影片
以上资料只供参考，请与餐厅确认详情
今日带同老人家去沙田参观万佛寺顺便午饭都系寺内食斋。由入口开始行上去～讲真真系好吃力～尤其老人家一定要行下停下，因为成年人行上去都要十分钟多全斜坡的。沿路上山两旁都看到金色佛像，参观完寺庙时间刚刚好系午饭时间，带老人家去食斋。饭堂环境清幽，不用等坐下就有职员招呼，看过餐牌后点了六款斋菜。包括竹笙鸡丝素翅，凉瓜素鳗鱼，点心一碟两件（春卷同腐皮卷），冰冻凉粉同罗汉斋会伊面。每样𩠌都各具特色～好好味又清清淡淡。整体满分。伊面上的芽菜好香无草味凉粉好消暑腐皮好香又脆。一定会再黎～
继续阅读
每隔一阵时间都会上嚟万佛寺, 次次都会食埋晏先返落去, 但次次都挂住食冇影相写评, 今次终于记得~ 其实次次都系叫呢两样食, 因为钟意呢度食炒饭唔驶叫走葱, 不过当然比茶餐厅叫个炒饭贵, 但都算值得~ 锦绣粒炒饭都系果d素鸡粒, 什豆, 菜粒咁炒埋, 虽然唔系炒得好干身, 但都粒粒分明, 而且唔油又唔湿, 味道又啱, 唔会话斋炒饭就淡口~ 罗汉斋烩伊面 记得次次食都偏油, 但今次写食评时, 竟然唔油, 连拎比我地果个伯伯都话煮得靓~罗汉斋其实都冇话规定用乜, 呢度有菇、面筋、粟米芯、芽菜、云耳、红萝卜、素鸡, 都好丰富架~今次个汁又唔会太多, 太油, 太杰, 完全系正, 其实次次都系平日过咗食饭时间, 应该唔忙, 但今次真系特别煮得好, 唔知系换咗师傅定系师傅心情靓?
继续阅读
今日去沙田做野，正当唔知食乜野嘅时候，突然谂起不如去食个斋.... 未去过万佛寺嘅我，以为好近......... 问完人之后，原来系要行一大段路嘅... 不过唔紧要啦，顺便当做运动... 但原来大热天时撑上去都唔系讲笑，上到去真系汗流浃背...... 即刻睇睇menu有乜野食！主要系一人套餐（一款汤羹或小菜），配一碗白饭、其他单点小食鼎湖扒上素 ($60)等咗一阵，等到背脊都干晒终于有野食.... 份量算大，但其实系一堆素食捞埋一碟，不过算啦唔期望会有好靓嘅卖相；有木耳、草菇、冬菇、鲍鱼菇、粟米粒、红萝卜、腐皮、南瓜、沙角、小棠菜、面根、豆腐等，都几足料吖！ 不嬲唔钟意啲斋好油及蚝油芡好杰好咸，但呢个质感清爽，而且够热，味道OK啦；虽然饭系即刻喺电饭煲度拎出嚟嘅，但系拎到出嚟好快冻...
继续阅读
专登走去万佛寺参观。顺便食埋万佛斋厨中的斋老味一碟。碟斋有鸭肾等食材。当中有大量斋汁及咖哩汁。伴白饭食好味。加上入到万佛寺要食得清淡D。埋单要$50。 无计，全间万佛寺得一间素食店。
继续阅读
话说青蛙跟妈妈每年人日都会到万佛寺斋堂吃斋~今年正日要上班, 所以改了初九前来吃年度一次的斋。是日又跟妈妈慢步的上到了万佛寺, 看见斋堂食客不多, 便先坐下歇脚及来一个早午餐。易手了的斋堂已不如以往可以任吃粥或饭,甚至连粥也不提供了, 这令爱吃粥的妈妈失望不已。''万佛寺斋堂''的经营模式是以一人套餐为主, 可另单点小食~套餐中可选汤羹或小菜一款, 再配一碗白饭。基于选择不多, 唯有一人叫一客小菜套餐share吃吧 ^^腐球扒北菇图中大大片白色的是豆腐, 质感偏硬, 但味道一般;面筋与冬菇则非常索味好吃;而菜是烚熟铺底没有味道, 不过胜在够腍。豉椒素鳗鱼青蛙见有素鳗鱼, 好奇心驱使下点了这个小菜~素鳗鱼的皮其实就是紫菜,仿鳗鱼肉的应该就是卷了多层的腐皮~像真度不算高, 而且入口是非常韧, 亦不入味。整道菜更完全没有豉椒味, 跟腐球扒北菇的味道差不多, 有点误导成份。
继续阅读