一麵春風 (已結業)

慶祝週年紀念，入咗嚟愉景灣，因為我嘛嘛哋西餐，所以見到呢間食中菜就打算求其食一餐算啦。一上到餐廳，全場full曬，等咗一陣先有位。叫咗個二人套餐，跟例湯。咕嚕肉炸得乾身，有鍋氣，酸酸甜甜好開胃，好食😋醬燒茄子茄子好軟滑，唔單止得肉碎，仲有啲碎菇粒，夾埋肉碎食，又多一重口感，好食😋炒小棠菜相比前兩個餸菜，呢個就比較普通遜色咗啲啦，好清淡，基本上好似係淥菜。另外叫咗半只北京填鴨好好食，我本來以為應該嘛嘛哋，點知同出面主打食填鴨嘅餐廳水準差不多，好有驚喜，肉滑，鴨皮好有油脂香，但唔會太多肥膏。砂鍋雲吞雞見隔離枱食得好滋味，我哋都忍唔住叫咗半只。半只雞，雞肉都ok嘅，但偏小小鞋。雲吞好食😋仲有好多娃娃菜，好有咸香嘅火腿肉，個湯好好飲。仲叫咗一碗四川擔擔麵面嗰層油係偏辣，再撈匀最底嗰啲花生醬，中和返個辣度，好好味，個麵唔會太淋，而且都有幾多菇。如果下次再入愉景灣，我一定會再返嚟食，食咗咁多個餸，每一樣都好有水準，真係覺得好有驚喜，價錢同食物質素完全成正比。

去愉景灣酒店住一星期，自然唔會每一餐都係酒店裏面食，大部份時間其實都出咗碼頭搵食，碼頭其實大部份都係西餐，睇到都厭。睇返酒店俾你搵食指南，碼頭有一間上海菜，咁我就去咗食。餐廳裝修非常簡單，完全唔似愉景灣碼頭其他餐廳嘅高檔裝修。不過唔緊要，我真係想喺呢度絕無僅有嘅食中餐。我點左一個薺菜魚羹，侍應一送到上嚟我心裏面已經想鬧人，點解一個薺菜魚更可以冇菜得幾粒蔥，不過我渡緊假唔想發火，所以我冇出聲，就食咗一啖。點知一入口，我覺得非常之好食，雖然有少少味精，但係湯頭濃郁，魚又唔腥。然後就到個嫩雞煨麵，食物賣相都係非常之唔討喜，但係雞湯濃郁鮮味，煨麵煨到入晒味，我除咗食晒個面之外，連湯都飲埋，當然美中不足嘅就真係有少少味精啦。可惜愉景灣太遠，如果唔係一定會返轉頭再食。

愉景灣早前新開咗一間上海菜館， 加強咗食中菜嘅選擇。 餐廳裝修行簡約風格， 以木色為主。近窗邊有少量卡位座， 既有私隱又可以睇到景， 不過就先到先得，數量有限。呢度平日星期一至五都有提供兩款午市套餐， 客飯餐均一68蚊，而麵餐則均一58蚊， 價錢好經濟！至於日常菜牌， 選擇都好多元化。前菜及湯類 :主菜 :湯麵及飯類 :點心及飲品 :我今日揀咗食四川回鍋肉客飯套餐。🔸️ 例湯原來日日都唔同，今日就飲薯仔蕃茄豬骨湯 ，都算肯用料，幾清甜，唔油膩！🔸️ 四川回鍋肉雖然係幾十蚊嘅午餐，都交足貨，好有鑊氣！ 豬腩肉肥瘦均勻，肉質嫩滑。 椰菜淋甜配青紅椒。呢個餸微辣，但醬油汁蜜味可口，送飯頂呱呱！🔸️ 白飯新鮮熱辣，如果食唔哂，落單嗰陣講聲"少飯"，唔好嘥嘢！我? 嚟多碗都食得哂!

少去愉景灣，聽地產經紀說開了一家川菜很不錯。我們去到吃吃，午市沒有套餐，點了一個雞湯麵，湯頭濃厚。蔥油拌麵的蔥比較燶，算是香口。小籠包就不過不失，包較厚但湯汁算多。炸排骨脆身，排骨啖啖肉，豬味不算濃。

自助點餐系統，唔洗dl apps，一掃QR code，就有個menu！有午市套餐都幾貴，不過係愉景灣入面算平！叫左個 雲吞擔擔麵和豆漿+8蚊豆漿支裝夠衛生 ，飲唔曬又可以拎走！擔擔麵辣度可接受。個湯幾正宗！好有花生味，個湯算濃郁🥰份量好足，午餐一定夠飽！加左蝦乾 冬菇 菜浦雲吞都算薄皮 ，餡係白菜豬肉，有d似灣仔碼頭個隻🤣同事叫左個 南京牛肉闊麵！佢話個麵有韌度，唔會淋曬，個湯係腩汁！但牛腩偏少，多牛筋！要balance 翻先得👍🏻👍🏻👍🏻整體而言都唔錯，會再尼食，下次試下d小菜先