影片
以上资料只供参考，请与餐厅确认详情
太子的人特别喜爱食点心吗？为何点心店咁密集呢？单是在大埔道太子段100米内，已开了第四间点心店。之前试过"新赞记"的其他分店，性价比极高位列我的「街坊点心榜」五名之内；"热点"都唔错，但贵少少；"满满"就下次先试。「三哥点心」总括而言，质数唔错，尤其是普洱茶，入口顺和，饮后回甘；【凤爪排骨饭】的排骨，极惊喜，非常新鲜；【蜂巢芋角】细细个，外皮松化，饀料足，但欠了少少儿时味道，不知是甚么；【高汤小笼包】包皮够薄，汤汁多少少就perfect；【霸王花汤】汤料不足，无味精；【沙律鲜虾春卷】有创意，馅见到成只虾，但春卷有点唔夹，不及平时的沙律海鲜卷的皮。【三哥义烧包】包皮正宗，唔痴牙，义烧馅少左D👍👍👍【带子凤眼饺】最吸晴，酒店风格，以虾饺来评，味道一流，但带子太细，与名称不符！【山竹牛肉】不过不失，新鲜肉质唔红，肥瘦适中，牛肉部位GOOD，唔怕骚。午市/晚午套餐有例汤送，可加$10有菜，有鳝、虾、咕噜肉、蒸鸡、牛仔骨、排骨、肉饼，好好选择，下次再试。
继续阅读
上次去深水埗大埔道满满美食时经过呢间又系新开既三哥点心小厨，今朝専程去帮衬试下啱唔啱口味。去到店舖七时多，刚刚开舖，已经坐满七成食客，我找个卡位坐下，点评里打个卡就点野食。点了惯常的爪骨饭同埋山竹牛肉，有猪有牛，本想点个绵花鸡，但比下面𠮶个百花酿鱼肚吸引住，好耐冇食呢个怀旧点心，就剔了这个点心。山竹牛肉不过不失，百花蒸鱼肚出色有水准好好味，爪骨饭呢就嫌排骨唔够入味，凤爪就可以，蒸饭都干食但唔知点解加咗豉油都系冇乜味。点解有四只蛋蛋呢？因为佢既普洱茶好好饮，我十分钟意。口味：🥚🥚🥚🥚环境：🥚🥚🥚🥚服务：🥚🥚🥚🥚性价比：🥚🥚🥚
继续阅读