影片
食家推介
招牌菜
相关文章
食记 (116)
作为大埔旧街坊嘅我，万利小食店绝对系我哋嘅童年回忆。以前中学就喺附近，早餐就食肠粉烧卖，午餐就嚟呢度买车仔面。佢嘅浓郁汤底，真系第二道食唔到，所以每次返大埔，万利小食店都系我嘅必然选择。肠粉混酱系常识吧！麻酱好幼滑，令肠粉更香更滑，加埋芝麻同甜酱，味道更有层次啦！牛腩、冬菇米粉（小辣）嚟万利车仔面就算唔叫牛腩都要加腩汁，因为腩汁肉香味浓，牛腩软腍，份量又多；冬菇炆到入晒味。平时食开中辣嘅A姐，嚟到呢度就要改叫小辣，因为佢哋呢度嘅辣真系唔讲得笑，辣味超浓，多惹味。通菜、萝卜、鱼蛋米粉（小小辣）通菜份量多，索咗辣汁就更好味；萝卜够甜又无渣；鱼蛋就正正常常，胜在成碗份量多，抵食！
继续阅读
同大埔嘅人讲起万利呢间小店未必个个人都会知，但讲起大埔中心马会投注站隔篱间车仔面就个个人都会知，毕竟呢间小食店陪伴咗唔少大埔友嘅成长。今日难得行去马会就顺便再帮衬，毕竟都好耐冇食过，小店主打车仔面同小食，两𩠌车仔面都系 $29 价钱算几吸引。车仔面叫咗猪红、猪肠同萝卜，呢度嘅猪红味道好正又够香，而猪肠亦处理得唔错，洗得干净又够咬口，唯一美中不足嘅系啲萝卜虽然好淋而且冇渣，但可惜唔够入味，另外一定要加埋小店自家嘅辣酱，辣酱味道香浓辣度适中，将成个车仔面再进一步升华。
继续阅读
嚟到这家食店，第一样必试嘅就系猪肠粉，夹带住一丝丝豉油同芝麻酱嘅香气飘出，只肠粉滑到冇朋友，入口即化嘅顺滑度，真系叫做一绝 🤤。紧接著嘅就系鱼蛋，个中带陈皮嘅微微苦涩，居然令鱼蛋嘅鲜味更突出，食落有阵阵清新感，真系食得出手艺同心思！热呼呼嘅烧卖，又软又弹，咬落嘅口感配上微辣嘅酱汁，正中夏日消暑，真系令人一次又一次拎筷子都停唔到手！行过万利小食店前，经唔住个香味吸引，试咗碗车仔面，发现身为香港人嘅舌尖竟然可以如此满足！个车仔面汤头鲜甜，再加上啲腩汁同微微辣椒，真系食落正！肠粉同烧卖真系绝配，一边滑溜嘅口感，一边弹牙嘅咀嚼，加埋豉油同辣酱，简直系口味大爆发。再饮口自家做嘅豆浆，清新爽口，帮衬完个人都心情愉快。依家多左个理由，下次经过大埔又要特登去光顾万利啦！🍜🥢🥟
继续阅读
呢间车仔面有好多年历史，而家仲保留住传统嘅怀旧小食- 猪肠粉、仲有鱼蛋同烧卖。姐姐拎住较剪剪肠粉既声, 感觉好似细个拖住父母喺街头等车仔档既外卖咁，肠粉一食入口就融化喺嘴度，每一口都好顺滑，加埋豉油、麻酱同甜酱，味道就更加丰富，好香好浓郁，令我一食就停唔低口。呢度既陈皮鱼蛋都系一个不可错过嘅小食，鱼蛋外脆内嫩， 陈皮嘅微酸同微苦可以平衡返鱼浆嘅鲜味，仲有阵阵既陈皮香，而烧卖亦系另一款令人爱不释手嘅小食，有咬口唔会有粉浆感觉 ， 同肠粉一齐食，味道互相衬托又开胃。支持地道小店，保留香港嘅传统味道同香港街头小食！
继续阅读
A first sip of hot broth is very satisfying. It is sightless salty. Spicy sauce can freely add on the broth. It is very appetising. The noodles has greatly texture with just the right amount of chewiness. The pig intestines are served in appropriate and bite-sized prices. It is slimy and well braised. The chicken wings and chicken tips was not too tough. Good taste!This bowl of noodles was tasty. The price is acceptable. I feel satisfied in this meal. I would highly recommend to everyone.
继续阅读
您可能会有兴趣的...