影片
港铁炮台山站 A 出口, 步行约4分钟
继续阅读
电话号码
24489288
开饭介绍
怀旧车仔面店，以飞行棋，漫画及Gameboy等为装潢主题。特别推介店主从泰国引入的绿宝橙汁。
继续阅读
以上资料只供参考，请与餐厅确认详情
佢哋逢星期一二三五嘅靓汤 真系冇得顶 用足料用足心机 呢个系蕃茄薯仔南瓜粟米牛鳅鱼汤 完全冇用味精 饮到鱼嘅鲜味 一啲都唔流水作业 好多时 毎个礼拜都有一次鱼汤㗎 佢哋仲有自己包嘅饺子
继续阅读
首先员工态度奇差，年纪大啲位女士（相信系妈妈），自己听唔清楚人讲咩，不停「咩呀？」「咩呀？」，找钱掉系枱面，系真系「掉」，餐牌又掉嚟掉去，坐系餐厅入面食好似好唔受佢欢迎咁。然后食物更加系神奇，居然可以做得差过7仔。叫咗鱼蛋配营多捞面，上枱我已经知濑野，啲鱼蛋咁似贡丸嘅？摆入口真系鱼蛋嚟，不过完全冇味，咬左半粒其他全部冇食。个捞面又系出色，未煮透又油淋淋，同我认识嘅indomie好大出入。$31嘅餐，我都冇要求啲咩，但求有野落肚。而家只有一肚气😅
继续阅读
食车仔面个面底好紧要有银针粉嘅车仔面一定唔会差再睇一睇个餐牌都好多都需要自己制作嘅𩠌每次去都要食佢个蚝皇小花菇其实都唔系小花菇，全部都大只厚身钟意佢个自家辣酱，香辣唔系死辣食完个车仔面唔会口干，就知道冇味精除咗车仔面之外，仲要推介埋佢地嘅真材实料无味精老火汤，每日新鲜煲，每日款式不同。钟意饮嘅原因系佢煲汤初初系煲俾自己一家人饮，有客人问有冇汤饮先决定煲多啲，所以碗汤点会输见到好多食评都话态度差，纯粹本人觉得食几十蚊嘢，真系唔需要讲求态度，好食就得啦，反而觉得佢哋两母女好友善，好好倾（睇吓你同唔同人打开心窗，态度双向嘅）
继续阅读
中午喺度买咗个外卖，台湾黑椒肠肉燥饭，黑椒肠得四条，饭嘅份量少到呢，只可以填满成个外卖盒嘅三分之一，小朋友都未必够饱，嘢饮系茶包，$58，真系赚到笑，服务态度又差。
继续阅读
今日首次试呢间小店，无叫太多特别菜式、就咁一碗出前一丁、冻奶茶同一碟鲜竹卷。基本上食物质素都合格有余、奶茶够滑，面底煮得刚刚好、$40完全系合理而且同同区比系满意嘅水平。而呢一编食评嘅重点系后加嘅鲜竹卷。先讲下价格先、一碟3件$30，相对只面嚟讲算小贵，但系一食就明佢唔系乱标价。先讲卖相、两面煎到少少啡色、加上即叫即煎，整体外表系吸引嘅。夹落去软身、本身以为会穿底而令我失望之际，夹起无散到(除咗有一条我唔确定系我落筷子𠮶下整穿定点)，睇到啲鲜竹好似个袋仔咁袋住啲馅、𠮶下就知有啲料到。咬落去有汁出，而且鲜竹都刚刚好、面个层香口、入面个层滑口、加埋馅料调味唔抢，呢个鲜竹卷帮我嘅下午茶加咗好多分。最后讲下其他食客话嘅态度方面，个人认为无问题 、老板娘言谈之间都透露出佢同自己食物品质嘅信心，对我嚟讲系吸引我回头帮衬嘅其中一个原素。
继续阅读