三人行燒烤專門店

营业中

休息中

𝗵𝗮𝗱 𝗾𝘂𝗶𝘁𝗲 𝗮 𝗻𝗶𝗰𝗲 𝗲𝘅𝗽𝗲𝗿𝗶𝗲𝗻𝗰𝗲 𝗮𝘁 @3some.bbq😋 𝘁𝗵𝗲𝘆 𝗵𝗮𝘃𝗲 𝗴𝗿𝗲𝗮𝘁 𝗳𝗼𝗼𝗱 𝗼𝗽𝘁𝗶𝗼𝗻𝘀 𝗼𝘁𝗵𝗲𝗿 𝘁𝗵𝗮𝗻 𝗷𝘂𝘀𝘁 𝘀𝗸𝗲𝘄𝗲𝗿𝘀! 𝘁𝗿𝘂𝗳𝗳𝗹𝗲 𝗰𝗵𝗲𝗲𝘀𝘆 𝗾𝘂𝗲𝘀𝗮𝗱𝗶𝗹𝗹𝗮 𝗮𝗻𝗱 𝘀𝘁𝗲𝗮𝗸 𝘄𝗲𝗿𝗲 𝗮𝘄𝗲𝘀𝗼𝗺𝗲. 𝗺𝘆 𝗳𝗮𝘃𝗼𝗿𝗶𝘁𝗲 𝘄𝗼𝘂𝗹𝗱 𝗯𝗲 𝘁𝗼𝗮𝘀𝘁𝗲𝗱 𝗯𝗮𝗴𝘂𝗲𝘁𝘁𝗲 𝘁𝗼𝗽𝗽𝗲𝗱 𝘄𝗶𝘁𝗵 𝘀𝘄𝗲𝗲𝘁 𝗯𝗮𝗹𝘀𝗮𝗺𝗶𝗰 𝗴𝗹𝗮𝘇𝗲 𝗮𝗻𝗱 𝗰𝗿𝗲𝗮𝗺𝘆 𝗳𝗼𝗶𝗲 𝗴𝗿𝗮𝘀✨ 𝗯𝗼𝘁𝗵 𝗶𝗻𝗴𝗿𝗲𝗱𝗶𝗲𝗻𝘁𝘀 𝘄𝗲𝗿𝗲 𝗲𝘅𝗽𝗲𝗿𝘁𝗹𝘆 𝗽𝗮𝗶𝗿𝗲𝗱! 𝘁𝗵𝗲 𝗯𝗮𝗹𝘀𝗮𝗺𝗶𝗰 𝗲𝗹𝗲𝘃𝗮𝘁𝗲𝗱 𝘁𝗵𝗲 𝗱𝗶𝘀𝗵 𝗮𝗻𝗱 𝗰𝘂𝘁𝘀 𝘁𝗵𝗿𝗼𝘂𝗴𝗵 𝘁𝗵𝗲 𝗿𝗶𝗰𝗵𝗻𝗲𝘀𝘀 𝗼𝗳 𝘁𝗵𝗲 𝗳𝗼𝗶𝗲 𝗴𝗿𝗮𝘀!.估唔到係旺角都有隱世平靚正串燒，@3some.bbq 除咗有齊串燒大路選擇，仲有墨西哥薄餅同牛小排等等多元化啲嘅食物，雜菇薄餅煎至香脆再塞滿流心芝士、黑松露同三色椒，辣度十足勁惹味，絕對要試！牛小排油脂分佈均勻，叫咗五成熟燒至表面微焦內裏滑嫩，下面嘅蘆筍仲索哂牛油同肉汁，另外鵝肝多士

串燒串燒⋯全部都係即叫即燒👍 種類繁多⋯⋯豬牛羊雞鴨海鮮蔬菜 …全部都係十零廿蚊就有交易⋯⋯係咩都想食嘅情況下…咁就叫左以下咁多野雞全翼（夠惹味），煙肉露荀卷 （煙肉包住露荀可減少油膩感），魷魚鬚，多春魚（3條）燒日本芝士年糕（極力推介，👍👍👍，好好味，軟綿綿芝士味濃），鹽燒牛舌（好淋），牛柳（夠juicy)，雞軟骨（卜卜脆），西班牙黑毛豬肋骨，芝士雞肉墨西哥薄餅（呢個都係好濃郁嘅芝士），鹽燒秋刀魚 （有專人幫我起骨～ 朋友🤣🤣）蒜蓉燒原條茄子（勁多蒜🤪），雞髀菇，蒜芯，芝士煙肉大啡菇 （中間夾左啲洋蔥，仲有拉絲效果）可以選唔辣 或不同辣度（我揀咗少辣）飲品：津路烏龍茶兩個人食，人均消費$200 ，性價比高.。飽到攬住個肚走⋯抵食店員好細心，每張枱都放咗包tempo ！見我哋分野分得咁麻煩，主動提供個夾夾俾我地用⋯👍

Monday blue 放工後梗係要去啤啤佢喇，今晚嚟到位於旺角通菜街嘅串燒店食晚飯。雖然係星期一，但都坐滿，真係好生意。1664大生啤（$68）大杯掋飲鹽燒白鱔（$48）- 呢個係必食，個鱔皮燒到香脆，而肉汁彈牙多汁，非常高質。芝士煙肉大啡菇（$32）- 賣相一流，大啡菇岀晒名多汁，加上芝士同煙肉好豐富，大滿足！鹽燒牛舌串（$26）- 牛舌燒到啱啱好，有咬口得嚟又唔好好硬同韌，忍唔住encore。芝士豆腐（$18）- 有三件，加埋辣味好惹味燒韭菜（$14）炸薯格（$30）- 差唔多每枱都嗌返份，份量夠大，送酒一流。雞胸軟骨（$30）- 見係佢哋嘅推介菜梗係要點嚟試下喇～脆卜卜嘅雞軟骨就食得多，原來加埋雞胸啖啖肉個口感咁正，真係要嗌嚟試下。燒菠蘿（$16）- 每次食串燒都必嗌，一樣無失望，酸酸甜甜好開胃。日本芝士年糕（$12）- 入面有好濃郁嘅芝士，配上軟腍嘅日本年糕好夾。金菇牛肉卷（$21）同牛柳串（$18）都好juicy同腍加上辣粉後更好味。

最近愛上吃串燒嘆啤酒🍻有種慢活生活自由自在的寫意情懷！今日又嚟串燒串燒，暫時逃離一下工作上的煩惱😌見到好多人介紹呢間三人行，而且牛肉款式都幾多，一於嚟試吓！一坐低二話不說就叫咗個頂級安格斯牛小排，可以揀3成5成或者七成熟，配以蘆筍，感覺上幾高級，價錢先$100左右，算超值！而且牛小排肉質粉嫩，咀嚼間還會吃到油花香，完全想像不到這個價錢竟然吃到這個高質素的牛小排，感覺是賺翻了！蒜蓉燒原條茄子🍆就係串燒must eat 㗎啦！呢度條茄勁多蒜蓉，仲加咗少少孜然粉調味，配搭軟綿綿嘅茄子肉真係食唔停呀！燒白鱔塊魚皮燒到脆卜卜，魚肉爽實鮮甜，感覺好新鮮👍蒜蓉燒蠔食落蠔味爆發，濃郁嘅汁液再配埋蒜蓉同辣椒，雖然淨係食咗一隻但係都好滿足！雞中翼同雞腎也是佐酒良伴呀，一定唔少得佢哋啦！老公就話呢款鹽燒油甘魚鮫好得！一向以魚油豐富見稱嘅油甘魚，食嘅時候可以感覺到魚油在口腔內慢慢滲出嚟嘅香氣，而且燒完之後正正可以減低油膩感，所以食起嚟質感輕柔透徹，加上肉質軟滑，很是享受！日式汁燒魷魚筒原條燒，魷魚質地Q彈可口，再配日式醬汁和辣粉，食起嚟特別惹味呢！

8.6.2022 三.5人行😆😆.@三人行燒烤專門店#三人行燒烤專門店#地址 #旺角 #通菜街 85號地舖.#鵝肝多士 好大份！！#蒜芯 #羊肉 #雞軟骨#燒白鱔 #牛肉 #韭菜 #牛舌#蒜蓉燒原條茄子 #羊架#辣酒煮花甲 #辣酒煮螺#雞泡魚乾 #蒜蓉燒蠔#日式汁燒魷魚筒 #芝士年糕#1664.最出色系鵝肝多士 真系未見過甘大份😆辣酒花甲同螺 又系好大隻 好抵食😆樣樣都燒得岩岩好時間 好有咬口💓💓樣樣都想推介😂辣酒煮花甲 辣酒煮螺 蒜蓉燒原條茄子蒜花 燒白鱔......全部野食都好好食 又冇限時同朋友坐左好耐😆😆我哋都話會再返嚟食😆

旺角燒烤選擇都唔少，今日朋友邀請想試吓呢一間。去到都九點幾十點，店舖環境都幾舒服吓，位置唔會好迫。叫咗唔少嘢食，上菜嘅速度都快。而且款款串燒個樣都好jeng ，當然食落都一樣。芝士煙肉大啡菇：芝士加煙肉呢個組合真係冇得輸，切開舊茹。入面非常juicy ，口感十分滿足，食完再食埋個沙律菜refresh 下。娃娃菜：正常發揮，望落去灑咗堆辣粉，不過其實唔辣嘅金針菇：呢個真心推介，配埋個牛油汁真係燒得啱啱好，而且分開細細條，食落竟然冇痴牙，不過就see you Tmr 仲叫咗兩款海鮮（蠔同扇貝），同樣都係舖滿晒蒜蓉，非常香同惹味

三人行係旺角新開嘅平民燒烤店，豬牛羊雞海鮮蔬菜都有，大部份肉類串燒都係十幾蚊有交易，而且仲唔係食兩啖就冇，因為性價比高，所以都幾多人幫趁。當日六點去到，已經有兩枱人喺度，仲諗住唔太多人，點知後尾都越黎越多人。店面簡單，不過都乾淨企理。燒菠蘿($16) - 香甜多汁又冇渣，仲預先去左皮同切好一件件，方便食，抵讚！燒白鱔($48) - 白鱔幾厚肉，鱔皮燒到脆脆地，肉質扎實彈口。雞軟骨($16) - 一串都幾多粒，脆卜卜唔會太硬。羊肉串($16)安格斯牛肋串($24) & 牛柳串($18) - 兩款牛肉都唔會燒到乾柴柴，食落好軟嫩juicy。炸薯格($30) - 薯格好大份，香脆得黎又有咬口，仲唔會過油，食到停唔倒口。鹽燒馬友($126) - 馬友燒到啱啱好，肉質唔會太老太鞋，蘸埋個酸辣汁食，非常開胃。牛油金針菇($32) - 金菇索晒啲牛油，好香牛油味，不過建議盡快食，否則越浸越鹹。蒜蓉燒原條茄子($36) - 茄子好大條，上面放左好多辣粉同蒜蓉，非常惹味。總結，雖然只係一間街坊燒烤店，但出奇地高質，串燒惹味又唔太乾，食完亦唔會特別口渴，人均$200已經食到飽，性偵比非常高。

疫情好轉之後多咗夜晚出街食飯旺角通菜街新開呢一間串燒店 非常高質😋😋估唔到咁有驚喜星期五夜晚特別多人，上菜速度正常，唔會話等得好耐特別推介😛😛羊肉串 羊肉唔會細細粒 肉質好Juicy灑上小小嘅孜然粉，唔會蓋過羊肉原本嘅味道而且唔算太”蘇” 油脂味濃！安格斯牛肋串 牛柳串牛柳肉質非常高質！牛肉醃料剛剛好☺️唔會過濃過鹹而且烤嘅時間拿捏得非常好👍🏻唔會太硬，食落似係日本燒烤嗰款但係價錢非常相宜！燒饅頭一般港式串燒店比較少饅頭燒至外脆內軟外皮卜卜脆😛沾上煉奶甜甜地，好好味呀！雞中翼同樣烤到雞翼外皮卜卜脆keep到肉汁Juicy每啖都係蜜糖味😆非常滋味牛油金針菇牛油味道香濃 拌勻之後金針菇非常索汁大愛蒜蓉燒原條茄子🍆好巨型啊！原條茄子切開鋪滿蒜蓉，非常惹味！串燒店仲有薯格、意粉等等選擇啱晒咁多個朋友嘅口味下次可以再食

在旺角逛街忽然發現新開了間燒烤店，店內環境乾淨簡約，有足夠的空間，特別適合和三兩個夥伴在深夜吃吃燒烤談天說地的🥳.雖然開業時間不長，但是每個菜品都非常能打，全桌盲選都沒有出錯（悄悄地說而且份量巨多）！還要單獨表揚下上菜速度👍🏻，沒有出現人等到餓了都沒上菜的情況嘿嘿.【下面推薦幾個必點菜品！】🔹羊肉串🐑我吃烤羊肉的時候，最怕的就是醬料味蓋過了羊肉本來的香味，不得不誇下這家燒烤店，醬料調配剛剛好，肉味香濃，油脂味道豐富！🔸雞軟骨🐔脆爽的雞軟骨最適合來燒烤了，每次都必點！口感豐富，外表燒焦脆的，配上香料真的很棒！🔹蒜茸生蠔🦪生蠔鮮嫩飽滿，挺新鮮的，搭配蒜蓉鮮香美味，這個價位算很不錯啦～🔸安格斯牛肋串🐂牛肉是醃制好，沒想到這個價格肉的份量這麼多，烤的程度剛剛好，肉質很嫩！.🍴餐廳：三人行燒烤專門店 (旺角)📍地址：旺角通菜街85號地鋪💰人均：150-200

放工同同事經去了旺角這間串燒店食返幾串依下肚，普遍的串燒都是十幾廿蚊起，價錢都算大眾化。串燒款式甚多，有丸、腸、豬、牛、雞、海鮮及蔬菜，另外有些小食及意粉。芝士雞肉薄餅表面香脆，中間的芝士還呈半溶狀，還有些番茄蓉在內。蒜蓉燒原條茄子燒至茄肉腍熟，表面舖滿了蒜蓉，香氣撲鼻。芝士煙肉珍寶菇表面舖滿芝士煙肉，一切開珍寶菇勁多汁，十分juicy。叫了多款串燒，其中燒白鱔皮脆肉嫩；金菇肥牛卷及煙肉露筍卷都燒至表現焦香，露筍爽脆。魷魚鬂爽口彈牙；鹽燒牛舌有咬口；安格斯牛肋肉交牛柳香濃肉味。而且有大中小辣分，比大家有得選擇。

平時都挺喜歡吃串燒🍢，常常覺得雖然是少少份量，可是卻有大大樂趣！最近在女人街開了一間新的串燒店，所以就決定一戰了！進店後，發現位置也比想像中多！看了餐紙，點了想吃的串燒，挑選了少辣🌶，然後就等待美食出現。通常串燒都要燒很久，可是此店的速度就比想像中快了！🍢煙肉蘆筍卷 $20煙肉包裹着蘆筍，兩者配合得恰到好處，而蘆筍也中和了煙肉的膩滯感。🇹🇼台灣腸兩條 $20台灣腸絕對是必點美食，脆脆的外層，加上熱熱的肉，而且還有肉汁，相當滋味呢！🥔燒日本甜心番薯 $18燒得恰到好處，而且天然的番薯甜味，也是甜入心呢！🕊低溫燒乳鴿 $76有驚喜的低溫燒乳鴿，切好了一片片，當中有部分是啖啖肉，而且肉質鮮嫩，令人一試難忘！🍄芝士煙肉珍寶菇 $32絕對是驚喜之作！芝士煙肉鋪滿在珍寶菇之上，一切開菇，發現菇汁已經溢了出來，而芝士煙肉與菇很夾，也造出了拉絲效果，睇得又食得。🍆蒜蓉燒原條茄子 $36每次吃串燒，都必點蒜蓉燒原條茄子！這條茄子燒的很淋身，很容易就吃到茄子肉！加上蒜蓉、蔥作提味，很惹味呢！另外，我還點了雞中翼、雞軟骨 、燒雞髀、黑毛豬肘串、豬頸肉串 、羊肉串 、菠蘿 、秋葵呢!😍總的來說，這裡性價比也很

一晚市開返，就搵啲要堂食先好味既野食，就係食串燒啦。今日我搵到間幾正既串燒店，就係呢間三人行燒烤專門店。呢度乾淨企埋，又坐得幾舒服。呢度啲串燒燒到好靚仔，串燒可以揀唔辣同3個辣度，我揀既小辣都ok，好輕微既辣。鹽燒馬友燒得好好呀，魚用黎燒都幾高難度，呢度燒到個魚皮脆卜卜，入面魚肉就啱啱好，好滑多汁。頂級安格斯牛小排平時出去鋸扒會叫5成熟，係呢度知道會用碟上，所以叫左7成👍。燒得好靚仔，嫩嫩既。芝士雞肉薄餅好少串燒店食到呢款，爆饀，芝士拉絲，好正。仲叫左黑毛豬肋串、台灣腸、娃娃菜，yummy。呢個串燒醬都好好味架，好清新。啲串燒好掂👍，好彩早少少黎，越食越多客。

我哋怕辣🌶所以揀咗走辣，成日竟然有啲似日式汁燒，頗有驚喜。而且有啲串燒唔似坊間咁用急凍來貨，感覺比較有心思。🔸低溫燒乳鴿 $76乳鴿皮燒得乾身香口，鴿肉彈牙又多汁，連鴿胸都唔會嚡口。感覺比起一般紅燒乳鴿燒得更均勻。🔸雞軟骨 $16並非一般坊間急凍來貨，更加大粒爽脆。平時食鹽燒多，估唔到汁燒亦別有風味。🔸魷魚鬚 $22口感爽彈，尾端燒得幾香。魷魚吸收晒燒汁嘅甜味，令人諗起喺祭典食到嘅燒魷魚。🔸蒜蓉燒蠔 $32蠔肉大隻飽滿，海水味淡。蒜蓉加上豉油、食油，香得嚟唔會濃到遮晒蠔味。🥤蝶豆花特飲上層係百香果汁，底層係蝶豆花茶，味道清新唔會死甜。寒天啫喱增添口感。📍三人行燒烤專門店 (旺角)旺角通菜街85號地舖

四月中連續忙左好幾日，終於停低抖一抖～係時候放肆一下，儲返d 「熱氣」返黎先🤣.今次去旺角嘅「三人行燒烤專門店」，地點好方便，食飽仲可以繼續shopping🤣🤣.。串燒：🍢雞肉腸～同BBQ一樣，燒腸仔係必需嘅🤣🍢安格斯牛肋串～超香超好味，差d要encore🍢雞軟骨～好有咬口🍢羊肉串～少少so so地，正🍢西班牙黑毛豬肋串～肉質嫩滑，差d唔知係豬🤣🍢鹽燒牛舌串～同平時食到嘅牛舌有少少分別，佢係稔身嘅，仲有少少juicy感，幾特別.。頂級安格斯牛小排：我揀七成熟，油脂分佈不錯，啖啖都又香又鮮味，沾埋芥辣醬，一流👏🏻.。蒜蓉燒原條茄子：痴線架！點解$36可以食到咁大條燒茄子，仲要燒到啱啱好，加埋大量蒜蓉、香料，又香又juicy，滿分💯.。泰國露筍：想嗌返少少蔬菜，揀左平時唔容易買到嘅泰國露筍，細細條、無筋，好味😋.。蒜蓉燒蠔：雖然唔算好大隻，不過肉厚多汁，加上好多蒜蓉，夠晒香口👏🏻.。炸薯格：最熱氣嘅一個item 🤣🤣，好脆、好味，不過真係熱氣到唔敢食晒🤣🤣.最鍾意呢度即使揀「走辣」，都唔會變得淡口，依然燒得惹味、好味，讚👏🏻👏🏻

如果喜歡食物多元化的朋友仔應該會喜歡香口多味串燒主打，串燒可能是你的選擇！佳因無論在菜式追加(豬、牛、羊、雞)及醃製即燒內臟串燒單點價格合宜，免除自己動手太久的煩惱「頂級安格斯牛小排」肉件啖啖油脂，滑嫩表面微焦，下單五成熟度鎖住別有一番滋味「牛柳串、黑毛豬肋串」賣相切成一口大小比例，兩者食落也不韌少少煙韌感，表層質軟嚐出肉質的原味每片薄切但其實還帶點厚度，愛嗜享受嫩、脆爽口且有韌性的確下酒一絕「鹽燒牛舌串、豬頸肉串」「燒日式雞泡魚乾」是河豚的俗稱烤烘呈現金黄色澤，剪開一條一條添上沙律醬讓人愛吃不停