三分俗氣 (已結業)

七點去到餐廳，已經坐滿左六成，仲有少少空位。我地叫咗個二人套餐，賣相不錯，色香味俱全。鹹魚雞粒炒飯夠鑊氣，味道唔錯。台式煎鍋貼，煎既時間剛剛好，唔會太焦，口感剛剛好。紅燒獅子頭，夠多汁，餸飯一流。粟米羹為晚餐畫上完美句號，飯後食埋即刻飽曬。 兩個人嚟講晚市套餐都算抵食 ，份量夠足。 上菜時間都算快， 唔使等好耐， 兩個人傾傾下偈就已經上齊菜。不過座位就少D，如果可以坐鬆D就更好。呢間餐廳氣氛幾適合一家人夜晚落去食飯。

I don't really go into San Po Kong area often as it was not very accessible. Since i need to visit a friend of mine today, he suggested to eat Shanghai food for dinner as it was quite popular among the residents there. San Fen Su Qi was located at San Po Kong Mansion.They offered a wide range of dishes, from cold dishes, appetizer, soup, dim sum, Shanghai noodles, rice, vegetables, drinks and desserts etc. Sugar cane drink - It was sweet and clear, with slight ginger taste. Sugar cane taste was

今晚去新蒲崗搵個朋友食飯，佢話衍慶街嗰度有一間幾抵食嘅上海小館 ，所以我哋決定一齊去試下。呢間小館取名《三分俗氣》，主打上海菜式。面積唔算大，一般地道小館格局，最啱我哋呢啲普羅大眾，夠晒貼地。 先嚟個招牌鮮肉生煎包，外皮嫩白，包底煎得淺褐微焦 ; 一口咬下，皮薄餡香，肉汁鮮美，難怪成為招牌美食。川味口水雞，微麻微辣，皮滑肉嫩，不俗。蒜泥白肉賣相精緻，我最愛把白肉、黃瓜、粉皮一起放入口中，隨而感受滑溜 、微辣、清脆等豐富口味，異常滋味。讚!奶油津白，以鮮鷄湯熬出香濃綿甜嘅醬汁，加埋鹹火腿，更有畫龍點睛之效。足料酸辣湯，無論份量同材料都十足十，絶無將貨就價，酸辣調校得恰到好處，我一口氣就喝了两碗。三鮮炒年糕，煙煙韌韌嘅上海年糕配以蝦仁、火腿、香菇、白菜，看起来簡簡單單的一道菜式，但師傅手藝高明，將食材的鮮味盡数貫注於每一塊小小的年糕之上，淡中知真味，平凡中見不平凡。今餐所費無幾，但食得異常滿足。一間普普通通嘅街坊小館，但都可以炮製得到出色嘅傳統上海菜式，咁有heart嘅食肆，我一定會再嚟支持。

上海人出名吃得刁鑽，不少菜式都講究功夫，工序繁複，故此，能表現「濃油赤醬」的神髓，煮出好的上海菜確是難得。三分俗氣 + 七分韻味，是否就能打造出傳統上海菜 ? 就讓我為大家一探究竟!本人甚怕排隊，所以常常探頭至舊區的小街窄巷，找一下未被連鎖店佔據的地方，新蒲崗便是一個好地方。概多食肆，卻不多人。唯一較麻煩是交通相對不便。走到衍慶街，見門口貼了不少雜誌推介，便推門進內。我跟友人先點了一個二人餐，再點了蟹粉小籠包、銀絲卷、蔥爆羊肉和樟茶鴨。二人餐 - $238粟米魚肚羹、花雕醉雞、韮皇炒鱔糊、三鮮炒年糕、高力豆沙粟米魚肚羹沒什麼特別，反倒是花雕醉雞有驚喜。酒味不太濃烈，但與雞肉配合洽到好處。滑嫩的雞肉扣上酒香，實在「引人入勝」。韮皇炒鱔糊教人失望，味道過濃，而且略微太油。特意叫上鱔糊的最佳拍檔銀絲卷，雖然很多人視之為「普通饅頭」一個，但做得好的銀絲卷能為吃感帶來更大享受。三分俗氣的銀絲卷，銀絲絲絲分，別有韻味。三鮮炒年糕炒得不錯，配料和年糕味道環環相扣，讓人回味。蟹粉小籠包 ($60/4隻)剛好鄰桌點了普通的小籠包。對比一下，霎眼看除了點點橙紅的蟹粉以外，并沒有大分別。進肚亦然，沒有吃到蟹

呢日同朋友嚟到呢間佢屋企附近嘅“三分俗氣”上海菜。餐紙上面有好多選擇，而且價錢十分實惠。招牌鮮肉小籠包 ($36) - 小籠包皮薄，包住鮮甜嘅豬肉及湯汁做餡料，一啖一隻，鮮味好食。羊肉熗湯麵 ($55) - 羊肉鮮甜有羊味但唔太羶，湯麵粗身滑溜索滿湯底嘅羊鮮味，相當不俗！俗氣醉雞 ($62) - 見到雞皮同雞肉中間嘅啫哩狀嘅骨膠原就知雞肉嫩滑有雞味，而且索滿酒香味，推介！芙蓉賽螃蟹 ($75) - 賽螃蟹係以蛋白模仿蟹肉嘅著名中國菜式。呢碟賽螃蟹口感爽爽哋，味道鮮甜。再加上小小烏醋，無論口感同味道都似食緊蟹肉，可見大廚功力！自家製醬茶鴨 ($65/例牌) - 望落似好乾，但其實鴨皮薄身香脆，鴨肉仍然保持到少少嫩嘅感覺，一啲都唔會韌或者嚡口，而且充滿醬茶香，推介！呢餐好食又抵食，朋友仔果然冇介紹錯！

老友在新蒲崗工作，今晚佢就介紹了間菜館在佢公司附近，話一定冇介紹錯。提早離開公司，搭上過海巴士，一路上原來發覺新蒲崗已改變不少，沿途老店參半，有了不少新式食店，走上了時代的步伐餐廳店名三分俗氣帶有詩意，六點半店内還沒熱鬧，而朋友已早我一步到達了。有二人套餐，就先挑選套餐内的選擇酸辣湯十分足料，木耳，筍，豬紅等等，而且酸辣程度剛好，不會一味只有辣味花雕醉雞來到的分量比我預計的大，夾起看得見皮肉之間有層啫喱已覺驚喜，外間已較少機會遇得到，入口皮滑肉嫩，而酒味也很夠，相信也花了不少制作時間韮黃炒鱔糊我倆也一至想吃這道菜，十分合拍呢。鱔糊份量也多多，配韮黃味道十分好下飯上海粗炒味道不過鹹，二人份量剛好高力豆沙很鬆化而且一點也不過甜，十分喜愛朋友跟我對這餐也十分滿意，相信很快會再到來。

在新蒲崗區打完羽毛球後, 就到附近的三分俗氣吃晚飯,來到後覺得地方企理。這裡的招牌菜蟹粉小籠包, 小籠包夠熱，而且皮薄多汁，就算用上筷子去夾起來，肉汁還是完好的在內，會看到裡面的湯汁之餘外皮也不穿，包得不錯,而肉餡也鬆軟有肉汁, 肉香味濃, 蟹粉也鮮味十足, 是有水準的小籠包。以上海點心來說，個人較喜歡招牌鮮肉生煎包。這裡的生煎包做得真的不錯，先看賣相已非常對辦, 上枱時熱辣辣和香噴噴的，包身做得好軟熟，反轉包子一看，包底是煎得很焦脆，一咬開生煎包內有飽滿湯汁, 吃起來外皮鬆軟，豬肉餡都好香濃肉香味，最好趁包子熱辣辣時吃, 是很不錯的煎包子，值得一吃。再來就是砂鍋雲吞雞(半隻), 用上原雞加上金華火腿煲的，湯色奶白，濃郁的湯頭熱度十足，醇香夠火侯，味道也鹹鮮味美, 吃至此，喝了湯又吃了雲吞，湯渣就是那半隻雞, 雞肉嫩滑好吃, 個人極之欣賞此湯品。到了甜點環節, 豆沙窩餅做得外皮脆口而且呈微焦, 入口還是熱辣辣的, 內面的豆沙餡料軟滑香甜，是好吃的。食物水準唔錯, 價格也相當合理, 值得一試。

店鋪外觀一般，以為麻麻地，原來幾好味！今次叫左2人餐$238，都幾抵食，一定食飽你！🔸湯有酸辣湯&粟米魚肚羹選擇～粟米魚肚羹係兩人嘅份量，不過冇魚肚都幾咸🔸涼菜我揀左川味口水雞，外觀好睇但一啲都唔辣！🔸小菜我揀左水煮牛肉，少少辣都幾好味尤其是入邊啲薯粉好煙靭🔸麵、飯、年糕我揀左回鍋肉粗炒，好味！🔸甜品仲有個高力豆沙，味都ok既，但皮有點兒硬.🔹蟹粉小籠包$60（4隻）皮薄多汁，不過蟹粉味唔夠🔹擂沙芝麻湯圓$32，太普通啦，飽就唔洗叫啦.🔸有鹹檸七飲$20杯，好好味，佢個鹹檸唔係成粒，係精華、果肉，但都好有味道！🔸自製豆漿$12杯，都很不錯！.另外會有片皮鴨，不過要預早預訂！

今日放假同姑媽食個飯😊，佢鐘意食上海野，記得上次經過新蒲崗，見到新開左間三分俗氣又幾多人去食咁，🤔所以今日一齊去試試。入到去比我想像嘅大同企理。😳佢有提供好似茶記嘅午市套餐，亦都有上海野食嘅套餐。黎到就緊係食佢個d上海野啦。👍🏼以下幾款我覺得幾好食。⭐️招牌鮮肉生煎包❤️❤️呢個我覺得好招牌，佢個包底好脆，入面肉同汁都夠。最重要係佢d豬肉夠新鮮👍🏼，冇雪藏味。🤤⭐️蟹粉賽螃蟹🦀️呢道菜好難煮同好考功夫架。幾好食，蛋白同蟹肉好鮮，再加埋蟹粉蟹膏，味道岩岩好。👍🏼⭐️台式煎鍋貼佢呢個鍋貼同我想像嘅唔同，可能係因為台式吧。但係又煎得幾香幾脆👍🏼，雖然肉就比較少。

年前食過，今天再臨為的係佢嘅小籠包同高力豆沙。鮮肉小籠包 $36佢做的小籠包皮，真係可以算是皮薄饀靚。皮好有彈性，內𥚃雖然多汁但唔會容易穿。水準仍然 keep 到，實屬難得。三十六蚊有4隻，抵食的，大推。涼伴雞絲粉皮 $42小食來講真係算勁大碟，粉皮好正有彈性，滑嘟嘟又夠 Q ，第一次食到呢種口感。麻醬夠多又好香好濃，不過就蓋過了雞絲味道。糖醋魚塊 $75大大塊的糖醋魚塊，酸酸甜甜幾開胃。魚塊炸過表層都幾鬆化，冇雪味冇腥味。俗氣擔擔麵$45花生醬很濃的擔擔麵，香而不辣。超大碗，兩個人 share 都食唔曬。麵底幾靚，幼細而有彈性。不過最好叫餐廳幫忙剪麵，我地忘記了，太長有D難夾。奶油津白 $55又係大碟夾抵食之選，感覺有少少似西式的白汁焗菜，好香奶油味。每條津白都 carry 左好多汁，好味呀！雪山高力豆沙 $38另一主角，為佢而來，果然不負眾望。外層佈滿雪山糖霜粉，棉花糖般的高力豆沙皮真係做得特別好味。豆沙饀其實唔會太多，亦唔係甜，好啱我。價錢平，新鮮即做又熱辣辣，亦係必食項目。沒有加一，食到好飽二人埋單都唔使三百，高 CP 呀！

新蒲崗屬於舊區，地鐵都暫時未嚟到，但就係充滿着我爸媽拍拖嘅回憶，今日佢哋帶我嚟衍慶街食上海菜，很美麗的名字：三分俗氣。只不過係七點鐘已經全場滿座，睇吓餐牌價錢經濟菜式特別。我哋一於叫個四人餐再加啲小菜啦！前菜係出色的四喜烤麩，烤麩、毛豆、雲耳、筍加上甜甜地嘅調味，很開胃！小食我就叫左一個經典中的經典， 小籠包。一望師傅就知道功夫十足，賣相好，皮薄多汁，餡料鮮味質感鬆軟。而我記得細個食上海菜一定會叫酸辣湯，夠酸夠辣 ，真材實料木耳、筍、蛋絲口感豐富。宜家系出邊好少食到咁靚嘅韭黃炒鱔糊，我自己覺得係傳統菜，味道幾惹味。完美嘅甜品又係有瞇埋眼都識叫嘅豆沙鍋餅，到上海菜館一定會食， 金黃色入口香脆， 豆沙軟綿不太甜，名副其實嘅外脆內軟。非常美味。小店服務不錯， 傳統味道反而有驚喜。

又同幾個好友出左嚟䦕飯，今次去左食上海菜，又真係好耐都冇食過佢，一提起食上海菜就自然會諗起有酸辣湯同小籠飽呢D必點人氣特色美食，而且餐牌都有多款菜式提供，仲精美套餐方便之餘就有得食，我地都點左四人套餐$498可以一次過食到不同地道美食，價錢又大眾化，先來有涼菜四喜烤麩，估唔到烤麩食落咁軟綿吸收埋醬汁香味口感確唔錯，輪到有蒜泥白肉，如果鐘意食蒜泥嘅你，一定會慢慢品嚐入口食到腩肉肥美香甜同蒜香辛辣，底層仲有香滑粉皮吸收埋醬汁食得更惹味，再來係熱辣辣嘅酸辣湯，最緊要飲到酸酸辣辣咁先至夠地道風味，到主菜有水煮牛肉同韮黃炒鱔糊，我就比較喜歡水煮牛肉多D配料十足，除左食到啖啖嫩滑牛肉外，湯汁亦係主角之一，帶點香辣又食得滋味我都飲番啖湯汁品嚐一下正，鱔糊肉質爽滑又香濃，再食碟番金銀蛋時蔬中和一下，其後仲有粗炒配埋腩肉食落簡單又入味，輪到有小籠包，識食就梗係咬開頭頂飲左香濃湯汁先再食包，食到最後一款係豆沙窩餅，入口香脆又食到豆沙蓉嘅香甜，眨眼間又品嚐一餐地道美食。

又同幾個好友出左嚟開飯，今次去左食上海菜，又真係好耐都冇食過佢，一提起食上海菜就自然會諗起有酸辣湯同小籠飽呢D必點人氣特色美食，而且餐牌都有多款菜式提供，仲精美套餐方便之餘就有得食，我地都點左四人套餐$498可以一次過食到不同地道美食，價錢又大眾化，先來有涼菜四喜烤麩，估唔到烤麩食落咁軟綿吸收埋醬汁香味口感確唔錯，輪到有蒜泥白肉，如果鐘意食蒜泥嘅你，一定會慢慢品嚐入口食到腩肉肥美香甜同蒜香辛辣，底層仲有香滑粉皮吸收埋醬汁食得更惹味，再來係熱辣辣嘅酸辣湯，最緊要飲到酸酸辣辣咁先至夠地道風味，到主菜有水煮牛肉同韮黃炒鱔糊，我就比較喜歡水煮牛肉多D配料十足，除左食到啖啖嫩滑牛肉外，湯汁亦係主角之一，帶點香辣又食得滋味我都飲番啖湯汁品嚐一下正，鱔糊肉質爽滑又香濃，再食碟番金銀蛋時蔬中和一下，其後仲有粗炒配埋腩肉食落簡單又入味，輪到有小籠包，識食就梗係咬開頭頂飲左香濃湯汁先再食包，食到最後一款係豆沙窩餅，入口香脆又食到豆沙蓉嘅香甜，整體滿足，食得飽！

之前曾經來過三分俗氣，當時覺得食物味道不錯，上星期想吃上海菜，於是跟家人再次到訪，卻是一次不愉快的用餐經歷。不知道是否因為近日網上推介有片皮鴨餐吸引人潮，晚飯時段人相當多，我們一行四人被安排在樓上位置。樓上十多張桌只有二人工作，一人入單，另一人在收拾抹桌。我們7:45前已經交了點菜紙，等了20分鐘連小菜都不見蹤影，比我們早一分鐘下單的鄰桌卻已吃得津津有味。向店員查問一下，才發現我們的單不知何故拖至8時才入機。出菜位經常堆滿食物卻沒人傳菜，不少客人等得不耐煩，要自行前往拿菜。結果等了半小時後，8:15終於上第一道菜。不久後看到我們點的雲吞雞鍋放了十分鐘沒人理會，跟店員說又沒人理，反而兩人一起收拾一張沒人等候的桌子！直到有其他食客也不停催促他們才開始傳菜，傳菜時短髮店員甚至邊拿著菜邊站定跟同事說話，口沫橫飛，很不衛生。而且食物都快捧到面前卻偏停下來聊天不肯遞上，在場不少客人都感到很不耐煩。大部分食物質素都很差，金銀蛋津白非常鹹、雲吞雞淡而無味、上海粗炒麵條糊在一起，很難吃、豆沙鍋餅軟林林一點也不脆！炸銀絲卷夠熱，味道不過不失、小籠包及清真牛肉餅有熱湯，可以一試。回鍋肉味道最正常，但份量很少

呢日出左新蒲崗個邊個做野~午餐時段就同左同事黎開餐，呢度既lunch set有好多擇選，亦好化算當日我就要左個“韭黃炒鱔糊”HKd$57既客飯上海菜嘅特色就係要濃油赤醬，而炒鱔糊就充分突顯到呢一種特色啦，配飯一流而同事就要左個“俗氣上海粗炒”HKd$35配“ 小楊生煎（兩隻）”HKd$15同事俾左個生煎包我食，啲汁多到爆出黎架之後我地仲要左一籠“招牌鮮肉小籠包（四姐）”HKd$36一齊share同樣係皮薄多汁，yumyum 見到晚市價錢都唔貴，所以有晚就同家人黎食飯，平均質素都唔差！！！當中呢個“ 自家製樟茶鴨（例牌）”HKd$65鴨肉實而不韌，皮脆不油！下次一定要叫半隻先夠喉！而呢個“椰蓉煎芋餅”HKd$38，都值得一試呀香甜軟糯芋蓉包著豆沙，味道不過甜，而口感則外脆內chewy