影片
以上资料只供参考，请与餐厅确认详情
相关文章
如果你太多钱想揾地方洗下钱。绝对适合你。一、首先叫咗鳗鱼饭。老板娘话冇晒细鳗鱼所以要加大鳗鱼首先加你38大元。原来睇返之前已经有食客遇到同样情况。二、叫过什么冲绳肠。老板娘话卖晒问你食唔食阿古猪。我哋话试吓啦。最后嚟咗一碟有七至八旧肥猪膏嘅物体。☠️肥猪糕。最后埋单嘅时候老板娘好用心咁同你解释每一碟𩠌嘅价钱。肥猪膏价值＄295。不特止， 仲话要加＄25加工费。 我以为我去咗鲤鱼门食海鲜。海鲜收返海鲜价，烹调费就另计。正！最后肥猪糕加埋一多谢＄350都唔得。三、鸡肉饭咸到你唔会想食。四、日式炒乌冬。 老板娘话系新菜式可以试。最后只系一碟炒乌冬。新菜式价值＄148再加一。五、我哋点秋刀鱼，老板娘话得返青鱼。 好彩冇叫。上面原来已经有即刻中咗计＄400.一条青鱼。六、最后老板娘请我哋饮汤。我哋以为佢好有人情味。 埋单时明晒最后四个人食饭。记住系一餐难食嘅饭。价值＄1340。我返屋企食杯面好过阿古猪肉:很肥鸡肉饭:非常咸日式炒乌冬:很普通的一个炒乌冬，但价钱十分贵大家自己小心啦。☠️
继续阅读
港版深夜食堂，卖嘅系时令食材新鲜，仲有独家自创菜色，招牌曼鱼饭，独家生蚝焗饭必食，呢个我最爱嘅菜式，用原只珍宝蚝加上日本米饭，再铺上自家制Motoyaki, 焗到表面金黄，内里米饭软熟，生蚝鲜味，三样野加埋十分配合👍👍，佢地每样食品都会配上日本新鲜蔬菜做配菜，价钱唔平，但物有所值👍👍👍！
继续阅读
第一次特登写评价, 因为寻晚餐饭实在背脊骨落到爆. 浪费时间都要比个负评.阿妹食过呢间餐厅好多次觉得唔错, 所以寻晚同佢一齐去堂食. 佢先到, 我差唔多到时CALL 佢, 佢话佢想食嘅鲭鱼套餐无晒, 店员推荐佢大条嘅鲭鱼,售价398, 可以两人一齐食就够, 我觉得唔值, 所以话唔要. 点知去到我同阿妹开始正式点餐, 个男职员话我地已经点左条大鲭鱼 , 而开放式厨房嘅女厨师亦话已经整紧啦. 我地都O 嘴, 我望住阿妹问佢系咪点左？佢话无, 话打电话问下先架WO. 但系阿妹个人劲心软, 见佢地整左就唯有接受啦, 仲安慰我话个鲭鱼汁好好味. 反正未试过咪算啰. 然后, 我地由8点开始等, 等到9点钟, 足足等左一个钟, 腰骨都赤埋, 因为坐得好唔舒服. 终于等到条鱼上台, 个职员竟然话无晒鲭鱼汁, 问我地要唔要鳗鱼汁, 心谂我要鳗鱼汁我不如食鳗鱼饭啦. 好彩个职员都醒水返, 去厨房即时整个汁, 原来只系蒜头辣椒柠檬汁加我估系罗勒叶鱼露之类调嘅汁.... 系o岩我口味嘅, 但唔特别. 之后我又发现, $148嘅鲭鱼餐包饭, $398呢个价只系一条鱼,而事后听阿妹讲呢条鱼最多只系大平时嘅一半. 而且条鱼唔去内脏, 原条焗, 好彩我几鯹嘅鱼都食倒, 如果唔系, 真系只能食鱼背了. 餐饭平均200几一个人. (一条鱼, 额外加一碗饭), 食唔饱都唔会再点其他野.就算佢其他菜式几好味我都唔会再去. 十分怀疑佢地根本卖唔出D货(大鲭鱼),所以强迫我地呢D心软唔想为难人嘅客人接受.最后, 就算条鱼来货价几贵都好, 经佢甘焗1个钟, 好干. 附近日本餐厅嘅6-70蚊嘅套餐都好食过佢好多好多.
继续阅读
这间店子日间是一间日本食品店，售卖特色日本食材。晚上店主阿波采用店子里的食材，为顾客烹调日式料理。因为当天他太太不在，一人分演数角，厨师，侍应，收银，清洁，超人上身，但仍可应付得到！慢工出细货，每款菜式，大概要等十五至三十分钟。店子营业至凌晨，全部座位是高椅设计，三五知己吹水的好地方，不太适合三岁以下小孩。店主见我家肥豆等得太久，主动给他们日本绿茶糖，非常窝心。餐单要whatsapp 店主阿波索取，以下餐单只作参考：我们点了最出名的鳗鱼饭。果然名不虚傅，上菜时不禁哗哗大叫！未见过鳗鱼饭块鳗鱼大到遮住Ｄ饭，鳗鱼差不多有半张Bar枱咁长！味道方面，鳗鱼好入味，饭是采用日本直送的珍珠米。不过，小朋友食要小心Ｄ，因为有小骨。整体上，是值得推介。接著是极级黑毛猪腩饭。外表不是极级吸引，但黑毛猪腩入口有升仙感觉！脂肪分布均匀，咬落肉汁即时浸入口腔，甘香四溢。 店主烹调时加了少许日本酒，配以少许甜甜的烧汁洋葱，更能带出甘甜效果。日本直送猪颈肉是店主推介，厚切令肉汁锁著，感觉好像吃多汁大件叉烧。美国黑毛牛芯肉饭，看似牛柳粒，吃起来口感像牛心，煮法像之前的黑毛猪腩饭。元贝蛏子鳕场蟹拉面虽然其貌不扬，但汤底既有猪骨的香味，又有海产的鲜味，我不禁问肥豆爸是否加了味精。店主听到便说：「如果有加味精，你回来找我吧！」元贝和蛏子虽是迷你版，但味道不俗。日本翅翼（柚子芝麻）是用日本阿波尾鸡，软嫩多汁，肉质本地鸡结实，口感十足。在日本这种鸡用来做刺身，是上等货色。店主很好客，临走请我喝了少许残波梅酒，令这一餐私房菜画上完美的句号。
继续阅读
我地一行三个人，放工专程嚟食传说中好好味好滑既走地鸡拉面（其实都几fusion，因为鸡系清远鸡）。说实话，西环真系好难再揾到可以安安静静既餐厅食饭了，自从地铁开通之后，连锁餐厅同高级西式餐厅如雨后春笋般开得遍地都是，稍微有点本土情怀既餐厅开始变得少之又少，所以我特别珍惜好似「万家厨房」呢种人少少既餐厅。总体而言，性价比都系不俗的。一个饭/拉面平既100都唔使，贵小小都有100几既选择，丰俭由人，但用料都系有一定水准。一餐饭3个人，食左500几，人均先100几，但除左食饱肚之外，仲额外收获多一份spiritual comfort。有时候人系矛盾既，安静又怕无生意，太旺又嫌太嘈杂，希望万家厨房可以长做长有，等我放工有一片净土哈哈！
继续阅读