萬豐

营业中

休息中

逢有新餐廳都會好奇想試吓😆😆是晚經過呢間就近太子地鐵站嘅新店～坐滿食客～而且望見裝潢風格頗有清新感～決定入去食個晚餐🍴.✨瀑布蟹肉蟹籽咖喱飯造型討好～拉開膠片汁料一湧而出🤩蟹籽x蟹肉增添了幾分鮮味🦀🦀creamy咖喱汁易入口！撈飯一流！跟餐+$20 熱泡沫咖啡☕香濃順喉！！.✨巨巨巨型豬扒揀咗配飯🍚自選要酸甜開胃嘅泰婆汁～件巨巨巨型豬扒超級引人注目🤣🤣巨形且厚身～肉質卻一啲都唔嚡🐽細嫩又保持到肉汁！！跟餐+$20 班蘭椰子沙冰🥥冰涼透心～班蘭香氣仲好突出👌🏻👌🏻.✨馬拉盞芥蘭苗芥蘭苗夠嫩口～炒後依然青翠～灑上咗炸蒜更惹味🧄🧄.✨小食拼盤分別有醃得入味兼勁嫩滑嘅香葉雞、軟腍帶有香料味道嘅魚餅、外脆內嫩嘅雞翼🤩🤩滋味十足！！

店員推介咗個「巨巨巨型套餐」畀我哋，個名咁得意，梗係要試下有幾「巨」啦！🦀 瀑布蟹肉蟹籽咖喱飯同樣係巨巨巨型套餐系列，呢個真係蟹肉蟹籽多到氾濫！平時見得多瀑布梳乎厘，今次竟然係「瀑布咖喱飯」，咖喱汁撈飯夠晒香濃，加上一大堆蟹肉蟹籽，食落真係滿足到爆。🥩 巨巨巨型豬扒一上枱，塊豬扒真係誇張到不得了，仲大過我手掌，見到即刻「嘩」咗聲出嚟。豬扒燒得啱啱好，肉質軟嫩多汁，帶住炭燒香味，有啲似食緊乳豬咁正。配嘅牛骨湯底好清，味道又濃郁，檬粉份量夠多，整碗麵完完全全配得上「巨型」呢個名。🍹 龍眼桂花蜜🍹 芒果菠蘿沙冰

旺角花園街覓食，萬豐真係一間隱世好店！主打越南河粉、東南亞咖喱飯，菜式選擇多又夠特色，味道有驚喜💯 餐廳位置方便，近太子站步行約5分鐘🚶‍♀️🌟 瀑布蟹肉蟹籽咖喱飯椰香咖喱濃郁微辣，蟹肉鮮甜加上粒粒蟹籽鹹香，完全停唔到口🤤 配白飯一流，必點之選！🌟 香茅雞翼 外皮金黃香脆，咬落多汁，香茅味超香！炸得剛剛好，肉質嫩滑🔥店員見雞翼太細隻仲特登俾多左隻我哋🤣🌟 香茅豬頸肉湯粉湯底清甜帶香茅的清新香氣，豬頸肉烤得微焦帶油香，口感爽脆，配湯粉非常開胃😋🌟 越式炒通菜蒜香十足，火候剛好，齒頰留香🧄 如果可以再大份啲就更好！🌟 凍泰式奶茶茶香濃郁，甜度剛剛好，解辣一流🥤

逛完花墟當然要去附近搵食花墟附近有一條美食街😂兩邊都係餐廳結果我就被呢間藍色外形的越南餐廳吸引🤩兩個人叫左兩份午餐+小食滿滿的一檯食物天氣熱叫左份冷麵好有驚喜酸酸甜甜非常開胃🤤同伴的冬陰公湯粉海鮮非常足料試左粒蝦好爽口炒通菜正正常常另加的小食雞翼好脆口生蝦個汁調得好好👍🏻口感又爽又凍最後再追加多一份反應個春卷就冇咩特別最後埋單$150內性價比非常高👍🏻👍🏻👍🏻加上員工服務態度好好👍🏻👍🏻👍🏻下次會再黎試晚餐💓

今日難得出九龍記起射腳座CC姐介紹過旺角有好食泰菜落大雨都兜過來試試佢一入門口 個男仔好好招呼高馬尾女仔都好好笑容一坐低就即刻遞張QRcode紙過來點完餐例牌自己搵餐具一做個動作 男仔就即刻遞餐具過來😅蟹子蟹肉瀑布咖哩飯 有得玩又有得食😆蟹肉多 咖哩濃 好食 同蝦片都好夾竟然可以加$10有2隻泰式生蝦 蝦鮮甜好味食完蝦想搵紙巾包一包蝦尾 好似瞬間轉移咁 個男仔即刻遞過來紙巾 一度我哋懷疑張檯係咪有隱藏收咪😆😆😆冬陰功湯酸辣 飲完好開胃 都足料 抵食

花墟附近泰菜去開太子附近 搵吓晚餐食咩好 見有網紅介紹過 就入去試吓唔使等位 唔知係咪太夜 當晚人流唔多由於唔係太肚餓 所以叫左1個主食 1個菜及小食 Share 黎食瀑布蟹肉蟹籽咖喱飯 $88見招牌寫住巨巨巨推介 當然要叫黎試吓係咪咁勁打卡一流 影相好正 搣開膠帶咖哩流出成個畫面好好睇 明白咩叫瀑布蟹肉蟹肉份量算多 咖哩味正常不算辣自家制金不換蜆肉脆餅 $48見自家制所以叫黎試試 確實唔錯 配搭新鮮 👍👍馬拉盞炒芥蘭苗正常操作 不過我覺得少少偏咸

🧜🏻‍♀️我就係比其他foodie reels 水左我去呢到😳都係為左呢個咖哩飯💡瀑布蟹肉蟹籽咖哩飯 $98 玩得睇得又食得椰香幾重嘅咖哩 加上蟹肉同蟹籽幾有口感但整體比個重味咖喱搶唒味🤣🪔生菜包 $9x 搞唔掂肉碎偏咸生菜雕🌸咁切到得一角角完全包唔到又放唔到肉碎最後放棄，一啖肉碎，一啖菜🙃💡加左小食 3隻雞翼 +$22反而幾juicy 調味剛好💡芒果菠蘿沙冰 +$1x 幾fresh 同大杯📕我見都幾多人叫特大豬扒飯 $98 豬扒都有成吋厚😲 2個人食都夠可以一試嘅 但我就未必反黎整體性價比 係個頭仲有其他好選擇😬

六月十七日下午十二時四十分，冒著雨與太太光臨花園街的萬豐用膳。雖天氣陰沉，但店內氣氛溫馨，令人感到舒適。我們點了慢煮牛舌湯粉及香茅豬頸肉飯，飲品為熱班蘭椰子咖啡及少甜的熱泰式奶茶。牛舌湯粉令人驚喜，牛舌軟腍而帶嚼勁，湯頭清澈鮮甜，湯粉份量充足，誠意十足。香茅豬頸肉飯亦不遑多讓，豬頸肉厚薄適中，外脆內嫩，香氣撲鼻，極具層次感。特別一提的是一位高挑綁馬尾的女服務員，細心周到，未經提示已主動奉上餐紙，體貼入微，服務態度值得一讚。萬豐在雨天中帶來一頓滿足的午餐體驗，絕對值得再次光顧。

花墟附近有間泰國餐廳,2-3人全日優惠套餐幾抵食。套餐有前菜、小食、主菜和飲品。🔸海鮮冬陰功蝦和青口很鮮味,冬陰功湯入口先酸後辣,但辣得很過癮。🔸炸泰式魚餅魚餅都幾辣,質地軟韌唔油膩,配上甜辣醬更惹味。🔸泰式香茅雞翼雞翼有香茅味,雞皮香脆,雞肉頗嫩。🔸蒜蓉魚露炒通菜通菜質地爽脆,蒜蓉夠多,有炸蔥令味道更豐富。🔸炭燒豬扒黃咖哩飯豬扒腍身,香茅味突出,黃咖哩質地濃稠,味道甜辣,配飯一流,蝦片頗脆。🔸馬拉盞炒飯配雞肉串雞肉用檸檬和香茅等香料醃製過,有焦香味,炒飯鹹香帶點甜味,炒飯唔會多油。🔸熱泰式檸檬茶茶的味道很濃,檸檬帶酸。🔸熱玫瑰花花蜜玫瑰花蜜味道濃郁,味道甜美。

味道好個人化，岩我食唔代表岩其他人食，所以如果我覺得唔好食，我會先諗左係唔係自己問題先。但今次里間餐廳一定唔係我個人問題👎🏻👎🏻蟹肉咖喱飯：蟹肉一定係攞貨，一分錢一分貨好正常，咖喱冇話特別偏甜或者偏鹹，都係正常口味。伏位係啲米，大家一定覺得米唔會有伏個喎，佢嘅米竟然係半生㗎。點睇得出？除咗咬落口係硬之外，我咬開一半睇。中間個芯有一半係實色嘅白色。問埋同行嘅友人，佢都覺得啲米係未熟。牛舌越南湯檬粉：湯底有明顯臊味，即使加青檸辣椒洋蔥，都未能遮蓋。牛舌算淋，但係黑色嘅舌苔未有任何處理，煮熟就咁上枱，有點驚嚇。通菜：菜係嫩，但係調味過咸生蝦刺身：非新鮮蝦，正常味道泰式奶茶：全餐最好食嘅，因為係正常味

係花墟買左兩個盆栽，就係隔離街食晚飯！好彩成條街都有野食，唔駛行好遠呢間越南餐廳嘅二人套餐好吸引‼️「越式小食拼盤」炸泰式魚餅口感好爽彈，旁邊嘅甜辣醬應該係自家調製過，味道比平時的更好食香葉雞有種咖喱香，雞肉juicy嫩滑「炭燒豬扒湯河粉」豬扒肉質好軟嫩，仲食到炭燒香❤️應該係即叫即炭燒，高質‼️牛骨湯底做base，河粉好索湯～～「馬拉盞炒飯配雞肉串」呢個炒飯非常惹味，配合埋炸乾蔥，令香味更加提升馬拉盞份量拿捏得很好，口味唔會太濃呢度嘅炸物 & 串燒都好出色

今晚到花園街逛逛，熱鬧的街道上看到新店鋪「Micro Pho Asian Cuisine」，專營越泰菜餚，也想嘗味。餐廳裝潢簡樸，服務良好，更推薦全日優惠套餐二至三人餐，我們立刻下單。海鮮冬陰功~有南薑、酸子、香茅、青蔥、酸檸檬、辣椒、蝦和草菇，材料豐富，酸辣鹹鮮，共冶一爐。泰式炸魚餅、泰式香茅雞翼、香葉雞、是小食拼盤，雞翼香脆，炸魚餅和香葉雞皆鮮香甜美。慢煮牛舌湯粉~我選擇濃雞湯配湯粉吃，簡單也是美味，慢煮牛舌原汁原味口感鮮嫩，而且份量也頗多，口感很滿足。馬拉盞炒飯配雞肉串~炒飯很香夠乾爽，配搭雞肉串和炸蝦片是很不錯！馬拉盞炒通菜~冶味嫩滑。還有涷和熱的玫瑰花蜜。三人行，我們還點選多一款小食和甜品：炸魷魚蝦枝春卷~造型有趣，像跳泰國傳統舞的女舞蹈員，手指上的金色長指套，味道不賴，外脆內鮮嫩爽口。椰香芒果糯米飯~香甜飽肚的傳統甜品，也可以說是芒果撈飯吃，椰漿是飯的醬汁，造型又像芒果糯米飯壽司，真係除了美味還帶給我們無限想像添。

喺附近花店行完，見到呢間新開越南泰國餐廳有個全日優惠2-3人餐，做緊7折，有齊前菜、小食、主食、飲品。前菜海鮮冬陰公呢個湯即時製作，會炒一炒啲海鮮，逼出啲鮮味，飲飲下都幾辣~小食包括咗4款，有炸泰式魚餅、泰式香茅雞翼、香葉雞、馬拉盞通菜，每樣各兩件，小食拼盤一樣咁豐富，香口美味，醃得夠入味主食炭燒豬扒湯粉豬扒有口感而且厚實，大大塊，經炭燒後，多了一個層次-煙燻香。豬扒就算浸入湯到，都唔會話淋晒～馬拉盞炒飯配雞肉串有我最鍾意的蝦片伴碟，雞肉串肉汁飽滿，炭燒香口。炒飯咸香味濃，惹味。飲品都可以揀2杯，養生系列有桂花花蜜和玫瑰花花蜜，清新系列有泰式檸檬茶 / 檸檬水，還有泰式風情的奶茶。

見好多網紅介紹，我哋一家人又去試吓，整體不錯，只是巨巨型豬扒有點淡口冇味，但厚切豬扒煮工唔鞋值得一讚，味道真心冇味，豬扒顏色一看已經好白，冇下次。泰式檸檬茶味道有點怪怪，本人不鍾意。香茅豬頸肉撈檬粉好味，撈檬汁唔酸，好味。瀑布蟹肉蟹籽咖喱飯掂👍🏻👍🏻，有下次。金不換蜆肉脆餅非常不錯，一定要食。

在界限街體育館做完運動，又累又肚餓，就附近食飯。就食越南泰國菜，快快點了個二人餐。有蒜蓉炒通菜夠鑊氣，炸蒜食完不會太大口氣，醒醒胃。再有生菜包，滿滿肉碎，爽口生菜，只看字眼，真會誤會係類似「上海菜肉包」。小食每款2件炸魚餅，香茅雞翼，香葉雞其中香葉雞較新穎特別，款式類似珍珠雞。正餐馬拉盞炒飯配雞肉串味道香濃，有種說不出的感興味道，應該是越南風味。跟餐兩杯飲品熱桂花花蜜; 凍玫瑰花花蜜清香帶甜，一試就夠。