三人行燒烤專門店

营业中

休息中

一早已經計劃好食完拉麵就去隔離間串燒店食幾串野，7點半前去到餐廳，目測有三十幾個位，但由於當時已經滿座唯有行一陣街再嚟啦。8點半可以入座，大概9點左右，開始有吉枱。由於唔餓，所以只係點左11串野同一樽啤酒。落單後，等左大概十零分鐘就有野食。串燒溫度未到辣口，但算熱嘅。我點左安格斯牛肋串$26、鹽燒牛舌串$26、牛柳串$18。老實講，佢一次過上哂，我都分唔到邊樣打邊樣😂，但無論牛肋定牛柳，都無牛味😑，主要食佢甜甜地嘅醬汁味；食串燒我一定會叫牛舌，但佢口感偏軟，唔係我中意嘅爽彈口感😥。相比之下，我地比較中意豬類嘅串燒。五花腩$16入口豬油爆發，好好味；豬頸肉$20肉質爽彈，又唔柴；兩款都係雖然油膩，但串燒必食之選。雞全翼$18、雞腎$16、燒雞脾$32雞全翼最難燒得好、亦最考師傅功架，呢度燒到啱啱好熟，雞皮焦脆微甜，全餐最好味係佢。雞腎趁熱食仲有少少汁之餘，口感亦好爽，放耐左就開始變硬。燒雞牌普通，勝在蛋白質豐富，夠飽肚。最後仲有豆腐怪中意嘅炸豆腐$16同豆卜$14，前者望落好似好濃味，但其實只係表面輕輕調味，焦香感十足；後者就唔夠香脆，食落好乾身，亦因為調味輕手，食落只有原本嘅豆卜味。最

📍三人行燒烤店 ⭐️有誠意抵食串燒小店如果你想搵間性價比高嘅串燒店，三人行燒烤店絕對係你不二之選。呢間餐廳好近旺角地鐵站，餐廳裝修乾淨企理，真係好適合朋友聚會😚呢度嘅餐牌種類亦非常全面，由蔬菜、肉類、海鮮到甜品應有盡有，肯定可以滿足到唔同口味嘅朋友🥰餐廳食物質素非常高，串燒都燒得啱啱好，唔會出現燒過龍或者唔夠熟嘅情況😉而且價錢相當合理，大部分串燒都係二三十蚊左右，就算係特色或者稀有部位都唔會太貴，性價比超高🤩⭐️大力推薦👍🏻👍🏻👍🏻👍🏻✨日式汁燒魷魚筒 $79原條魷魚筒，外層燒到焦香脆口，内層肉質鮮甜Q彈，加埋日式燒汁同埋少少辣粉，真係好味到不得了🤤✨芝士煙肉大啡菇 $32 呢一個真心好好食！我超鍾意🥰 芝士味超級濃郁，煙肉同大啡菇嘅碰撞，甜中帶鹹，超正！✨安格斯牛肋串 $26牛肋串微辣，牛味好濃，肉質鮮嫩，超推！✨金菇肥牛卷 $22金菇同肥牛卷嘅絕妙組合，口感豐富✨煙肉蘆筍卷 $22煙肉燒得好香脆，加埋鮮甜嘅蘆筍，好有誠意✨鹽燒牛舌串 $26牛舌夠厚，鹽燒得啱啱好✨燒日式雞泡魚干 $42食得出係新鮮現烤，外脆內嫩✨牛油金針菇 $32金菇嘅鮮甜同濃濃嘅牛油互相輝映，帶來濃郁嘅口感同風味✨

芝士鷄肉薄餅會話呢個芝士鷄肉薄餅係店鋪特色，因爲好少有串燒店有薄餅食。薄餅微脆，夾雜滿滿既拉絲芝士，鷄肉，三色椒等。味道咸咸辣辣，好惹味蒜蓉生蠔 生蠔肥美新鮮。生蠔上鋪滿蒜蓉，非常惹味安格斯牛肋串 火候控制得岩岩好，肉質鮮嫩多汁，牛味香濃炸薯格 份量好多，片片都大大塊。由於即炸關係，非常香脆，越食越上癮雞軟骨串 雞軟骨大大粒，上面刷滿蜜糖汁，口感爽脆

再係朋友一再推薦食嘅串燒🤣今日食好多串 好方便,入度去仲有好多擺設😊配有特色泰汁 辣粉仲有分小中大辣🤣泰汁超級多選擇 串燒 仲會有薄餅★燒日本甜心蕃薯甜味同綿軟嘅質地👍★安格斯牛肋串★雞中翼★雞軟骨★雞腎串 ★羊肉串肉串串燒好食,唔會好韌👏★鹽燒白鱔食到好爽口🤣有趣★韭菜★菠蘿🍍好甜★娃娃菜★枝豆★竹庶茅根★津路烏龍茶★燒饅頭聽朋友介紹係最好食既饅頭,超有少女心🏷️三人行燒烤專門店(旺角)📍旺角通菜街85號地舖#旺角#燒烤#串燒#igfoodie#hk #food #hkfood #hkfoodie#hkfoodblogger#hkfoodlover #hkeat #hkig #hkiger#instafoodie #foodie#foodblog#foodpics#foodshot

原來旺角通菜街有間串燒店價錢好親民😍 好多串燒都只係十幾廿蚊，份量仲同普通串燒店相若，岩晒我呢d 食肉獸😂餐廳食物選擇都幾多，豬🐷、牛🐮、雞🐔、海鮮🦪、蔬菜🥬、意粉同小食等都有齊晒🥰 ✨金菇肥牛卷✨燒玉子✨安格斯牛肋串✨牛柳串✨雞全翼✨西班牙黑毛豬肋串✨五花腩✨蒜蓉燒壕✨蒜蓉燒原條茄子✨炸薯格✨芝士雞肉墨西哥薄餅✨蒜蓉包串燒方面每串都啖啖肉，我最中意油脂香味滿滿嘅五花腩🥰口味建議揀小辣就夠，太辣反而會食唔出食材本身嘅美味😉 蒜蓉包上面嘅蒜蓉醬好多，而且咬落去仲卜卜聲，真係好脆！炸薯格份量都勁多，而且炸得都香脆，必點❗️

🌃 餐廳為港式燒烤店，位於旺角通菜街，鄰近於旺角港鐵站D2出口，餐廳名稱為"三人行"，主打與朋友相聚，暢飲一番的串燒店，店內燈火通明，有着寬闊的空間及木椅，一大班朋友歡聚也非常合適。.🌃 餐廳係食物方面十分多元化，有別於一般港式串燒店，除了串燒之外，也有一系列的香口伴酒小食，甚至連意粉都有，另外更有打卡able的燒香蕉及饅頭，更可作為甜品。..※ 海鮮系列🦑日式汁燒魷魚筒 💲79、鹽燒白鱔 💲48、鹽燒油甘魚鮫 💲86、煙肉燒蠔 💲32、白汁芝士燒蠔 💲32👉海鮮價格十分親民，主打必食有日式汁燒魷魚筒，只需79蚊就食到原條燒魷魚筒，再加上兩串魷魚鬚，坊間其他串燒店根本食唔到😱，餐廳用了日式汁燒嘅方法，令魷魚桶變得外裏焦香，內裏軟腍而帶有肉汁，食完十分滿足😍，另外鹽燒白鱔、油甘魚鮫同樣出色，食得出魚肉帶有彈性，魚油甘香而肥美，另外兩款燒蠔，也燒得恰到好處，蠔肉仍然飽滿，唔會燒得太乾而縮水。.※ 主要燒烤系列🍢 安格斯牛肋串 💲26、牛柳串 💲18、燒雞髀 💲$32、生菜包豚肉 💲44、芝士煙肉大啡菇 💲32、秋葵💲 16👉 從經濟實惠嘅角度，當然要叫隻燒雞髀，餐廳上菜嘅時候已經切件，方便

上一次同朋友食完，覺得好好食。星期五黎到仲要排隊等位呢。⭐️第一次叫卡邦尼意粉，十分有驚喜，估唔到串燒店嘅意粉咁好食，一啖接住一啖！私心最愛🫶🏻⭐日式汁燒魷魚筒，好特別，醬汁甜甜地，魷魚爽口彈牙，處理得十分乾淨。⭐蒜蓉包，滿滿嘅自家製蒜蓉醬，食完口入面超濃蒜蓉味，麵包燒到好脆。⭐安格斯牛小排，估唔到串燒店都有牛扒食，呢個牛小排真係好高質，完美嘅食材只需要簡單嘅調味，食到好濃嘅牛味。十分推薦👍🏻⭐呢個鹽燒油甘魚鮫，魚皮燒到十分脆口，魚肉十分嫩滑，滿滿嘅骨膠原，原來唔係成日有的！真係好運氣，推薦大家！⭐芝士雞肉薄餅，每一下拉起都會拉絲，雞肉勁多，滿嗮出來嘅餡料，仲有三色椒嘅調味！⭐串燒仲有好少見嘅日式芝士年糕，咬落去軟綿綿，裏面爆開芝士醬，值得每人一個分享。⭐司華力腸估唔到比想像中好食，燒到皮脆卜卜，我本身好鍾意食司華力腸。⭐豬頸肉一定要叫，燒得十分香口，油脂感滿分，咬落去肉汁爆嗮出黎。👍🏻👍🏻私心最愛嘅串燒⭐魷魚鬚都十分之好味。我每次黎到都必叫。私心推薦

卡邦尼意粉濃郁的奶香與煙燻培根的香氣完美融合,滑嫩彈牙的意粉完美吸附住了醬汁,每一口都是口感層次豐富的。燒豆卜,外層酥脆金黃,咬下去令人驚喜的是內裡鮮嫩多汁。豆卜本身帶有一股濃郁的香氣,經過精心烤製後,表層更是酥得化在口中,卻又保留了內裡的嫩滑口感。一口下去,豆卜的汁水頓時流遍口腔,誘人至極。燒玉子,表面焦香,內裡濃郁溫潤的蛋黃,完美融合了油脂和蛋香。咬下去蛋黃爆漿,滑嫩醇厚的口感瞬間令人陶醉。這般的火候把握恰到好處,難能可貴。燒豬頸肉為得意之作。肥而不膩的豬頸肉經過精心烤製,外層微焦,散發出陣陣香氣,入口即化的口感讓人回味無窮。不同於一般燒烤店的乾澀感,這裡的豬頸肉汁水豐沛,充分保留了肉質的鮮甜。燒白鱔,細嫩鮮甜的鱔肉,經過精心烤製後表面金黃酥脆,咬下去卻是軟滑綿密的口感,配上微辣的醬料,欲罷不能。燒雞軟骨,燒牛舌心,也做得不錯，10分推薦。

今日有metime，去旺角整指甲，先去附近醫肚，選擇了女人街的三人行燒烤店，食少少野先。條街好熱，入到餐廳好涼好舒服。座位寬敞，幾舒服。叫支1664啤酒🍺解渴，Chill🤩😍味道帶果香，好冰涼。🌽 牛油燒原條粟米，好香條，成條夠飽。燒蔬菜都不錯，泰國蘆筍爽脆，韭菜惹味。🦪蒜蓉燒蠔幾juicy。個人覺得最正係🐟燒白鱔，魚肉厚身大件，juicy美味，令人回味無窮。燒日本甜心番薯，味道香甜可口。

同事介紹我食呢間串燒，食完之後真心想講呢間三人行串燒真心勁抵😍又大大串！超值推介！。作為一個香港嘅食評家,我就用廣東話俗語風格為你分析呢個超抵食串燒盛宴啦:。🥢司華力腸 $24大大條，會幫手切，辣味適中。。🥢豬頸肉串 $20肥瘦相間，咬落滿滿肉汁。🥢五花腩 $16肥得黎唔會完全肥，咬落唔會太油岩岩好。。🥢燒雞髀 $32加左蜜糖一齊，雞髀又肥又嫩,皮脆肉滑,連骨帶皮一齊燒烤,咬落肉汁會爆😂勁抵食。🥢雞腎串 $16燒得唔錯，唔會乾乾硬硬，帶點微辣入味。🥢蒜蓉燒原條茄子 $38濃濃嘅蒜香味好突出，加左啲孜然粉好夾。🥢虎皮尖椒 $14真心抵食但要食到辣先好叫😂。🥢煙肉露荀卷 $20分量十足,煙肉燒到脆脆邊咁，配合裏頭嘅露荀脆爽口感perfect match .。🥢蒜蓉包 $40呢個蒜蓉包外皮金黃酥脆,加左超級多蒜蓉，一入口就聞到濃郁嘅蒜香。。🥢安格斯牛肋串 $26安格斯牛肋軟嫩鮮滑,肉汁四溢,燒得火候岩岩好，外表微焦內裡嫩滑。

朋友介紹呢間串燒店比我，夜晚喺旺角諗唔到食咩就決定去試下。翠玉瓜：翠玉瓜切成細塊之後，經過烤制，表面有啲微微焦香，入面仲保持住脆嫩嘅口感。翠玉瓜嘅甜味經過烤制更加突出，同其他配料嘅組合都好出色，好清新！炸豆腐：呢道炸豆腐真係好正呀！外皮金黃酥脆，一口咬落去，即刻感受到豆腐嘅軟滑口感同埋外脆內嫩嘅組合。牛丸：呢度嘅牛丸真係好有咬勁。佢哋嘅口感富有彈性，肉汁好豐富。墨丸：墨丸好軟滑，仲帶有魷魚嘅鮮味。台灣腸：佢嘅外皮烤得香脆，入面仲保持住彈性。口感豐富，肉香四溢。雞中翼：燒雞翼係我最愛，呢度烤制得恰到好處，皮脆肉嫩。我之後再encore 咗一串魷魚鬚：魷魚鬚相對普通，無咩特別後尾我哋再叫咗辣酒煮花螺，花螺肉質鮮嫩，搭配上辣椒、蒜頭同酒精煮熟，令味道更加豐富。食落去，先感受到辣椒嘅辣勁，但同時亦會品嚐到花螺嘅鮮甜。總結而言，菜式都好出色，質量上乘。餐廳嘅服務態度都好友善，令人感到舒適。呢間餐廳絕對係一個會再次光顧嘅好地方

同舊同事見面真係一定要食串燒㗎🤭因為可以不斷傾計 不斷食肉😂😂又唔洗趕住走🤭 朋友之前已經食過 #三人行燒烤專門店，話好真係好好食😋最緊要係份量多 唔係得2粒肉既串燒😂 餐廳唔係豪華裝修但座位闊落🫶最重要係出乎預期地好味🤤私心推介呀🧡🧡香煎鵝肝多士（2件）：必食之選😍鵝肝香滑～入口即溶🤤配上香脆嘅多士，食完真係超級滿足☺️☺️魷魚筒🦑：係用原隻大大嘅魷魚燒，呢個價錢真心超抵食🤩魷魚彈牙爽口🥳鹽燒牛舌串：係暫時食過最好食嘅牛舌串燒🤩牛舌勁軟腍，好香牛味！！依家諗返起都好想再食🧡牛柳串：肉質細緻，燒烤得恰到好處～雞全翼&燒雞脾🍗：兩者各自帶獨特風味😆雞全翼香脆多汁，燒雞脾皮趣嫩滑😋西班牙黑毛豬肋串：肥瘦相間，肉質有咬口，配上微辣醬汁更有風味🥳三人行燒烤專門店📍探店地址：旺角通菜街85號地舖

串燒店🍡而家開到成行成市，但係真正做到平靚正嘅究竟有幾多間，有幾多間我就真係唔知，但至少發現一間，三人行燒烤專門店。燒雞中翼 (2隻) $18雞全翼 $182️⃣款都燒得香口乾身，肉質嫩滑多汁，香口惹味😋。香煎鵝肝多士 (2件) $99厚切鵝肝油脂豐腴，燒至表面焦香🔥，加上甜甜的醬汁及香脆的多士🧇，口感豐富，肝味濃郁，油脂香味四溢，令人回味無窮🥰，好食到要再encore 🤣。金菇肥牛卷 $22煙肉蘆筍卷 $20牛肉片燒得香口😍，金菇吸收咗肉汁的鮮味，非常juicy；煙肉🥓獨特嘅香味，配上爽脆的露筍，2️⃣款組合同樣出色😋。日式汁燒魷魚筒 $79原條魷魚🦑表面燒至焦香乾身，肉質軟腍，加上少量調味料及辣粉🌶，更能食出原汁原味😋。香草羊架 $48羊架🐏燒得十分焦香，皮脆肉嫩又juicy，油脂豐腴又帶點點騷香，好好食😋。牛油開邊大花蝦 $48大花蝦🦐有手掌般大，味道鹹香鮮甜，口感結實彈牙😍。頂級安格斯牛小排 $128牛小排🐂肉質軟腍無筋，一口咬下油脂香味四溢，肉味濃肉汁滿滿😍。鹽燒牛舌串 $26牛舌香口乾身，肉質軟腍無筋，調味剛好又帶牛香味😋。蒜蓉燒原條茄子 $38茄子🍆灑上蒜蓉🧄

燒饅頭 $18多春魚(3條) $22安格斯牛肋串 $26雞中翼 $18西班牙黑毛豬肋串 $26白汁芝士燒蠔 $32煙肉燒蠔 $32蒜蓉燒茄子 $38豆卜 $14虎皮尖椒 $14芝士煙肉大啡菇 $32芝士雞肉墨西哥薄餅 $44串燒全部都好香好惹味😍肉類全部都好Juicy😋煙肉燒蠔好特別，出邊少啲見到😆司華力腸，豆卜，多春魚等等，燒完都覺得好多汁唔會乾👍🏻燒饅頭點煉奶都係幾特別同好食。成餐飯嘅重頭戲，我覺得係個芝士雞肉墨西哥薄餅，重芝士，可以拉絲🧀入邊嘅料有雞肉口感超豐富😍

旺角呢間串燒店做得唔錯，價錢抵食之餘用料份量都唔錯，即叫即燒。串燒當然飲啤酒啦，我就簡左craft beer, 大大杯夠冰凍，透心涼爽呀！！之後就叫串燒食。牛油金針菇，菇爽身有質感，有埋牛油嘅香味同滑順嘅口感,入到嘴裡就溶化咗,咁樣好惹味。再來就係雞軟骨串燒質感就好爽脆又軟嫩,一啖下去會聽到咔嚓咔嚓嘅聲音，而且帶咸香味！至於豬頸肉串燒肥中帶瘦,咬落去肉質會幾軟嫩同滑嘅。加埋燒過之後嘅香味,焦香感亦到位。至於鹽燒白鱔串燒都有啲Q彈嘅質感,加埋裡面微微嘅油脂,好細滑！加埋焦香外層夠脆，淡淡肉好正。翠玉瓜焦香之餘仲keep到清爽多汁 ,蒜蓉茄子真材實料！蒜香感十足，夠惹味。