影片
以上资料只供参考，请与餐厅确认详情
早上经过柏丽 见到呢度有间厚切三文治🥪小店铺头只提供外卖 除咗有厚切三文治仲有咖啡、果汁、飞碟三文治、特色手制意粉🍝厚切三文治种类都好多 挪威烟三文鱼、招牌沙嗲牛肉三文治、烟肉白汁碎蛋、仲有厚切午餐肉芫荽三文治 即刻试吓先厚切午餐肉芫荽三文治🥪面包底有烘过 不过无乜牛油味纯粹真系烘底 面包皮好硬 完全咬唔入口厚切午餐肉好厚 芫荽嗌咗多芫荽不过芫荽味都唔算重 鸡蛋唔系嫩滑除咗份量足 整体没有惊喜 试过一次就算了😐
继续阅读
喺英皇新都睇完早场电影, 过栢丽广场呢间外卖小店, 买咗个厚切餐肉蛋三文治做午餐, 估唔到卖相唔错, 味道就一般三文治咁, 馅料唔算多, 不过胜在够大份, 都几饱肚！有几位员工喺店舖内即场整, 透明度好高, 不过态度就麻麻...而且因为价钱稍贵嘅关系, 未必会再试食物了, 咖啡下次考虑会试下嘅...留意店舖嘅营业时间唔长, 好多时都唔开, 要小心摸门钉~
继续阅读
今日我买咗个飞碟，应该系$22，我见佢门口餐牌都写系$22，但佢收我$24。我再问多佢一次「乜唔系$22？」佢话：「$24」连张单都无俾到我。我明明上星期买过都系收$22，而佢贴出黎都系写$22，唔明点解要收我$24。我都费事同佢嘈点知食咗两啖，个粟米酸既，变坏咗。即刻拎返去同店员讲，佢即刻话退钱俾我，好彩佢都肯退返钱俾我。退返$24俾我。真系无下次！好后悔买咗佢呢间，明明个商场好多小食店，搞到我仲要去第二间再买野医肚
继续阅读
栢丽商场外卖店 行过路过见到即叫即整三文治同意粉，仲有好耐冇食过又唔系度度都有嘅飞碟。今次试咗杯咖啡，焦糖鲜奶咖啡M Size $31价钱来说不贵，味道比出面的咖啡店还要好员工耐心解答及介绍我饮什么咖啡而且外卖也简单的拉花，绝不马虎下次会再来试三文治（看见很多人排队买三文治）
继续阅读
以卖咖啡为主打嘅小店，咖啡之前试过ok, 但食物质素一般，长通粉份量唔多，味道偏淡，配饮品要加价，一个lunch闲闲地都超过$60，行远少少去附近商场会有更多选择。
继续阅读