甜左小小，但都唔錯。至於隻炸脾呢夠哂熱辣辣，好脆會忍唔住想食皮好邪惡，d肉都juicy既，值得一試既。個雞腎就可以唔試都係偏甜同偏貴。大家記得食套餐抵好多架!!但我真係會再去朝聖下大埔既總店試下會唔會冇分別，再續。…查看更多

未試過三多， 見鋪頭外嘅海報被吸引就入去坐下了。入到去餐牌過了膠， 黐著張枱以為餐牌只有一面... 30元一隻雞髀, 47元包埋沙律， 吾包野飲， 熱嘅柚子蜜25蚊， 汽水十蚊就正常啲。叫了一隻鹵水雞髀及一罐可樂， 雞髀很大隻熱辣辣， 上到枱還冒出煙的。 店員俾了一隻手套， 感覺很像去大陸食泥煨雞似的... 要用手食？ 於是問佢拿隻叉， 點知店員態度惡劣， 說我們叫了很少食物... 一隻叉而已， 香港地哪一間餐廳問他拿叉會吾俾？ 擾攘了一陣後店員給了我們叉。雖然雞脾係幾好食, 為了一隻叉啫， 唔使畀面色客看，又俾說話客人聽吧？ 冇叉用真的很重要:(…查看更多

三多來頭唔細，越開越多，由大埔殺入大圍，總店炸雞批真係好出名，黎到大圍，人氣大減大埔朋友話我知得總店好食，都有心理準備先食啦，一睇menu, 估唔到有咁多小食，以為只賣炸雞批😝😝😝即刻試一隻炸批$30，有分bb辣,小辣，中辣，大辣，叫左隻唔辣試下，唔使10分鐘，熱辣辣炸雞批出爐味道-唔錯，入味，雞肉炸得唔乾，用吉列方法炸份量-雞批好大，啖啖肉，比美心個d大好多注意，雖然有隻手套，但食到周圍都係炸粉…查看更多

嘩!金黄色的炸雞脾熱辣辣(啖啖肉)肉質鮮嫩選擇中辣(雞肉內有小小辣)辣肉碎炒腸粉醬油惹味(但偏油)辣味不算勁辣(唔食辣，都食到)扣分係~腸粉唔幼滑，口感好實爆檸樂好多檸檬爆珠(爆珠咬開，有檸檬汁)幾特別~可樂(特別多氣)增口感的爆珠金牛全是鮮黄色忌廉汽水配上芒果雪糕(味道好夾)芒果味雪糕好香，汽水(特别多氣)未試油脾，炸燒賣(希望下次試下~)…查看更多

本人住港島東，女朋友住大圍 ， 今晚送女友返屋企順便同佢食晚飯 ，之前新開張女友都有提過話大埔分店好出名， 每次山長水遠咁踩到去食好興奮， 但之後再去試多幾次已經每況愈下， 既然今晚諗唔到食乜就即管試下啦， 對於住港島區泥講嘅我都真係好山長水遠， 諗住會有驚喜， 點知。。。滷水雞髀 好似未熟 又有雪味，炸脾都係一樣有雪味， 豉油炒腸粉又好鬼咸， 咁嘅價錢咁嘅食物 ， 期望太高 ， 女友話基本上全個集團嘅總店分店都可以唔洗再試喎， 佢仲激動過我 😂希望改進，多謝分享 …查看更多

大圍開了三多，對於一向會去大埔三多的我們，當然是好消息。早兩天晚吃飯，不知吃什麼好，便過去試試。一向愛三多的鹵脾多於炸脾，這裡的鹵脾一樣大大隻，鹵得算入味，味道方面，甜度與鹹度掌握得不錯，雞肉也熟得剛好，保持嫩滑。豉油肉碎炒腸粉一上桌已感不妙，一入口便覺得鹹，但内層卻帶白不夠味，而且腸粉炒得不夠香，口感過於軟稔。炸豬扒炒公仔麵未吃已肯定是煮得過軟了，沒有了炒公仔麵應有的口感，不過豬扒算炸得不錯，香口又不乾。整體來說，雖然大埔較遠，但2間三多都比大圍高質素，我還是會選擇到大埔吃。另外，這裡可能地方轉少，全用上即棄餐具，很不環保。…查看更多

之前已經聽過三多炸肶嘅名氣近排愈開愈多分店最近大圍都開左分店地點竟然選址住宅區附近距離港鐵站要七分鐘路程急不及待試左傳説中嘅三多炸雞肶可以揀小辣中辣大辣或者自行再加辣粉我叫左小辣頭個幾啖唔覺得辣食到中間D辣粉開始多原來都幾辣食完個咀唇堅興興地雞脾即叫即炸炸得好脆口食落會有shark shark聲新鮮熱辣D粉唔厚脆卜卜雞肉好滑嫰juicy雞脾本身都醃左有d味真係幾邪惡同埋都幾熱氣但味道的確不錯 值得一試盛惠$29…查看更多

三多炸脾 久仰大名 期望過高19/2/2017 是晚星期日黎食個宵夜下午時段經過下 見到都幾多人企響門口等外賣 不過當時第一餐都未食 所以盤算夜晚再黎宵夜原來係加盟店 怪不得近期開左咁多分店店內有三張枱 另外見有兩張摺枱同疊起左既櫈 相信深夜時份可以放店外俾客人用叫左炸脾 炸全翼 同 藍天意大利梳打一黎到白雪雪咁 藍色沈底搞勻左就變成杯藍色啦其實我都唔知點解會叫呢杯野 因為一向覺得呢類都係藥水味呢個仲有陣好似椰奶味既味道添強調即炸既炸脾 其實都好快上枱新鮮熱辣 要攤一陣先食到 實在太熱了食落個皮略嫌乾左少少同硬左少少內裡雞肉都尚算嫩滑 而且都入味既有手套同刀叉提供不過平心而論 索價廿九蚊 就貴左少少啦仲有個炸全翼 哈哈 其實應該叫第二類野食又係唔知點解又叫左炸雞 真係全部都係雞口感同味道同炸脾都一樣既 唯一係炸脾食起上黎 啖啖肉 感覺正d 食既中途都無間斷有人黎買外賣 有位女侍應好好禮貌 好客氣 同埋關心客人需要 值得加分！另外係 就算有手套 食完除手套 隻手都係會油個人食某炸雞連鎖店既經驗係 一隻手戴兩隻手套 咁就真係唔會整油隻手啦建議供應埋濕紙巾如果以宵夜時份食 都還可以如果係食晏食下午茶 就有其他選擇 而未必會再食佢啦！…查看更多